মেছিয়ে বিশ্বকাপত খেলিব নে নাই বুলি সোধাত স্কাল’নীয়ে কয়, “চাওঁ কি হয়। এতিয়াও বহু সময় আছে। আমি প্ৰতিখন মেচ যিদৰে আহিব তেনেদৰেই লোৱা উচিত। নহ’লে আমি গোটেই বছৰটো একেখিনি কথাই কৈ থাকিব লাগিব। এতিয়াৰ বাবে আমি মেছিক অকলে এৰি দিব বিচাৰো। মেছিয়ে কি কৰিব বিচাৰে সেইটো সিদ্ধান্ত লওক। এই বিষয়ে ইমান আলোচনা কৰি লাভ নাই।”
মেছি অবিহনে ব্ৰাজিলৰ বিৰুদ্ধে আৰ্জেণ্টিনাৰ আধিপত্য দেখি বহুলোক আচৰিত হৈছিল। অৱশ্যে আৰ্জেণ্টিনাৰ ফুটবলাৰসকলৰ মতে মেছি থাকিলে জয়ৰ সোৱাদ অধিক মধুৰ হ’লহেঁতেন। জুলিয়ান আলভাৰেজে কয় যে মেছি যদি তাত থাকিলহেঁতেন তেন্তে আমি আৰু দুটা বা তিনিটা গ’ল দিলোঁহেঁতেন।
মিডফিল্ডাৰ ৰড্ৰিগো ডি পলেও একে কথাই কয়। তেওঁ মন্তব্য কৰে যে, “যেতিয়া আমাৰ দলত ১০ নম্বৰ থাকে, আমি আমাৰ শ্ৰেষ্ঠ খেল খেলো। কাৰণ তেওঁ বিশ্বৰ শ্ৰেষ্ঠ ফুটবলাৰ।” যদিও তেওঁ নাম উল্লেখ কৰা নাছিল, তথাপিও তেওঁ মেছিৰ কথাকে বুজাইছিল।
গুৱাহাটী, ২৭ মাৰ্চঃ assam cabinet । জনতা ভৱনত অনুষ্ঠিত অসম চৰকাৰৰ কেবিনেট বৈঠকত বহু গুৰুত্বপূৰ্ণ সিদ্ধান্ত গ্ৰহণ কৰা হৈছে। বৈঠকৰ অন্তত মুখ্যমন্ত্ৰী ড° হিমন্ত বিশ্ব শৰ্মাই সাংবাদিকসকলক এই সিদ্ধান্তসমূহৰ বিষয়ে অৱগত কৰে।
মুখ্যমন্ত্ৰীগৰাকীয়ে জনোৱা মতে, পঞ্চায়ত আৰু গ্ৰামোন্নয়ন বিভাগৰ অধীনত অসম পঞ্চায়ত ফাইনেন্সিয়েল ৰুলছ-২০০২ সংশোধনৰ অনুমোদন কেবিনেটে প্ৰদান কৰিছে। নতুন নিয়ম অনুসৰি, পঞ্চায়তৰ বজাৰ আৰু হাটসমূহত ক্ষুদ্ৰ ব্যৱসায়ীৰ পৰা কোনো ধৰণৰ কৰ সংগ্ৰহ কৰিব নোৱাৰিব, আৰু মহলদাৰসকলক নতুন দায়িত্ব প্ৰদান কৰা হ’ব। লগতে, মহলদাৰসকলে যাতে কোনো অতিৰিক্ত ধন সংগ্ৰহ নকৰে তাৰ বাবে পুলিচ ভেৰিফিকেচনৰ ব্যৱস্থা কৰা হ’ব।
জলবায়ু পৰিবর্তন সজাগীকৰণ তথা পৰিচালনৰ দায়িত্ব এতিয়াৰে পৰা বন বিভাগে ল’ব। আনহাতে, লোক নিৰ্মাণ বিভাগক দুটা ভাগত বিভক্ত কৰাৰ সিদ্ধান্ত লৈ কেবিনেটে নতুনকৈ “লোক নিৰ্মাণ স্বাস্থ্য আৰু শিক্ষা বিভাগ” গঠনৰ অনুমোদন দিছে। এই বিভাগৰ অধীনত স্বাস্থ্য আৰু শিক্ষা সম্পৰ্কীয় বিল্ডিংসমূহৰ নিৰ্মাণ আৰু পৰিচালনা কৰা হ’ব। আনহাতে, সচিবালয়, ষ্টেডিয়াম, আৱৰ্ত ভৱন আদি নিৰ্মাণৰ দায়িত্ব লোক নিৰ্মাণ গৃহ বিভাগৰ অধীনত থাকিব।
