বঙাইগাঁও, ৫ নৱেম্বৰঃ অসম চৰকাৰে শেতীয়াকৈ বসুন্ধৰা ৩.o জৰিয়তে ভূমি মালিকীস্বত্ব লাভৰ বাবে তিনিটা প্ৰজন্মৰ নথিপত্ৰ দাখিলৰ যি অধ্যাদেশ জাৰি কৰিছে সেই সম্পৰ্কত কোচ ৰাজবংশীসকলক(Koch Rajbongshi) বিনাচৰ্তে ভূমি মালিকীস্বত্ব (নামজাৰি) প্ৰদান কৰিব লাগে বুলি দাবী জনাইছে আক্ৰাছুৰ চাৰিটাকৈ গোটৰ লগতে কোচ ৰাজবংশী জাতীয় পৰিষদে(Kamatapuri)৷
সংগঠন কেইটাৰ নেতৃত্বই লগতে কোচ ৰাজবংশী সকলক মালিকীস্বত্ব প্ৰদানৰ ক্ষেত্ৰত তিনি প্ৰজন্মৰ নথিপত্ৰ প্ৰদানৰ পৰা ৰেহাই দিব নে নাই সেই কথা অহা ১০ নৱেম্বৰৰ আগতে স্পষ্ট কৰিবলৈকো মুখ্যমন্ত্ৰীক আহ্বান জনাইছে(Tibeto Burman languages)৷
অন্যথা ১০ নবেম্বৰৰ পিছত যৌথভাবে আন্দোলনৰ কাৰ্যসূচী গ্ৰহণ কৰি বুলিও হুংকাৰ দিছে(Land Ownership)৷
উল্লেখ্য, সদৌ কোচ ৰাজবংশী ছাত্ৰ সন্থা চমুকৈ আক্ৰাছুৰ ক্ষীতিশ বৰ্মন গোট, অতুল বৰ্মন গোট, সুনাধৰ ৰায় গোট, নিমাই ৰায় নেতৃত্বাধীন অবিভক্ত গোৱালপাৰা জিলা আক্ৰাছু গোট আৰু কোচ ৰাজবংশী জাতীয় পৰিষদে মঙলবাৰে বৃহত্তৰ বঙাইগাঁও প্ৰেছ ক্লাবত এখন যৌথ সংবাদমেল অনুষ্ঠিত কৰে(Upper Assam)৷
সংবাদ মেলত সংগঠনকেইটাৰ নেতৃত্বই কয় যে অসমৰ ভূমিপুত্ৰ কোচ-ৰাজবংশী সকলে সুদীৰ্ঘদিন ধৰি জনজাতিকৰণ আৰু পৃথক কমতাপুৰ ৰাজ্য পুণৰ গঠনৰ বাবে গণতান্ত্ৰিকভাবে আন্দোলন কৰি আহিছে যদিও আজিলৈকে কেন্দ্ৰ আৰু অসমত শাসন কৰা কোনো এখন চৰকাৰে কোচ- ৰাজবংশীসকলৰ সমস্যা সমাধানৰ বাবে বাস্তৱ পদক্ষেপ গ্ৰহণ কৰা দেখা নগল।
বৰং কূট কৌশল কৰি কোচ ৰাজবংশী জনগোষ্ঠীৰ সংগঠন সমূহক বিভাজনৰ ৰাজনীতিৰে আন্দোলনৰ পৰা আতৰাই ৰাখি সমস্যা সমূহ গাপ দি ৰাখিহে আছে৷ সেইদৰ সুদীৰ্ঘদিন ধৰি অসম তথা কেন্দ্ৰত কংগ্ৰেছ নেতৃত্বাধীন চৰকাৰ আছিল যদিও কংগ্ৰেছেও কোচ ৰাজবংশী সকলৰ সমস্যা সমাধান নকৰিলে৷
একেদৰে বৰ্তমান অসম তথা কেন্দ্ৰত বিজেপি নেতৃত্বাধীন চৰকাৰ চলি আছে যদিও কোচ ৰাজবংশী সকলৰ সমস্যা সমাধানৰ ক্ষেত্ৰত হোহকা পিছলা নীতি গ্ৰহণ কৰি প্ৰতাৰণা কৰিব ওলাইছে। ২০১৪ চনৰ লোকসভা নিৰ্বাচন আৰু ২০১৬ চনৰ অসম বিধানসভা নিৰ্বাচনত বিজেপিৰ ভিজন ডকুমেণ্টত আৰু নিৰ্বাচনী সভা সমূহত স্পষ্টকৈ উল্লেখ কৰিছিল যে ‘কেন্দ্ৰ আৰু অসমত বিজেপিৰ নেতৃত্বত চৰকাৰ গঠন হ’লে ছয় মাহৰ ভিতৰত জনজাতিকৰণ কৰিব৷
