আজি অসমীয়া প্ৰাণৰ হেঁপাহৰ আজি গৰু বিহু ৷(Bohag Bihu 2025) চ’ত আৰু ব’হাগৰ সংক্ৰান্তি দিনা পালন কৰা এইগৰু বিহু উপলক্ষে ৰাজ্যজুৰি পাৰভঙা উচাহ ৷ গৰু বিহু দিনা পৰম্পৰা খাদ্য হিচাপে আমৰলি পৰুৱা টোপ খায় । সেয়ে উৰুকা বজাৰত ব্যৱসায়ীয়ে চৰা দামত বিক্ৰী কৰে ৷আনহাতে গৰুবিহুদিনা গ্ৰামাঞ্চলৰ বহুতে আমৰলি পৰুৱাৰ বাহৰ সন্ধানত পুৱাই ওলাই য়ায় ৷যিহতু আমৰলি পৰুৱাই বাহ বান্ধে ওখ গছৰ ডালত ৷সেয়ে ইয়াক সংগ্ৰহ কৰাটোও অত্যন্ত কষ্টকৰ কাম ৷ আমৰলি পৰুৱাৰ কামোৰত যথেষ্ট যন্ত্ৰণাভোগ হ’বলগীয়া পৰিস্থিতিৰ সন্মুখীন হ’বলগীয়া হয়৷ তৎসত্বেও প্ৰতিজন অসমীয়াই আজি আমৰলি পৰুৱাৰ টোপ সংগ্ৰহ কৰে ৷ লোকবিশ্বাস অনুসৰি–আজি দিনটোত আমৰলি পৰুৱা টোপ খালে বছৰটোলৈ নিৰোগী হৈ থাকে ৷ উচ্চ প্ৰটিনযুক্ত উৎকৃষ্ট খাদ্য হিচাপে বিবেচিত এই আমৰলি টোপে সু স্বাস্থ্য অটুট ৰখাত সহায় কৰে ৷ একেদৰে আজি দিনটোত লোক বিশ্বাস অনুসৰি প্ৰতিজন অসমীয়াৰ ঘৰৰ দুৱাৰমুখত টিকনি বৰুৱা নামৰ এবিধ লতাজাতীয় কাঁইটীয়া শাকো আঁৰি দিয়া নিয়ম ৷ তদুপৰি আজি দিনটোতে এশ এবিধ শাকেৰে ব্যঞ্জন ৰন্ধা উপৰিও আগদিনা ৰান্ধি থোৱা ঠাণ্ডা ভাতত পানী ঢালি খোৱা নিয়ম আছে ।

এই পৰম্পৰা সম্পৰ্কত ধেমাজিৰ তুলসীবাৰী গাঁৱৰ লোকঔষধি চিকিৎসক দেৱকান্ত কোচে কয় –“ আজি গৰু বিহু ৷ জনগোষ্ঠীৰ মাজত পৰম্পৰা চলি আহিছে যে আমৰলি পৰুৱা টোপ পাৰি খায় ৷ইয়াৰ কথাটো হ’ল যে আমাৰ শৰীৰ যিবিলাক Toxin আছে ৷ বিভিন্ন ধৰণৰ খাদ্য খাওঁতে দূষিত পদাৰ্থ জমা হ’ব পাৰে । আমৰলি টোপ ত এবিধ এচিড থাকে ৷ সেই এচিডটোৰ কাৰণে এবছৰলৈ ৰোগ মুক্ত হৈ থাকে ৷ এই কথাটো জনবিশ্বাসমতে চলি আহিছে আৰু ই বৈজ্ঞানিকভাৱেও সত্য ৷

দ্বিতীয় কথাটো হ’ল আজিৰ দিনটোতে বন শাক বা বন দৰৱ ১০১বা ১০৮টা খোৱা হয় ৷আমি জানো যে দ্ৰৱ্য গুন বুলিলে প্ৰতিটো বন ঔষধিতে ৰাসায়নিক ক্ৰিয়া থাকে । যিটো দেহৰ বাবে প্ৰয়োজন ৷এই সকলোবোৰ মিলাই চবজি হিযাপে খালে দেহৰ অসাংক্ৰাম্যতা বা ৰোগ প্ৰতেৰোধ ক্ষমতা বৃদ্ধি পায় “৷

গৰু বিহু দিনা টিকনি বৰুৱা কিয় দুৱাৰমুখত লগোৱা হয় ?

