অপহৰণ-ধন দাবীৰে গ্ৰেপ্তাৰ লাচিত সেনাৰ ৫ সদস্য।(Veer Lachit Sena)
ব্লেকমেইলিং কৰি আৰক্ষীৰ জালত লাচিত সেনাৰ ৬ যুৱক।
গ্ৰেপ্তাৰ বিশ্বজিৎ দলে, ইঞ্জামূল হক, ৰোহন আলী, মোহন বৰা, নিতু আহমেদ, চিন্ময় দেৱ, ৰিয়াজ আহমেদ, বিৰাজ বল্ল কলিতাক।
মহানগৰীৰ ভিন্ন স্থানত অভিযান চলাই আটক কৰে দিছপুৰ আৰক্ষীয়ে।
এজন লোকক অপহৰণ কৰি ২২ লাখ টকা ব্লেকমেইলিং কৰাৰ অভিযোগ।
স্বামী জুবিন গাৰ্গক সুঁৱৰি (Garima Saikia Garg) পুনৰ সামাজিক মাধ্যমত আৱেগিক পোষ্ট গৰিমা শইকীয়া গাৰ্গৰ। মাজনিশা সামাজিক মাধ্যমত আৱেগিক পোষ্ট গৰিমা শইকীয়া গাৰ্গৰ। সামাজিক মাধ্যমত গৰিমা শইকীয়া গাৰ্গে লিখিছে-
‘তুমি চাগে বহুত ব্যস্ত নহয়নে ? তোমাৰ সপোনৰ ছবিখন মুক্তি দিব লাগে .. শেষ পৰ্য্যায়ৰ কাম সকলো নিৰীক্ষণ কৰিব লাগে, বেকগ্ৰাউণ্ড মিউজিকৰ কামটোত যে সন্তুষ্টি নাহেই,,release plan চাব লাগে.. এইবাৰ নতুন কেইখনমান চহৰ পাৰিলে যোগ দিব লাগিব,,অসমীয়া চিনেমাৰ পৰিসৰ তেতিয়াহে বাঢ়িব! কিবা নহয় কিবা এটাতো প্ৰতিখন চিনেমাত বঢ়াই নিব লাগিব !
উফ্, ৰক্ষাই পোৱা নাই চাগে তুমি ! সেইকাৰণে এটাও ফোন নাই ইমান দিনে,, দৌৰা দৌৰিৰ কোবত লগ দিয়াটোতো সম্ভৱেই হোৱা নাই । একো নাই মই বুজি পাওঁ নহয় ! আৰু “মিশ্যন চাইনা” ৰিলীজৰ আগত অকণমানি লʼৰা এটাই কন্দাৰ দৰে চিন্তাতে ফেকুৰি ফেকুৰি নাকান্দিবা আকৌ এইবাৰ দেই .. ” মানুহে আশা কৰাৰ দৰে যদি মই দিব নোৱাৰো কি হʼব ?ʼ কি বোৰ যে চিন্তা কৰা তুমি!
মই বাৰু সদায়ে আছো,, বুকুত আলফুলে সাৱটি লৈ শুৱাই দিবলৈ.. তথাপি, ধুনীয়াকৈ সঁচা মনেৰে কষ্ট কৰি কৰা ভাল কাম এটি ৰাইজে ভাল পাবই !
কিন্তু ইমানদিন যে পাৰ হৈ গʼল তোমাক নেদেখাকৈ, মাত এটা নুশুনাকৈ, খবৰ এটা লʼব নোৱাৰাকৈ.. বৰকৈ মনত পৰি আছে অ’ গ’ল্ডী ! বহুত miss কৰিছোঁ তোমাক। এটা এটা মূহুৰ্ত কেনেকৈ পাৰ হৈছে , ক’ব নোৱাৰো একো !
