গুৱাহাটী, ৬ নৱেম্বৰঃ এইকেইদিন ভূপেন বৰাকতো(Bhupen Bora) বিহালীৰ পৰা খেদি পঠিওৱাৰ নিচিনাই হৈছে ৷ এইফালে অলপ ঘূৰা পকা কৰি আছে ৷ দেৱব্ৰত শইকীয়াও অলপ ঘূৰা পকা কৰি আছে আৰু পাৰ্যমানে আমাক গালি পাৰিছে ৷ কৈছে অগপ মানে অতুল বৰাৰ(Atul Bora) দল, কেশৱ মহন্তৰ দল, ফণীভূষণ চৌধুৰীৰ দল ৷
অসম গণ পৰিষদ ৰাইজৰ তেজেৰে গঢ়া দল আৰু এই কথা মই নতুনকৈ কোৱাৰ প্ৰয়োজন নাই ৷ এই মন্তব্য অগপ দলৰ সভাপতি তথা মন্ত্ৰী অতুল বৰাৰ ৷ বুধবাৰে বঙাইগাঁৱত সমষ্টিটোৰ উপ নিৰ্বাচনৰ অগপ, বিজেপি আৰু ইউপিপিএল মিত্ৰদলৰ প্ৰাৰ্থী দীপ্তিময়ী চৌধুৰীৰ হৈ নিৰ্বাচনী প্ৰচাৰ সভাত অংশ লৈ প্ৰদেশ কংগ্ৰেছৰ সভাপতি ভূপেন বৰা আদিৰ লগতে কংগ্ৰেছ দলক তীব্ৰ আক্ৰমণৰ লক্ষ্য কৰি লৈ এইদৰে কয় ৷
উল্লেখ্য যে মঙলবাৰে বঙাইগাঁৱৰ এখন নিৰ্বাচনী সভাত প্ৰদেশ কংগ্ৰেছৰ সভাপতি ভূপেন বৰাই অগপ দল আৰু দলটোৰ সভাপতি আদিক সমালোচনা কৰি কৈছিল যে অতুল বৰা, কেশৱ মহন্ত আৰু ফণীভুষণ চৌধুৰীয়ে ব্যক্তিগত ৰাজনৈতিক উচ্চাকাংক্ষাক জীয়াই ৰাখিবৰ কাৰণে অগপ দলটোকে ড° হিমন্ত বিশ্ব শর্মাৰ ওচৰত বন্ধকত থৈছে ৷
এতিয়া অগপ মানে কেৱল এই তিনিজন মানুহ ৷ প্ৰদেশ কংগ্ৰেছৰ সভাপতি ভূপেন বৰাই কৰা এই মন্তব্য সংবাদ মাধ্যমত প্ৰকাশ পোৱাৰ পিছতে যেন টিঙিৰি তুলা হৈ পৰিছে অগপ সভাপতি অতুল বৰা ৷ যাৰ বাবে বুধবাৰে নিৰ্বাচনী প্ৰচাৰ সভাত নিজৰ ভাষণত আক্ৰমণৰ লক্ষ্য কৰি লয় কংগ্ৰেছ সভাপতি বৰাক ৷
অগপ দলৰ সভাপতি অতুল বৰাই কয় যে তেখেতে আনক সমালোচনা কৰাৰ পৰিৱৰ্তে নিজৰ দলটো ঠিক কৰক ৷ ভৰিৰ তলৰ পৰা মাটি চপৰা চপৰে খহিছে ৷ পৰাজয়ৰ অভিলেখ গঢ়িছে ৷ দেশত কংগ্ৰেছে পৰাজয়ৰ অভিলেখ গঢ়িছে, ৰাজ্যখনৰ প্ৰতিটো নিৰ্বাচনত পৰাজয়ৰ অভিলেখ গঢ়িছে ৷
তথাপিতো গা লৰা নাই, দাংকোব পৰা কথা ৷ আকাশত চাং পতা মানুহ হৈছে ভূপেন বৰা ৷ এতিয়া ভালকে পৰ্যৱেক্ষণ কৰিলে দেব যে কংগ্ৰেছৰ লাহে লাহে মানুহবিলাক নোহোৱা হৈছে আৰু য’ত ত’ত মানুহ বিচাৰি ফুৰিছে ৷ বেলেগৰ পৰা আনি কংগ্ৰেছে টিকত দিবলগীয়া হৈছে ৷সম্ভৱত এইটোৱে একমাত্ৰ ৰাজনৈতিক দল যিটো দলত যোগদান কৰাৰ আগতে প্ৰাৰ্থিত্ব দিয়ে ৷
