মহাৰাষ্ট্ৰ বিধানসভা নিৰ্বাচনত বিজেপি, শিৱসেনা আৰু এনচিপিৰে গঠিত মিত্ৰজোঁটে সংখ্যাগৰিষ্ঠতা লাভ কৰে। নিৰ্বাচনত লাভ কৰা বৃহৎ সংখ্যাগৰিষ্ঠতাই মিত্ৰজোঁটৰ বাবে সমস্যাৰ সৃষ্টি কৰিছে। মহাৰাষ্ট্ৰত দেৱেন্দ্ৰ ফাডনাভিছে মুখ্যমন্ত্ৰী হিচাপে শপত গ্ৰহণ কৰাৰ পিছত একনাথ শিণ্ডে আৰু অজিত পাৱাৰে উপ মুখ্যমন্ত্ৰী হিচাপে শপত গ্ৰহণ কৰাৰ পিছত বিভাগ বিভাজন সন্দৰ্ভত আলোচনা চলি আছে। সূত্ৰ অনুসৰি দেওবাৰৰ ভিতৰত মন্ত্ৰী পৰিষদৰ স্থিতি স্পষ্ট হ’ব বুলি ধাৰণা কৰা হৈছে। ইয়াৰ পিছত ১১ আৰু ১২ ডিচেম্বৰৰ ভিতৰত ফাডনাভিছৰ নেতৃত্বত মন্ত্ৰীসভাই ঠাই ল’ব।

মহাৰাষ্ট্ৰ বিধানসভা নিৰ্বাচনত বিজেপি, শিৱসেনা আৰু এনচিপিৰে গঠিত মিত্ৰজোঁটে সংখ্যাগৰিষ্ঠতা লাভ কৰিছিল। আভ্যন্তৰীণ হেঁচা আৰু হুলস্থুলৰ মাজতে ১২ দিনৰ পাছত ৫ ডিচেম্বৰত মহাৰাষ্ট্ৰৰ নতুন মুখ্যমন্ত্ৰীয়ে শপত গ্ৰহণ কৰে। শপত গ্ৰহণৰ পিছত এতিয়া নতুন মন্ত্ৰীসভা গঠনৰ ওপৰত গুৰুত্ব দিয়া হৈছে। কাৰণ শিৱসেনাৰ নেতা উদয় সমান্ত আৰু সঞ্জয় শিৰসাতে গৃহ মন্ত্ৰণালয় শিৱসেনাক দিবলৈ মুকলিকৈ দাবী জনাইছে। এই দাবী প্ৰাক্তন মুখ্যমন্ত্ৰী একনাথ শিণ্ডেও গ্ৰহণ কৰিছে। কাৰণ ফাডনাভিছ যেতিয়া উপ মুখ্যমন্ত্ৰী আছিল তেতিয়া শিণ্ডে তেওঁক গৃহ মন্ত্ৰণালয় দিছিল।

বিজেপি আৰু এনচিপিৰ সূত্ৰই জনোৱা মতে, তিনিটা দলৰ নেতাসকলে মন্ত্ৰীসভা গঠন আৰু বিভাগ আবণ্টন সন্দৰ্ভত আভ্যন্তৰীণ বৈঠক অনুষ্ঠিত কৰি আছে। কোৱা হৈছে যে নিৰ্বাচনত লাভ কৰা বৃহৎ সংখ্যাগৰিষ্ঠতাই মহাযুতি মিত্ৰজোঁটৰ বাবে সমস্যাৰ সৃষ্টি কৰিছে। কাৰণ প্ৰতিটো দলে উৎকৃষ্ট প্ৰদৰ্শন আগবঢ়াইছে।

শেহতীয়াকৈ ৰাজ্যখনত অনুষ্ঠিত হোৱা বিধানসভা নিৰ্বাচনত ২৮৮খন বিধানসভাৰ আসনৰ ভিতৰত ২৩০খন আসনত জয়লাভ কৰে। ইয়াত অকল বিজেপিয়ে ১৩২ খন আসন লাভ কৰে। পূৰ্বে কোৱা হৈছিল যে মুখ্যমন্ত্ৰীৰ লগতে কেবিনেটত ২১-২২টা মন্ত্ৰী পদ থাকিব। আনহাতে শিৱসেনাই ১১ৰ পৰা ১২টা বিভাগ আৰু অজিত পাৱাৰৰ এন চি পিয়ে ৯ৰ পৰা ১০টা বিভাগৰ দাবী জনাইছে। ইয়াৰ বাবে মহাৰাষ্ট্ৰৰ মন্ত্ৰীসভাত মুখ্যমন্ত্ৰীৰ লগতে সৰ্বাধিক ৪৩ জন মন্ত্ৰী থাকিব পাৰে।

