দৈনন্দিন বাৰ্তা :

জাতীয় উন্নয়ন পৰিষদৰ উদ্যোগত দিপীলা আঞ্চলিক ৰাইজৰ সহযোগত বিষ্ণু ৰাভা দিৱসটি লকডাউনৰ সকলো নীতি নিয়ম মানি অনুষ্টুপীয়াকৈ পালন কৰে৷ পুৱা বিষ্ণুৰাভা প্ৰতিচ্ছবিত মাল্যাৰ্পণ কৰে নিৰঞ্জন বৈশ্যই। বন্তি প্ৰজ্বলন আৰু পুষ্পাঞ্জলি অৰ্পণ কৰে ক্ৰমে পৰেশ চহৰীয়া, বীৰেন কলিতাই৷ সাম্প্ৰতিক কালৰ ওপৰত সুন্দৰভাৱে আলোকপাত কৰে অৰূপ কলিতাই৷ ভাষণ প্ৰদান কৰে ক্ৰমে প্ৰদীপ কলিতা, বাহাৰুল ইছলাম৷ স্মৃতি গ্ৰন্থ উন্মোচন কৰে অখিল ৰঞ্জন ভট্টই ৷  সভাত উপস্থিত থাকি সৌষ্ঠৱ বঢ়াই ধ্ৰুৱ প্ৰসাদ শৰ্মাকে ধৰি বহুকেইগৰাকী প্ৰতিভাবাণ লোকে৷ আনহাতে বিশ্ব ত্ৰাস সৃষ্টি কৰা ক’ৰনা মহামাৰীৰ সময়তে অনুষ্টুপীয়াকৈ হলেও সংস্কৃতিৰ বাহক বিষ্ণু ৰাভা দিৱসটি পালন কৰা হয় বুলি জাতীয় উন্নয়ন পৰিষদৰ উদ্যোগতা অমিয় কুমাৰ ডেকাই জানিব দিয়ে৷

নাজিৰা : আজি নাজিৰা এম.চি ক্লাবত “হস্ততাত আৰু বস্ত্ৰ শিল্প বিভাগৰ বৃত্তিমুখী আঁচনিৰ অধীনত নাজিৰা সমষ্টিৰ ৩৪ গৰাকী শিপিনীক তাঁতশাল বিতৰণ কৰা হয়। ইয়াৰোপৰি তেখেতসকলক চৰকাৰীভাৱে পাঁচ হাজাৰ টকাকৈ মূলধন হিচাপে দিয়াৰ ব্যৱস্থা হয় । শিৱসাগৰৰ হস্ততাঁত বস্ত্ৰ বিভাগৰ সহকাৰী সঞ্চালক ৰামকৃষ্ণ শৰ্মাৰ নেতৃত্বত বিধায়ক তথা অসম বিধান সভাৰ বিৰোধী দলপতি দেৱব্ৰত শইকীয়াৰ উপস্হিতিত এই তাঁত শালসমূহ বিতৰণ কৰা হয়। নাজিৰা সমষ্টিৰ যিসমূহ পৰিয়ালে তাঁত শালখনকে সাৰথি হিচাপে লৈ উপাৰ্জন কৰি জীৱন-নিৰ্বাহ কৰি আছে, সেইসমূহ পৰিয়ালৰ শিপিনীসকল যাতে স্বনিৰ্ভৰশীল কৰি গঢ় দিয়াৰ উদ্দেশ্যে  এই সহায়ৰ হাত আগবঢ়োৱা হৈছে। এই তাঁতশালৰ যোগেদি  শিপিনীসকল অধিক কাৰ্য্যক্ষম, কৰ্মোদ্যমী হৈ উঠাৰ লগতে পৰিয়ালটো চলি থাকিবৰ বাবেও যথেষ্ট সুবিধা হ’ব বুলি  বিৰোধী দলপতি শইকীয়াই মত প্ৰকাশ কৰে। যিহেতু এই ক’ৰণা মহামাৰীত বহি:ৰাজ্যত কৰ্মৰত বহু যুৱক-যুৱতী অসমলৈ ঘূৰি আহিছে, তেওঁলোকৰ মাজৰ যুৱতীসকলে যদি বিশেষকৈ তাঁত শালৰ জৰিয়তে কাপোৰ বৈ মেলি, ইয়াক বৃত্তি হিচাপে লৈ নিজৰ কৰ্মদক্ষতাৰে আগবাঢ়ি যাব পাৰে তেন্তে নিশ্চয় তেওঁ লোক স্বাৱলম্বী হ’ব পাৰিব। এই অনুষ্ঠানত শিৱসাগৰ হস্ততাঁত বিভাগৰ বিষয়া কুমুদ ৰঞ্জন দুৱৰাৰ লগতে বিধায়ক দেৱব্ৰত শইকীয়াৰ সহধৰ্মিনী বন্দনা শইকীয়া, অসম ৰাজ্যিক জীৱিকা অভিযানৰ অধীনত নাজিৰাৰ নাফুক গ্ৰাম্য সংগঠনৰ সভানেত্ৰী কানন কাকলি বুঢ়াগোহাঁই আদিকে ধৰি ভালেকেইজন বিশিষ্ট ব্যক্তি উপস্হিত থাকে।