বিহালীত তেনেকুৱা এটা ঘটনা সংঘটিত হৈছে ৷ ইয়াতো তেনেকুৱাই বুলিব লাগিব ৷ কংগ্ৰেছ এচাম মানুহে বিজেপি মিত্ৰজোঁটৰ শাসন গ’ল, অগপৰ শাসন গ’ল, কংগ্ৰেছৰতো শাসন আছিলেই ৷ কিছুমান পুৰণি কংগ্ৰেছীসকলৰ অৱস্থা নাই ৷ নতুন মানুহ আহি গ’ল ৷ সেয়ে কৈছো যে কংগ্ৰেছৰ এতিয়া জঁকাটো আছে ৷ ইয়াৰ পিছতো আৰু ভূপেন বৰাই কেতিয়াবা কেতিয়াবা মুখ্যমন্ত্ৰী হোৱাৰ সপোন দেখে ৷ আমি তেওঁক ক’ব খোজো যে আপুনি নিজৰ দলত চকু দিয়ক ৷
কংগ্ৰেছ দলটো এতিয়া এটা দুৰাৰোগ্য ৰোগত আক্ৰান্ত ৷ দুৰাৰোগ্য ৰোগ বুলিলে আমাৰ সচৰাচৰ মনলৈ আহে কেন্সাৰৰ কথা ৷ গতিকে কংগ্ৰেছ দলটো এতিয়া কেন্সাৰত আক্ৰান্ত ৷ ক্ষমতাৰ স্বাৰ্থত কেতিয়া কাৰ লগত মিত্ৰতা কৰে ঠিক নাই ৷ যেতিয়া চোলাটো দৰকাৰ হয় তেতিয়া চোলাটো পিন্ধে আৰু যেতিয়াই নালাগে বুলি ভাবে তেতিয়াই বুটাম খুলি দলিয়াই দিয়ে৷ এয়াই হৈছে কংগ্ৰেছ৷ এতিয়া আমি কংগ্ৰেছক সমালোচনা কৰিব নালাগে ৷
কাৰণ যিসকলৰ লগত সৌ সিদিনালৈকে হোটেলত চাহ খাইছিল, ভাত খাইছিল, একেলগে দাংকোব মৰা কথা কৈছিল এতিয়া সেইসকলেই তেওঁলোকৰ বিৰুদ্ধে যিখিনি ক’ব লাগে কৈ আছে৷ কংগ্ৰেছ এতিয়া দিশহাৰা হৈছে ৷ গতিকে আমি ভাবো যে আমীৰ অগপ, বিজেপি আৰু উইপিপিএলৰ সমৰ্থক আছে এইসকলে তেওঁলোকৰ বিষয়ে একো ক’বলৈ প্ৰয়োজন নাই ৷ ৰাইজে বুজি পাইছে আৰু ৰাইজে তেওঁলোকক উচিত শিক্ষা দিব বুলিও কয় ৷
ইপিনে সংবাদ মাধ্যমৰ সৈতে হোৱা বাৰ্তালাপত অগপ সভাপতি বৰাই কয় যে কংগ্ৰেছ কতো নিজিকে ৷ বঙাইগাঁৱতে চাওক আজিলৈকে বঙাইগাঁৱৰ ৰাইজ কংগ্ৰেছৰ ফালে যোৱা নাই৷ আনকি কংগ্ৰেছৰ শাসনৰ সময়তো যোৱা নাই ৷ কংগ্ৰেছ দল এটা ভ্ৰষ্টাচাৰী আৰু দুৰ্নীতিগ্ৰস্ত দল৷ যাৰ বাবে দেশৰ এখনৰ পিছত আন এখন ৰাজ্যত পৰাজয় বৰণ কৰিছে ৷
আনহাতে কংগ্ৰেছে পুনৰ বিৰোধী একত্ৰিত হ’ব বুলি কৰা মন্তব্য সন্দৰ্ভত কয় যে তেওঁলোকৰ পক্ষে সম্ভৱ নহ’ব ৷ বিৰোধীৰ যি সপোন সেয়া সপোন হৈয়ে ৰ’ব৷
আমি আশা কৰো ফণীভূষণ চৌধুৰীয়ে যোৱা সময়চোৱাত যি কাম হাতত লৈছিল সেই গোটেইখিনি কাম সম্পূৰ্ণ কৰিবলৈ আমি দীপ্তিময়ী চৌধুৰীক বিপুল ভোটত জয়ী কৰিব লাগিব আৰু বঙাইগাঁৱৰ উন্নয়ন আৰু বিকাশৰ যাত্ৰাক এক নতুন দিগন্তলৈ লৈ যাব লাগিব৷ বিজেপি চৰকাৰখনে জাতি, মাটি,ভেঁটিৰ লগতে আমি নিৰন্তৰভাবে অসমৰ বিকাশ আৰু অসমক নতুনকৈ নিৰ্মাণ কৰাৰ কাৰণে গুৰুত্ব আৰোপ কৰিছো বুলি কৈ কয় যে আমাৰ ৰাজ্যত চাৰিওফালে এক উন্নয়নৰ পৰিৱেশৰ সৃষ্টি হৈছে৷
