অসমৰ লাখ লাখ লোক অন্ন বস্ত্ৰৰ সমস্যাত ককবকাই  সথকাৰ সময়তে ধুবুৰী সাংসদীয় সমষ্টিৰ চূকে কোনে হেলিকপ্টাৰ উৰুৱাই হোজাইৰ হবিব মহম্মদ চৌধুৰীয়ে  নিজৰ পৰিচয় দাঙি ধৰি শৈক্ষিক দিশৰ সজাগতা সভা অনুষ্ঠিত কৰাৰ অভিযান অব্যাহত ৰাখিছে ।  আজি গোৱালপাৰা পশ্চিম সমষ্টিৰ চুনাৰী মহাবিদ্যালয় প্ৰাঙ্গনত হেলিকপ্টাৰেৰে উপস্থিত হয় আন্তৰাষ্ট্ৰীয় ব্যৱসায়ী হবিব মহম্মদ চৌধুৰী। সভাৰ আৰাম্ভণীতে হবিব মহম্মদ চৌধুৰীৰ জীৱনৰ কাৰ্য ক্ৰমণিকাৰ আৰু পৰিচয় দাঙি ধৰে মেদিনী গগৈয়ে। জে এফ ফাউন্ডেচন আৰু মাইনৰিটি ডেভেলপমেন্ট ছচিয়েল ৱেলফেয়াৰ এন জি ও ৰ উদ্যোগত অনুষ্ঠিত সভাত অংশগ্ৰহণ গ্ৰহণ কৰি বিশিষ্ঠ ব্যাৱসায়ী চৌধুৰীয়ে ভাষণ প্ৰসংগত কয় যে সংখ্যালঘূ জনসাধাৰণ  ভয় ভীতিৰ  মাজত চলি আছে আৰু শিক্ষা দীক্ষাৰ দিশত পিছ পৰি আছে। কাৰিকৰী দিশত প্ৰশিক্ষণ দি এওঁ লোকক কৰ্ম সংস্থাপন দিয়া হল ফাউন্ডেচনৰ লক্ষ্য । সাংবাদিকৰ এক প্ৰশ্নৰ উত্তৰত  হিন্দুয়ে মচুলমানক নহয় মচুলমানে  মুছলমানে কাজিযা কৰা বুলি কয় । ধৰ্মীয় গোড়ামিৰ ৰাজনীতিক সকলে সাধাৰণ ৰাইজক ঠগি আৰু ব্যবহাৰ কৰি আছে বুলি  মন্তব্য কৰে।উল্লেখযোগ্য যে উক্ত সভাতে ভাষন আগবঢ়ায় চুনাৰী মহাবিদ্যালয়ৰ অধ্যক্ষ আব্দুল ছালামকে ধৰি ভালেকেইজন নেতাই ।

বৰপুখুৰীৰ (পীৰবজাৰ) মাৰাম একাডেমীত দুদিনীয়াকৈ “জিলা ভিত্তিক অসমীয়া আখৰ জোঁটনি আৰু উচ্চাৰণ” কৰ্মশালাৰ আয়োজন কৰা হয়। যমুনাপৰীয়া শাখা সাহিত্য সভাৰ ব্যৱস্থাপনাত আয়োজন কৰা কৰ্মশালাখনি জানুৱাৰীৰ ৯ আৰু ১০ তাৰিখে আয়োজন কৰা হয়।

হোজাই জিলা ভিত্তিক কৰ্মশালাৰ সন্দৰ্ভত সভাৰ হোজাই জিলা সম্পাদক অনুপ কুমাৰ বৰঠাকুৰে জাৰি কৰা প্ৰেছ বাৰ্তা অনুসৰি প্ৰথম দিনা হোজাই, মোৰাঝাৰ, পদুমনি, পীৰবজাৰ, চাৰিংপথাৰ আদি অঞ্চলৰ অসমীয়া মাতৃভাষা মাধ্যমৰ বিদ্যালয়সমূহৰ প্ৰায় দুই শতাধিক ছাত্ৰ-ছাত্ৰীয়ে ব্যাপক সহাৰি জনায়। এই