ইস্কনৰ সন্ন্যাসী চিন্ময় প্ৰভুৰ গ্ৰেপ্তাৰৰ পাছতে উত্তাল পৰিস্থিতিৰ সৃষ্টি হয় বাংলাদেশত। ইফালে সন্ন্যাসী চিন্ময়ৰ দুজন হিন্দু শিষ্যক গ্ৰেপ্তাৰ কৰা হৈছে । জানিব পৰা মতে, জেলত খাদ্য দিবলৈ যোৱা দুই শিষ্যক গ্ৰেপ্তাৰ কৰিছে।

ইস্কনৰ সন্ন্যাসী চিন্ময় প্ৰভুক বাংলাদেশত জেলত ৰখা ইতিমধ্যে পাঁচ দিন হ’ল। বাংলাদেশত উত্তপ্ত হৈ পৰিছে চিন্ময় প্ৰভুক গ্ৰেপ্তাৰকলৈ পৰিস্থিতি। দেশখনৰ হিন্দু পৰম্পৰাবাদীসকলে তেওঁৰ মুক্তিৰ দাবীত ৰাজপথলৈ ওলাই আহি হিন্দুসকলৰ বিৰুদ্ধে নিৰ্যাতনৰ অভিযোগ উত্থাপন হৈছে। মুঠতে পৰিস্থিতি এতিয়া অগ্নিময়। এনে পৰিস্থিতিত দেশৰ অন্তৱৰ্তীকালীন চৰকাৰে চিন্ময়ক কাৰাগাৰত থকা ভক্তসকলক খাদ্য যোগান ধৰিবলৈ অনুমতি দিছিল। বৈষ্ণৱ ৰান্ধনীৰ দ্বাৰা ৰন্ধা খাদ্য ডেলিভাৰী কৰিবলৈও অনুমতি প্ৰদান কৰিছিল।কিন্তু শুকুৰবাৰে বিয়লি প্ৰায় ৩ বজাৰ ওচৰত কটকটীয়া নিৰাপত্তাৰক্ষীৰে আগুৰি থকা চিন্ময়ৰ বিশেষ চেলত দুই শিষ্য খাদ্যলৈ উপস্থিত হয়। অভিযোগ অনুসৰি খাদ্য আৰু ঔষধ ডেলিভাৰী দিয়া সেই দুই সংগীক গ্ৰেপ্তাৰ কৰা হয়। প্ৰসংগক্ৰমে ইস্কন স্বৰূপ দাস নামৰ আন এজন সন্ন্যাসীকো চট্টগ্ৰামৰ পৰা গ্ৰেপ্তাৰ কৰে।

ইফালে বাংলাদেশৰ সংবাদ মাধ্যমত প্ৰকাশিত বাতৰি অনুসৰি, “কেইমাহমান পূৰ্বে শ্ৰীকৃষ্ণ মন্দিৰৰ অধ্যক্ষ লীলাৰাজ গৌৰ দাস, সদস্য গৌৰাং দাস আৰু চট্টগং পুণ্ডাৰিক আৰু চিন্ময় কৃষ্ণ দাসক সাংগঠনিক অনুশাসন উলংঘা কৰাৰ বাবে ধামৰ অধ্যক্ষই ইস্কনৰ সাংগঠনিক পদকে ধৰি সকলো কাৰ্য্যৰ পৰা নিলম্বিত কৰিছে। চিন্ময় দাস ইস্কন বাংলাদেশৰ মুখপাত্ৰ নহয়। গতিকে তেওঁৰ বক্তব্য সম্পূৰ্ণ তেওঁৰ ব্যক্তিগত।” আনহাতে ইস্কনে স্পষ্ট কৰি দিছে যে চিন্ময় কৃষ্ণৰ ইস্কনৰ সৈতে এতিয়া সম্পৰ্ক নাই। গতিকে তেওঁৰ অনুগামীসকলৰ গতিবিধিৰ বাবে ইস্কন দায়ী নহয়। ইস্কনৰ বক্তব্য ওলোৱাৰ পিছতে চিন্ময় কৃষ্ণৰ পৰা আঁতৰি থাকিবলৈ চেষ্টা কৰিছে ইস্কনে। ইয়াৰ পিছত ইস্কনে এক নতুন বিবৃতি প্ৰকাশ কৰি কয় যে ইস্কনে চিন্ময়কৃষ্ণৰ আন্দোলন, বাংলাদেশৰ হিন্দু আৰু হিন্দু ধৰ্মীয় স্থানসমূহ সুৰক্ষাৰ বাবে তেওঁৰ প্ৰচেষ্টাক সমৰ্থন কৰে। তেওঁৰ পৰা কোনো দূৰত্ব সৃষ্টি হোৱা নাই।

মালিগাঁৱত এন এফ ৰে’লৱে এম্পলইজ ইউনিয়নৰ বিশাল নিৰ্বাচনী সভাত শ্ৰমিক নেতা মুনীন শইকীয়া