অসমৰ বুকুৰ পৰা সন্ত্ৰাসবাদ, হত্যা-হিংসা নোহোৱা হ’ল৷ আজি আমাৰ ৰাজ্যখনে বিকাশৰ এক নতুন দিগন্তলৈ গতি কৰিছে৷ আজি যদি আমি বঙাইগাঁৱে নহয়, সমগ্ৰ ৰাজ্যখনত চাওঁ, আমাৰ যিমান সমস্যা আছিলে বড়ো আন্দোলনৰ সমস্যা, কাৰ্বি আন্দোলনৰ সমস্যা, আমাৰ মাজত থকা বিভিন্ন সমস্যা যিয়ে আমাৰ জাতিটোক দুৰ্বল কৰিছিল সেই সকলোবোৰ সমস্যা আমি যোৱা চাৰে তিনিটা বছৰত লাহে লাহে মীমাংসা কৰিবলৈ সক্ষম হৈছিলো ৷
আজি আমাৰ ৰাজ্যখনত এক নতুন পৰিৱেশ সৃষ্টি হৈছে ৷ যুৱক- যুৱতীসকলৰ মাজত এটা নতুন আশাৰ প্ৰতিচ্ছবি নিৰ্মাণ হৈছে বুলিও কয় ৷ মুখ্যমন্ত্ৰীগৰাকীয়ে আৰু কয় যে অসমত আটাইতকৈ ডাঙৰ পৰীক্ষা আছিল মেষ্ট্ৰিক পৰীক্ষা ৷ মেট্ৰিকত পাঁচ লাখতকৈ বেছি ল’ৰা – ছোৱালীয়ে পৰীক্ষা দিয়ে আৰু তাতোকৈ ডাঙৰ পৰীক্ষা আৰু আমাৰ ৰাজ্যত কেতিয়াও হোৱা নাই ৷
কিন্তু আজি আমাৰ ৰাজ্যত তৃতীয় আৰু চতুৰ্থ শ্ৰেণীৰ নিযুক্তিৰ বাবে যি পৰীক্ষা অনুষ্টিত কৰো তাত মেট্ৰিকতকৈও ডাঙৰ পৰীক্ষা হয় আৰু বাৰ লাখ ল’ৰা – ছোৱালীয়ে পৰীক্ষাত বহে ৷ সকলোৰে মনত বিশ্বাস হয় যে নিজৰ ল’ৰাটোৱে যদি ভালকৈ পঢ়ে আৰু পৰীক্ষা দিয়ে তেতিয়াহলে চাকৰি পাব পাৰে ৷ এতিয়া আৰু কোনেও নেভাবে চাকৰি পাবলৈ হলে কোনোবা ৰাজনৈতিক নেতাৰ ঘৰলৈ যাব লাগিব, দহ লাখ বিশ লাখ টকা কোনোবাক ঘোচ দিব লাগিব ৷
লোকসেৱাৰ পৰীক্ষাই হওক, তৃতীয়, চতুৰ্থ শ্ৰেণীৰ পৰীক্ষাই হওক বা আৰক্ষীৰ পৰীক্ষাই হওক অসমৰ মানুহৰ মাজত এটা আস্থা আৰু বিশ্বাসৰ সৃষ্টি হৈছে ৷ দুখীয়া ঘৰৰ ল’ৰা – ছোৱালীয়েও চাকৰি পোৱাৰ ফলত শিক্ষাৰ প্ৰতি ল’ৰা – ছোৱালীৰ ঢাউতি বাঢ়িছে, মনোযোগ বাঢ়িছে ৷ পঢ়া- শুনাৰ পৰিৱেশ বাঢ়িছে ৷ এক লাখ চাকৰি প্ৰদানৰ প্ৰতিশ্ৰুতি সম্পূৰ্ণ কৰি এতিয়া আমি অহা দহ মে তাৰিখে ডেৰ লাখ চাকৰি সম্পূৰ্ণ কৰিবলৈ গৈ আছো ৷