উপলক্ষে পুৱা ৯:০০ বজাত ব্যৱস্থাপক শাখা সাহিত্য সভা, যমুনাপৰীয়া শাখা সাহিত্য সভাৰ সভাপতি চাবিৰ আহমেদে অসম সাহিত্য সভাৰ পতাকা উত্তোলন কৰে। অসমৰ জাতীয় মহাসভাখনৰ জন্মৰ এশ চাৰিবছৰৰ অন্তত জিলাখনৰ উত্তৰ দিশৰ অত্যন্ত পিচপৰি থকা বৰপুখুৰী এলেকাত প্ৰথম বাৰৰ বাবে অসম সাহিত্য সভাৰ পতাকাখন উত্তোলন কৰিবলৈ পাই ধন্য হোৱা বুলি উল্লেখ কৰাৰ লগতে অসমীয়া ভাষা আৰু জাতিৰ সংকট মুক্তৰ বাবে সকলোকে মাৰবান্ধি থিয় দিবৰ সময় সমাগত বুলি কয়। কৰ্মশালাৰ আনুষ্ঠানিক ভাৱে উদ্বোধন কৰি বিশিষ্ট সাহিত্যিক ড: সাৰদানন্দ দেৱগোস্বামীয়ে ভাষাটোক বিজতৰীয়া হোৱাৰ পৰা ৰক্ষা কৰিবলৈ হ’লে উঠি অহা চামক এনেধৰণৰ কৰ্মশালাৰ মাধ্যমত অসমীয়া ভাষাৰ কালিকাখিনি উপলব্ধি কৰাবই লাগিব বুলি কয়। ভাষণ প্ৰসংগত তেখেতে ছাত্ৰ-ছাত্ৰীৰ লগতে বিষয় শিক্ষকসকলেও কৰ্মশালাত অংশগ্ৰহণ কৰা আৱশ্যক বুলি কোৱাৰ উপৰিও কয় যে শিক্ষকেই যদি উচ্চাৰণ অশুদ্ধকৈ কৰে ছাত্ৰই ক’ৰ পৰা শুদ্ধকৈ শিকিব।কৰ্মশালাৰ দ্বিতীয় দিনাও পুৱা ১০ বজাৰ পৰা প্ৰশিক্ষণ আৰম্ভ হয়। দিনৰ ১:০০ বজাত কৰ্মশালাৰ অন্তত জিলা সভাপতি ড: গুণেশ্বৰ শইকীয়াৰ সভাপতিত্বত অনুষ্ঠিত মুকলি সভাত যমুনাপৰীয়া শাখা সাহিত্য সভাৰ সভাপতি চাবিৰ আহমেদে আদৰণী ভাষণ প্ৰদান কৰে। বিশিষ্ট অতিথি হিচাপে উপস্থিত থাকি অধ্যাপক ড: হাচিনুচ চুলতানে আজিকালি অসমীয়া ভাষা ব্যৱহাৰ কৰা সকলে সততে জানি বা নাজানি কৰি অহা বানান বিভ্ৰাটৰ বিষয়ে বহলাই কয়। মুকলি সভাত বিশিষ্ট গল্পকাৰ সিদ্ধাৰ্থ শংকৰ বেজবৰুৱাই কবি চাদিকুজ জামানৰ কাব্যপুথি ‘এজাক বৈৰী মানুহৰ সমাজ’ উন্মোচন কৰে।