নাজিৰা: নাজিৰাৰ সমীপৰ ধিতাইপুখুৰী বাকচু কোছ গাঁৱৰ ত উখল মাখল পৰিবেশ ৷আজি ঘোষিত উচ্চতৰ মাধ্যমিক কলা শাখাত অসমৰ ভিতৰত ৰামানুজন জুনিয়ৰ কলেজৰ পৰা পৰীক্ষা দি সপ্তম স্হান লাভ কৰি গৌৰব কঢ়িয়াই আনিছে ৷ বিহু নৃত্য ,সত্ৰীয়া নৃত্যত পাৰ্গত উদীতা ঈশানীয়ে সাফল্যৰ আৰত ককাকৰ সহায়ৰ কথা উল্লেখ কৰে ৷উদীতা ঈশানীয়ে অসমীয়াত ৯৮ ,ইংৰাজীত ৮৭ ,অৰ্থনীতিত ৯৪ ,ৰাজনীতি বিজ্ঞানত ৯৫ ,সমাজতত্বত ৯৫ আৰু শিক্ষাতত্বত ৯১ নম্বৰসহ ৯৩.৮% লাভ কৰে ৷ হাহচৰাৰ ডিমুৱাল বিদ্যাভবনৰ পৰা উচচ মাধ্যমিক চুড়ান্ত পৰীক্ষাত অলপৰ বাবে স্হান লাভৰ পৰা বঞ্চিত উদীতা ঈশানীয়ে এইবাৰ কঠোৰ পৰিশ্ৰম কৰি ৰামানুজনৰ পৰা স্হান কৰিবলৈ সক্ষম হয় ৷ ককাক আৰু মাতৃৰ প্ৰেৰণাত ,ফেচবুকহীন ভাবে একাগ্ৰতাৰে পঢ়ি অঞ্চলটোলৈ গৌৰৱ কঢ়িয়াই অনাৰ বাবে আজি উদীতা ঈশানীৰ ঘৰত বহু ৰাইজ উপস্থিত হৈ শুভেচ্ছা জনায় ।

গৰৈমাৰী : আজি ঘোষণা হোৱা উচ্চতৰ মাধ্যমিক চূড়ান্ত পৰীক্ষাত দক্ষিণ কামৰূপ জিলাৰ গৰৈমাৰীৰ নাম উজলালে এগৰাকী দৰিদ্ৰ পৰিয়ালৰ ছাত্ৰই ৷ পিতৃ আমিৰ হামজায় পাচলি বিক্ৰী কৰি দুখ কষ্টৰ মাজেৰে সু-পুত্ৰ মনিৰুল ইছলামক শিক্ষাদান কৰোৱাইছিল নগাঁৱৰ ৰামানুজন কণিষ্ট মহাবিদ্যালয়ত ৷ মহাবিদ্যালখনৰ পৰা গৰৈমাৰী এলেকাধীন মহিমাৰী গাঁৱৰ  মনিৰুল ইছলামে এইবেলি বিজ্ঞান শাখাত ৪৭৫ নম্বৰ লৈ ৰাজ্যৰ ভিতৰত অষ্টম স্থান লাভ কৰি গৰৈমাৰী অঞ্চলৰ সুনাম কঢ়ুৃিয়াই আনিবলৈ সক্ষম হৈছে৷ খবৰ পোৱা মাত্ৰই গৰৈমাৰী কালাতলী সোণতলী চমুকৈ জিকেএছ প্ৰেছ ক্লাৱৰ কৰ্ম-কৰ্তা সকলে অতিকৈ দূৰ্গম বোকা বাট-পথ নেওচি মনিৰুলৰ ঘৰত উপস্থিত হৈ পৰিয়াবৰ্গক শুভেচ্ছা জনাই প্ৰেছ ক্লাৱৰ সম্পাদক নুৰুল ইছলামে ৷ উল্লেখ্য যে, মেধাৱী ছাত্ৰ মনিৰুল ইছলাম বিজ্ঞান বিভাগত ছয়গাঁৱৰ গৰৈমাৰী অঞ্চলত প্ৰথমজন স্থানপ্ৰাপ্ত হোৱা হেতুকে উৎফুল্লিত হৈ পৰিছে সমগ্ৰ গৰৈমাৰীবাসী ৷

