সংযুক্ত কৃষক মৰ্চাৰ আহ্বানত বৰক্ষেত্ৰীৰ অন্যান্য গণ সংগঠন সমূহে আজি মুকালমুৱাত কৃষি আৰু গণতন্ত্ৰ ৰক্ষাৰ দাবীত প্ৰতিবাদ সাব্যস্ত কৰে ৷ চিটু,কৃষক সভা,এছএফআইকে ধৰি কেবাটাও গণ সংগঠনে যৌথভাৱে নলবাৰীৰ মুকালমুৱাত প্ৰতিবাদ সাৱ্যস্ত কৰে ৷ মুকালমুৱা আদৰ্শ জাতীয় বিদ্যালয়ৰ পৰা সংগঠন সমূহে এটি প্ৰতিবাদী সমদল উলিয়াই ৷ সংগঠন সমূহৰ কৰ্মীসকলে কৃষি বচাওক দেশ বচাওক, গণতন্ত্ৰ ৰক্ষা কৰক, গণতন্ত্ৰ নিধক বিজেপি চৰকাৰ হায়-হায় ইত্যাদি শ্লোগান প্ৰদান কৰি মুকালমুৱাৰ মাজমজিয়াৰে গৈ প্ৰতিবাদী কাৰ্যসুচীটো ৰূপায়ন কৰে ৷ কাৰ্যসুচীত গণ সংগঠন সমূহৰ বৰক্ষেত্ৰী আঞ্চলিক সমিতিৰ নেতৃত্ব সকলে অংশগ্ৰহন কৰে ৷

টংলা পৌৰসভা নিৰ্দেশ মৰ্মে টংলা টাউনৰ ১ নং ৱাৰ্ডত থকা লোকজিত সুতাৰ নামৰ ব্যক্তিজনৰ বাৰীত থকা বাহ এজোপাত শ শ বগলীয়ে বাস কৰি পৰিৱেশ বিনষ্ট কৰা বুলি পৌৰসভাই বাহজোপা কাটি দিয়াৰ পিছত প্ৰায় ৩০০ বগলী পোবালীৰ মৃত্যু হোৱা ঘটনাক অসম জাতীয়তাবাদী যুৱ ছাত্ৰ পৰিষদে তীব্ৰ গৰিহণা আৰু ধিক্কাৰ জনাইছো ৷ মানৱীয়তাৰ চুড়ান্ত অৱক্ষয় হোৱা এই ঘটনাৰ পিছত অঃজাঃযুঃছাঃপঃ টংলা আঞ্চলিক সমিতি আৰু ওদালগুৰি জিলাৰ বিষয়ববীয়াই উচিত তদন্তৰ দাবী জনাই দোষীৰ শাস্তিৰ দাবী জনাইছে ৷

ডিব্ৰুগড় জিলা লাহোৱাল আৰক্ষী চকী আৰু ঘোঁৰামৰা আৰক্ষী থানা সীমাত থকা ঐতিহাসিক জয়পুৰ নাহৰকটিয়া পথৰ মৰাপাট মেলেঙীয়ালৰ সীমাৰেখা চেঁচা নদীত তীব্ৰবেগী ডি ৱাই দুৰ্ঘটনাগ্ৰস্ত হয়।সৌভাগ্যক্ৰমে গাড়ীখনত থকা  চালককে ধৰি তিনিজন লোকৰ প্ৰাণ ৰক্ষা পৰে।এ এছ ০৬-১২৫৭ নম্বৰৰ ডি ৱাই মালবাহী গাড়ীখনত জে চি বি গাড়ী সা সঞ্জাম বুজাই কৰি আনিছিল।লাহোৱাল আৰক্ষী চকী ভাৰপ্ৰাপ্ত বিষয়া অনুপম গোৱালা ঘটনাস্থলীত উপস্থিত হোৱা লগতে এছডিআৰএফ বাহিনীৰ জৰিয়তে গাড়ীখন উদ্ধাৰ কৰা লগতে চালককে ধৰি আটাইকেইজনক চিকিৎসাৰ বাবে চিকিৎসালয়লৈ প্ৰেৰণ কৰিছে।

