ঘৰে-ঘৰে পুখুৰী, ঘৰে-ঘৰে পুখুৰী”, সেই পদক্ষেপৰ অন্তৰ্গত আজি অসমৰ ম‍ৎস‍্য উৎপাদনৰ ক্ষেত্ৰত সংযোজন হ’ল এক নৱ পদক্ষেপ। কলিয়াবৰৰ উলুৱনীত স্থাপিত কলিয়াবৰ একুৱাটেক। পোণ প্ৰথমে ইজৰাইলত আৰম্ভ হোৱা পুণৰাৱৰ্তন জলীয় কৃষি পদ্ধতিত মৎস পালনেৰে ৰাজ‍্যৰ মৎস‍্য চাহিদাৰ যোৰা মাৰ্চব পৰাকৈ নীল বিপ্লৱৰ অংশ স্বৰূপে প্ৰতিষ্ঠা কৰা এই প্ৰকল্পৰ শুভ উদ্বোধন কৰে ৰাজ‍্যৰ মুখ‍্যমন্ত্ৰী সৰ্বানন্দ সোণোৱালে। এই প্ৰকল্পৰ জৰিয়তে ৰাজ‍্যৰ মৎসৰ চাহিদা পুৰণৰ লগতে স্ব-নিয়োজনৰ ক্ষেত্ৰত ৰাজ‍্যলৈ এক যোগাত্মক পৰিৱৰ্তন আনিব বুলি মুখ‍্যমন্ত্ৰীয়ে আশা প্ৰকাশ কৰে। ৰাজ‍্যৰ ক্ৰমবৰ্দ্ধমান নিবনুৱা সম‍স‍্যা ভাৰাক্ৰান্ত হৈ থকাৰ সময়তে ৰাজ‍্যৰ শিক্ষিত যুৱক-যুৱতীয়ে কৃষি কৰ্ম নিয়োজিত হৈ নিয়ন্ত্ৰণ কৰিবলৈ বিভিন্ন চৰকাৰী আঁচনিৰৰ সুবিধা ল’বলৈ আহ্বান জনাই মুখ‍্যমন্ত্ৰীয়ে। যোৱা লকডাউনৰ সময়ছোৱাত পৰিৱৰ্তিত বজাৰ ব‍্যৱস্থাৰ প্ৰতি লক্ষ‍্য ৰাখি গ্ৰাম‍্য অৰ্থনীতিত নৱ-উন্মেষ ঘটোৱাৰ পৰিকল্পনা বাস্তৱত ৰূপায়ণ কৰাৰ উদ‍্যোগ লাগিবৱা হৈছে। ঘৰুৱা চাহিদাৰ প্ৰতি লক্ষ‍্য ৰাখি সকলো সামগ্ৰী ঘৰুৱাভাৱে উৎপাদন কৰি আত্ম-নিৰ্ভৰশীল হ’ব লাগিব। নিষ্ঠা আৰু সততাৰে আত্মনিৰ্ভৰ্শীলতাৰ ক্ষেত্ৰত আজিৰ যুৱচাম আগবাঢ়িব লাগিব। জৈৱ-বৈচিত্ৰতাৰে ভৰপূৰ অসমখনত উৰ্বৰ ভূমিত কৃষিৰ জৰিয়তে আত্মনিৰ্ভৰশীল হোৱাৰ সুযোগ লকডাউনে দিছে। অসমৰ সামগ্ৰীয়ে ইতিমধ‍্যে বিশ্বৰ বজাৰ লাভ কৰা সমাদৰৰ আৰু প্ৰসাৰ আৰু প্ৰচাৰৰ বাবে আজিৰ যুৱচামে আত্মনিয়োগ কৰিব লাগিব। আজিৰ যুৱচামে অসম চৰকাৰৰ বিভিন্ন আঁচনিৰ সুবিধা গ্ৰহণ কৰি নিজৰ লগতে ৰাজ‍্যখনৰ অৰ্থনেতিক উন্নয়নত গুৰুত্বপূৰ্ণ ল’ব পাৰে। অসমৰ বজাৰ দখল কৰি দেশ আৰু বিশ্বৰ বজাৰ দখল কৰিবলৈ মানদণ্ডৰ সামগ্ৰী উৎপাদন কৰিব লাগিব।উদ্বোধনী অনুষ্ঠানত মীন মন্ত্ৰী পৰিমল শুক্ল বৈদ‍্যই মন্তব‍্য আগবঢ়াই জনাই অসমক মৎস‍্য উৎপাদনৰ ক্ষেত্ৰত স্বাৱলম্বী কৰাৰ দিশত যোৱা চাৰি বছৰে যথেষ্ট উন্নতি লাভ কৰিছে। ভৱিষ‍্যতে আন ৰাজ‍্যকো মৎস‍্য যোগান ধৰিব পাৰিব বুলি মন্তব‍্য আগবঢ়াই।