বৰ্তমান সময়লৈকে ক্ৰিকেটা যুজবেন্দ্ৰ চাহাল বা ধনশ্ৰী ভাৰ্মাই তেওঁলোকৰ বিবাহ বিচ্ছেদৰ সম্পৰ্কৰ বিষয়ে মুকলিকৈ কোৱা নাই। কিন্তু বিচ্ছেদৰ জল্পনা-কল্পনা তীব্ৰতৰ হোৱাৰ পিছতে অনুৰাগীৰ ৰোষৰ সন্মুখীন হ’বলগীয়া হৈছে অভিনেত্ৰীগৰাকী।(Yuzvendra-Dhanashree)
দীৰ্ঘদিন ধৰি জল্পনা-কল্পনা অব্যাহত আছে যুজবেন্দ্ৰ চাহাল বা ধনশ্ৰী ভাৰ্মা। শনিবাৰৰ পৰা যুজবেন্দ্ৰ চাহাল আৰু ধনশ্ৰী বৰ্মাৰ বিবাহ বিচ্ছেদৰ চৰ্চা তীব্ৰতৰ হৈ পৰে। আজি দেখা গৈছে যে চাহালে ছ’চিয়েল মিডিয়াত পত্নীৰ সৈতে থকা সকলো ছবি ডিলিট কৰি দিছে তেওঁলোকে আৰু ইনষ্টাগ্ৰামতো ইজনে সিজনক আনফ’ল’ কৰিছে। তাৰ পৰাই আৰম্ভ হ’ল নতুন বিচ্ছেদৰ জল্পনা-কল্পনা। তেতিয়াৰ পৰাই ধনশ্ৰীক ইজনৰ পিছত সিজন ব্যক্তিয়ে ঠাট্টা-মস্কৰা কৰিছে।
এতিয়ালৈকে চাহাল বা ধনশ্ৰীয়ে তেওঁলোকৰ সম্পৰ্কৰ বিষয়ে মুকলিকৈ কোৱা নাই। কিন্তু বিচ্ছেদৰ জল্পনা-কল্পনা তীব্ৰতৰ হোৱাৰ পিছতে নেটিজেনৰ ৰোষৰ সন্মুখীন হ’বলগীয়া হয় অভিনেত্ৰীগৰাকী। এই বিষয়ত বহুতে ছ’চিয়েল মিডিয়াতো পোষ্ট কৰিছে। চাহালৰ একাংশ অনুৰাগীয়ে দাবী কৰে যে ধনশ্ৰী আন পুৰুষৰ লগত বেছি ঘনিষ্ঠ। সেয়ে অনুৰাগীৰ পৰামৰ্শ, চাহালে ধনশ্ৰীৰ সৈতে বিবাহ বিচ্ছেদ কৰিব লাগে।
একাংশই দাবী কৰিছে যে ধনশ্ৰীয়ে চাহালক দিনক দিনে বিভিন্ন ধৰণে হাৰাশাস্তি কৰিছিল। বহুতে ধনশ্ৰীক অনুষ্কা শৰ্মাৰ পৰা শিকিবলৈও পৰামৰ্শ দিছে। এজন নেটিজেনৰ ভাষাত, “চাহাল, অনুগ্ৰহ কৰি ধৈৰ্য্য ধৰিব। ধনশ্ৰীৰ লগত ব্ৰেকআপ কৰোৱা সঠিক সিদ্ধান্ত। ছ’চিয়েল মিডিয়াত আন পুৰুষৰ সৈতে এনে অন্তৰংগ ফটো শ্বেয়াৰ কৰা মহিলাগৰাকীক কেনেদৰে গ্ৰহণ কৰা হয়? সকলোৱে বুজিব পাৰিছিল যে তেওঁলোক পৃথক হ’ব।
ধনশ্ৰীয়ে তেওঁৰ নামৰ পৰা ‘চাহল’ উপাধি আঁতৰাই পেলাইছিল যদিও এতিয়াও তেওঁৰ ছ’চিয়েল মিডিয়াত চাহলৰ সৈতে কেইবাখনো ছবি আছে। ২০২০ চনৰ ২২ ডিচেম্বৰত চাহালে গুৰুগ্ৰামত এক অনুষ্ঠানত ধনশ্ৰীৰ সৈতে বিবাহপাশত আবদ্ধ হয়। ধনশ্ৰী আচলতে চাহালৰ নৃত্য শিক্ষক আছিল।