দৈনন্দিন বাৰ্তা প্ৰতিবেদন:

কৰিমগঞ্জতো ব্যাপক হাৰত বৃদ্ধি পাইছে কৰণা আক্ৰান্ত ৰোগীৰ সংখ্যা। যোৱা দুইদিনতে ১৫ গৰাকীৰ দেহত কৰোনাৰ অৱস্থিতি  ধৰা পৰিছে। আৰু সেই ১৫ গৰাকীৰ মাজত ১৪ গৰাকীয়ে আহিছিল বৰ্হিৰাজ্যৰ পৰা আৰু এওঁলোকক প্ৰতিষ্ঠানিক কোৱাৰেন্টাইনতো ৰখা হৈছিল। তাৰ মাজতে ২ গৰাকী আছিল হোম কোৱাৰেন্টাইনত। কিন্তু ইয়াৰ বিপৰীতে আব্দুল হান্নান(৫০) নামৰ ব্যক্তি গৰাকী যোৱা ১৫ মাৰ্চ তাৰিখত ডিমাপুৰৰ পৰা আহিছিল আৰু ঘৰতে আছিল। তেওঁৰ কোনো ভ্ৰমণ বৃত্তান্ত নাই।  জানিব পৰা মতে স্বাস্থ্য কৰ্মীৰ দলে ঘৰে ঘৰে যাই পৰীক্ষা কৰোৱতে ধৰা পৰে হান্নানৰ দেহতো কৰোণাৰ উপস্থিতি। বৰ্তমানে হান্নানৰ পৰিয়ালৰ সকলো সদস্যৰ  স্বোৱাব লোৱা হৈছে আৰু হোম কোৱাৰেন্টাইনত ৰখা হৈছে। লগতে তেওঁৰ ঘৰৰ চুবুৰীয়া অঞ্চল কনটেন্টমেন্ট জোন হিচাবে ঘোষণা কৰা হৈছে। কিন্তু এনে দৰে হঠাত্ কে হান্নানৰ দেহত কৰোনা পজিটিভ ধৰা পৰাক লৈ অঞ্চলজুৰি এক আতংকময় পৰিবেশৰ সৃষ্টি হৈছে। বৰ্তমানে সকলোকো কৰিমগঞ্জ কোবিড -১৯ চিকিত্সালয়ত ভৰ্তি কৰোৱা হৈছে। আৰু এই মহূৰ্তে লৈকে  কোবিড ১৯ চিকিত্সালয়ত ৩৬ গৰাকী পজিটিব ৰোগীৰ চিকিত্সা চলি আছে। এই সময়তে ৰাজ্যৰ আন আন স্থানৰ লগতে কৰিমগঞ্জতো ৰাইজ অধিক সজাগ হোৱাৰ প্ৰয়োজন হৈ পৰিছে কিয়নো ভ্ৰমণ বৃত্তান্ত নথকা বহু লোক ইতিমধ্যে কৰণা পজিটিভ হিচাবে চিনাক্ত হোৱাত বংশ সংক্ৰমণ হোৱাৰ আশংকা থাকিব পাৰে। আৰু তাৰবাবে গোটেই জিলাখনত এক আতংকময় পৰিবেশৰ সৃষ্টি হৈছে। যদিও জিলা উপায়ক্ত আনবামুথান এম পি এ গনসংক্ৰমণ হোৱাৰ আশংকা নাই বুলি জনাইছে।

