গুৱাহাটী, ১ ডিচেম্বৰঃ বাংলাদেশত(Bangladesh Chalo) সংখ্যালঘু হিন্দুৰ ওপৰত হোৱা অত্যাচাৰৰ ঘটনাই ভাৰতত, বিশেষকৈ অসমতো ব্যাপক প্ৰতিক্ৰিয়াৰ সৃষ্টি কৰিছে। শেহতীয়াকৈ বাংলাদেশত এখন ভাৰতীয় বাছৰ ওপৰত হোৱা আক্ৰমণৰ পিছত তনে প্ৰতিক্ৰিয়া অধিক তীব্ৰ হৈ পৰিছে।
বাংলাদেশত হিন্দুৰ ওপৰত হোৱা অত্যাচাৰক গৰিহণা দি আৰু মহাৰাজ চিন্ময় কৃষ্ণ দাসৰ মুক্তিৰ দাবীত বিভিন্ন সনাতনী গোটৰ উদ্যোগত “বাংলাদেশ চলো” অভিযানৰ আৰম্ভ কৰা হৈছে শ্ৰীভূমিত।
বাংলাদেশৰ বিৰুদ্ধে আজি শ্ৰীভূমিত সহস্ৰাধিক প্ৰতিবাদকাৰী সমবেত হয়। সুতাৰকান্দিৰ ভাৰত-বাংলাদেশ সীমান্তৰ সমীপত প্ৰতিবাদ তীব্ৰতৰ হৈ পৰে আৰু প্ৰতিবাদকাৰীয়ে নিৰাপত্তাৰক্ষীৰ সৈতে সংঘৰ্ষ তো লিপ্ত হয় বুলি খবৰ পোৱা গৈছে। এই ঘটনাত এজন প্ৰতিবাদকাৰী আহত হয়।
সীমান্তৰ পৰা প্ৰায় এক কিলোমিটাৰ দূৰত্বত হিন্দু জাতীয়তাবাদী সংগঠনসমূহে বৃহৎ সংখ্যাত সমবেত হৈ বাংলাদেশৰ বিৰুদ্ধে হুংকাৰ দিয়ে। আমনহাতে এক বাইক ৰেলীত অংশগ্ৰহণ কৰি বাংলাদেশৰ পতাকা ভৰিৰে মোহাৰি ‘জয় শ্ৰী ৰাম’, ‘ইউনুছ চৰকাৰ হায় হায়’, ‘ইউনুছ মুৰ্দাবাদ’ আদি শ্লোগান দি প্ৰতিবাদকাৰীয়ে পৰিবেশ উত্তাল কৰি তোলে।
ইয়াৰ মাজতে শ্ৰীভূমিৰ আৰক্ষী অধীক্ষকৰ নেতৃত্বত আৰক্ষী আৰু অৰ্ধসামৰিক বাহিনী মোতায়েন কৰি প্ৰতিবাদকাৰীক নিয়ন্ত্ৰণ কৰাৰ চেষ্টা চলোৱা হয়। প্ৰতিবাদকাৰীয়ে বাংলাদেশত প্ৰৱেশ হোৱাৰ উদ্দেশ্য বেৰিকেড ভাঙি পেলোৱাৰো চেষ্টা চলায় যদিও স্পৰ্শকাতৰ সীমান্ত অঞ্চলত আইন-শৃংখলা বজাই ৰাখিবলৈ কৰ্তৃপক্ষই হস্তক্ষেপ কৰে।
উল্লেখ্য বাংলাদেশৰ মাজৰে যাত্ৰা কৰা ভাৰতৰ বাছ এখনৰ ওপৰত আজি মৌলবাদীয়ে বাংলাদেশৃৰ ভূমিত আক্ৰমণ চলায়৷ এই ঘটনাৰ পিছতে ত্ৰিপুৰাৰ পৰিবহণ মন্ত্ৰী সুশান্ত চৌধুৰীয়ে বাংলাদেশৰ মাজেৰে যাত্ৰা কৰা ভাৰতীয় বাছৰ ওপৰত সংঘটিত আক্ৰমণৰ ঘটনাক তীব্ৰ নিন্দা কৰে।
শ্যামলী পৰিবাহনে পৰিচালনা কৰা বাছখন ত্ৰিপুৰাৰ আগৰতলাৰ পৰা কলকাতালৈ গৈ থকা অৱস্থাত বাংলাদেশৰ ব্ৰহ্মনবৰীয়া বিশ্ব ৰোডত আক্ৰমণৰ সন্মুখীন হয়৷
মন্ত্ৰী চৌধুৰীয়ে কয় যে বাছখনত এখন ট্ৰাকে খুন্দা মাৰে, এয়া যেন এক… ইচ্ছাকৃতভাৱে দুৰ্ঘটনা সংঘটিত কৰাৰ চেষ্টা আছিল। ঘটনাস্থলীত ভাৰতীয় যাত্ৰীসকলৰ প্ৰতি শত্ৰুতা প্ৰদৰ্শন কৰা স্থানীয় ব্যক্তি একাংশ সমবেত হোৱাত পৰিস্থিতি অধিক ভয়াৱহ হৈ পৰে।
আক্ৰমণকাৰীয়ে ভাৰত বিৰোধী শ্লোগানেৰে যাত্ৰীসকলক ভাবুকি প্ৰদান কৰে। স্থানীয় ৰাইজে ভাৰতীয় যাত্ৰীসকলক মৃত্যুৰ ভাবুকিও দিয়ে বুলি অভিযোগ উঠিছে।