গৰু বিহুৰ সৈতে বিভিন্ন লোকবিশ্বাস আৰু পৰম্পৰা সমূহৰ ভিতৰত ইয়ো এটা অন্যতম ৷ হাবি বা বাৰীৰ চুকত প্ৰাকৃতিভাৱে উপলব্ধ হোৱা এই টিকনি বৰুৱা নামৰ এবিধ কাঁইটীয়া লতা জাতীয় গছ সংগ্ৰহ কৰি ঘৰৰ দুৱাৰ মুখত লগোৱা হয়৷

“দীঘলতী দীঘল পাত(Bohag Bihu 2025)

মাখি মাৰো জাত জাত

লাউ খা, বেঙনা খা,

বছৰে বছৰে বাঢ়ি যা।

মাৰ সৰু, বাপেৰে সৰু

তই হবি বৰ গৰু।”

আজি গৰু বিহু। মাহ-হালধীৰে গৰুক নোৱাই-ধোৱাই শ্ৰীবৃদ্ধি কামনা। লগতে দীঘলতি, মাখিয়তি পাতেৰে গৰুৰ গাত কোবাই, গা-ধুৱাই পৰম্পৰা ৰক্ষা কৰিছে ৰাইজে।

আজি গৰু বিহু, দীঘলতি, মাখিয়তি পাতেৰে গৰুৰ গাত কোবাই, মাহ-হালধীৰে গৰুক গা-ধুৱাই পৰম্পৰা ৰক্ষা বিধানসভাৰ উপাধ্যক্ষ ডাঃ নোমল মমিনৰ। ফটো চাওক-

পুৱাই বিধায়ক মৃণাল শইকীয়াই গৰুক গা ধুৱাই পৰম্পৰা ৰক্ষা কৰে।

মুখ্যমন্ত্ৰী হিমন্ত বিশ্ব শৰ্মা, গৃহমন্ত্ৰী অমিত শ্বাহ, কেন্দ্ৰীয় মন্ত্ৰী সৰ্বানন্দ সোণোৱালে অসমবাসীক জনালে ৰঙালী বিহুৰ শুভেচ্ছা।

ব’হাগ বিহুৰ শুভেচ্ছা জনালে নাগালেণ্ডৰ মন্ত্ৰী টেমজেন ইমনা আলঙে।

আমি সকলোৱে ব’হাগ বিহুত জেতুকা লওঁ, বিহুত জেতুকা লোৱাটো বহু পৰম্পৰাগত কাৰণত। জেতুকা এক ঔষধি উদ্ভিদ, বিহুৰ সময়ত হাতত লোৱাৰ বাবে(Bohag Bihu 2025)ব্যৱহাৰ কৰা হয় জেতুকা। জেতুকাৰ পাত পিহি হাতত লগাই, যাৰ ফলত হাত তলুৱাত সৃষ্টি হয় এক বিশেষ ৰং। কেৱল জেতুকা হাতৰ তলুৱাত বা সৌন্দৰ্যৰ বাবে ব্যৱহাৰ কৰা নহয়। জেতুকা পাতত আছে বহু ঔষধি গুণো। বহুতে জেতুকা চুলিতো ব্যৱহাৰ কৰে, ইয়াৰ ফলত চুলিব বহু সমস্যা দূৰ হয়। আনহাতে বহুতৰ মতে হাত বা ভৰিৰ তলুৱাত জেতুকা সানিলে বসন্তৰোগ প্ৰতিৰোধ কৰ। জেতুকা ব্যৱহাৰৰ কিছুমান কথা জানো আহক-

হাত- ভৰিৰ নখত হোৱা নখচুকীয়া, নখ ফটা , নখৰ বিষ, নখ ফুলা আদি সমস্যাত জেতুকা পাত লগাব লাগে।

চুলিত বহুতে জেতুকা পাত লগালে চুলি ঘন ,ক’লা আৰু মসৃন হয় লগতে চুলি সৰা বন্ধ হয় আৰু নতুন চুলি গজে আৰু অকাল পক্কতা দূৰ হয়। আনহাতে উচ্চ ৰক্তচ্চাপ ৰোগীয়ে জেতুকাপাতৰ প্ৰলেপ মুৰত সনাটো উপকাৰী ।
নিম্ন ৰক্তচ্চাপ ৰোগীয়ে এনে প্ৰলেপ মুৰত নলগাব।

দাঁতৰ আলু ফুলিলে, পকি পুজ ওলালে বা বিষ হলে জেতুকা পাতৰ ৰস লগালে কিছু আৰাম পায় ।

মুখৰ ভিতৰত, জিহ্বা নাইবা ডিঙিৰ ঘা, চাল উঠা বা তেনে সমস্যাত জেতুকাৰে কুলু কুলু কৰিলে কিছু আৰাম পাই ।

মৃগী ৰোগীৰ বাবে জেতুকা ৰস দুচামুচ গাখীৰৰ লগত খোৱাতো উপকাৰী বুলি কয় ।

শৰীৰত বগা দাগ , কুষ্ঠ ৰোগ আদিত জেতুকা খোৱাৰ লগতে বাহ্য প্ৰয়োগত সুফল পায় বুলি বিশ্বাস।