ReplyForward

এটুপি বিশুদ্ধ খোৱাপানীৰ বাবে হাঁহাকাৰ  অৱস্থাৰ সৃষ্টি হৈছে নগাঁও জিলাৰ বঢ়মপুৰ উন্নয়ন খণ্ডৰ অন্তৰ্গত নগাঁও-কাৰ্বিআংলং সীমান্তৰ আমডাঙ্গা অঞ্চলবাসী ৰাইজৰ।দেশ স্বাধীন হোৱাৰ সুদীৰ্ঘ ৭৪ বছৰৰ পাছতো জিলা খনৰ বঢ়মপুৰ সমষ্টিৰ মিকিৰ-বামুনী গ্ৰান্টৰ আমডাঙ্গাৰ শ শ লোকে অঞ্চলটোত জনস্বাস্থ্য কাৰিকৰী বিভাগৰ কোনো ধৰণৰ বিশুদ্ধ খোৱা পানীৰ যোগানৰ ব্যৱস্থা নথকা হেতুকে মাটিৰ গেলা কুঁৱাৰ দুষিত পানীকে সেৱন কৰি ৰুগীয়া হ’ব লগীয়া হৈছে।  নগাঁও-কাৰ্বিআংলং জিলাৰ সীমামূৰীয়া এই পাহাৰীয়া অঞ্চলৰ ৰাইজে এটুপি বিশুদ্ধ খোৱা পানীৰ ব্যৱস্থা কৰি দিবৰ বাবে বিভিন্ন সময়ত চৰকাৰৰ প্ৰতিনিধি, জনস্বাস্থ্য কাৰিকৰী বিভাগ, বঢ়মপুৰ উন্নয়ন খণ্ডক অনুনয় বিনুনয় কৰিও আজি পৰ্যন্ত কোনো সুফল নাপালে। জনস্বাস্থ্য সুৰক্ষাৰ হেতুকে বিশুদ্ধ খোৱা পানী অতি প্ৰয়োজন যদিও বঢ়মপুৰ সমষ্টিৰ অন্তৰ্গত  মিকিৰ-বামুনী গ্ৰান্টৰ আমডাঙ্গাৰ ৰাইজে নিজৰ তৃষ্ণা নিবাৰণৰ বাবে খাব লগা হৈছে পৰিত্যক্ত কুৱাঁ,খাল-বিল আদিৰ দূষিত পানী ।যি পানী সেৱন কৰি থকাৰ বাবে অঞ্চলটোৰ বহু লোক বিভিন্ন ৰোগত আক্ৰান্ত হৈ  অসুস্থ হৈ পৰিছে। বিশেষকৈ চালৰ ৰোগ, জণ্ডিছ আদি ৰোগে লগ নেৰা হৈছে এই দুৰ্ভগীয়া লোক সকলক।এই ক্ষেত্ৰত নতুন চৰকাৰখনে কি ব্যৱস্থা গ্ৰহণ কৰে সেয়া লক্ষণীয় বিষয় হৈ পৰিছে।

• মহানগৰীৰ ফটাশিলত দিন-দুপৰতে ডকাইতি
• এখন ক’লা ৰঙৰ পালচাৰত অহা দুজন দুৰ্বৃত্তই লুটি নিলে নগদ ৩৫ লাখ টকা
•  এখন ইন’ভা গাড়ীৰ ভিতৰত এটা বেগত আছিল টকাখিনি
•  ইন’ভা গাড়ীখনৰ নম্বৰ AS 01 DU 0003
• ফটাশিলৰ HDFC বেংকৰ সন্মুখৰ পৰা লুটিলে ধনখিনি
   ব্যৱসায়ী ভবেন্দ্ৰ পাল সিঙৰ আছিল টকাখিনি