দুদিনীয়াকৈ আয়োজন কৰা কৰ্মশালাখনৰ মুখ্য সমল ব্যক্তিৰূপে উপস্থিত থাকে ৰহা বুনিয়াদী প্ৰশিক্ষণ কেন্দ্ৰৰ অধ্যক্ষা ড: নিৰলা দেৱী আৰু সহ-সমল ব্যক্তিৰূপে চয়নিকা ডেকা। দুয়োগৰাকী সমল ব্যক্তিয়ে ছাত্ৰ-ছাত্ৰীসকলক অসমীয়া বৰ্ণৰ উচ্চাৰণ আৰু বানান সম্পৰ্কে বিতংকৈ প্ৰশিক্ষণ দিয়াৰ লগতে হোজাই সাহিত্য সভাৰ সভাপতি ডা: শ্বামছুল হকে ছাত্ৰ-ছাত্ৰীসকলক উদ্দেশ্যি মূল্যৱান ভাষণ প্ৰদান কৰে। উল্লেখ্য যে, প্ৰথম দিনাৰ কৰ্মশালাত প্ৰাথমিক পৰ্যায়ৰ ছাত্ৰ-ছাত্ৰীসকলক স্বৰবৰ্ণ আৰু ব্যঞ্জনবৰ্ণৰ সঠিক উচ্চাৰণ কেনেকৈ কৰিব লাগে তাৰবাবে প্ৰশিক্ষণ প্ৰদান কৰে ড: সাৰদানন্দ দেৱগোস্বামী আৰু আবৃত্তিকাৰ অচ্যুত ঠাকুৰীয়াই। জিলা সভাপতি ড: গুণেশ্বৰ শইকীয়াৰ উপস্থিতিত  কৰ্মশালাখনৰ সামগ্ৰীক পৰিচালনাৰ দায়িত্বত জিলা সভাৰ সহকাৰী সম্পাদক যোগেন দত্ত, ৰামধেনু উপ-সমিতিৰ আহ্বায়ক প্ৰতাপ বৰুৱা, শাখাৰ সভাপতি চাবিৰ আহমেদ, শাখা সম্পাদক চাদিকুজ জামান আৰু অভ্যৰ্থনা সমিতিৰ সম্পাদক আবু চুফিয়ান আদিয়ে উপস্থিত থাকে।সভাৰ অন্তত প্ৰশিক্ষাৰ্থীসকলক প্ৰশংসা পত্ৰ প্ৰদান কৰা হয়। শেষত সভাপতি ড: গুণেশ্বৰ শইকীয়াই অসম সাহিত্য সভাৰ উদ্দেশ্য আৰু লক্ষ্যৰ দিশত দুদিনীয়া কৰ্মশালাখন এক ইতিবাচক পদক্ষেপ বুলি উল্লেখ কৰি অসমৰ সকলো জাতি জনগোষ্ঠীক সামৰি বৃহত্তৰ অসমীয়া জাতি গঠণৰ দিশত জাতি, ধৰ্ম নিৰ্বিশেষে প্ৰতিজন অসমবাসীৰে কৰণীয়খিনি নিষ্ঠাৰে আগবঢ়াবলৈ আহ্বান জনায়। হোজাই জিলা সাহিত্য সভাৰ দ্বাৰা পোন প্ৰথমবাৰৰ বাবে লোৱা এনে প্ৰয়াসৰ প্ৰতি অঞ্চলবাসীয়ে দেখুৱা অকুণ্ঠ সহযোগে জাতীয় মহাসভাখনৰ প্ৰতি একাত্মতা অধিক দৃঢ হোৱা পৰিলক্ষিত হয়, জাতীয় সংগীতেৰে কৰ্মশালাৰ সমাপ্তি ঘোষণা কৰা হয়।

সদৌ অসম মটক যুৱ-ছাত্ৰ সন্মিলন চিৰিংহোলা আঞ্চলিক সমিতিৰ উদ্যোগত দশম বাৰ্ষিক ডিব্ৰুগড় জিলা ভিত্তিত প্ৰাইজমাণি মাৰাথন দৌৰ প্ৰতিযোগিতাখন আজি অনুষ্ঠিত হয়। পুৰুষ আৰু মহিলা উভয় শাখাতে সম্পন্ন হোৱা প্ৰতিযোগিতাত পুৰুষৰ শাখাত জকাইৰ ৰতন উৰাঙে, ভাদৈ পাঁচআলিৰ সঞ্জয় ভূমিজে দ্বিতীয়, খাঁজিখোৱাৰ মানচিত অৰেয়াই তৃতীয় আৰু ছোৱালীৰ শাখাত ডিকমৰ নদিয়া পাতৰে প্ৰথম, চাবুৱাৰ পিংকী মাঝিয়ে দ্বিতীয়, ডিকমৰ লক্ষী পাতৰে তৃতীয় স্থান লাভ কৰে। প্ৰতিযোগিতাত দশম স্থানলৈকে বঁটা প্ৰদান কৰা হয়। বঁটা বিতৰণী সভাত লাহোৱালৰ বিধায়ক ঋতুপৰ্ণ বৰুৱাই মুখ্য অতিথি ৰূপে অংশ লয়। আনহাতে আমন্ত্ৰিত অতিথি হিচাপে সদৌ অসম মটক যুৱ-ছাত্ৰ সন্মিলনৰ সভাপতি ডেভিদ চেতিয়া, উপ-সভাপতি দেৱজিত ৰাজখোৱা, সহকাৰী সম্পাদক দেৱঋষি চেতিয়া, ক্ৰীড়া সম্পাদক গিৰিণ চেতিয়া, সাংগঠনিক সম্পাদক ৰূপজ্যোতি বুঢ়াগোঁহাই, তথ্য আৰু প্ৰচাৰ সম্পাদক দীপজয় শইকীয়া, আপকুৰ ডিব্ৰুগড় জিলাৰ সভাপতি ধৰণী গগৈ, লাহোৱাল জিলা পৰিষদৰ সদস্য ভূপেন কুমাৰ গগৈ, আৰ ডি শৈক্ষিক কেন্দ্ৰৰ সঞ্চালক মনোজ ধানোৱাৰ, চিৰিংহোলা গাঁও পঞ্চায়তৰ সভাপতি ঋতু গোঁহাইৰ লগতে বিশিষ্ট ব্যক্তিসকল উপস্থিত থাকে। মুখ্য অতিথিৰ ভাষণ প্ৰসংগত বিধায়ক ঋতুপৰ্ণ বৰুৱাই চিৰিংহোলা আঞ্চলিক মটক যুৱ-ছাত্ৰ সন্মিলনৰ ভূমিকাক শলাগ লৈ ক্ৰীড়াক্ষেত্ৰত সহযোগিতা কৰাৰ আশ্বাস প্ৰদান কৰে। চৰকাৰেও ক্ৰীড়া উন্নয়নৰ বাবে গ্ৰহণ কৰা বিভিন্ন আঁচনি আৰু কৰ্মৰ কথা উল্লেখ কৰে। লাহোৱাল ক্ৰীড়া সন্থাৰ বিভিন্ন অনুশীলনৰ কথা ব্যক্ত কৰে দীপজয় শইকীয়াই। মনোজ ধানোৱাৰেও শুভেচ্ছামূলক বক্তব্য প্ৰদান কৰে। পুৱা ল’ৰাৰ আৰু ছোৱালীৰ প্ৰতিযোগিতাৰ শুভাৰম্ভ কৰে টিংৰাই আৰক্ষী চকীৰ ভাৰপ্ৰাপ্ত বিষয়া পোপাল গগৈ আৰু টেঙাখাত আৰক্ষী থানাৰ ভাৰপ্ৰাপ্ত বিষয়া ৰিতুলমণি দাসে। প্ৰতিযোগিতাৰ আগদিনা ভূপেন হাজৰিকাৰ প্ৰতিচ্ছবিত মাল্যাপৰ্ণ আৰু বন্তি প্ৰজ্বলন কৰে অৱসৰপ্ৰাপ্ত শিক্ষক সোমেধৰ বৰুৱাই। ছহিদ তৰ্পণ কৰে চিৰিংহোলা বাপঙজী যুৱক সংঘৰ উপদেষ্টা ভৱেন গগৈয়ে। বৃক্ষৰোপন কৰে ঘোঁৰামৰা আৰক্ষী চকীৰ ভাৰপ্ৰাপ্ত বিষয়া জ্যোতিষ কুমাৰ নথ, বলোৰাম কোঁৱৰ প্ৰাথমিক বিদ্যালয়ৰ প্ৰধান শিক্ষয়িত্ৰী দীপা শইকীয়া আৰু চিৰিংহোলা মধ্য ইংৰাজী বিদ্যালয়ৰ সহকাৰী শিক্ষক জিতুল গগৈয়ে। সন্ধিয়া