অহা ৭ ডিচেম্বৰৰ পৰা আৰম্ভ হৈছে ১৫ সংখ্যক মহাৰাষ্ট্ৰ বিধানসভাৰ বিশেষ অধিৱেশন। ইয়াত নৱনিৰ্বাচিত সদস্যসকলক প্ৰটেমৰ অধ্যক্ষ কালিদাস কোলাম্বকাৰে শপত গ্ৰহণ কৰে। অহা ৯ ডিচেম্বৰত অনুষ্ঠিত হ’ব অধ্যক্ষৰ নিৰ্বাচন। যিহেতু ১৬ ডিচেম্বৰৰ পৰা নাগপুৰত বিধানসভাৰ শীতকালীন অধিৱেশন আৰম্ভ হ’ব।

চলিত সপ্তাহৰ আৰম্ভণিতে সামৰিক আইন ঘোষণা কৰাৰ বাবে ক্ষমা বিচাৰিছে দক্ষিণ কোৰিয়াৰ ৰাষ্ট্ৰপতি ইউন চুক ইয়লে। ইয়াৰ পূৰ্বে ৰাষ্ট্ৰপতি ইউন চুক ইয়েলে যোৱা মঙলবাৰে (৩ ডিচেম্বৰ) দেশত হঠাতে সামৰিক আইন ঘোষণা কৰিছিল। কিন্তু তাত থকা সংসদে ঘণ্টাৰ ভিতৰতে ইয়াৰ বিৰুদ্ধে ভোটদান কৰাৰ বাবে তেওঁ সামৰিক আইন বাতিল কৰিবলৈ বাধ্য হয়। ইওলে ক্ষমা খুজি আগলৈ এনে কাম নকৰে বুলি কয়।টেলিভিছনত দিয়া ভাষণত ইউনে কয় যে, “মই বহুত দুখ পাইছো।” যিসকলে ক্ষুন্ন হৈছে তেওঁলোকৰ ওচৰত মই আন্তৰিক ক্ষমা বিচাৰিছো। মঙলবাৰে নিশা সামৰিক আইন ঘোষণা কৰাৰ পিছত সম্ভাৱ্য অভিযোগনামাৰ সন্মুখীন হ’বলগীয়া হৈছে তেওঁ।
ৰাষ্ট্ৰপতিগৰাকীৰ এই মন্তব্যৰ প্ৰতিক্ৰিয়া প্ৰকাশ কৰি তেওঁৰ শাসকীয় পিপল পাৱাৰ পাৰ্টিৰ নেতাগৰাকীয়ে সাংবাদিকৰ আগত কয় যে য়েওলৰ বাবে স্বাভাৱিক কৰ্তব্য অব্যাহত ৰখাটো অসম্ভৱ হৈ পৰিছে।

হান ডং-হুনে কয় যে তেওঁৰ আগতীয়া পদত্যাগ অনিবাৰ্য।
দক্ষিণ কোৰিয়াৰ শাসকীয় দলৰ মুৰব্বীগৰাকীয়ে সকীয়াই দিয়ে যে যদিহে দেশখনৰ ৰাষ্ট্ৰপতি ইউন চুক ইয়েল ক্ষমতাত থাকে তেন্তে দক্ষিণ কোৰিয়াৰ লোকসকল ডাঙৰ বিপদত পৰিব পাৰে সেয়েহে তেওঁ ৰাষ্ট্ৰপতিগৰাকীৰ কৰ্তব্য শীঘ্ৰে স্থগিত ৰখাৰ আহ্বান জনায়।