ইপিনে কংগ্ৰেছ দলৰ প্ৰাক্তন মন্ত্ৰী তথা বৰ্তমানৰ ধুবুৰী লোকসভা সমষ্টিৰ সাংসদ ৰকিবুল হুছেইনক আক্ৰমণ কৰি কয় যে সেই সময়ত কংগ্ৰেছ দলৰ এজন মন্ত্ৰী আছিল ৰকিবুল হুছেইন ৷ মই ফেচবুকত তেওঁৰ এটা সাক্ষাৎকাৰ চাই আছিলো ৷ তাতে তেওঁ কৈছিলে যে মই চাকৰি দিয়া ল’ৰাই মোক বিৰোধিতা কৰি আছে ৷ কংগ্ৰেছৰ দিনত এটা অভিযোগ আছিল যে অসমৰ আৰক্ষী বিভাগত ৰকিবুল হুছেইনে যাকে ইচ্ছা কৰে তাকে চাকৰি দিছিল ৷
যোৱা পৰহি দিনাখন নিজে ফেচবুকত কৈছে যে মই চাকৰি দিয়া ল’ৰাই মোক বিৰোধিতা কৰি আছে ৷ তাৰমানে কংগ্ৰেছৰ দিনত অকল ৰাকেশ পালে চাকৰি দিয়া নাছিল ৷ ৰকিবুল হুছেইনেও নিজৰ ইচ্ছামতে চৰকাৰী চাকৰি যে দিছিল সেই কথা তেখেতৰ মুখেৰে প্ৰকাশ পাইছে ৷ মই আৰক্ষী বিভাগক কৈছো যে আপোনালোকে অতি সোনকালে গোচৰ এটা পঞ্জীয়ণ কৰক আৰু ৰকিবুল হুছেইনে কাক কাক চাকৰি দিছিল সেই তালিকাখন বাহিৰ কৰক ৷
কাৰণ সেই তালিকাখন জনাটো অসমৰ মানুহৰ প্ৰয়োজনীয় ৷ কংগ্ৰেছৰ দিনত কেৱল ৰকিবুল হুছেইনে চাকৰি দিয়া নাছিল ৷ ৰাকেশ পালে এক কৌটি ডেৰ কৌটি টকালৈ চাকৰি দিছিল ৷ বঙাইগাঁৱত এক কৌটি টকা দি চাকৰি ল’ব পৰা কোনোবা আছে নেকি বুলিও প্ৰশ্ন উত্থাপন কৰি আমি এক কৌটি টকা নহয় বৰং এটকাও নোলোৱাকৈ চাকৰি দিছো ৷
লগতে নিযুক্ত পত্ৰ ল’বলৈ যোৱাৰ সময়ত ডিঙিত গামোচা এখন পিন্ধাই সম্বৰ্ধনা জনাও ৷ তেওঁ মুখ্যমন্ত্ৰীৰ আত্মনিৰ্ভৰ অভিযান আঁচনিৰ কথা উল্লেখ কৰি কয় যে যোৱা ত্ৰিশ তাৰিখে অসমৰ ২৫ হাজাৰ ২ শ ৩৮ জন ল’ৰা – ছোৱালীক ব্যৱসায় কৰিবলৈ দুই লাখকৈ টকা আগবঢ়াইছো ৷ ইয়াৰে এক লাখ টকা চৰকাৰক ঘুৰাই দিব লাগিব আৰু এক লাখ টকা ঘূৰাব নালাগে ৷ আবেদন চলি আছে আৰু অহা তিনিমাহৰ ভিতৰত আকৌ ৭৫ হাজাৰ ল’ৰাক দুই লাখ টকাকৈ আগবঢ়াম ৷
যাতে তেওঁলোকে ব্যৱসায় বাণিজ্য কৰি খাব পাৰে, পৰিয়ালটোক আগবঢ়াই নিব পাৰে ৷ ডেৰ লাখ চাকৰি, দুই লাখ ল’ৰা – ছোৱালীক আত্ম নিৰ্ভৰ অসম আঁচনিৰ জৰিয়তে অনুমোদন আৰু কেন্দ্ৰীয় চৰকাৰৰ বিভিন্ন পদত নিযুক্তি ৷ যোৱা চাৰে তিনি বছৰ আৰু আহিবলগীয়া ডেৰটা বছৰত আমাৰ অসমত পাঁচ লাখ ল’ৰা – ছোৱালীয়ে কৰ্ম সংস্থাপন লাভ কৰিব ৷ ৰাজ্যত শান্তিৰ পৰিৱেশ ঘূৰি অহাত আন্দোলন, বঙাইগাঁও বন্ধ, জিলা বন্ধৰ ঘটনাবোৰ লাহে লাহে নোহোৱা হৈছে ৷