আজিৰ এই উদ্বোধনী অনুষ্ঠানত ৰাজ‍্যৰ মীন বিভাগৰ মন্ত্ৰী পৰিমল শুক্ল বৈদ‍্য আৰু স্থানীয় বিধায়ক তথা জল সম্পদ মন্ত্ৰী কেশৱ মহন্ত, নগাঁৱৰ বিধায়ক ৰূপক শৰ্মা, ৰহাৰ ডিম্বেশ্বৰ দাস, অসম চৰকাৰৰ সংবাদ উপদেষ্টা সহ কৃষি উৎপাদ বিভাগ আৰু মীন বিভাগৰ আয়ুক্ত উপস্থিত থাকে।উল্লেখযোগ‍্য যে, কলিয়াবৰৰ উলুৱনীৰ শৈলেন্দ্ৰ গোস্বামী আৰু মিছাৰ ধনঞ্জয় উপাধ‍্যায়, এই দুই শিক্ষিত যুৱকে দুবছৰৰ আগতে নিজাববীয়া প্ৰচেষ্টাৰে বৈজ্ঞানীক পদ্ধতিৰে কৃটিমভাৱে পানীৰ টেংকীত মাছ পালন আৰম্ভ কৰিছিল। সপোন আছিল মৎস‍্য পালনৰ জৰিয়তে স্বাৱলম্বী হোৱাৰ আৰু আনকো সংস্থাপিত কৰাৰ সপোন পূৰণ হোৱাৰ পথত আজি মুকলি হ’ল

টীয়কৰ পৰা অঞ্জন প্ৰকাশ 

সমগ্ৰ বিশ্বৰ আজি অসুখ  দেশে দেশে মহামাৰী ক’ৰোনাৰ সংহাৰ জনতা গৃহবন্দী৷ প্ৰতিখন দেশৰ ব্যৱসায় বানিজ্য তথা অৰ্থনৈতিক অৱস্থা ক্ৰমাৎ জতিল হৈ আহিছে দেশৰ এনে জতিল অবস্থাৰ পৰা পৰিত্ৰাণ বিছাৰি  জনতাই আজি আঠু লৈছে নেদেখাজনৰ চৰণ ৷ হয়,  বিশ্ব শান্তিৰ আৰু মহামাৰী ক’ৰোনাৰ পৰিত্ৰাণ বিছাৰি   আজিৰ পৰা দুদিনীয়া কাৰ্যসূচীৰে যোৰহাটৰ চটাইস্থিত দক্ষিণপাট গৃহ আশ্ৰমী সত্ৰৰ শ্ৰীশ্ৰী ৰামানন্দ দেৱ ক্ষেত্ৰত এভাগী শ্ৰী শ্ৰী লক্ষ্মীনাৰায়ণ যজ্ঞৰ আয়োজন কৰা হৈছে। দক্ষিণপাট গৃহ আশ্ৰমী সত্ৰৰ সত্ৰাধিকাৰ জগন্নাথ দেৱগোস্বামীৰ প্ৰত্যক্ষ সহযোগত প্ৰতি বছৰে চ’ত মাহত অনুষ্ঠিত হৈ আহিছিল এই যজ্ঞভাগ।কিন্তু চলিত বৰ্ষত ক’ৰোণা মহামাৰীৰ সন্ত্ৰাসৰ বাবে যথা সময়ত এই মহান যজ্ঞভাগি অনুস্থিত নকৰি আজিৰ এই দিনটোতে বিশ্ব শান্তি তথা ক’ৰোণা নিৰ্মূলৰ বাবে ভগৱানৰ ওচৰত সেৱা আগবঢ়ায়। উল্লেখযোগ্য যে সম্পূৰ্ণ সামাজিক দূৰত্ব বৰ্তাই ৰাখি 2১ জন পুৰোহিতৰ পৰিবৰ্তে ৭ জন পুৰোহিতেৰে এই যজ্ঞভাগি  অনুষ্টুপীয়াকৈ অনুস্থিত  কৰিছে।উল্লেখযোগ্য যে তিনিচুকীয়াৰ বাঘজানত সংঘটিত ঘটনাৰ ফলত জীৱকুল তথা পৰিবেশৰ যি ক্ষতি হৈছে তাৰো উপশম বিচাৰি ভগৱানৰ চৰণত এই মহা যজ্ঞতে সেৱা জনাইছে উপস্থিত ভকত বৈষ্ণৱে।