টেলিভিছনৰ চমু ভাষণত য়েওলে কয় যে মই গভীৰভাৱে দুখী আৰু যিসকল স্তম্ভিত হৈছিল তেওঁলোকৰ ওচৰত ক্ষমা বিচাৰিছো।অৱশ্যে তেওঁ ভাষণত পদত্যাগ বা অভিযোগনামা সন্দৰ্ভত কোনো মন্তব্য কৰা নাই।
য়েওলৰ বিৰুদ্ধে অভিযোগনামা দাখিল কৰাৰ প্ৰস্তাৱত ভোটদানৰ বাবে হেঁচা প্ৰয়োগ কৰিছে বিৰোধীয়ে। অৰ্থাৎ ৩০০ জনীয়া সংসদত ২০০ ভোট ৰাষ্ট্ৰপতিৰ বিৰুদ্ধে যোৱা পৰিলক্ষিত হৈছে। ইয়াৰ ভিতৰত বিৰোধী মিত্ৰজোঁটৰ ১৯২ গৰাকী সাংসদে অভিযোগনামা দাখিল কৰিছে। বিৰোধী দলপতি লি জে-মিউঙে ৰাষ্ট্ৰপতি ইয়েলৰ এই মন্তব্যত হতাশ হোৱা বুলি কয়। জনসাধাৰণৰ ক্ষোভ আৰু প্ৰতাৰণাবোধক ইন্ধন যোগাইছে।

কল পৃথিৱীৰ অন্যতম জনপ্ৰিয় ফল। ইয়াৰ উপলব্ধতা, পুষ্টিকৰ মূল্য আৰু সুস্বাদুতাৰ বাবে কলে আমাৰ দৈনন্দিন খাদ্য তালিকাত স্থান লাভ কৰিছে। ভিটামিন, খনিজ আৰু এন্টিঅক্সিডেন্টৰে সমৃদ্ধ কলে আমাৰ শৰীৰৰ বিভিন্ন কামত সহায় কৰে।কিন্তু আমি প্ৰায়ে শীতকালত কল খোৱাৰ ক্ষেত্ৰত দ্বিধাদ্বন্দ্বত ভুগিবলগীয়া হয়। বিশেষজ্ঞসকলে কয় যে কলত পটাছিয়াম, মেগনেছিয়াম আৰু ভিটামিন বি ৬ৰ উত্তম উৎস। ই শৰীৰৰ বিপাকীয় ক্ৰিয়া সুস্থ কৰি ৰখাত সহায় কৰে। শীতকালত যেতিয়া শৰীৰৰ শক্তিৰ প্ৰয়োজনীয়তা বৃদ্ধি পায় তেতিয়া কল শক্তিৰ এক উত্তম উৎস হিচাপে প্ৰমাণিত হ’ব পাৰে । লগতে ইয়াত থকা আঁহে পাচন প্ৰক্ৰিয়া শক্তিশালী কৰে, যিটো সাধাৰণতে শীতকালত লেহেমীয়া হ’ব পাৰে। কল খোৱাৰ আগতে এটা কথা মনত ৰাখিব যে ই চৰ্দি আৰু কাহৰ সমস্যাৰ সৃষ্টি কৰিব পাৰে। চৰ্দিত এলাৰ্জী হ’লে কল খোৱাৰ পৰা বিৰত থাকিব লাগে। অৱশ্যে শাৰীৰিকভাৱে সক্ৰিয় হৈ থকা আৰু ঠাণ্ডাতো ব্যায়াম কৰা সকলৰ বাবে কল উপকাৰী হ’ব পাৰে। কাৰণ ই তৎক্ষণাত শক্তি প্ৰদান কৰে। যিসকলৰ উচ্চ ৰক্তচাপৰ সমস্যা আছে তেওঁলোকৰ বাবে কল উপকাৰী। কাৰণ ইয়াত প্ৰচুৰ পৰিমাণে পটাছিয়াম থাকে, যিয়ে ৰক্তচাপ নিয়ন্ত্ৰণত সহায় কৰে। কিন্তু ডায়েবেটিছ ৰোগীয়ে সীমিত পৰিমাণত কল সেৱন কৰিব লাগে। কাৰণ ইয়াত অধিক পৰিমাণৰ চেনি থাকে । শীতকালত কল খাব নে নাখাব সেইটো নিৰ্ণয় কৰাটো ব্যক্তিজনৰ শাৰীৰিক অৱস্থা আৰু প্ৰয়োজনৰ ওপৰত নিৰ্ভৰ কৰে। উপযুক্ত পৰিমাণত আৰু সঠিক সময়ত সেৱন কৰিলে শীতকালতো স্বাস্থ্যৰ বাবে উপকাৰী হ’ব পাৰে।

