বেঙেনা স্বাস্থ্যৰ বাবে অতি উপকাৰী। বেঙেনাত থকা ভিটামিন আৰু খনিজ পদাৰ্থই শৰীৰৰ ৰোগ প্ৰতিৰোধ ক্ষমতা বৃদ্ধি কৰে আৰু হজম শক্তি উন্নত কৰে। কেলৰি কম আৰু আঁহ বেছি হোৱাৰ বাবে বেঙেনাই ওজন হ্ৰাসতো সহায় কৰে।(Brinjal)
বেঙেনাত বহুতো গুৰুত্বপূৰ্ণ ভিটামিন থাকে, যি সমূহ স্বাস্থ্যৰ বাবে উপকাৰী। বেঙেনাত ভিটামিন চি, কে আৰু বি৬ তাকে। ভিটামিন চি এবিধ শক্তিশালী এন্টিঅক্সিডেন্ট, যিয়ে ৰোগ প্ৰতিৰোধ ক্ষমতা শক্তিশালী কৰে আৰু শৰীৰক সংক্ৰমণৰ পৰা ৰক্ষা কৰে।(health benefits of Brinjal)
ভিটামিন কে এ হাড় সুস্থ কৰি ৰখাত সহায় কৰে। ভিটামিন বি ৬ য়ে মগজুৰ বিকাশ আৰু স্নায়ুতন্ত্ৰৰ কাৰ্য্যক্ষমতা উন্নত কৰে। এই ভিটামিনসমূহে শৰীৰৰ ৰোগ প্ৰতিৰোধ ক্ষমতা বৃদ্ধি কৰে।
বেঙেনাই ছালখন সুস্থ আৰু উজ্জ্বল কৰি ৰাখে। বিশেষকৈ শীতকালত যেতিয়া শাৰীৰিক ক্ৰিয়া-কলাপ কমি যায় তেতিয়া বেঙেনাৰ দৰে কম কেলৰিযুক্ত শাক-পাচলি খাব পাৰে। বেঙেনা খালে শৰীৰে প্ৰয়োজনীয় পুষ্টি আৰু শক্তি লাভ কৰে।
বিদেশলৈ যোৱাৰ আগতে কিছুমান কথা জানি ল’ব লাগে।(Travel Food)যদি আপুনি নিৰামিষভোজী হয় তেন্তে বহিঃৰাজ্যলৈ যাওঁতে বহু সমস্যাৰ সন্মুখীন হ’বলগীয়া হ’ব পাৰে। বিশ্বৰ বহু দেশত নিৰামিষ খাদ্য সহজলভ্য নহয়। তেতিয়া কি কৰিব?
ভাৰতত যেনেকৈ খাদ্য আৰু সংস্কৃতিৰ বৈচিত্ৰ্য আছে, পৃথিৱীৰ আন দেশতো আছে। সেই দেশবোৰ ভ্ৰমণ কৰিবলৈ, তেওঁলোকৰ সংস্কৃতি জানিবলৈ তেওঁলোকৰ খাদ্য খাব লাগিব। কাৰণ যিকোনো ঠাইৰ খাদ্য স্থানীয় ৰীতি-নীতি আৰু বিশ্বাসকে ধৰি বহু কথাৰ লগত জড়িত। কিন্তু বহু দেশত নিৰামিষ খাদ্য সহজে পোৱা নাযায়। এনে নহয় যে নিৰামিষ খাদ্য উপলব্ধ নহয়। কিন্তু সেই খাদ্য বিচাৰি উলিওৱাটো বিদেশী পৰ্যটকৰ বাবে সহজ নহয়, সেইটোৱেই সমস্যা।
চীন, জাপান, থাইলেণ্ড, ভিয়েটনাম আদি দেশলৈ যাত্ৰা কৰা বহু ভাৰতীয়ই এই সমস্যাৰ সন্মুখীন হয়। নিৰামিষ খাদ্য খোৱাৰ কোনো সমস্যা নাই। কিন্তু যদি কোনোবা নিৰামিষভোজী হয় তেন্তে খাদ্য বিচাৰি পোৱাটো কঠিন হৈ পৰে। বহু ভাৰতীয়ইও বিভিন্ন ট্ৰেভেল ব্লগত বিভিন্ন সময়ত এনে বিষয়ৰ ওপৰত বহু কথা কয়।গতিকে বহিঃৰাজ্যত পৰ্যটকে ভাল নিৰামিষ খাদ্য কেনেকৈ পাব?