মই আছোনে নাই নিজেই বুজি পোৱা নাই ।’
কামৰূপ’ৰ বংশৰস্থিত ভৃঙ্গেশ্বৰ উচ্চ মাধ্যমিক বিদ্যালয়ত বিশিষ্ট সমাজকৰ্মী দেৱেন্দ্ৰ নাথ কাকতি অভিনন্দন গ্ৰন্থ “ৰ’দৰ স্তাৱক” উন্মোচনী সভা এখনি ৰবিবাৰে অনুষ্ঠিত হ’য়।সভাৰ আৰম্ভণিতেই প্ৰানৰ শিল্পী প্ৰয়াত জুবিন গাৰ্গলৈ শ্ৰদ্ধাঞ্জলি জনোৱা হ’য়।সভাৰ সভাপতিত্ব কৰে অৱসৰী প্ৰধান শিক্ষক ভগৱান বৈশ্যই।অভিনন্দন গ্ৰন্থ “ৰ’দৰ স্তাৱক” উন্মোচন কৰে বিশিষ্ট সাহিত্যিক ধীৰেন শৰ্মাইt।সভাত মুখ্য অতিথিৰ আসন অলংকৃত কৰে বংশৰ উচ্চতৰ মাধ্যমিক বিদ্যালয়ৰ অৱসৰী উপাধ্যক্ষ মদন মোহন দাসে।
সভাত আমন্ত্ৰিত অতিথি দুধনৈ মহাবিদ্যালয়’ৰ অৱসৰী অধ্যাপক ড° হৰমোহন দাস,শুৱালকুছি বুদৰাম মাধৱ সত্ৰাধিকাৰ মহাবিদ্যালয়ৰ সহযোগী অধ্যাপক অতুল দাস,বিজেপি’ৰ যুৱ নেতা প্ৰকাশ চন্দ্ৰ দাস,অধিবক্তা মৃদুল মালাকাৰ’ কে প্ৰমূখ্যে শতাধিক বিশিষ্ট গণ্য মান্য ব্যক্তি উপস্থিত থাকে।সভাৰ আঁত ধৰে অভিনন্দন গ্ৰন্থ সম্পাদনা সমিতি’ৰ সম্পাদক ৰমেন ভৰালী’য়ে।উল্লেখ্য যে প্ৰকৃত সমাজসেৱক দেৱেন্দ্ৰ নাথ কাকতিদেৱ’ৰ সমাজ জীৱনত আগবঢ়োৱা সাহিত্য,সংস্কৃতি,শিক্ষা,ক্ৰীড়া,আধ্যাত্মিকতা’ৰ বিভিণ্ণ দিশ অভিনন্দন গ্ৰন্থ ” ৰদৰ স্তাৱক” ত সণ্ণিবিষ্ট কৰা হৈছে।
আনফালে জুবিন গাৰ্গক লৈ একাংশই চলাইছে অপপ্ৰচাৰ। জুবিন গাৰ্গে হতাশগ্ৰস্ত হোৱা বুলি একাংশই অপপ্ৰচাৰ চলোৱা সন্দৰ্ভত গুৰুত্বপূৰ্ণ মন্তব্য কৰে বিশিষ্ট চিকিৎসক হিতেশ বৰুৱাই।
ডাঃ হিতেশ বৰুৱাই কয় যে ‘‘হতাশগ্ৰস্ত হোৱা নাছিল জুবিন। জুবিনক লৈ একাংশই চলাইছে অপপ্ৰচাৰ। এনেধৰণৰ কথাই গৰিমা গাৰ্গৰ মনত কষ্ট দিছে।’’ এনে অপপ্ৰচাৰৰ পৰা সকলোকে দূৰত থাকিবলৈ আহ্বান জনাই বিশিষ্ট চিকিৎসক হিতেশ বৰুৱাই।
আজি গৰিমা শইকীয়া গাৰ্গৰ খবৰ ল’বলৈ কাহিলীপাৰাৰ বাসগৃহত উপস্থিত হৈছিল চিকিৎসক হিতেশ বৰুৱা। সেই মুহূৰ্ততে গৰিমা গাৰ্গৰ প্ৰাথমিক স্বাস্থ্য পৰীক্ষাও কৰে ডাঃ হিতেশ বৰুৱাই।
