কুৱেইটত উপস্থিত মোডী, দুয়োখন দেশৰ সম্পৰ্কত গুৰুত্ব, প্ৰতিৰক্ষাৰ আলোচনাৰ সম্ভাৱনা! ১৯৮১ চনত ভাৰতৰ তদানীন্তন প্ৰধানমন্ত্ৰী ইন্দিৰা গান্ধীয়ে কুৱেইট ভ্ৰমণ কৰিছিল। তাৰ পিছত আন কোনো ভাৰতীয় প্ৰধানমন্ত্ৰীয়ে কুৱেইট ভ্ৰমণ কৰা নাছিল। ৪৩ বছৰৰ পাছত শনিবাৰে কুৱেইটৰ ৰাজকুমাৰৰ আমন্ত্ৰণত নৰেন্দ্ৰ মোদীয়ে কুৱেইট ভ্ৰমণ কৰে।(Narendra Modi’s Kuwait Visit)
দুদিনীয়া এই ভ্ৰমণত প্ৰধানমন্ত্ৰীগৰাকীয়ে কুৱেইটৰ প্ৰশাসনৰ সৈতে কেইবাটাও গুৰুত্বপূৰ্ণ বিষয়ৰ ওপৰত আলোচনা কৰিব। কুৱেইটৰ প্ৰবাসী ভাৰতীয়সকলকো সাক্ষাৎ কৰাৰ পৰিকল্পনা কৰিছে মোদীয়ে। দ্বিপাক্ষিক চুক্তি স্বাক্ষৰৰ পৰা আৰম্ভ কৰি ফুটবল প্ৰতিযোগিতাৰ দৰে বহুতো বিষয়ৰ ওপৰত আলোচনা কৰাৰ সম্বাৱনা।।
১৯৮১ চনত ভাৰতৰ তদানীন্তন প্ৰধানমন্ত্ৰী ইন্দিৰা গান্ধীয়ে কুৱেইট ভ্ৰমণ কৰিছিল। ৪৩ বছৰৰ পাছত শনিবাৰে কুৱেইটৰ ক্ৰাউন প্ৰিন্স আমিৰ শ্বেখ মেছাল আল আহমেদ আল জাবেৰ আল ছাবাহৰ আমন্ত্ৰণত কুৱেইট ভ্ৰমণ কৰে মোদীয়ে। ভাৰতৰ বৈদেশিক পৰিক্ৰমা মন্ত্ৰালয়ৰ তথ্য অনুসৰি প্ৰধানমন্ত্ৰীৰ এই ভ্ৰমণৰ মূল উদ্দেশ্য হৈছে দুয়োখন দেশৰ মাজত প্ৰতিৰক্ষা সহযোগিতা শক্তিশালী কৰা। ইয়াৰ উপৰিও এই ভ্ৰমণৰ সময়ত কিছু দ্বিপাক্ষিক চুক্তিও স্বাক্ষৰিত হোৱাৰ সম্ভাৱনা আছে। ভাৰত আৰু উপসাগৰীয় সহযোগিতা পৰিষদৰ (জিচিচি)ৰ সৈতে সম্পৰ্ক সুদৃঢ় কৰাৰ আলোচনা হ’ব পাৰে।
ভাৰতৰ বৈদেশিক পৰিক্ৰমা মন্ত্ৰালয়ৰ সম্পাদক অৰুণ কুমাৰ চেটাৰ্জীয়ে কয় যে প্ৰধানমন্ত্ৰীৰ এই ভ্ৰমণ ঐতিহাসিক। দুয়োখন দেশৰ মাজত আৰম্ভ হ’ব নতুন অধ্যায়। বাণিজ্য, উদ্যোগ, প্ৰতিৰক্ষা আদি বিষয়ত আলোচনা কৰা হ’ব। শনিবাৰে কুৱেইটলৈ যোৱাৰ পূৰ্বে মোদীয়ে কয় যে তেওঁ এই ভ্ৰমণক লৈ উৎফুল্লিত। কুৱেইটৰ ক্ৰাউন প্ৰিন্স প্ৰধানমন্ত্ৰীৰ সৈতে বৈঠকৰ বাবে অপেক্ষা কৰি আছে।
কুৱেইটৰ শীৰ্ষ বাণিজ্যিক অংশীদাৰৰ তালিকাত ভাৰতৰ স্থান উচ্চ। ইয়াৰ বাহিৰেও দেশৰ জনসংখ্যাৰ এক বৃহৎ অংশ প্ৰবাসী ভাৰতীয়। কুৱেইটৰ কৰ্মশক্তিৰ ৩০ শতাংশ ভাৰতীয় নাগৰিক। ভাৰতলৈ খাৰুৱা তেল যোগান ধৰা দেশৰ তালিকাত কুৱেইটৰ স্থান ষষ্ঠ।
কংগ্ৰেছে মোডীৰ কুৱেইট ভ্ৰমণক সমালোচনা কৰে। মণিপুৰ বিষয়টোও উত্থাপন কৰিছে। বিৰোধীৰ মতে কিয় তেওঁ অশান্ত মণিপুৰলৈ নাযায়। কংগ্ৰেছ নেতা জয়ৰাম ৰমেশে কয় যে মোডীয়ে মণিপুৰৰ জনসাধাৰণৰ বাবে তাৰিখ নিৰ্ধাৰণ কৰিবলৈ সক্ষম হোৱা নাই। কিন্তু কুৱেইটৰ ৰাজকুমাৰক লগ কৰিবলৈ তেওঁৰ সময় আছে।