১. যিকোনো দেশলৈ যোৱাৰ আগতে তেওঁলোকৰ বিশেষ খাদ্য, নিৰামিষভোজীৰ বিষয়ে জানিব লাগিব। ইণ্টাৰনেট ব্ৰাউজ কৰি, ব্লগ চাই ইয়াৰ বিষয়ে এটা ধাৰণা ল’ব পাৰিব। বিশেষ নিৰামিষ নামৰ তালিকা আৰু শুদ্ধ উচ্চাৰণ আগতীয়াকৈ জনা উচিত।
২. তেওঁলোকৰ স্থানীয় ভাষা শিকা সম্ভৱ নহয় যদিও অত্যাৱশ্যকীয় বাক্য শিকিব পাৰি। যেনে, ‘মই নিৰামিষ খাওঁ’। “মই মাছ, মাংস, কণী নাখাওঁ”।
৩.কোনবোৰ খাদ্য পৰিহাৰ কৰিব লাগে, স্থানীয় ভাষাত সেইবোৰৰ নাম জানি লওক। বহু দেশত মানুহে স্থানীয় ভাষাৰ বাহিৰে আন কোনো ভাষা বুজি নাপায়।
৪. প্ৰযুক্তিৰ সহায়ত নিৰামিষ খাদ্যৰ ঠিকনা বিচাৰি উলিওৱাটো বহুত সহজ হৈ পৰে। বিভিন্ন দেশত বিভিন্ন খাদ্যৰ এপ আছে। যিকোনো দেশলৈ যোৱাৰ আগতে মোবাইলত এপ ইনষ্টল কৰি সেই দেশৰ খাদ্য আৰু ৰেষ্টুৰেণ্টৰ বিষয়ে জানিব পাৰিব।
Art and Literature Awards:শিশু সাহিত্যক-কাৰ্টুন শিল্পী তপন বৰুৱালৈ 'শিল্প-সাহিত্য বঁটা-২০২৪'
গহপুৰ, ১৪ ডিচেম্বৰঃ ‘৪২ৰ গণ আন্দোলনৰ সক্ৰিয় কৰ্মী, কংগ্ৰেছ সেৱা বাহিনীৰ সেনানী মুক্তিযোদ্ধা বগাৰাম দিহিঙীয়াৰ জন্ম শতবৰ্ষৰ লগত সংগতি ৰাখি সামৰণি অনুষ্ঠানটি কাইলৈ অনুষ্ঠিত হ’ব।(Art and Literature Awards)
অসম নাট্য সন্মিলনৰ অন্তৰ্ভুক্ত বিশ্বনাথ জিলা নাট্য সন্মিলনৰ মধ্যকালীন অধিৱেশনখনৰ লগত সংগতি ৰাখি বিষ্ণু-জ্যোতি নাট্য সন্মিলনৰ সহযোগত গঠিত মুক্তিযোদ্ধা বগাৰাম দিহিঙীয়া স্মৃতি ন্যাসৰ দ্বাৰা পোনপ্ৰথমবাৰৰ বাবে এটি বঁটা আগবঢ়োৱা হয়।
কাইলৈ দিনৰ ১২ বজাত পূব ডুবিয়া হাইস্কুল প্ৰেক্ষাগৃহত অনুষ্ঠিত হ’বলগীয়া মুকলি সভাত শিশু সাহিত্যিক তথা বিশিষ্ট কাৰ্টুনিষ্ট তপন বৰুৱাক ‘মুক্তিযোদ্ধা বগাৰাম দিহিঙীয়া শিল্প-সাহিত্য বঁটা-২০২৪’ প্ৰদান কৰা হ’ব। (Freedom Fighter Bagaram Dihingia Memorial Trust)