ভাৰতীয় ৰে’লৱেত ট্ৰেড ইউনিয়নৰ প্ৰশাসনীয় স্বীকৃতিৰ বাবে অহা ৪. ৫ আৰু ৬ ডিচেম্বৰত দেশজুৰি নিৰ্বাচন অনুষ্ঠিত হ’ব । ইফালে নিৰ্বাচনলৈ মাজতে মাত্ৰ কেইটামান দিন বাকী থকা অৱস্থাত উত্তৰ পূব সীমান্ত ৰে’লৱেৰ অগ্ৰণী ট্ৰেড ইউনিয়ন এন এফ ৰেলৱে এম্পলইজ ইউনিয়নে উত্তৰ পূব সীমান্ত ৰেলৱেৰ পৰিসেৱাই সামৰি লোৱা ৮ খন ৰাজ্যৰ ৰে’লৱে ষ্টেছন, ৰে’লৱে আৱাসিক এলেকা আৰু কাৰ্যালয় – কাৰখানা আদিত সৰু সৰু জনসভা, পথসভা, ৰেলী আদি অনুষ্ঠিত কৰি ব্যাপক নিৰ্বাচনী প্ৰচাৰ অভিযান চলাই আছে। উল্লেখ্য যে বিগত ২০১৩ চনত অনুষ্ঠিত হোৱা নিৰ্বাচনত এন এফ ৰে’লৱে এম্পলইজ ইউনিয়নে ৰে’লৱেৰ ৫৪ শতাংশ শ্ৰমিক – কৰ্মচাৰীৰ ভোট লাভ কৰি উত্তৰ পূৱ সীমান্ত ৰে’লৱেত অপ্ৰতিদ্বন্দ্বী ট্ৰেড ইউনিয়নৰ মৰ্যাদা লাভ কৰিছিল । আনহাতে ইউনিয়নৰ কেন্দ্ৰীয় কমিটিৰ প্ৰচাৰ গোটৰ অধ্যক্ষ নয়ন কুমাৰ বৰ্মনে জানিবলৈ দিয়া মতে আজি উত্তৰ পূব সীমান্ত ৰেলৱেৰ মালিগাঁওস্থিত সদৰ কাৰ্যালয়ৰ সন্মুখৰ বাকৰিত এখন বিশাল নিৰ্বাচনী সভা অনুষ্ঠিত হয়। কেইবা শতাধিক ৰে’লৱেৰ শ্ৰমিক,- কৰ্মচাৰীৰ উপস্থিতিত অনুষ্ঠিত সভাখনত ভাগ লৈ বিশিষ্ট শ্ৰমিক নেতা তথা এন এফ ৰে’লৱে এম্পলইজ ইউনিয়নৰ সাধাৰণ সম্পাদক মুনীন শইকীয়াই কয় জন্মলগ্নৰে পৰা ইউনিয়নে ৰে’লৱেৰ শ্ৰমিক – কৰ্মচাৰীৰ নাৰ্য্য প্ৰাপ্তিৰ হকে মাত মাতি আহিছে। ইউনিয়নে শ্ৰমিক – কৰ্মচাৰীৰ নাৰ্য্য প্ৰাপ্তিৰ ক্ষেত্ৰত কোনো ধৰণৰ আপোচ নকৰে। নতুন পেন্সন নীতি বাতিল আৰু পুৰণি পেন্সন নীতি বাহাল ৰখাৰ দাবীত যি আন্দোলন আৰম্ভ কৰিছে সেয়া মানি নোলোৱালৈকে চলি থাকিব। আগন্তুক নিৰ্বাচনত পূৰ্বতকৈ যাতে অধিক ভোট লাভ কৰিব পাৰি তাৰ বাবে হাতে – কামে সকলোৱে নামি পৰিব লাগিব । এইবাৰ আমি ৭০ শতাংশতকৈ অধিক ভোট লাভ কৰিব পাৰিম বুলি আশাবাদী। ইফালে এন এফ ৰেলৱে এম্পলইজ ইউনিয়ন জিন্দাবাদ, এন এফ আই আৰ জিন্দাবাদ, শ্ৰমিক ঐক্য জিন্দাবাদ, মুনীন শইকীয়া জিন্দাবাদ ধ্বনি দি আকাশ বতাহ মুখৰিত কৰি তোলে উপস্থিত সকলোৱে। সভাত ইণ্ডিয়ান নেশ্যনেল ট্ৰেড ইউনিয়ন কংগ্ৰেছৰ অসম শাখাৰ সভাপতি হিৰণ্য বৰা, এম্পলইজ ইউনিয়নৰ কেন্দ্ৰীয় কমিটিৰ কাৰ্যকৰী সাধাৰণ সম্পাদক শেখৰ দাস, যুটীয়া সাধাৰণ সম্পাদক ক্ৰমে – দিগন্ত বৰুৱা, প্ৰকাশ বৰ্মন , দেবাশীস মুখাৰ্জী আৰু ৰুবুল বৰুৱা, কোষধক্ষ্য জোন দাসকে ধৰি কেবাজনো বিষয়ববীয়াৰ উপৰিও মাণ্ডলিক কমিটি আৰু গুৱাহাটীৰ কেবাখনো শাখা কমিটিৰ কৰ্মকৰ্তা সকলে উপস্থিত থাকে। আনহাতে সভাত এম্পলইজ ইউনিয়নৰ নীতি, আদৰ্শ আৰু সংগ্ৰামী সত্ত্বাৰ প্ৰতি আস্থা, বিশ্বাস আৰু সমৰ্থন জনাই আন ট্ৰেড ইউনিয়নৰ বহুসংখ্যক ৰে’লৱেৰ শ্ৰমিক – কৰ্মচাৰী উপস্থিত থাকে ।