উল্লেখ্য যে জুবিন গাৰ্গৰ মৃত্যুৰ তদন্ত চলাই আছে CIDৰ SITএ। জুবিন গাৰ্গৰ মৃত্যুৰ ৰহস্যভেদ কৰিবলৈ বিভিন্ন লোকক জেৰা চলোৱাৰ লগতে ভাষ্য গ্ৰহণ কৰিছে।
টাই আহোম যুৱ পৰিষদ, ডিব্ৰুগড় জিলা সমিতিৰ উদ্যোগত ডিব্ৰুগড় মহানগৰ আৰু বৰপথাৰ অঞ্চলবাসী ৰাইজৰ সহযোগত দ্বি-বাৰ্ষিক ছ্যুকাফা কাপ ২০২৫ ৰ চলন্ত ট্টফী ফুটবল প্ৰতিযোগিতা।
আজি ডিব্ৰুগড়ৰ বৰপথাৰ সন্দিকৈ গাঁৱৰ খেলপথাৰত আৰম্ভ হোৱা ফুটবল খেল খনিত শুভ উদ্ধোধন কৰে খোৱাং সমষ্টিৰ বিধায়ক চক্ৰধৰ গগৈ লগতে অসম জাতীয় পৰিষদৰ ডিব্ৰুগড় জিলাৰ সমিতিৰ সম্পাদক ভাস্কৰ সন্দিকৈ,
ডিব্ৰুগড় উন্নয়ন প্ৰাধিকৰণৰ অধ্যক্ষ অসীম হাজৰিকায়, টাইপা ডিব্ৰুগড় জিলাৰ সমিতিৰ বিষয়ববীয়াৰ লগতে বহু গণ্য-মান্য ব্যক্তি উপস্থিত এই ফুটবল প্ৰতিযোগিতা খেল খনিত উপস্থিত থাকে।
“সাম্প্ৰতিক বিভীষিকাময় (Dr Jaykanta Sharma) পৰিৱেশৰ মাজতো বৌদ্ধিক চর্চা অক্ষুন্ন ৰখা একাংশ মানুহৰ শুভ চিন্তাই সমাজখনক সদায়ে এক নতুন প্রত্যয়ৰে চাবলৈ শিকাই আহিছে। সেয়েহে এনে বৌদ্ধিক তথা সামাজিক ঐক্য আৰু সংহতিৰ বাবে কাম কৰা এই লেখকসকলক আমি নিঃসন্দেহে নতুন সমাজৰ একোজন ৰূপকাৰ বুলি ক’ব পাৰোঁ আৰু তেওঁলোকৰ মৌলিক গ্ৰন্থৰাজিক আমি নিঃসন্দেহে ক’ব লাগিব সমাজৰ আত্মা বুলি।” আজি অগ্রদূত ভৱনত ‘ভাষা প্রকাশন’ৰ দ্বাৰা প্ৰকাশিত আৰু গুৱাহাটীৰ বিশিষ্ট লেখক তথা গল্পকাৰ ড’ জয়কান্ত শৰ্মাৰ দ্বাৰা লিখিত ‘গুৰু দক্ষিণা’ শীর্ষক গল্প পুথি এখন উন্মোচন কৰি এই বক্তব্য আগবঢ়াই অসম সাহিত্য সভাৰ প্রাক্তন সভাপতি, বিশিষ্ট সাংবাদিক সংবাদসূর্য ড° কনকসেন ডেকাই।