কেবিনেটৰ অন্য এটা গুৰুত্বপূৰ্ণ সিদ্ধান্ত অনুসৰি, এতিয়াৰে পৰা প্রতিটো বিধানসভা সমষ্টিত (১২৬টা) একোটাকৈ ব্লক PHE গঠন কৰা হ’ব। যিসমূহ সমষ্টিৰ আকাৰ ডাঙৰ, সেই সমষ্টিসমূহত দুটাকৈ ব্লক PHE থাকিব।
নতুন মেডিকেল কলেজ দৰং জিলাত এখন নতুন মেডিকেল কলেজ স্থাপনৰ বাবে ৫৭২ কোটি টকাৰ অনুমোদন দিয়া হৈছে। মঙলদৈৰ দক্ষতা বিকাশ বিশ্ববিদ্যালয়ৰ সমীপত এই মেডিকেল কলেজ নিৰ্মাণ হ’ব, যাৰ লগত BSc নাৰ্ছিং কলেজ আৰু GNM নাৰ্ছিং স্কুলো সংলগ্ন থাকিব।
অন্য গুৰুত্বপূৰ্ণ সিদ্ধান্তসমূহ
ৰাজ্যৰ প্ৰতিখন ৰেচন দোকানৰ মেয়াদ ৩০ জুন ২০২৬লৈ বৃদ্ধি কৰা হ’ল।
চৰকাৰী চাকৰিয়ালসকলৰ ক্ষেত্ৰত বিবাহ বিচ্ছেদিত স্বামীসকলেও ২ বছৰৰ বাবে চাইল্ড কেয়াৰ লীভ লাভ কৰিব।
মাহিলী আয় ১৫ হাজাৰৰ তলত হ’লে এতিয়াৰে পৰা কোনো প্রফেচনেল টেক্স দিব নালাগে।
কেঁচা চাহপাতৰ ওপৰতো এতিয়াৰে পৰা কৰ বসোৱা নহ’ব।
AFSPA আইন বাতিলৰ ক্ষেত্ৰত কেন্দ্ৰীয় গৃহ মন্ত্ৰণালয়ে ডিব্রুগড় জিলাক AFSPAৰ আওতাৰ পৰা বাহিৰ কৰিছে, যদিও তিনিচুকীয়া, শিৱসাগৰ, আৰু চৰাইদেউ জিলাত এই আইন কাৰ্যকৰী হৈ থাকিব।
অসমক দ্বিতীয় ৰাজধানী হিচাপে গঠনৰ বাবে কেন্দ্ৰক আহ্বান জনোৱা হৈছে।
জাপান চৰকাৰে ২৫ মাৰ্চত নতুন পৰ্যটন নীতি ঘোষণা কৰি অসমৰ ক্ষেত্ৰত থকা আগতীয়াকৈ আরোপিত কিছু নিৰ্দেশনা শিথিল কৰিছে।
টিংখাং উচ্চতৰ মাধ্যমিক বিদ্যালয়ৰ অধ্যক্ষ অশোক গগৈ তথা বিদ্যালয়খনৰ শিক্ষক কৰ্মচাৰীসকলৰ নেৰা নেপেৰা প্ৰচেষ্টাত এক শৈক্ষিক জাগৰণৰ সৃষ্টি কৰিবলৈ সক্ষম হৈছে বিদ্যালয়খনে।
টিংখাং উচ্চতৰ মাধ্যমিক বিদ্যালয় কৰ্তৃপক্ষই ছাত্ৰ-ছাত্ৰীৰ ব্যাপক সমাগম দেখি বাচনি পৰীক্ষা অনুষ্ঠিত কৰিব লগা পৰিস্থিতিৰ সৃষ্টি হৈছে।
যি সময়ত চৰকাৰী খণ্ডৰ(Students flock to enroll in government schools) বহু বিদ্যালয় ছাত্ৰ-ছাত্ৰীৰ অভাৱত চৰকাৰে বন্ধ কৰিব লগা পৰিস্থিতিৰ সৃষ্টি হৈছে; তেনে সময়তে টিংখাং উচ্চতৰ মাধ্যমিক বিদ্যালয়ত নামভৰ্তিৰ বাবে ছাত্ৰ-ছাত্ৰী তথা অভিভাৱকৰ ব্যাপক উৎসাহে সকলোৰে দৃষ্টি আকৰ্ষণ কৰিবলৈ সক্ষম হৈছে।
এইয়া চৰকাৰী খণ্ডৰ বিদ্যালয়ৰ বাবে এক আশা আৰু প্ৰত্যাক্ষাৰ ৰেঙণি কঢ়িয়াই আনিছে৷ ব্যক্তিগত খণ্ডৰ বিদ্যালয়ৰ পৰিৱৰ্তে অভিভাৱকসকলে চৰকাৰী খণ্ডৰ বিদ্যালয়ৰ প্ৰতি আকৰ্ষিত হোৱাটো নিশ্চয়কৈ এক আশাৰ বাট মুকলি হৈছে৷
