পাকিস্তানৰ পৰা অস্ত্ৰ ক্ৰয় কৰিছে বাংলাদেশে ! ৫২ বছৰৰ পাছত কোটি কোটি টকাৰ অস্ত্ৰ ভৰ্তি এখন জাহাজ বাংলাদেশত উপস্থিত
Pak-Bangla । বাংলাদেশত অশান্তিৰ সৃষ্টি হৈ থকাৰ মাজতে তেওঁলোকে সেনাবাহিনীৰ বাবে পাকি*স্তানৰ পৰা বৃহৎ পৰিমাণৰ অস্ত্ৰ ক্ৰয় কৰিছে। প্ৰায় ৫২ বছৰৰ পাছত পাকিস্তানৰ পৰা অস্ত্ৰ কঢ়িয়াই অনা এখন জাহাজ বাংলাদেশত উপস্থিত হৈছে। প্ৰাক্তন প্ৰধানমন্ত্ৰী শ্বেখ হাছিনাৰ সময়ত ৰাজ্যৰ কোষাগাৰত জমা হৈ থকা ধনৰ অপব্যৱহাৰৰ অভিযোগ উত্থাপন হৈ আহিছে। পাকিস্তানৰ পৰা এই অস্ত্ৰ ক্ৰয়ৰ আঁৰত মধ্যভোগীৰ সন্দেহৰ সৃষ্টি হোৱাৰ লগতে চৰকাৰৰ এই সিদ্ধান্তক কেন্দ্ৰ কৰি প্ৰশ্ন উত্থাপন হ’বলৈ আৰম্ভ কৰিছে।
প্ৰাক্তন প্ৰধানমন্ত্ৰী শ্বেখ হাছিনাৰ পতনৰ পিছত নোবেল বঁটা বিজয়ী মহম্মদ ইউনুছে বাংলাদেশৰ অন্তৱৰ্তীকালীন ৰাষ্ট্ৰপতিৰ দায়িত্ব গ্ৰহণ কৰে। দায়িত্ব লোৱাৰ বহুদিন নৌহওঁতেই সেনাই কয় যে তেওঁলোকৰ গোলাবাৰুদ আৰু ৰাইফলৰ গুলীৰ অভাৱ হৈছে। এনে পৰিস্থিতিত প্ৰয়োজনীয় সা-সঁজুলিৰ ব্যৱস্থা কৰিব লাগে। বাংলাদেশৰ পৰিস্থিতিৰ প্ৰতি লক্ষ্য ৰাখি প্ৰায়বোৰ দেশেই গোলাবাৰুদৰ যোগান সন্দৰ্ভত সন্তোষজনক উত্তৰ পোৱা নাই। ইয়াৰ পিছত একাংশ উপদেষ্টাই পাকিস্তানৰ পৰা গোলাবাৰুদ আমদানি কৰাৰ পৰামৰ্শ দিলে। ইতিমধ্যে আৰ্থিক সংকটত ভুগি থকা পাকিস্তান চৰকাৰে প্ৰথমে টকা পালে অস্ত্ৰ-শস্ত্ৰ যোগান ধৰিব বুলি কৈছে। পাকিস্তানৰ নিৰাপত্তা সংস্থাই তেওঁলোকৰ প্ৰশাসনক পৰামৰ্শ দিছে যে বাংলাদেশে যি ধন দিব সেই ধন গ্ৰহণ কৰিব লাগে কিয়নো ১৯৭১ চনৰ পিছত বাংলাদেশে পোনপটীয়াকৈ পাকিস্তানৰ পৰা অস্ত্ৰ বিচাৰিছে।
বাতৰিৰ সূত্ৰ অনুসৰি বাংলাদেশে পাকিস্তানৰ পৰা ৫০ হাজাৰ গুলী, ৩ হাজাৰ ইউনিট টেংক গুলী, ৫০ টন আৰ ডি এক্স বিস্ফোৰক আৰু ২০ হাজাৰ গুলী বিচাৰিছে। বিষয়টো যথেষ্ট আমোদজনক কাৰণ বাংলাদেশে অৰ্ডাৰ দিয়া অস্ত্ৰৰ পৰিমাণ শ্বেখ হাছিনাৰ সময়তকৈ বহু বেছি। ৫২ বছৰৰ পাছত পাকিস্তানৰ পৰা অস্ত্ৰৰে ভৰা এখন জাহাজ বাংলাদেশত উপস্থিত হয় চট্টগং বন্দৰত। অৱশ্যে বাংলাদেশলৈ কিমান অস্ত্ৰ-শস্ত্ৰ আহিছে সেয়া আনুষ্ঠানিকভাৱে নিশ্চিত হোৱা নাই।
নৱেম্বৰৰ মাজভাগত পাকিস্তানৰ পৰা সাগৰীয় পথেৰে এখন জাহাজ চট্টগং বন্দৰত উপস্থিত হয়। বাংলাদেশ সেনাই এই অস্ত্ৰসমূহ ব্যৱহাৰ কৰিব যদিও অস্ত্ৰ ক্ৰয় প্ৰক্ৰিয়াত মধ্যভোগীৰ অভিযোগ উত্থাপন হৈছে ইতিমধ্যে মহম্মদ ইউনুছৰ লগতে বাংলাদেশ সেনাৰ বহু উচ্চ পদস্থ বিষয়াৰ বিৰুদ্ধে প্ৰশ্ন উত্থাপন হৈছে।
"মানুহে মানুহৰ বাবে" এই বাক্যশাৰীক সাৰোগত কৰি আগবাঢ়িছে এদল যুৱক
“Man is for man”। ৰহাৰ দীঘলদৰিৰ প্ৰায় ১০জনীয়া যুৱকৰ এটা দলে কাম কৰি আহিছে প্ৰকৃতি, বন্যপ্ৰাণী আৰু মানুহৰ বাবে”এক নতুন যাত্ৰা” নামেৰ গঠন হোৱা এই দলটোৱে বিভিন্ন ঠাইৰ মানসিক ভাৰসাম্যতা হেৰুৱা ব্যক্তি সকলক কৰি আহিছে সহায়।
বৰ্তমানলৈকে এই দলটোৱে প্ৰায় ১২ জন এনে ব্যক্তিক এক ন ৰূপ দি তেওঁলোকৰ পৰিয়ালক গতাই দি আহিছে আৰু তেওঁলোকে কয় যে এই সকললোকক মৰম আৰু যত্নৰ প্ৰয়োজন বহু ক্ষেত্ৰত আত্মীয়ৰ হেমাহি বা দ্বায়িত্বহীনতাৰ বাবে এইসকল লোকৰ এনে অৱস্থা হয়।
সমাজৰ প্ৰতিজন ব্যক্তিক ওলাই আহি পাৰ্যমানে এনেধৰণৰ ব্যক্তিক সহায় কৰিবলৈ আহ্বান জনাই দলটোৱে। এক নতুন যাত্ৰাৰ এই যাত্ৰাক ইতিমধ্যে শলাগ লৈছে সকলোৱে।
