দৈনন্দিন বাৰ্তা ডেস্ক : সুশান্ত সিং ৰাজপুতৰ মৃত্যু গোচৰত যে ড্ৰাগছ সেই সম্পৰ্কে শনিবাৰে মুম্বাই আৰু গোৱাৰ প্ৰায় সাতখন ঠাইত মাদকদ্ৰব্য নিয়ন্ত্ৰণ ব্যুৰ (এনচিবি)ই অভিযান চলায় ৷ প্ৰাপ্ত খবৰত প্ৰকাশ যে গোচৰৰ পৰবৰ্তী পদক্ষেপৰ তালিকা নিৰ্ধাৰণৰ বাবে পাছৰ দিন এনবিচিৰ মুম্বাই কাৰ্যালয়ত এক উচ্চ পৰ্যায়ৰ বৈঠক অনুষ্ঠিত হ’ব ৷ ড্ৰাগছ সম্পৰ্কীয় দিশত জানিব পৰা মতে ৰিয়া চক্ৰৱৰ্তীয়ে কেন্দ্ৰীয় তদন্ত এজেন্সীৰ আগত এই কথা স্বীকাৰ কৰিছে যে অভিনেত্ৰী ছাৰা আলি খান আৰু ৰকুল প্ৰীত, ডিজাইনাৰ ছিমোন খাম্বট্ট, সুশান্তৰ বন্ধু আৰু প্ৰাক্তন পৰিচালক ৰোহিনী আইয়াৰ আৰু চলচ্চিত্র নির্মাতা মুকেশ ছাবড়াই ড্ৰাগছ গ্ৰহণ কৰিছে ৷ সূত্ৰই কয় যি বলীউডৰ ৮০ শতাংশ তাৰকাই ড্ৰাগছ গ্ৰহণ কৰে বুলি ৰিয়া চক্ৰৱৰ্তীয়ে এজেন্সীৰ আগত কয় ৷ ইয়াৰ লগতে এই খবৰ পোৱা গৈছে যে ড্ৰাগছৰ তদন্তত এনচিবিয়ে ২৫ গৰাকী শীর্ষস্থানীয় তাৰকাক মাতিছে ৷ ৰিয়াই এনচিবিৰ ওচৰত বিবৃতিত সুশান্তৰ বাবে ড্ৰাগছ সংগ্ৰহ আৰু অৰ্থ পৰিচালনাৰ ক্ষেত্ৰত তেওঁ ভূমিকা গ্ৰহণ কৰিছে বুলি জানিব পৰা গৈছে ৷ সূত্ৰবোৰে আগতে দাবী কৰিছিল যে এনচিবিৰ জেৰাৰ সময়ত ৰিয়াই ড্ৰাগছ সেৱন আৰু গ্ৰহণকাৰী বলীউডৰ খ্যাতনামা কেইবাজনৰ নাম প্ৰকাশ কৰিছে ৷ প্ৰায় ১৫টা বি-টাউনাৰ এতিয়া এনচিবিৰ ৰাডাৰত আছে আৰু জানিব পৰা মতে সেই অভিনেতাসকল বি-কেটেগৰীত অন্তর্ভুক্ত। এই চেলিব্ৰিটিসকলৰ মাজত কোনো ড্ৰাগছ সৰবৰাহকাৰী আৰু কোনো ভোক্তা ৷ সূত্ৰই জনোৱা মতে এনচিবিৰ তদন্তত জানিব পৰা গৈছে যে এনে কিছু বৃত্ত আছে য’ত চেলিব্ৰিটিসকলৰ ওচৰত ড্ৰাগছ সংগ্ৰহ আৰু সৰবৰাহ কৰে ৷ এনচিবিৰ তদন্তত দেখা গৈছে যে লকডাউনৰ মাজতে এপ্ৰিলত সুশান্তৰ ঘৰৰ পৰা ৰিয়াৰ ঘৰলৈ ড্ৰাগছ সৰবৰাহৰ বাবে কুৰিয়াৰ ছাৰ্ভিচ ব্যৱহাৰ কৰিছিল শৌভিক চক্ৰৱৰ্তী আৰু দিপেশ ছাৱান্তে৷ সূত্ৰটোৱে জনায়, কুৰিয়াৰ ব্যক্তিয়ে নিশ্চিত কৰিছিল যে তেওঁ দিপেশ ছাৱান্তৰ ওচৰৰ পৰা কুৰিয়াৰ সংগ্ৰহ কৰিছিল আৰু লকডাউনৰ মাজত শৌভিক চক্ৰৱৰ্তীৰ ওচৰত দিয়া হৈছিল ৷ বিবৃতিত কুৰিয়াৰ ল’ৰাজনে প্ৰকাশ কৰে যে তেওঁ সুশান্ত, দিপেশ ঘৰৰ পৰা কুৰিয়াৰ কৰি ৰিয়া চক্ৰৱৰ্তীৰ ঘৰ পোৱাই দিছিল য’ত শৌভিক চক্ৰৱৰ্তীয়ে আধা কেজি ড্ৰাগছৰ পেকেট পাইছিল ৷ সূত্ৰৰ খবৰ মতে কুৰিয়াৰ ল’ৰাজনৰ ম’বাইল ফোন নম্বৰ দিপেশ আৰু শৌভিকে ছেভ কৰিছিল ৷ কুৰিয়াৰ ল’ৰাজন, শৌভিক আৰু দিপেশৰ মাজত কলৰ সবিশেষ ড্ৰাগছৰ এই বিষয়টো নিশ্চিত কৰিছে বুলি সূত্ৰটোৱে কয় ৷ এই ক্ষেত্ৰত দিপেশ, শৌভিক আৰু কুৰিয়াৰ ল’ৰাজনক লৈ প্ৰশ্ন কৰা হৈছে৷ উল্লেখ্য যে মুম্বাইৰ এক বিশেষ আদালতে সুশান্তৰ মৃত্যু গোচৰত ড্ৰাগছৰ সম্পৰ্কত ৰিয়া, শৌভিক আৰু আনসকলৰ জামিন আবেদন নাকচ কৰে ৷

দৈনন্দিন বাৰ্তা ডেস্ক : কংগোৰ পূৱৰ কামিতুগাৰ ওচৰত শুকুৰবাৰে বিয়লি এটা স্বৰ্ণ খনি খহি পৰাত কমেও ৫০ জন লোকৰ মৃত্যু হয় ৷ স্থানীয় খনাৰ এনজিঅ’ই এই কথা জনাইছে ৷ প্ৰৱল বৰষুণৰ ফলত স্থানীয় সময় ৩ বজাত (ভাৰতীয় সময় ১৩ বজাত) ‘ডেট্রয়েট’ খনিৰ গুহাত ঘটনাটো সংঘটিত হয় বুলি মন্তব্য কৰিছে ইনিটেটিভ অব ছাপৰ্ট এণ্ড ছচিয়েল ছুপাৰভিজন অব ৱমেনৰ সভানেত্ৰী এমিলিয়ান ইটংৱাই ৷ কেইবাজনো খনিৰ ভিতৰত আছিল আৰু কাকোৱেই উলিয়াই আনিব পৰা নগ’ল ৷ তাত ৫০ জন লোক আছিল ৷ এইদৰে সভানেত্ৰীগৰাকীয়ে কয়৷ ছচিয়েল মিডিয়াত ফটো আৰু ভিডিঅ’বোৰত কেইবাশ লোকক দেখা গৈছে যিসকলে খনিৰ প্ৰৱেশদ্বাৰৰ আশেপাশে এটা পাহাৰৰ ওপৰত আছে ৷ কোম্পানীটোৰ মুখ্য কাৰ্যবাহীজনে কয় যে খনিটো কানাডিয়ান খনিজ বানৰো ক’ৰপ’ৰেচনৰ মালিকাধীন ৷ উল্লেখ্য যে যোৱা বছৰৰ অক্টোবৰ মাহত ভূমিস্খলনত ১৬জন লোকৰ মৃত্যু হৈছিল ৷ আনহাতে তাম আৰু ক’বাল্টৰ অবৈধ খনিত ভূমিস্খলন হোৱাত যোৱা বছৰৰ জুনত ৪৩জন লোকৰ মৃত্যু হৈছিল ৷

দৈনন্দিন বাৰ্তা ডেস্ক : কংগ্ৰেছক পুনৰুজ্জীৱিত কৰাৰ চেষ্টাৰে শুকুৰবাৰে সৰ্বভাৰতীয় সংগঠনটো বৃহৎ সালসলনি কৰে কংগ্ৰেছৰ সভানেত্ৰী ছোনীয়া গান্ধীয়ে ৷ এইবাৰ দলৰ সাধাৰণ সম্পাদকৰ পদত বৃদ্ধতন্ত্ৰৰ ভাৰ কমোৱা হৈছে ৷ গুলাম নবী আজাদ, মল্লিকাৰ্জুন খাৰ্গে, অম্বিকা ছোনী, মতিলাল ভোৰা, লুইজিনো ফালেৰিৱৰ দৰে বৰ্ষীয়ান নেতাসকলক আঁতৰ কৰি নবীনক ঠাই দিছে কংগ্ৰেছ সভানেত্ৰীয়ে ৷ আনহাতে