গুণোৎসৱ ২০২৫: শীৰ্ষ স্থান লাভ কৰিলে শিৱসাগৰ জিলাই । Gunotsav 2025
Gunotsav 2025 । অসমৰ মুখ্যমন্ত্ৰী হিমন্ত বিশ্ব শৰ্মাই ঘোষণা কৰিলে গুণোৎসৱ ২০২৫ ৰ ফলাফল। এইবাৰ গুণোৎসৱৰ মূল্যাংকনত শীৰ্ষ স্থান লাভ কৰিছে শিৱসাগৰ জিলাই। দ্বিতীয় স্থান অধিকাৰ কৰিছে গোলাঘাট জিলাই আৰু তৃতীয় স্থান লাভ কৰিছে ডিব্ৰুগড় জিলাই। মুখ্যমন্ত্ৰীয়ে উন্নত ফলাফল লাভ কৰা জিলাসকলক অভিনন্দন জনায়।
২০১৭ চনত এ প্লাছ গ্ৰেড থকা বিদ্যালয়ৰ সংখ্যা আছিল ৬,৩০৭ খন, যি ২০২৫ চনত বৃদ্ধি পাই ১৩,৩০০ খন হৈছে। একেদৰে, এ গ্ৰেড পোৱা বিদ্যালয়ৰ সংখ্যা ২০১৭ চনত ১২,৯২৭ খন আছিল, যি ২০২৫ চনত ১৩,৯৫২ খনলৈ বৃদ্ধি পাইছে। বি গ্ৰেডৰ সংখ্যা হ্ৰাস পাই ৭০০০ খন হৈছে, আৰু চি গ্ৰেড বিদ্যালয় ৮০০ খনলৈ হ্ৰাস পাইছে। ডি গ্ৰেড বিদ্যালয়ৰ সংখ্যা ২০১৭ চনৰ ৭০০০ খনৰ পৰা ২০২৫ চনত ২১৮ খনলৈ হ্ৰাস পাইছে।
মুখ্যমন্ত্ৰীয়ে উল্লেখ কৰে যে, ২০১৭ চনত ১২,০০০ বিদ্যালয় মূল্যায়নৰ অন্তৰ্ভুক্ত আছিল, কিন্তু ২০২৫ চনত ৪৪,০৭ বিদ্যালয় এই মূল্যায়নৰ অন্তর্ভুক্ত হৈছে। ২০২৫ চনত ২৭,২৫২ খন বিদ্যালয় এ বা এ+ গ্ৰেড লাভ কৰিছে, যি ২০২৪ চনৰ তুলনাত ৭% বৃদ্ধি পোৱা সংখ্যা। শিৱসাগৰ আৰু ডিব্ৰুগড় জিলাই পুনৰ শীৰ্ষস্থানত আছে, আৰু গোলাঘাট জিলা প্ৰথমবাৰৰ বাবে শীৰ্ষ তিনিটা স্থানত স্থান লাভ কৰিছে।
শিক্ষাৰ মানদণ্ড উন্নত হোৱাৰ লগত, ইউনিফৰ্মৰ ক্ষেত্ৰত শীৰ্ষ স্থান লাভ কৰিছে শিৱসাগৰ জিলাই, মাজুলী আৰু চৰাইদেউ জিলাই দ্বিতীয় আৰু তৃতীয় স্থান লাভ কৰিছে। স্বচ্ছতাৰ ক্ষেত্ৰত গোলাঘাট, কামৰূপ (মঃ) আৰু যোৰহাট জিলাই কৃতিত্ব লাভ কৰিছে।
ইপিনে, পশ্চিম কাৰ্বি আংলং, কাৰ্বি আংলং আৰু চিৰাং জিলাই সন্তোষজনক ফলাফল দেখুৱাব পৰা নাই। মুখ্যমন্ত্ৰীয়ে এই জিলাসমূহৰ শিক্ষা বিভাগক ফলাফল উন্নত কৰাৰ বাবে পদক্ষেপ লোৱাৰ নিৰ্দেশ দিয়ে।
মুখ্যমন্ত্ৰীয়ে ভাষণ প্ৰদান কৰি কয় যে, অসমত চৰকাৰী বিদ্যালয়ৰ গুণগত মান উন্নত হৈছে। চৰকাaৰী বিদ্যালয়ত ছাত্ৰ-ছাত্ৰীসকলে শিক্ষালাভ কৰিবলৈ আগ্ৰহী হৈছে, যিয়ে শিক্ষা ব্যৱস্থাৰ এক ইতিবাচক পৰিৱর্তন সূচায়।