নাজিৰা: আজি ঘোষণা কৰা উচ্চতৰ মাধ্যমিক কলা শাখাত ধিতাইপুখুৰী অঞ্চলৰ প্ৰিয়াক্ষী বৰাই নগাঁৱৰ ৰামানুজম জুনিয়ৰ কলেজৰ পৰা অসমৰ ভিতৰত তৃতীয় স্হান লাভ কৰি অঞ্চলটোলৈ গৌৰৱ কঢ়িয়াই আনিছে ৷অএনজিচিৰ অবসৰপ্ৰাপ্ত কৰ্মচাৰী জীবন বৰা আৰু ভাৰতী বৰাৰ একমাত্ৰ কন্যা প্ৰিয়াক্ষীৰ সাফল্যই অঞ্চলবাসীয় আনন্দিত হৈ পৰিছে ৷প্ৰিয়াক্ষীয়ে অসমীয়াত ৯৮ ,ইংৰাজীত ৯১ ,অৰ্থনীতিত ৯৪ ,ৰাজনীতি বিজ্ঞানত ৯৫ ,ভৃগোলত ৯৪ আৰ শিক্ষাতত্বত ৯৫ শতাংশ নম্বৰ সহ মুঠ ৯৪.৬% লাভ কৰে ৷ ডিমুৱাল বিদ্যাভবনৰ পৰা ৰামানুজমত অধ্যয়ন কৰা মেধাবী ছাত্ৰীগৰাকীয়ে আজি সাংবাদিকৰ আগত কয় সফলতাৰ বাবে মনোযোগেৰে ,একাগ্ৰতাৰে অধ্যয়ন কৰা আবশ্যক ৷ পিতৃ-মাতৃৰ লগতে শিক্ষক সকলক নিজৰ কৃতিত্বৰ বাবে  প্ৰেৰণাৰ উৎস বুলি উল্লেখ কৰি প্ৰিয়াক্ষীয়ে ভবিষ্যতে প্ৰশাসনিক বিষয়া হোৱাৰ  সপোন পুহি ৰাখিছে ৷ দৈনিক পঢ়াৰ ক্ষেত্ৰত গুৰুত্ব দিয়া প্ৰিয়াক্ষীয়ে মবাইলত ব্যস্ত হোৱাৰ পৰিবৰ্তে পঢ়াতহে গুৰুত্ব দিছিল ।

দৈনন্দিন বাৰ্তা ডেস্ক :

