ৰাজধানী দিল্লীত বায়ু প্ৰদূষণে লৈছে ভয়াৱহ ৰূপ। দিল্লী-এনচিআৰত হঠাৎ বৃদ্ধি পোৱা প্ৰদূষণৰ মাত্ৰাই জন জীৱন ভয়াবহ কৰি তুলিছে। মানুহৰ উশাহ-নিশাহত অসুবিধা সৃষ্টি হৈছে।(Delhi Pollution)
ক্ৰমাৎ বৃদ্ধি প্ৰদূষণৰ প্ৰতি লক্ষ্য ৰাখি দিল্লী-এনচিআৰত আজিৰে পৰা দশম, দ্বাদশ শ্ৰেণীৰ বাবে বিদ্যালয় বন্ধ ঘোষণা কৰিছে। তাৰ পৰিৰ্ৱতে অনলাইনত পাঠদান হ’ব। ইয়াৰ সমান্তৰালকৈ জৱাহৰলাল নেহৰু বিশ্ববিদ্যালয়ে (JNU)তীব্ৰ প্ৰদূষণ আৰু বিপজ্জনক AQIৰ কথা উল্লেখ কৰি ২২ নৱেম্বৰলৈকে অনলাইন ক্লাছ অনুষ্ঠিত কৰাৰ সিদ্ধান্ত গ্ৰহণ কৰিছে।(School Closed)
দিল্লীৰ বায়ু ইমানেই বিষাক্ত হৈ পৰিছে যে দিল্লীত বসবাস কৰা লোকসকলে যদি মুকলি বতাহত উশাহ লৈছে, তেন্তে তেওঁলোকে ৪০টা চিগাৰেটৰ সমতুল্য ধোঁৱাৰ উশাহ লৈছে। দিল্লী-এনচিআৰত বায়ু প্ৰদূষণৰ মাত্ৰা ব্যাপক হাৰত বৃদ্ধি পোৱাৰ লগে লগে মানুহৰ চিন্তা বাঢ়িছে। এক প্ৰতিবেদন অনুসৰি প্ৰদূষণ বৃদ্ধিৰ লগে লগে এয়াৰ পিউৰিফায়াৰ আৰু মাস্কৰ বিক্ৰী যথেষ্ট বৃদ্ধি পাইছে দিল্লীত।(Online Class)
বৰ্ধিত বায়ু প্ৰদূষণৰ পৰিপ্ৰেক্ষিতত সোমবাৰে নিশা দিল্লীৰ মুখ্যমন্ত্ৰী আতিশীয়ে দশম আৰু দ্বাদশ শ্ৰেণী বন্ধ কৰি অনলাইন পাঠদান অব্যাহত ৰাখিবলৈ নিৰ্দেশ জাৰি কৰে। ইয়াৰ পূৰ্বে দশম আৰু দ্বাদশৰ বাহিৰে সকলো শ্ৰেণী অনলাইনত পাঠদান কৰিবলৈ নিৰ্দেশ দিয়া হৈছিল। ইয়াৰ লগতে নয়ডা আৰু গ্ৰেটাৰ নয়ডাৰ সকলো বিদ্যালয়কে দ্বাদশ শ্ৰেণীলৈকে অনলাইন পাঠদান কৰিবলৈ নিৰ্দেশ দিয়া হৈছে।