ভাষণ প্রসংগত কনকসেন ডেকাই সাহিত্যৰ বিভিন্ন দিশ সম্পর্কতো নাতিদীর্ঘ বক্তব্য ৰাখি সাহিত্যৰ মৰ্যাদা অক্ষুণ্ণ ৰখাত গুৰুত্ব আৰোপ কৰে। উক্ত গ্রন্থ উন্মোচনী অনুষ্ঠানত বিশিষ্ট সমালোচক তথা গৱেষক পণ্ডিত ড° গোবিন্দ প্রসাদ শর্মাই বিশিষ্ট অতিথি হিচাপে অংশগ্রহণ কৰি গল্প সম্পৰ্কত বিভিন্ন মতামত দাঙি ধৰি লেখকগৰাকীক অভিনন্দন জনায়। ভাষণ প্রসংগত গোবিন্দ প্রসাদ শর্মাই ড° জয়কান্ত শৰ্মাৰ গল্প মানৱীয় চিন্তা আৰু চেতনাৰে সমৃদ্ধ বুলি তাৎপর্যপূর্ণ মন্তব্য আগবঢ়োৱাৰ বিপৰীতে বিশিষ্ট শিক্ষাবিদ, গৱেষক আৰু সমালোচক ড° দয়ানন্দ পাঠকে জয়কান্ত শৰ্মাৰ গল্প ৰুচিশীল সাংস্কৃতিক মনৰ বহিঃপ্রকাশ বুলি উল্লেখ কৰাৰ লগতে লেখকগৰাকীয়ে দীর্ঘ সময় ধৰি মননশীল গল্প ৰচনাৰে অসমীয়া গল্প সাহিত্যৰ ভৰাঁল চহকী কৰা বুলিও উল্লেখ কৰি ‘গুৰু দক্ষিণা’ প্রকাশৰ প্ৰচেষ্টাৰ শলাগ লয়। উল্লেখ্য যে ড° জয়কান্ত শর্মাই ‘প্রান্তিক’ৰ পাতত দীর্ঘ সময় ধৰি লেখা ভিন্ন স্বাদৰ গল্পসমূহ অসমীয়া গল্প সাহিত্যৰ বাবে এক আপৰুগীয়া সম্পদ। এই অনুষ্ঠানত ভিন্ন প্রান্তৰ পৰা অহা সাহিত্যকর্মীসকলৰ উপস্থিতিত আৰম্ভণিতে বিশিষ্ট অতিথিসকলক ‘ভাষা প্রকাশন’ৰ তৰফৰ পৰা আন্তৰিক আদৰণি জনোৱা হয়। সভাত উপস্থিত কেইবাগৰাকীও বিশিষ্ট ব্যক্তিয়ে গ্রন্থখনে নতুন চামক আকৰ্ষিত কৰিবলৈ সক্ষম হ’ব বুলি মত প্রকাশ কৰাৰ লগতে ড° জয়কান্ত শৰ্মাৰ গল্পই অনাগত দিনত এক নতুন মাত্রা লাভ কৰিব বুলি আশা প্রকাশ কৰে।
আনহাতে গ্রন্থকাৰ জয়কান্ত শৰ্মাই ‘প্রান্তিক’ৰ পাতত গল্প লিখাৰ পাতনি মেলি দীর্ঘ সময় প্রান্তিকৰ পাততেই গল্পকাৰ হিচাপে পৰিচিতি লাভ কৰাৰ মনোজ্ঞ কাহিনী ৰসালভাৱে উপস্থাপন কৰি সকলোকে মোহিত কৰে। ড° শৰ্মাই অনাগত দিনৰ কিছু পৰিকল্পনাও ব্যক্ত কৰে। সভাত ভাষা প্রকাশনৰ অধ্যক্ষ মুকুট শৰ্মায়ো নিজৰ বক্তব্য প্রদান কৰি সাহিত্য সমাজৰ দাপোণ বুলি মত প্রকাশ কৰি সাহিত্য কর্মইহে নতুন অসম গঢ়াত ভূমিকা ল’ব পাৰে বুলি মন্তব্য আগবঢ়াই। লগতে ড’ জয়কান্ত শৰ্মাৰ দৰে আশী বছৰ বয়সতো