কণী স্বাস্থ্যৰ বহু উপকাৰ আছে। বিশেষজ্ঞসকলে কণীক প্ৰটিনৰ শক্তি কেন্দ্ৰ বুলি অভিহিত কৰে। কণী ব্ৰেকফাষ্টত বা দিনটোৰ আন যিকনো সময়তে খোৱা হয়। কণী শিশুৰ পৰা প্ৰাপ্তবয়স্কলৈকে সকলোৰে প্ৰিয় খাদ্য।

কণী প্ৰটিনৰ এটা ভাল আৰু কম খৰচী উৎস। দিনটোত মাত্ৰ দুটা কণী খালে ৰক্তকণিকাৰ সংখ্যা বৃদ্ধি পায় আৰু ওজন কমে। সাধাৰণতে কণীত অত্যাৱশ্যকীয় পুষ্টিকৰ উপাদান থাকে। গতিকে খাদ্য তালিকাত অন্তৰ্ভুক্ত কৰাটো বাঞ্ছনীয়।

বহুতে ব্ৰেকফাষ্ট, লাঞ্চ আৰু ৱৰ্কআউট কৰাৰ পিছত কণী খাই ভাল পায়।
কিন্তু কাৰণ যিয়েই নহওক কিয়, কণীৰ পুষ্টিকৰ মূল্য বহুত থাকিলেও ইমানবোৰ কণী খোৱাটো একেবাৰেই স্বাস্থ্যকৰ নহয় বুলি গৱেষকসকলে কয়।

কলেষ্টেৰলৰ মাত্ৰা বৃদ্ধি পাব পাৰে

কণীত প্ৰচুৰ পৰিমাণে কলেষ্টেৰল থাকে।

এটা ডাঙৰ কণীত ১৮৬ মিলিগ্ৰাম কলেষ্টেৰল থাকে। যিয়ে তেজত বেয়া কলেষ্টেৰলৰ মাত্ৰা বৃদ্ধি কৰিব পাৰে। ফলত হৃদৰোগৰ দৰে সমস্যাৰ সৃষ্টি হ’ব পাৰে। গতিকে যিসকলৰ এনে সমস্যা আছে তেওঁলোকে অতিৰিক্ত কণী খাব নালাগে। আৰু কণী খালেও ইয়াৰ কুহুম পৰিহাৰ কৰিব লাগে।

ডায়েবেটিছৰ সম্ভাৱনা বৃদ্ধি পায়

কণীত বায়’টিন থাকে। যিটো ইনচুলিন উৎপাদনৰ বাবে গুৰুত্বপূৰ্ণ। পৰিমিত পৰিমাণে কণী খোৱাটোৱে তেজত শৰ্কৰাৰ মাত্ৰা নিয়ন্ত্ৰণ কৰাত সহায় কৰে। কিন্তু বেছিকৈ খালে টাইপ-২ ডায়েবেটিছৰ সম্ভাৱনা বৃদ্ধি পাব পাৰে। এটা অধ্যয়নত দেখা গৈছে যে সপ্তাহত সাতটা বা তাতকৈ অধিক কণী খোৱা পুৰুষৰ ডায়েবেটিছ ৰোগৰ সম্ভাৱনা ৫৮ শতাংশ আৰু মহিলাৰ ক্ষেত্ৰত ৭৭ শতাংশ বেছি।

পাচনতন্ত্ৰৰ সমস্যা

যদিও কণী প্ৰটিন সমৃদ্ধ খাদ্য, অতিমাত্ৰা খালে পাচনতন্ত্ৰৰ সমস্যা, যেনে পেটৰ বিষ, গেছ আৰু বদহজমৰ সৃষ্টি হ’ব পাৰে। বিশেষকৈ যিসকলৰ কণীৰ প্ৰতি অসহিষ্ণু বা এলাৰ্জীৰ সমস্যা আছে তেওঁলোকৰ বাবে এই সমস্যা যথেষ্ট গুৰুতৰ হ’ব পাৰে। ইয়াৰ বাহিৰেও কণীৰ লগত অতিৰিক্ত চৰ্বিযুক্ত খাদ্য খালে কোষ্ঠকাঠিন্য হোৱাৰ আশংকা থাকে। গতিকে পাচনতন্ত্ৰৰ সমস্যাৰ পৰা হাত সাৰিবলৈ অতিৰিক্ত কণী নাখাই ভাল।