নাৰিকল তেলৰ সহায়ত ছালৰ যত্ন ল’ব পৰাে। নাৰিকল তেলেৰে ছালৰ যত্ন ল’লে ছালৰ ৰং উজ্জ্বল হৈ পৰে। ক’লা দাগবোৰ আঁতৰে।(Skin Care)
অতীজৰে পৰা পিতৃ-মাতৃয়ে নিজৰ সন্তানক নাৰিকল তেলেৰে মালিচ কৰি ৰাতিপুৱাৰ ৰ’দত ৰাখিছিল। সেই দৃশ্য এতিয়া ব্ৰেণ্ডেড অইলৰ যুগত দেখা নাযায়। কিন্তু ছালৰ চিকিৎসকৰ মতে নাৰিকল তেলৰ দ্বাৰা চিকিৎসা কৰা ছালখন যেনেকৈ ৰ’দৰ অতিবেঙুনীয়া ৰশ্মিৰ পৰা সুৰক্ষিত হয়, ঠিক তেনেদৰে নাৰিকল তেলেৰে ছালৰ যত্ন ল’লে ৰং উজ্জ্বল কৰে। ক’লা দাগবোৰ পাতল হৈ পৰে।(Oil)
কেনেকৈ ব্যৱহাৰ কৰিব-
চন্দন – গোলাপৰ পানী
চন্দন আৰু গোলাপ পানীৰ লগত নাৰিকল তেল অলপ অলপকৈ মিহলাই লওক। এই মিশ্ৰণটো ছালত লগাই ২০-৩০ মিনিট থৈ দিব। এবাৰ শুকাই গ’লে ধুব লাগে। সপ্তাহত ২-৩ দিন ব্যৱহাৰ কৰিলে সুবিধা পাব।
হালধী – বেচন
আধা চামুচ বেচন আৰু এচামুচ হালধী গুড়িৰ লগত এচামুচ নাৰিকল তেল মিহলাই মিশ্ৰণ বনাওক। এই পেকটো শুকান ছালৰ বাবে অতি উপকাৰী। এই মিশ্ৰণটো ছালত লগাই ২০ মিনিৰ পিছত ধুই দিব। শুকুৱাবলৈ দি তাৰ পিছত ঠাণ্ডা পানীৰে ধুব।
এলোভেৰা জেল
নাৰিকল তেলৰ লগত এলোভেৰা জেল মিহলাই ছালত লগাই ৩০ মিনিটৰ পিছত ধুই দিব।
মৌ
নাৰিকল তেল মৌৰ লগত মিহলাই লওক। মৌ আৰু নাৰিকল তেলৰ সংমিশ্ৰণে ছালৰ কোষক পুষ্টি প্ৰদান কৰে। এই পেকটো ছালত লগাওক আৰু তাৰ পিছত দহ মিনিটৰ পিছত ধুই দিব।
বেচন-নেমু-হালধী
২-৩ চামুচ নাৰিকল তেল, ১ চামুচ বেচন, ১ চামুচ হালধী আৰু আধা চামুচ নেমুৰ ৰস মিহলাই মুখত লগাব। ১৫-২০ মিনিট ৰাখি মুখখন ঠাণ্ডা পানীৰে ধুব। এই ফেচ পেকে ছালৰ ৰং উজ্জ্বল কৰে।