দুৰন্ত তৰুণ হৈ থকা লোকসকলৰ বাবেই সমাজখন সুন্দৰ হৈ থকা বুলি মনত প্রকাশ কৰে। এই গ্ৰন্থখনৰ উন্মোচনী সভাত কেইবাগৰাকীও বিশিষ্ট ব্যক্তি উপস্থিত থাকি লিখকৰ এই প্রচেষ্টাক আদৰণি জনায়। এই গ্রন্থখন www.vashapublication.inত উপলব্ধ বুলিও প্রকাশন গোষ্ঠীয়ে জানিবলৈ দিয়ে।
‘Dynamic Pricing’ৰ বাবে (Roi Roi Binale) বৃদ্ধি হৈছিল ‘ৰৈ ৰৈ বিনালে’ৰ টিকটৰ মূল্য। টিকটৰ দাম বৃদ্ধিক লৈ চৰ্চা চলি থকাৰ মাজতে টীম ৰৈ ৰৈ বিনালেৰ টীমৰ স্পষ্টীকৰণ। ছবিগৃহৰ কৰ্তৃপক্ষৰ সৈতে আলোচনা কৰি ছবিখনৰ ক্ষেত্ৰত ‘Dynamic Pricing’প্ৰযোজ্য নকৰিবলৈ আহ্বান টীম ৰৈ ৰৈ বিনালেৰ। পূৰ্ব নিৰ্ধাৰিত দামতেই ‘ৰৈ ৰৈ বিনালে’ৰ টিকট সংগ্ৰহ কৰিব পাৰিব বুলিও উল্লেখ টীমৰ।
সামাজিক মাধ্যমত ৰৈ ৰৈ বিনালে টীমে জনাই যে-
“ৰৈ ৰৈ বিনালে”ৰ টিকেটৰ মূল্য বৃদ্ধিক লৈ চলি থকা চৰ্চা সমূহ দেখি আমি পিভিআৰ, চিনেপলিছ্ আৰু অন্যান্য ছবিগৃহ সমূহৰ কৰ্তৃপক্ষৰ সৈতে কথা পাতিলোঁ।
এই মূল্য বৃদ্ধিৰ কাৰণ হৈছে “Dynamic Pricing”। অৰ্থাৎ, কোনো এখন ছবিৰ টিকেট বুকিং যেতিয়া ৬০% সম্পূৰ্ণ হয় তেতিয়া ছবিখনৰ টিকটৰ দাম বৃদ্ধি পায়, পৰৱৰ্তী ৮০% বুকিং হ’লে তেনেদৰেই আকৌ বৃদ্ধি পায়। এই “Dynamic Pricing” সকলো চিনেমাৰ ক্ষেত্ৰতে প্ৰযোজ্য হয়।
সেয়েহে, আমি এই সময়ত ছবিগৃহৰ কৰ্তৃপক্ষক অনুৰোধ জনাইছোঁ যে “ৰৈ ৰৈ বিনালে”ৰ ক্ষেত্ৰত টিকটৰ মূল্য বৃদ্ধি হ’ব নালাগে আৰু “Dynamic Pricing” আমাৰ ছবিখনৰ সৈতে প্ৰযোজ্য কৰিব নালাগে। কৰ্তৃপক্ষই এই কথাত সন্মতি জনাইছে আৰু আগন্তুক ১-২ ঘণ্টাৰ ভিতৰত আপোনালোকে পূৰ্ব নিৰ্ধাৰিত দামতেই “ৰৈ ৰৈ বিনালে”ৰ টিকট সংগ্ৰহ কৰিব পাৰিব।
টীম ৰৈ ৰৈ বিনালে
পুনৰ এজন আলফা স্বাধীনৰ কেডাৰক আটক।(ULFA Cadre Arrested)
অৰুণাচলৰ নামচাইত অৰুণাচল আৰক্ষী আৰু অসম ৰাইফলছৰ অভিযানত আটক থাওচেন অসম ওৰফে অনুপম দহোতীয়াক গ্ৰেপ্তাৰ।