সামুহিক বন্তি প্ৰজ্বলন কৰে বলোৰাম কোঁৱৰ প্ৰাথমিক বিদ্যালয়ৰ সহকাৰী শিক্ষক যুগল কোঁৱৰে। মুকলি আৰু বঁটা বিতৰণী সভাত সভিপতিত্ব কৰে প্ৰবীণ খেলুৱৈ তথা চৰকাৰী গাঁওবুঢ়া সুব্ৰত বৰুৱাই। সভাতেই অসম প্ৰশাসনীয় সেৱাৰ পৰীক্ষাত সফলতা অৰ্জন কৰা তৰঙ্গজিৎ বৰুৱাক বিশেষ অভিনন্দন জ্ঞাপন কৰাৰ লগতে মদাৰখাত মৌজাৰ প্ৰবীণ খেলুৱৈ সুব্ৰত বৰুৱা, হৰি কুমাৰ দত্ত, গুণিন গগৈ, হৰেন গগৈ, জগত গগৈ আৰু শৈলেন গোঁহাইক সম্বৰ্ধনা জনোৱা হয়। অনুষ্ঠানৰ আঁত ধৰে যুগল কোঁৱৰ আৰু চিৰিংহোলা আঞ্চলিক মটক যুৱ-ছাত্ৰ সন্মিলনৰ প্ৰাক্তন সভাপতি প্ৰশান্ত দত্তই। চিৰিংহোলা আঞ্চলিক মটক যুৱ-ছাত্ৰ সন্মিলনৰ সভাপতি-সম্পাদক সঞ্জু হাজৰিকা আৰু কল্পজ্যোতি কোঁৱৰে প্ৰতিযোগিতাখনি সুচাৰুৰূপে সামৰণিৰ বাবে সকলোৰে প্ৰতি কৃতজ্ঞতা প্ৰকাশ কৰে।

দেশ মাতৃৰ বাবে যিকোনো বিপদকালিন সময়ত নিজৰ জীৱন উচৰ্গা কৰাৰ লগতে ভাৰতীয় সেনা বাহিনীয়ে বিগত বছৰ বছৰ ধৰি বিভিন্ন সামাজিক কাৰ্যত মনোনিৱেশ কৰাত পৰিলক্ষিত হৈছে । সেইমৰ্মে আজি পশ্চিম নলবাৰী জিলাৰ শোলমাৰাত ভাৰতীয় সেনাবাহিনীৰ ৰেড হৰ্ণ ডিভিজনৰ অপাৰেচন সদভাৱনাৰ সৌজন্যত দিনযোৰা কাৰ্যসূচীৰে এটি বিনামূলীয়া পশু স্বাস্থ্য শিবিৰৰ আয়োজন কৰে ।

ভাৰতীয় সেনাবাহিনীৰ তৰফৰ পৰা এই স্বাস্থ্য শিবিৰত স্থানীয় অঞ্চলবাসী ৰাইজৰ গৰু ছাগলী কুকুৰ আদিকে ধৰি বিভিন্ন পোহনীয়া জন্তুৰ চিকিৎসা সেৱা আগবঢ়োৱা হয় লগতে বিনামূলীয়া ভাৱে দৰৱ পৰ্যন্ত বিতৰণ কৰা হয়  । ভাৰতীয় সেনা বাহিনীয়ে অনুষ্ঠিত কৰা এই পশু  চিকিৎসা শিবিৰত প্ৰায় ৭০০ স্থানীয় ৰাইজৰ ১০০০ ৰো অধিক পশুধনক চিকিৎসা সেৱা আগবঢ়োৱ হয় । আজিৰ এই বিনামূলীয়া স্বাস্থ্য শিবিৰৰ কাৰ্য্যসূচীত ভাৰতীয় সেনাবাহিনীৰ বিষয়ববীয়াৰ লগতে নলবাৰীৰ জিলা উপাযুক্ত পূৰৱী কোঁৱৰ উপস্থিত থাকে । ভাৰতীয় সেনাবাহিনীৰ এনে সজ পদক্ষেপক সচেতন মহলে ভূয়সী প্ৰশংসা কৰে ।