আমি কাকো দাবী ধমকি দিয়া নাই যে আন্দোলন নকৰিব ৷ এতিয়া ল’ৰা – ছোৱালীৰ আন্দোলন কৰাৰ সময় নাই ৷ ফেব্ৰুৱাৰী মাহত এডিআৰই পৰীক্ষাৰ ৰিজাল্ট দিব ৷ মাৰ্চত লগে লগে আৰক্ষী আৰু নতুন চাকৰি ৩৫ হাজাৰৰ বিজ্ঞাপন উলিয়াই দিম ৷ আমি আমাৰ যুৱক শক্তিক যাতে বিপথে পৰিচালিত নহয় তাৰ বাবে ব্যস্ত কৰি ৰাখিছো ৷ আনহাতে অৰুণোদয় আঁচনিৰ কথা উল্লেখ কৰি কয় যে ১৯ চেপ্টেম্বৰৰ পৰা অৰুণোদয় ৩.০ আঁচনি আৰম্ভ কৰিছো আৰু বঙাইগাঁও সমষ্টিত নতুনকৈ ১৫ হাজাৰ পৰিয়ালক দিম আৰু তাৰ প্ৰক্ৰিয়া আৰম্ভ হৈছে ৷
সেইদৰে আয়ুষ্মান ভাৰত আঁচনিৰ বিষয়ে উল্লেখ কৰি মুখ্যমন্ত্ৰীগৰাকীয়ে কয় যে এতিয়া আমি সিদ্ধান্ত লৈছো ৭০ বছৰৰ ওপৰৰ যি কোনো পুৰুষ – মহিলা, তেওঁ পেঞ্চন পাওক বা নাপাওক, চৰকাৰী বিষয়া – কৰ্মচাৰী আছিল বা নাছিল যদিও পাঁচ লাখ টকাৰ চিকিৎসা সাহাৰ্য লাভ কৰিব ৷ পৰিয়ালৰ ৰেচন কাৰ্ড নাথাকিলেও এই সুবিধা লাভ কৰিব ৷ আমি সকলোকে কাৰ্ড বনাই দিম ৷ আমাৰ চৰকাৰৰ দিনত ৰাজ্যখনত ১০ লাখ ৭৩ হাজাৰ পৰিয়ালক নতুনকৈ ৰেচন কাৰ্ড দিছো ৷
মিছন বসুন্ধৰা আঁচনিৰ জৰিয়তে আমি প্ৰথমবাৰৰ বাবে ৰাইজক ভূমিৰ অধিকাৰ দিবলৈ সক্ষম হৈছিলো ৷ যোৱা কেইদিনমান আগতে মই বঙাইগাঁও জিলাত আহোতে প্ৰিমিয়াম বেছি হোৱাৰ কাৰণে ৰাবাৰ বাগান থকা যুৱক- যুৱতীসকলে মাটিবোৰ ল’ব পৰা নাই ৷ বঙাইগাঁও জিলাৰ ৰাবাৰ বাগানৰ কাৰণেও তেওঁ প্ৰিমিয়াম কম কৰি দিয়াৰ কথা ঘোষণা কৰে যাতে তেওঁলোকে মাটি ল’ব পাৰে ৷
মুখ্যমন্ত্ৰীগৰাকীয়ে নিৰ্বাচনী সভাত কয় যে মিছন বসুন্ধৰাৰ বাবে মাটিৰ আবেদন কৰিবৰ বাবে আমাক তিনিটা প্ৰজন্মৰ কাগজ লাগে ৷ কেইদিনমান আগতে চাহ বাগিছা, আদিবাসী আৰু কেইটামান সম্প্ৰদায়ক আমি তিনিটা প্ৰজন্মৰ কাগজৰ পৰা ৰেহাই দিছিলো ৷ কিন্তু এই সভাত ঘোষণা কৰিব খুজিছো যে অসমৰ কোচ ৰাজবংশী লোকসকলেও তিনিটা প্ৰজন্মৰ কাগজ দিব নেলাগে ৷ যেনেকে এছ টি, এছ চিয়ে দিব নালাগে তেনেকে কোচ ৰাজবংশী বা আমাৰ অবিচি, এমঅবিচি সম্প্ৰদায়ৰ লোকেও কোনো তিনিটা প্ৰজন্মৰ কাগজ দিব নালাগে ৷ তেওঁ লোককো আমি তিনিটা প্ৰজন্মৰ কাগজৰ পৰা ৰেহাই দিছো যাতে মিছন বসুন্ধৰাত সকলো লোকে আমাৰ মাচি বাৰী ল’ব পাৰে ৷