ৰাজ্যৰ খাদ্য আৰু যোগান বিভাগৰ মন্ত্ৰী ৰঞ্জিত দাসৰ আহ্বানৰ প্ৰতি সঁহাৰি জনায় নগাঁৱৰ একাংশ চৰকাৰী চাকৰিয়াল আৰু বিত্তৱান লোকে ৰাষ্ট্ৰীয় খাদ্য সুৰক্ষা আঁচনিৰ ৰেচন কাৰ্ড যোগান বিভাগক ঘূৰাই দিছে। সেই উপলক্ষে আজি নগাওঁ আৱৰ্ত ভৱনত অনুষ্ঠিত এক অনুষ্ঠানত নগাওঁ সদৰ বিধান সভা সমষ্টিৰ অন্তৰ্গত দক্ষিণপাট সমবায় সমিতিৰ চৰকাৰী চাকৰিয়াল আৰু আর্থিকভাৱে সবল লোকসকলে তেওঁলোকৰ ৰেচন কাৰ্ডসমূহ নগাওঁ জিলা খাদ্য আৰু অসামৰিক যোগান বিভাগৰ বিষয়াৰ হাতত জমা দিয়ে। এই উপলক্ষে অনুষ্ঠিত অনুষ্ঠানত অংশগ্ৰহণ কৰি নগাওঁ সদৰ সমষ্টিৰ বিধায়ক ৰূপক শৰ্মাই কয়, “মুখ্যমন্ত্ৰী ডঃ হিমন্ত বিশ্ব শৰ্মাৰ নেতৃত্বাধীন চৰকাৰে প্ৰকৃত দৰিদ্ৰ হিতাধিকাৰী ৰাষ্ট্রীয় খাদ্য সুৰক্ষা আঁচনিৰ পৰা যাতে বঞ্চিত নহয় তাৰবাবে পদক্ষেপ গ্ৰহণ কৰিছে। সেয়ে অসমৰ খাদ্য আৰু যোগান মন্ত্ৰী ৰঞ্জিত দাসে ৰাজ্য খনৰ চৰকাৰী চাকৰিয়াল আৰু আর্থিকভাৱে সবল লোকসকলক তেওঁলোকৰ ৰেচন কাৰ্ড সমূহ ঘূৰাই দিবলৈ আহ্বান জনাইছিল। সেই আহ্বানৰ প্ৰতি সঁহাৰি জনায় নগাঁৱত চৰকাৰী চাকৰিয়াল আৰু বিত্তৱান লোকে ৰেচন কাৰ্ড ঘূৰাই দি সমাজৰ বাবে এক ভাল বাৰ্তা প্ৰেৰণ কৰিছে। ইয়াৰ দ্বাৰা প্ৰকৃত দৰিদ্ৰ হিতাধিকাৰীসকল লাভৱান হব।” এতিয়াও যিসকল চৰকাৰী চাকৰিয়াল আৰু বিত্তৱান লোকে ৰেচন কাৰ্ড সমূহ ঘূৰাই দিয়া নাই তেওঁলোকক শীঘ্ৰে ৰেচন কাৰ্ড সমূহ ঘূৰাই দিবলৈ বিধায়ক গৰাকীয়ে আহ্বান জনায়। আজি এই অনুষ্ঠানত নগাওঁ জিলা খাদ্য আৰু অসামৰিক যোগান বিভাগৰ উপসঞ্চালক অলকেশ দাস, দক্ষিণপাট সমবায় সমিতিৰ সভাপতি ঘন দাসকে ধৰি খাদ্য আৰু যোগান বিভাগৰ কেইবাজনো বিষয়াই আংশগ্ৰহণ কৰে।

কেইবা লক্ষাধিক টকাৰ ড্ৰাগছ সহ চাৰি অপৰাধী আৰক্ষীৰ জালত

আৰক্ষীয়ে চাৰি যুৱকৰ পৰা উদ্ধাৰ কৰে বৃহৎ পৰিমানৰ ব্ৰাউন চুগাৰ,হেৰোইন,ড্ৰাগছ ভৰ্তি কোন্টেইনাৰ, মোবাইল ফোন পাঁচটা এখন চাৰি চকীয়া বিলাসী বাহনৰ লগতে তিনিখন বাইক জব্দ কৰে

আৰক্ষীয়ে গ্ৰেপ্তাৰ কৰে ড্ৰাগছ সৰবৰাহকাৰী ক্ৰমে থুলুংগা বসুমতাৰী,মানাস প্ৰতীম চৈতেন্দ্ৰ,ম:আলিউদ্দিন ৰহমান আৰু সঞ্জয় বসুমতাৰীক আৰক্ষীয়ে গ্ৰেপ্তাৰ কৰে

বিজেপি নেতা ৰনঞ্জাং খুংগুৰ বসুমতাৰী ওৰফে ৰাম দাসৰ পুত্ৰ ধৃত থুলুংগা বসুমতাৰী

ৰনজাং খুংগুৰ বসুমতাৰী বিধান সভা নিৰ্বাচনত তামুলপুৰ সমষ্টিৰ পৰা বিপিএফৰ পৰা টিকট লাভ কৰি বিজেপিত যোগদান কৰিছিল

বাক্সাৰ শিমলা আৰক্ষী থানাৰ ভাৰপ্ৰাপ্ত আৰক্ষী বিষয়া বিজয় দৈমাৰী আৰু শালবাৰী মহকুমা আৰক্ষী বিষয়া সমীৰন বশ্যৰ নেতৃত্বত এই বৃহৎ সাফল্য

অধিক তথ্যৰ বাবে চাৰিও জনকে শিমলা আৰক্ষীয়ে জেৰা অব্যাহত ৰাখিছে