আনলক আৰম্ভ হোৱাৰ পাছত দেশত ক’ৰোণা সংক্ৰমণ অভিলেখ সংখ্যক বৃদ্ধি পাইছে৷ বৃহস্পতিবাৰেও এই কথা প্ৰতিপন্ন কৰিলে৷ মাজতে দুটা দিন সংক্ৰমণ কমিলেও বৃহস্পতিবাৰৰ তথ্য মতে ১৭ হাজাৰ লোকলৈ ক’ৰোণা সংক্ৰমিত হয়৷ বৃহস্পতিবাৰে স্বাস্থ্য আৰু পৰিয়াল কল্যাণ মন্ত্ৰালয়ে দিয়া তথ্য মতে যোৱা ২৪ ঘণ্টাত দেশত ১৬৯২২ জন ক’ৰোণাত আক্ৰান্ত হৈছে৷ ফলত মুঠ আক্ৰান্তৰ সংখ্যা  হ’ল ৪৭৩১০৫ জন৷ ইয়াৰ মাজতে ২৭১৬৯৭ জন লোক সুস্থ হৈ ঘৰলৈ ঘুৰি গৈছে৷ এতিয়া দেশত চিকিৎসাধীনৰ সংখ্যা হ’ল ১৮৬৫১৪ জন৷ ক’ৰোণা সংক্ৰমণৰ হিচাপত এতিয়াও চতুৰ্থ স্থানত আছে ভাৰত৷ কেৱল আমেৰিকা, ব্ৰাজিল আৰু ৰাছিয়া আছে ভাৰতৰ ওপৰত৷ ইয়াৰ ভিতৰত ৰাছিয়াত ভাৰততকৈ সংক্ৰমণ বহু বেছি৷ স্বাস্থ্য আৰু পৰিয়াল কল্যাণ মন্ত্ৰালয়ে দিয়া তথ্য মতে যোৱা ২৪ ঘণ্টাত ক’ৰোণাত ৪১৮ জনৰ মৃত্যু হয়৷ ফলত ভাৰতত মুঠ মৃত্যুৰ সংখ্যা ১৪৮৯৪ জন হ’লগৈ৷ আনহাতে যোৱা ২৪ ঘণ্টাত দেশত ২৭৮৭১ জন লোকৰ ক’ৰোণা পৰীক্ষা কৰা হৈছে৷ এই পৰ্যন্ত দেশত ৭৫৬০৭৮২ জন লোকৰ নমুনা পৰীক্ষা কৰা হৈছে ৷

নাজিৰা : একাগ্ৰতাৰে অধ্যয়ন কৰিলে দৰিদ্ৰতাও যে হেঙাৰ হ’ব নোৱাৰে তাকেই প্ৰমাণ কৰিলে নাজিৰা মহকুমাৰ নামতিৰ হিমাঞ্জলী বুঢ়াগোহাঁয়ে। আজি ঘোষিত হোৱা উচ্চতৰ মাধ্যমিক চূড়ান্ত পৰীক্ষাৰ ফলাফলত বিজ্ঞান শাখাত ৪৭৫ নম্বৰ লাভেৰে অসমৰ শীৰ্ষৰ অষ্টম স্থান অধিকাৰ কৰি নাজিৰা মহকুমা তথা নামতিলৈ গৌৰৱ কঢ়িয়াই আনিলে পিতৃহীনা দৰিদ্ৰ পৰিয়ালৰ ছাত্ৰী হিমাঞ্জলী বুঢ়াগোঁহাইয়ে | নগাঁৱৰ ৰামানুজন জুনিয়ৰ কলেজৰ ছাত্ৰী হিমাঞ্জলী বুঢ়াগোঁহাইৰ সাফল্যত এতিয়া সমগ্ৰ শিৱসাগৰ জিলাতে আনন্দৰ বন্যা বৈছে | প্ৰয়াত কমল বুঢ়াগোঁহাইৰ আৰু মনিমালা বুঢ়াগোঁহাইৰ জ্যেষ্ঠা কন্যা হিমাঞ্জলী বুঢ়াগোঁহাইৰ সৰুৰে পৰা তীক্ষ্ণ মেধা সম্পন্ন ছাত্ৰী আছিল| বিশেষভাৱে সক্ষম বৰদেউতাক মন্টুৰঞ্জন বুঢ়াগোঁহাইৰ লগত থাকি অভাৱৰ মাজেৰে অধ্যয়ন কৰি অতি দাৰিদ্ৰতাৰে জীৱন নিৰ্বাহ কৰা ছাত্ৰী গৰাকীয়ে হাইস্কুল শিক্ষান্ত পৰীক্ষাতো ডিষ্টিংচন লাভ কৰিছিল | আনহাতে পিতৃহীনা অতিকৈ দৰিদ্ৰ পৰিয়ালৰ ছাত্ৰী হিমাঞ্জলীয়ে ভৱিষ্যতে এগৰাকী চিকিৎসক হোৱাৰ সপোন পুহি ৰাখিছে মনত |

কলিয়াবৰ :