তেওঁ আত্ম সহায়ক গোটৰ সদস্য সকলৰ বেংক একাউণ্টত মাৰ্চ মাহৰ আগতে দহ হেজাৰকৈ টকা জমা হ’ব বুলিও কয় ৷ ৪০ লাখ মহিলাই আবেদন কৰিছিল আৰু সেইবোৰ চালিজাৰি চোৱাৰ বাবে কিছু সময়ৰ প্ৰয়োজন হোৱা বুলি কয় ৷ সভাত মুখ্যমন্ত্ৰীগৰাকীয়ে কংগ্ৰেছ দলক গাখীৰ নিদিয়া বলধ গৰুৰ লগত তুলনা কৰি কয় যে কিছুমানে ভুলতে গৈ কংগ্ৰেছক ভোট দিব ৷ ভোট দিয়াৰ ছয়মাহ পিছত ক’ব পথ হোৱা নাই, চিকিৎসালয় হোৱা নাই,বিদ্যালয় হোৱা নাই ৷ কংগ্ৰেছ বিধায়কৰ ঘৰত গৈ কম আপোনাকতো ভোট দিলো আমাৰ কাম কিয় নহ’ল ৷ তেতিয়া কংগ্ৰেছ বিধায়কজনে ক’ব যে ভোট দিয়াৰ আগতে সুধিছিলি নেকি দিছপুৰ আৰু দিল্লীত আমাৰ চৰকাৰ আছে নে নাই ? দিল্লীত নৰেদ্ৰ মোদীৰ চৰকাৰ, দিছপুৰত হিমন্ত বিশ্ব শৰ্মাৰ চৰকাৰ ৷
সেয়ে কংগ্ৰেছক ভোট দিয়াতকৈ দীপ্তিময়ী চৌধুৰীক ভোট দিলে বেছি কাম হ’ব ৷ তেওঁ ৰাইজক দীপ্তিময়ী চৌধুৰীক ফণীভূষণ চৌধুৰীয়ে যি ৪০ হাজাৰ ভোটৰ ব্যৱধানত জয়ী হৈছিল তাতোকৈ অধিক ভোটত অৰ্থাৎ ৪১ হাজাৰ ভোটত জয়ী কৰিবলৈকো আহ্বান জনায় ৷ নিৰ্বাচন পৰিচালনা সমিতিৰ সভাপতি তথা অগপ দলৰ সাধাৰণ সম্পাদক ভূপেন ৰায়ে পৰিচালনা কৰা নিৰ্বাচনী সভাত অগপ দলৰ সভাপতি তথা মন্ত্ৰী অতুল বৰাই নিজৰ ভাষণত কয় যে ১৯৮৫ চনৰ পৰা ২০২১ চনলৈকে নীৰৱচিন্তভাবে এই সমষ্টিত আপোনালোকে আমাৰ প্ৰাৰ্থীক জিকাই আহিছে ৷
আমাৰ বাবে আপোনোলোক সাহস , আমাৰ বাবে আপোনালোক অনুপ্ৰেৰণা ৷ ১৯৮৫ চনৰ পৰা আপোনালোকে যেনে ধৰণে সনৰ্থন দি আহিছে, আমালৈ সহযোগিতাৰ হাত সম্প্ৰসাৰিত কৰি আহিছে আমাৰ দৃঢ় বিশ্বাস আগন্তুক বিধানসভা উপ নিৰ্বাচনতো এই ধাৰাবাহিকতা অক্ষুন্ন ৰাখিব ৷ আমি নিশ্চত হৈছো যে পূৰ্বতকৈও অধিক ভোটত এইবাৰ বঙাইগাঁৱৰ ৰাইজে আমাৰ মিত্ৰজোঁটত প্ৰাৰ্থীগৰাকীক জিকাব ৷ ২০১৬ ৰ পৰা বিজেপি আমাৰ লগত আছে আৰু আমি একেলগে নিৰ্বাচনৰ মুখামুখী হৈছো আৰু অগপ দল বিজেপি নেতৃত্বাধীন মিত্ৰজোঁট চৰকাৰৰ অংশীদাৰ ৷
সেইদৰে ২০২১ ত উইপিপিএল আছে আৰু ২০২৪ ত এতিয়া ইউপিপিএল আছে ৷ আমি তিনিওটা দলৰ কাৰ্যকৰ্তা আৰু সমৰ্থকসকলক ধন্যবাদ আৰু কৃতজ্ঞতা জনাইছো কাৰণ যোৱা দিনবিলাকত এই সমষ্টিত মিত্ৰদলৰ ভেঁটি মজবুট কৰিব ৰাখিবৰ কাৰণে আৰু উন্নয়নৰ স্বাৰ্থত যিখিনি ত্যাগ কৰিছে ৷ তেওঁ কয় যে ৮৫ চনৰ পৰাই এই সমষ্টিটো অগপৰ দুৰ্গ আছিল আৰু আজিৰ দিনত এই সমষ্টিটো মিত্ৰদলৰ শক্তিশালী দুৰ্গ ৷ মিত্ৰদলৰ এই শক্তিশালী দুৰ্গত কংগ্ৰেছে আঘাত হনাত আৰু জিকাৰ সপোন দেখাতো অবাস্তৱ আৰু সেইটো একেবাৰে অসম্ভৱ ৷ বঙাইগাঁৱৰ ভোটদাতা যথেষ্ট সজাগ আৰু সস্তম আমি জানো ৷
ভোটদাতাসকল সজাগ আৰু সচেতন হোৱাৰ বাবেই ৮৫ চনৰ পৰা ভ্ৰষ্টাচাৰী আৰু দুৰ্নীতিপৰায়ণ কংগ্ৰেছক আপোনালোকে শিক্ষা দি আহিছে ৷ কংগ্ৰেছৰ দিনতো আপোনালোকে জিলা পৰিষদ, পঞ্চায়ত, পৌৰসভা গঠন কৰিব দিয়া নাই ৷ দেশৰ স্বাধীনতী অনা দল কংগ্ৰেছে দীঘলীয়া দিন ধৰি দেশত আৰু ভাৰতৰ অংগ ৰাজ্য অসমত দূৰ্নীতি, ভ্ৰষ্টাচাৰ, অন্যায় কৰিলে তাৰ উচিত প্ৰত্যুত্তৰ বঙাইগাঁওবাসীয়ে কেনেকে দিব লাগে সেইটো জানে বাবেই উচিত শিক্ষা কংগ্ৰেছক দিছে ৷ তেওঁ বিগত সময়চোৱাত ডঃ হিমন্ত বিশ্ব শৰ্মা নেতৃত্বাধীন ৰাজ্য চৰকাৰৰ দিনত সমষ্টিটোত ফণীভূষণ চৌধুৰী বিধায়ক হৈ থকাত এই সমষ্টিটোত বহুত কাম হৈছে বুলিও কয় ৷ আনহাতে মন্ত্ৰী ৰণজিত দাসে কয় যে ফণীভূষণ চৌধুৰীয়ে বঙাইগাঁৱৰ কাৰণে কি কৰা নাই ৷
সেয়ে মোৰ তেওঁৰ ওপৰত ঈৰ্ষা জাগে ৷ সকলো কৰিছে ৷ ক’তো চাৰিটা পাঁচটা ভৱন নাই ৷ মুখ্যমন্ত্ৰীয়ে দুবাৰ বিকাশ যাত্ৰাত আহি ১৪৫৬ টকাৰ প্ৰকল্প দিছে ৷ কাম চলি আছে ৷ তেওঁ এইবাৰ মিত্ৰদলৰ প্ৰাৰ্থীগৰাকীক ৪০ হাজাৰৰ অধিক ভোটত জিকাব লাগে বুলি ৰাইজক আহ্বান জনাই কয় যে আজিৰ তাৰিখত নিৰ্বাচন হলে ৩০ হাজাৰ ভোটৰ ব্যৱধানত জয়ী হোৱাটো নিশ্চিত ৷ সভাত অগপ দলৰ কাৰ্যকৰী সভাপতি তথা মন্ত্ৰী কেশৱ মহন্ত, বিটিচিৰ মুখ্য কাৰ্যবাহী সদস্য তথা ইউপিপিএল দলৰ নেতা প্ৰমোদ বড়ো আদিয়েও ভাষণ দিয়ে ৷ সেইদৰে ৰাইজৰ সহযোগিতা বিচাৰি বক্তব্য ৰাখে প্ৰাৰ্থী দীপ্তিময়ী চৌধুৰীয়েও ৷
নিৰ্বাচনী সভাত সাংসদ বীৰেন্দ্র প্রসাদ বৈশ্য, সাংসদ ফণীভূষণ চৌধুৰী, ইউপিপিএল দলৰ নেতা চন্দন ব্ৰহ্ম, অগপ নেতা ,অপূর্ব ভট্টাচার্য, উজ্বল কান্তি ৰায়,অশোক নাৰায়ন দেব,অশ্বিনী ৰায় আদি উপস্থিত আছিল ৷ ইপিনে নিৰ্বাচনী সভাৰ অন্তত মুখ্যমন্ত্রী ড° হিমন্ত বিশ্বশর্মাই সংবাদমাধ্যমৰ প্রতিনিধিৰ আগত ধুবুৰী লোকসভা সমষ্টিৰ সাংসদ ৰকিবুল হুছেইনে গৃহ ৰাজ্য মন্ত্ৰী হৈ থকা সময়ত কাক কাক চাকৰি দিছিল সেই বিষয়ে তদন্তৰ নিৰ্দেশ দিছে বুলি ব্যক্ত কৰে ৷ মিত্ৰজোঁটৰ নিৰ্বাচনী প্ৰচাৰ সভাত অংশ লৈ তেওঁ কয় যে বহু দিনৰ পৰা সন্দেহ আছিল যে ৰকিবুল হুছেইনে গৃহৰাজ্য মন্ত্ৰী হৈ থকাৰ সময়ত বহু লোকক পিছ দুৱাৰে দি চাকৰি দিছিল। এই বিষয় লৈ সেই সময়ত বিতৰ্কও হৈছিল ৷ কিন্তু যোৱা দুটা দিন আগত ৰকিবুল হুছেইনে এক সাক্ষাৎকাৰত লৰা এজনক চাকৰি দিয়াৰ কথা নিজে স্বীকাৰ কৰিছে ।
ৰকিবুল হুছেইনে চাকৰি দিয়াৰ পিছতো লৰাজনে নিৰ্বাচনত বিৰোধীতা কৰা প্ৰসংগ সাক্ষাৎকাৰটোত উল্লেখ কৰিছিল ৷ কিন্তু ৰৰিবুল হুছেইনে নিজে কোনো লোকক চাকৰি দিব নোৱাৰে ৷ আনহাতে ৰকিবুল হুছেইনে কাক কাক চাকৰি দিছে সেই কথা জনাৰ বাবে আৰক্ষীক তদন্তৰ নিৰ্দেশ দিয়া বুলি জানিব দি তেঁও কয় ‘ ৰাকেশ পালে অবৈধভাৱে চাকৰি দিয়াটো আমি সকলোৱে জানো ৷ যাৰ বাবে ৰাকেশ পালে জেলও খাবলগীয়া হৈছিল। কিন্তু ৰকিবুল হুছেইনে চাকৰি দিয়াটো আমি জনা নাছিলো ৷ যিহেতু তেওঁ বিষয়টো নিজে কৈছে গতিকে বিষয়টো চৰকাৰে তদন্ত কৰি চাব লাগিব ৷’ ইফালে বঙাইগাঁও আৰু ধলাইত মিত্ৰজোটৰ প্ৰাৰ্থী জয়ী হ’ব বুলি উল্লেখ কৰি তেঁও কয় ‘ সমষ্টিত গ’লে তাৰে পৰিৱেশ উপলব্ধি কৰিব পাৰি ৷
47th US President Donald Trump: আমেৰিকাৰ ৰাষ্ট্ৰপতিৰূপে পুনৰ নিৰ্বাচিত ড'নাল্ড ট্ৰাম্প
ভাৰত, ৬ অক্টোবৰঃ সকলো ভৱিষ্যতবাণী মিছা প্ৰমাণিত কৰি বিশ্বৰ শক্তিধৰ দেশ আমেৰিকাৰ ৪৭ সংখ্যক ৰাষ্ট্ৰপতি(47th US President Donald Trump) হিচাপে নিৰ্বাচিত হ’ল ড’নাল্ড ট্ৰাম্প(Victory With 60M Votes)।
দোষীক চিনাক্ত কৰি কঠোৰ শাস্তি প্ৰদানৰ নিৰ্দেশ দিয়া হয়। মধ্যপ্ৰদেশ চৰকাৰেও ১০টা হাতীৰ মৃত্যুৰ কাৰণৰ তদন্তৰ বাবে বিশেষ তদন্তকাৰী দল গঠন কৰে। একেদৰে দিল্লীৰ পৰা বিশেষজ্ঞ দলটোৱে বান্ধৱগড় পাইহি। ১৪ জন পশু চিকিৎসকৰ তত্বাৱধানত মৰণোত্তৰ পৰীক্ষা আৰম্ভ হয়।
প্ৰথম অৱস্থাত বিষক্ৰিয়াৰ বাবে হাতী দুটাৰ মৃত্যু হোৱা বুলি খবৰ পোৱা গৈছিল। মৃত আটাইকেইটা হাতীৰ পেটত বৃহৎ পৰিমাণৰ বাজৰা থকা দেখা গৈছে।
কিন্তু তদন্তকাৰীসকলে এই বিষক্ৰিয়াক লৈ সন্দেহ প্ৰকাশ কৰিছিল, বা ইয়াৰ আঁৰত ইয়াতকৈও বৃহৎ ষড়যন্ত্ৰ আছে নেকি? বন বিভাগৰ একাংশ বিষয়াৰো মতামত আছিল যে অতিমাত্ৰা কীটনাশকৰ ফলত হাতীবোৰৰ মৃত্যু হ’ব পাৰে।