সংগঠন শক্তিশালী কৰিবলৈ বিভিন্ন ৰাজ্যৰ দায়িত্বত নতুন এআইচিচিৰ সাধাৰণ সম্পাদক নিয়োগ কৰিছে ছোনীয়া গান্ধীয়ে ৷ তদুপৰি দল পৰিচালনাৰ কামত তেওঁক সহায় কৰিবলৈ ছজনীয়া সদস্যৰ এক বিশেষ কমিটি গঠন কৰা হৈছে ৷ উল্লেখ্য যে নেতৃত্ব পুনৰ গঠন আৰু পূৰ্ণ পৰ্যায়ৰ নতুন সভাপতিৰ দাবী জনাই কংগ্ৰেছৰ ২৩জন নেতাই ছোনীয়া গান্ধীলৈ চিঠি লিখিছিল ৷ ইয়াকে লৈ কংগ্ৰেছত তোলপাৰ লাগিছিল৷ সংগঠনৰ সালসলনি কৰি পত্ৰ প্ৰেৰকক বাৰ্তা দিলে কংগ্ৰেছৰ সভানেত্ৰীয়ে৷ এআইচিচিৰ নতুন সাধাৰণ সম্পাদকৰ দায়িত্ব দিয়া হৈছে ৰণদীপ সিং সুৰজেৱালা, জীতেন্দ্ৰ সিং আৰু অজয় মাকেনক৷ দল পৰিচালনাৰ ছজনীয়া কমিটিত আহমেদ পেটেল, এ কে এণ্টনী, অম্বিকা ছোনীৰ দৰে ছোনীয়া গান্ধীৰ পুৰণা আস্থাভাজনৰ লগতে দিয়া হৈছে ৰাহুল গান্ধীৰ দুই আস্থাভাজনক ৷ তেওঁলোক হ’ল কে চি বেণুগোপাল আৰু ৰণদীপ সিং সুৰজেৱালা ৷ নতুন সভাপতি নিৰ্বাচন পৰ্যন্ত এই কমিটিয়ে ছোনীয়া গান্ধীক সহায় কৰিব ৷ আগন্তুক দিনত সাংগঠনিক নিৰ্বাচন আৰু সদস্য ভৰ্ত্তি অভিযানৰ ইংগিত দি মধুসুদন মিস্ত্ৰিৰ নেতৃত্বত দলৰ নতুন কেন্দ্ৰীয় নিৰ্বাচনৰ কৰ্তৃপক্ষ গঠন কৰিছে ছোনীয়া গান্ধীয়ে ৷ এই ক্ষেত্ৰত ৰাহুল গান্ধীৰ চীল মোহৰ আছে বুলি জানিব পৰা গৈছে ৷ ইয়াৰ উপৰি এই কমিটিত আছে ৰাজেশ মিশ্ৰ, কৃষ্ণ গৌডা, এছ জ্যোতিমানি, অৰবিন্দ সিং লাভলি ৷ উল্লেখ্য যে ছোনীয়া গান্ধীলৈ পত্ৰ প্ৰেৰকৰ অন্যতম আছিল লাভলি ৷ আনহাতে আজাদক হাৰিয়ানাৰ দায়িত্বৰ পৰা আঁতৰ কৰিলেও এআইচিচিত ৰখা হৈছে ৷ স্পেচিয়েল ইনভাইটি কৰি ঠাই দিয়া হৈছে পি চিদাম্বৰমক ৷ লোকসভাৰ কংগ্ৰেছ নেতা অধীৰ চৌধুৰীক ৱৰ্কিং কমিটিত স্থায়ী ইনভাইটি পদ দিয়া হৈছে ৷ লগতে জয়ৰাম ৰমেশ, দ্বিগিজয় সিং, ছলমন খুৰশ্বিদ, প্ৰমোদ তিৱাৰীক ঠাই দিয়া হৈছে ৷ প্ৰাক্তন কেন্দ্ৰীয় মন্ত্ৰী পহনকুমাৰ বনচলক সংগঠনৰ দায়িত্ব দিয়া হৈছে ৷ উল্লেখ্য যে অ’ত দিনে গৌৰৱ গগৈ আছিল পশ্চিম বংগৰ দায়িত্ব ত৷ এইবাৰ বিক্ষুব্ধসকলৰ মাজৰ তৰুণ নেতা জিতিন প্ৰসাদক পশ্চিম বংগ আৰু আন্দামান নিকোবৰৰ দায়িত্ব দিয়া হৈছে ৷ গৌৰৱ গগৈৰ লগতে অনুগৰহ নাৰায়ণ সিং (উত্তৰাখণ্ড), আশা কুমাৰী (পাঞ্জাৱ), আৰ চি খুণ্টিয়া (তেলেংগানা)ক ৰাজ্যিক দায়িত্বৰ পৰা আঁতৰ কৰা হৈছে ৷ উল্লেখ্য যে গৌৰৱ গগৈক শেহতীয়াকৈ কংগ্ৰেছৰ লোকসভাৰ উপ নেতা হিচাপে নিৰ্বাচন কৰা হৈছিল ৷ আনহাতে যুৱ নেতা দীনেশ গুণ্ডু ৰাওক তামিলনাডু, পুডুচেৰি আৰু গোৱাৰ দায়িত্ব দিয়া হৈছে ৷ এইচ কে পাটিলক কৰ্ণাটক, ৰাজীৱ শুক্লাক হিমাচল প্ৰদেশৰ নতুন দায়িত্ব দিয়া হৈছে ৷ দিল্লীৰ যুৱ নেতা দেবেন্দ্ৰ যাদৱক উত্তৰাখণ্ডৰ দায়িত্ব দিয়া হয় ৷ আন নতুন দায়িত্ব পোৱা সকল হ’ল বিবেক বানচলক হাৰিয়ানা, মণীশ চত্ৰথক অৰুণাচল প্ৰদেশ আৰু মেঘালয়, ভক্ত চৰণ দাসক মিজোৰাম আৰু মণিপুৰ, কুলজিৎ সিং নাগৰাক ছিকিম, নাগালেণ্ড আৰু ত্ৰিপুৰাৰ দায়িত্ব দিয়া হয় ৷

দৈনন্দিন বাৰ্তা ডেস্ক : অৰুণাচলৰ পৰা নিখোঁজ হোৱা পাঁচজন যুৱকক ভাৰতৰ হাতত তুলি দিলে চীনৰ পিপুলছ লিবাৰেচন আৰ্মিয়ে ৷ শনিবাৰে এই কথা সেনাৰ সূত্ৰত প্ৰকাশ৷ ২ ছেপ্টেম্বৰত এই পাঁচজন যুৱক উচ্চ সুৱনশিৰি জিলাৰ হাবিৰ পৰা নিখোঁজ হৈছিল ৷ ইন্দো-তিব্বত সীমান্তৰক্ষী বাহিনীৰ সামগ্ৰী বহন কৰাৰ লগতে যুৱককেইজন চিকাৰী ৷ জানিব পৰা মতে সেইদিনা এটা সেনাৰ ঘাঁটিত সামগ্ৰী দিয়াৰ পাচত এই হাবিলৈ গৈছিল পাঁচজন যুৱক ৷ স্থানীয় লোকৰ মতে ভেষজ বা চিকাৰৰ বাবে এই যুৱককেইজন প্ৰায়ে তালৈ যায় ৷ এই যুৱককেইজন সেই কাৰণে তালৈ গৈছিল ৷ ভুল কৰি এলএচি পাৰ হৈ চীনৰ ভূখণ্ডত তেওঁলোক সোমাই পৰে ৷ স্থানীয় লোকে দাবী কৰে যে চীনৰ সেনাই তেওঁলোকক অপহৰণ কৰিছে ৷ তাৰ পাচত চীনৰ সৈতে ভাৰতৰ হটলাইন মেছেজৰ উত্তৰ দিয়া হৈছিল ৷ জনাইছিল যে নিখোঁজ পাঁচজন যুৱক চীনৰ হাতত আছে ৷ শনিবাৰে পুৱা ৯.৩০ বজাত হস্তান্তৰ প্ৰক্ৰিয়া সম্পন্ন হয় চীনৰ ভূখণ্ডত ৷ তাৰ পাচত এঘণ্টা লাগে সীমা পাৰ হৈ দেশৰ মাটিত ভৰি দিবলৈ ৷ পাঁচজন যুৱকসহ সেনাৰ দল অৰুণাচলৰ কিবিথু সীমান্ত চকীত নিৰ্বিঘ্নে অনা হয় ৷ উল্লেখ্য যে শুকুৰবাৰে কেন্দ্ৰীয় মন্ত্ৰী কিৰেণ ৰিজিজুৱে টুইটাৰত জনাইছিল যে চীনা পিএলএয়ে ভাৰতীয় সেনাক জনাইছে অৰুণাচলৰ পাঁচজন যুৱকৰ আমাক ঘূৰাই দিব ৷