ন্যাসৰ সভাপতি দেৱেশ্বৰ বৰুৱা আৰু সম্পাদক বেণুধৰ দিহিঙীয়াই এক প্ৰেছ বিজ্ঞপ্তিৰ জৰিয়তে এই কথা ঘোষণা কৰে। উল্লেখ্য যে স্বাধীনতা আন্দোলনৰ সক্ৰিয় কৰ্মী হিচাপে গণ আন্দোলনত জপিয়াই পৰা মুক্তি যুঁজাৰু বগাৰাম দিহিঙীয়া এগৰাকী শংকৰী সংস্কৃতিৰো সাধক আছিল। ইয়াৰ উপৰি সেই গৰাকী মুক্তিযোদ্ধাই কাব্য চৰ্চাও কৰিছিল।
এই গোষ্ঠীটোৰ জৰিয়তে বহুকেইজন স্থানীয় গীতিকাৰৰ জন্ম হ’ল, বহু গায়ক-গায়িকা, পৰিচালকৰ ভাগ্যৰ দুৱাৰ মেল খালে।
তিনি প্ৰযোজকৰ উপৰি ৰবীন বৰা, মুকুন্দ তামুলীৰ দৰে কেইবাজনো গীতিকাৰে বহুকেইটা জনপ্ৰিয় বিহুৰ জন্ম দিলে। লগতে আধুনিক আৰু টোকাৰী-দিহানাম জৰিয়তেও পৰিচিতি লাভ কৰিলে।
১৯৯৭ চনৰ পৰা ২০০১লৈকে ‘গীতাঞ্জলি’ বিহু কেছেটে জনপ্ৰিয়তা অক্ষুণ্ণ ৰাখিবলৈ সক্ষম হৈছিল। ‘এ ডি পি প্ৰডাকচনে বিহুগীতৰ লগতে টোকাৰী, দিহানাম আৰু আধুনিক গীতৰ বহুকেইটা কেছেটো প্ৰযোজনা কৰিছিল। কিন্তু সময়ৰ গতিত সিও লুপ্ত হ’ল। এটা জনপ্ৰিয় শিল্পকৰ্ম নোহোৱা হ’ল।
গায়ক-গায়িকা, গীতিকাৰ, বাদ্যবাদক, বাদ্যযন্ত্ৰী, কেছেট বিক্ৰেতা, প্ৰযোজক আদিৰ উপাৰ্জনৰ পথ এটা নোহোৱা হ’ল বুলি আক্ষেপ প্ৰকাশ কৰিলেও সেই মধুৰ সময়ৰ বিহুগীত জুৰি স্মৃতিকাতৰ হৈ পৰে ‘গীতাঞ্জলি’ বিহু কেছেট প্ৰযোজনা গোষ্ঠী ‘এ ডি পি প্ৰডাকচন’ৰ অন্যতম প্ৰযোজক অচ্যুৎ শইকীয়া এটা সময়ত বিহুৰ কেছেটৰ স্থান ল’লে চিডি আৰু পৰৱৰ্তী পৰ্যায়ত ভিচিডিয়ে সীমাহীন জনপ্ৰিয়তা লাভ কৰিবলৈ সক্ষম হৈছিল।
বিহুগীতসমৃদ্ধ এই ভিচিডিবোৰ জনপ্ৰিয় হোৱা অন্যতম কাৰণ আছিল বিহুনাচৰ লগতে সেই গীতসমূহক কেন্দ্ৰ কৰি অসমীয়া জনপ্ৰিয় অভিনেতা-অভিনেত্ৰীৰ অভিনয়ৰে এখন চুটি ছবি উপভোগ কৰিবলৈ পোৱাৰ সুবিধা।