নাজিৰা : কৰ’না সংক্ৰমণৰ লকডাউনৰ চতুৰ্থটো পৰ্য্যায় অতিক্ৰম কৰাৰ মূহুৰ্ত্ততে প্ৰকৃতিৰ চিৰাচৰিত বাৰিষাৰ বৰষুণত দিখৌৰ বাঢ়নি পানীয়ে সৃষ্টি কৰা প্ৰৱল সোঁতত যোৱা দুটা দিনত নদীৰ পাৰত বসবাস কৰা পৰিয়াল সমূহৰ দুৰ্গতি অধিক বাঢ়ি গৈছে ।  প্ৰৱল খহনীয়াৰ গৰাহত পৰা নাজিৰা নগৰৰ ১ নং ৱাৰ্ডৰ ৪০-৫০ ঘৰ মানুহৰ সমস্যা চৰকাৰৰ দৃষ্টিত পৰিছে যদিও এই বাতৰি লিখা পৰ্য্যন্ত কোনো সঁহাৰিমূলক ভূমিকা পৰিলক্ষিত হোৱা নাই  l এই পৰ্য্যন্ত  পাকঘৰৰ পৰা পৰা আৰম্ভ কৰি শোৱনি কোঠা পৰ্য্যন্ত নদীৰ বালিচহীয়া মাটিৰ খহনীয়াই সোপাকে নদীৰ বুকুলৈ খহাই নিয়াৰ লগতে নিশ্চিহ্ন কৰি পেলোৱাত দুটি সন্তানৰ সৈতে দীপ্তি দাসে আবাস-গৃহ বিচাৰি হাহাকাৰ কৰিবলগীয়া হৈছে । তেনেদৰে দুটি সন্তান সহ অতুল দাসৰ পৰিয়াল, ক্ষুদ্ৰ ব্যৱসায়ী লক্ষেশ্বৰ দাসৰ পৰিয়াল, সুৰেন দাসৰ পৰিয়াল, কেৰেং দাসৰ পৰিয়াল, পূৰ্ণকান্ত দাস, অমূল্য দাস আদি লোক সকলে কোনো ভড়াঘৰলৈ স্থানান্তৰ হৈছে যদিও কোনো কোনোৱে ধনৰ অভাৱত স্থানান্তৰ হ’ব পৰা নাই. । প্ৰায় ১৫ বছৰ ধৰি বসবাস কৰি বিজুলি বাতিৰো সংযোগ হোৱা এই স্থানত হোৱা দিখৌৰ এই খহনীয়া ব্যাপক হোৱালৈ চাই চৰকাৰীভাৱে বিশেষ তৎপৰতা স্থানীয় ৰাইজে দেখা নাই বুলি অভিযোগ কৰে। আনহাতে স্থানীয় বিধায়ক দেৱব্ৰত শইকীয়াই আজি অঞ্চলটো পৰিভ্ৰমণ কৰি ৰাইজৰ দুৰ্দ্দশাৰ বুজ লয়  আৰু জলসম্পদ বিভাগৰে যোগাযোগ কৰে।