থাওচেন অসমৰ ঘৰ তিনিচুকীয়াৰ বাৰেকুৰিত।
থাওচেন অসমৰ পৰা MQ চিৰিৰ্জৰ এটা বন্দুক, ১৫১ জাই সজীৱ গুলি, এটা RPG, এটা বটল গ্ৰেনেড জব্দ কৰে।
আলফা স্বাধীনৰ কেডাৰজন কাকপথাৰৰ সেনা চাউনি আক্ৰমণত জড়িত আছিল
ভুৱা চিকিৎসকৰ বিৰুদ্ধে ৰাজ্যত অব্যাহত আছে আৰক্ষীৰ অভিযান। (Fake doctor)
গোলাঘাটৰ দেৰগাঁৱত গ্ৰেপ্তাৰ ভুৱা চিকিৎসক ৰঞ্জিত চন্দ্ৰ সেনক।
দেৰগাঁও কমল দুৱৰা মহাবিদ্যালয়ৰ সমীপৰ পৰা দেৰগাঁও আৰক্ষীয়ে আটক কৰে ৰঞ্জিত চন্দ্ৰ সেন নামৰ ৫৭ বছৰীয়া ভুৱা আয়ুৰ্বেদিক চিকিৎসকজনক।
২০২৩ চনৰ পৰা হাজৰিকা আয়ুৰ্বেদিক নামৰ এটা প্ৰতিষ্ঠানত আয়ুৰ্বেদিক চিকিৎসক হিচাপে সেৱা আগবঢ়াই আহিছিল এই ভুৱা চিকিৎসক জনে।
পূব কাৰ্বি-আংলঙ জিলাৰ পুৰণা বৰপথাৰৰ স্থায়ী বাসিন্দা ৰঞ্জিত চন্দ্ৰ সেন।
জানিব পৰা মতে কলিকতাৰ এখন আয়ুৰ্বেদিক চিকিৎসা মহাবিদ্যালয়ৰ পৰা উত্তীৰ্ণ হোৱা প্ৰমাণ পত্ৰৰে তেওঁ আয়ুৰ্বেদিক চিকিৎসক হিচাপে কৰ্মৰত আছিল।
কিন্তু ২০২১ চনতে ভাৰত চৰকাৰে সেই চিকিৎসালয় খন নিষিদ্ধ ঘোষণা কৰিছিল।
আৰক্ষীৰ তথ্যৰ মতে Assam Medical councilৰ অধীনত তেওঁৰ কোনো ধৰণৰ পঞ্জীয়ন নাছিল।
সম্প্ৰতি ভুৱা চিকিৎসক জন দেৰগাঁও আৰক্ষী থানাৰ আলহী।
হঠাৎ বৃদ্ধি পালে ‘ৰৈ ৰৈ বিনালে’ ছবিৰ টিকটৰ মূল্য।(Roi Roi Binale)
গুৱাহাটীৰ একাংশ ছবিগৃহত পূর্বতকৈ বৃদ্ধি টিকটৰ মূল্য।
প্ৰতিটো টিকটত দাম বৃদ্ধি কৰিছে প্রায় ১০০ টকাকৈ।
‘ৰৈ ৰৈ বিনালে’ চিনেমাখনৰ ক্ষেত্ৰত এতিয়া একাংশই ব্যৱসায় আৰম্ভ কৰিছে বুলি চৰ্চা চলিছে।
কিছুমান হলত পূৰ্বতে ২২০ টকাৰ নৰ্মেল ৰেঞ্জৰ টিকটৰ পৰিৱৰ্তে আজি সেই টিকট মূল্য হৈছে ৩২০টকা ।
গুৱাহাটীৰ একাংশ ছবিগৃহত এতিয়া পূৰ্বতকৈ বৃদ্ধি পাইছে টিকটৰ দাম।
২৪০ টকীয়া টিকট হ’লগৈ ৩৪০ টকা।
PVR আৰু Cinepolisত টিকটৰ মূল্য বৃদ্ধিৰ পৰিলক্ষিত হৈছে।