পিছে এই ভিচিডিও এতিয়া অতীত হ’ল। বৰ্তমান সময়ত পূৰ্বৰ সেই বিহু শুনিবলৈ নোপোৱা হ’ল। দুই-এটা বিহু ইউ টিউব বা আন প্লেটফৰ্মৰ যোগেদি প্ৰচাৰ হয় যদিও পূৰ্বৰ জনপ্ৰিয়তা নাই। গীতসমূহে পূৰ্বৰ মৰ্যাদা হেৰুৱালে।
ইয়াৰ কাৰণ আছিল দুটা— এটা হ’ল, বিহু প্ৰযোজক গোষ্ঠীসমূহে নিজৰ লাভৰ বাবে বহু আগেয়ে বিহুৰ কেছেটৰ মুক্তি দিছিল, যাৰ বাবে কিছু গোষ্ঠীৰ সমস্যা হৈছিল। সেয়েহে, এটা নিৰ্দিষ্ট দিন ঠিক কৰিছিল যাতে, সকলোৱে তাৰ বাবে পূৰ্বৰে পৰা সাজু হ’ব পাৰে।
দ্বিতীয়টো হ’ল, ডিচেম্বৰ মাহৰ পৰা অসমত পিকনিক পৰ্ব আৰম্ভ হয়। এই পিকনিকৰ সময়ত নতুন গীতৰ তালে তালে নচাৰ এক আকাংক্ষা বনভোজ দলৰ লোকসকলৰ মাজত দেখা যায়।
অসমীয়া যেতিয়া বনভোজত নাচিবলৈ বিহুতকৈ আৰু কি উপযুক্ত হ’ব পাৰে। ফলস্বৰূপে বনভোজৰ সময়ত এই কেছেটসমূহ মুক্তি দিয়াৰ ফলত বনভোজস্থলীত বিহুগীতৰ বিপণন অতি সহজতে হয়।
যি বিহু কেছেটসমূহৰ বিক্ৰী বৃদ্ধি পায়। জখলাবন্ধাত ডিচেম্বৰ মাহত দিনে-নিশাই নতুনকৈ মুক্তি দিয়া বিহুগীতসমূহ বাজি উঠিছিল। ডিচেম্বৰ মহাটোত কোনে আগতে বিহু কেছেট মুক্তি দি জনপ্ৰিয়তা লাভ কৰি ব্যৱসায়িকভাৱেও লাভৱান্বিত হয় তাৰ প্ৰতিযোগিতাত নামি পৰিছিল। এতিয়া আৰু জখলাবন্ধাত নাবাজে দেহ-মন আলোড়িত কৰা সেই বিহুগীতৰ কেছেট।
বছৰ পূৰ্বে এই ডিচেম্বৰ মাহতে উন্মোচন হৈছিল বহু বিহুগীতৰ কেছেট¸ ভিচিডি। কলিয়াবৰৰ জখলাবন্ধাতে উপলব্ধ হৈছিল বিহুগীতৰ কেছেট। কিন্তু যান্ত্ৰিকতাৰ ধামখুমীয়াত হেৰাই গ’ল সেই মধুৰ সময়। উপেক্ষিত হৈ যেন ৰ’ল ডিচেম্বৰ।
বহু জনপ্ৰিয় বিহু আৰু বিহুসুৰীয়া গীতৰ ভিচিডিৰ শ্বুটিং হৈছিল কলিয়াবৰত। সেই মধুৰ স্মৃতি ৰোমন্থন কৰি পুৰণি কেছেটকেইটাকে বুকুত সাবটি আজিও নষ্টালজিক হৈ উঠে কলিয়াবৰৰ বহু সংস্কৃতিৱান ব্যক্তি।