দুই কণ‍্যাই কলিয়াবৰলৈ কঢ়িয়াই আনিলে গৌৰৱ। আজি ঘোষিত হয় উচ্চতৰ মাধ‍্যমিক চুড়ান্ত পৰীক্ষাৰ কলা, বিজ্ঞান আৰু বাণিজ‍্যৰ তিনিওটা শাখাৰ ফলাফল। নগাঁৱৰ ৰেনেছাঁ কণিষ্ঠ মহাবিদ‍্যালয়ৰ পৰা কলা শাখাত প্ৰিয়াংসী গোস্বামীয়ে সপ্তম স্থা আৰু ৰামানুজন জুনিঅৰ কলেজৰ পৰা নম্ৰতা বৰুৱাই নৱম স্থান দখল কৰি কলিয়াবৰলৈ গৌৰৱ কঢ়িয়াই আনে। আজি ঘোষণা কৰা উচ্চতৰ মাধ‍্যমিক চুড়ান্ত পৰীক্ষা ফলাফলত কলিয়াবৰৰ প্ৰিয়াংসী গোস্বামীয়ে কলা শাখাত মুঠ ৫০০ নম্বৰৰ ভিতৰত ৪৬৯ নম্বৰ লাভ কৰি সপ্তম স্থান দখল কৰাৰ বিপৰীতে নম্ৰতা বৰুৱাই নৱম স্থান কৰে। মুঠ ৫০০ নম্বৰৰ ভিতৰত নম্ৰতাই লাভ কৰে ৪৬৭ নম্বৰ। কলিয়াবৰৰ শান্তিপুৰৰ নিবাসী অনিল গোস্বামী আৰু পপী গোস্বামীৰ কণ‍্যা প্ৰিয়াংসীয়ে ভৱিষ‍্যতে অধ‍্যাপক হোৱাৰ হেঁপাহ পুহি ৰাখিছে। উল্লেখযোগ‍্য যে, প্ৰিয়াংসীয়ে উচ্চ মাধ‍্যমিক শিক্ষান্ত পৰীক্ষাত শিশু বিদ‍্যপীঠ উচ্চ মাধ‍্যমিক বিদ‍্যালয়ৰ পৰা ষ্টাৰ নম্বৰসহ প্ৰথম বিভাগত উত্তীৰ্ণ হৈছিল। স্নাতক শাখাত ভূগোল বিষয়ক গুৰু বিষয় হিচাবে লৈ নগাঁও মহাবিদ‍্যালয়ত পঢ়াৰ সিদ্ধান্ত লোৱা প্ৰিয়াংসীয়ে একাগ্ৰতা আৰু নিজ যত্নৰ বলত শিক্ষক আৰু পিতৃ-মাতৃৰ আশীৰ্বাদত এই সফলতা লাভ কৰিছে বুলি জনাই। আনহাতে, কণ‍্যাৰ এই সাফল‍্যত উৎফুল্লিত পিতৃয়ে আৰ্থিক সমস‍্যাৰ লগত যুঁজ দি কণ‍্যাই কৰা চেষ্টাৰ ফলত আজিৰ এই সফলতা লাভ কৰিছে। মহাবিদ‍্যালয়ৰ তৰফৰ পৰা সম্পূৰ্ণ পঢ়া খৰচ ব‍্যয় কৰা ৰেনেছাঁ কণিষ্ঠ মহাবিদ‍্যলয়ৰ শিক্ষকসকল প্ৰিয়াংসীয়ে এনে এক ফলাফল দেখুৱাব বুলি আশা কৰিছিল। কলিয়াবৰৰ জখলাবন্ধাৰ নিবাসী সীমান্ত বৰুৱা আৰু ৰীতা বৰুৱাৰ কণ‍্যা নম্ৰতাই শিক্ষা বিষয়ত অসমৰ ভিতৰত সৰ্বোচ্চ ৯৯ শতাংশ লাভ কৰি কলিয়াবৰলৈ গৌৰৱ কঢ়িয়াই আনে।