মহাৰাষ্ট্ৰত পুনৰ গঠন হ’ল দেৱেন্দ্ৰ ফাড়নাবিছ চৰকাৰ। পুনৰবাৰ মহাৰাষ্ট্ৰৰ মুখ্যমন্ত্ৰী হিচাপে শপত গ্ৰহণ কৰে দেৱেন্দ্ৰ ফাড়নাবিছে। বহু ৰাজনীতিবিদৰ লগতে বলীউডৰ বহু ব্যক্তিয়েও মুখ্যমন্ত্ৰীৰ শপত গ্ৰহণ অনুষ্ঠানত অংশ লৈছিল। উক্ত অনুষ্ঠানত উপস্থিত হোৱা বলিউদৰ অভিনেতা-অভিনেত্ৰীসকলৰ ফটো, ভিডিঅ’ সামাজিক মাধ্যমত ভাইৰেল হৈছে।ছলমান খানৰ পৰা আৰম্ভ কৰি শ্বাহৰুখ খান আৰু সঞ্জয় দত্তলৈকে সকলো তাৰকাই অনুষ্ঠানত অংশগ্ৰহণ কৰে আৰু কোন কোন চেলিব্ৰিটিয়ে উক্ত অনুষ্ঠানটোত অংশগ্ৰহণ কৰিছিল জানো আহক।(Maharashtra CM Oath Ceremony)
ৰণবীৰ কাপুৰ আৰু ৰণবীৰ সিঙো উপস্থিত আছিল উক্ত অনুষ্ঠানটোত। ইয়াৰউপৰিও বলীউডৰ অন্যতম শীৰ্ষ অভিনেত্ৰী বিদ্যা বালানক এই ফটোত দেখা গৈছিল।
ভাইৰেল হোৱা ফটো সমূহত এটা ফ্ৰেমত দেখা গৈছিল বলীউড আৰু ব্যৱসায়ৰ তিনিজন ব্যক্তিক, য’ত দেখা গৈছে বলীউডৰ দুজন প্ৰবীণ ছুপাৰষ্টাৰ ছলমান খান আৰু সঞ্জয় দত্ত। ইয়াৰ উপৰিও ব্যৱসায়িক মুকেশ আম্বানী। এনে অনুষ্ঠানত এনে চেলিব্ৰিটিক একেলগে দেখা পোৱাৰ দৰে অনুষ্ঠান অতি কম।
ভাইৰেল হোৱা সকলো ছবিৰ ভিতৰত অনুৰাগীসকলে নিশ্চয় এই ছবিখন আটাইতকৈ বেছি ভাল পাইছিল, কাৰণ এই ফটোখনত হিন্দী চিনেমাৰ ‘কৰণ-অৰ্জুন’ অৰ্থাৎ ছলমান খান আৰু শ্বাহৰুখ খানক একেলগে দেখা গৈছিল। এই ফটোখন দুয়োৰে অনুৰাগীৰ বাবে অতি বিশেষ।
আনহাতে এইখন ফটোখনত দুৱাৰ পিতৃ ৰণবীৰ সিং আৰু ৰাহাৰ পিতৃ ৰণবীৰ কাপুৰে বলীউডৰ কিং শ্বাহৰুখ খানৰ সৈতে কথা পাতি থকা দেখা গৈছে। যেতিয়া বলীউডৰ সকলো চেলিব্ৰিটিয়ে এটা ফ্ৰেমত কথা পাতি থকা দেখা পোৱা যায় তেতিয়া ফটোসমূহো অতি আকৰ্ষণীয় হৈ পৰে।