কিন্তু দুৰ্ভাগ্যজনক কথাতো হ’ল প্ৰধানমন্ত্ৰী নৰেন্দ্ৰ মোডীৰ নেতৃত্বত কেন্দ্ৰত তিনিবাৰ আৰু অসমত দুবাৰ বিজেপিৰ নেতৃত্বত চৰকাৰ গঠন হ’ল যদিও বিজেপি দলে দিয়া প্ৰতিশ্ৰুতি পালন নকৰি এতিয়া কংগ্ৰেছ দলৰ ওপৰত দোষাৰোপ কৰি মুখ্যমন্ত্ৰী ড° হিমন্ত বিশ্ব শৰ্মা জনজাতিকৰণ দাবী সমাধানৰ পৰা আতৰি আহিছে৷
২০১৯ চনত অসমৰ ছয় জনগোষ্ঠীক জনজাতিকৰণৰ মৰ্যাদা দিয়াৰ বাবে ৰাজ্য সভাত বিধেয়ক উত্থাপনৰ পিছতে অসমৰ বৰ্তমানৰ জনজাতি সকলৰ বাবে সংৰক্ষিত অধিকাৰ সুৰক্ষিত কৰি অসমৰ ছয় জনগোষ্ঠীক কেনেকৈ জনজাতিৰ তালিকাত অন্তৰ্ভুক্ত কৰিব পাৰে তাৰবাবে তদানীন্তন মুখ্যমন্ত্ৰী সৰ্বানন্দ সোণোৱাল নেতৃত্বাধীন চৰকাৰৰ বিত্ত তথা স্বাস্থ্য মন্ত্ৰী তথা বৰ্তমানৰ মুখ্যমন্ত্ৰী ড° হিমন্ত বিশ্ব শৰ্মাক অধ্যক্ষ হিচাপে লৈ পাঁচজনীয়া মন্ত্ৰী গোট গঠন কৰি দিছিল আৰু উক্ত মন্ত্ৰী গোটে কোচ ৰাজবংশী জনগোষ্ঠীৰ জাতীয় সংগঠনৰে কেবাবাৰো আনুষ্ঠানিক বৈঠক কৰি জনজাতিকৰণ দাবী সমাধানৰ প্ৰতিশ্ৰুতি দিছিল৷
কিন্তু ড° হিমন্ত বিশ্ব শৰ্মা মুখ্যমন্ত্ৰীৰ আসনত অধিষ্ঠিত হোৱাৰ পিছত এতিয়া জনজাতিকৰণ সমস্যা সমাধান নকৰি জনজাতিকৰণৰ বিষয়টোকলৈ কংগ্ৰেছ দলৰে বোকা ছটিওৱা ৰাজনীতিতহে ব্যস্ত থকা দেখা গ’ল৷
মুখ্যমন্ত্ৰীৰ এই কাৰ্য চুড়ান্ত দুৰ্ভাগ্যজনক আৰু কোচ ৰাজবংশীসকলক কৰা প্ৰতাৰণাৰ এক জলন্ত উদাহৰণ বুলি ক্ষোভ প্ৰকাশ কৰি অসম চৰকাৰক তীব্ৰ ধিক্কাৰ দি কোচ ৰাজবংশী জাতীয় সংগঠন সমূহৰ নেতৃত্বই আৰু কয় যে, জনজাতিকৰণৰ দাবী সমাধান নকৰি এতিয়া মুখ্যমন্ত্ৰী ড° হিমন্ত বিশ্ব শৰ্মা নেতৃত্বাধীন বিজেপি চৰকাৰে মিছন বসুন্ধৰা ৩.০ জৰিয়তে অসমৰ ভূমি নামজাৰি তথা ভূমি মালিকীস্বত্ব প্ৰদানৰ ক্ষেত্ৰত অসমৰ কেবাটাও জনগোষ্ঠীয়ে তিনিটা প্ৰজন্মৰ নথিপত্ৰ অবিহনে কৰিব পাৰিব বুলি সিদ্ধান্ত কৰিছে যদিও ভূমিপুত্ৰ কোচ ৰাজবংশীসকলক উক্ত জনগোষ্ঠীৰ সতে সাঙুৰি নললে।
ইয়াৰ জৰিয়তে মুখ্যমন্ত্ৰী ড° হিমন্ত বিশ্ব শৰ্মা নেতৃত্বাধীন অসম চৰকাৰে আওপকীয়াকৈ কোচ ৰাজবংশীসকলক বিদেশী বা প্ৰৱজনকাৰী সজাই কোচ ৰাজবংশী সকলক ৰাজনৈতিকভাবে নিঃশেষ কৰিব বিচাৰিছে।
অসম চৰকাৰৰ এই হঠকাৰী সিদ্ধান্তৰ জৰিয়তে হাজাৰ হাজাৰ ভূমি কোচ ৰাজবংশীসকল ভূমিস্বত্ব বা ভূমিৰ মালিকীস্বত্বৰ পৰা যুগযুগান্তৰলৈ বঞ্চিত হ’ব৷ মুখ্যমন্ত্ৰী ড° হিমন্ত বিশ্ব শৰ্মাই জনা উচিত কোচ ৰাজবংশী সকলৰ ৰজা-মহাৰজাৰ শাসনত থকা দৰং, বেলতলা, কোচ হাজো, বিজনী, ছিদলী আদিৰ ৰজাই অসীম ত্যাগ কৰি ভাৰতবৰ্ষত যুক্ত হোৱাৰ কাৰণে এটা সময়ত বৰ অসম হৈছিল৷
কিন্তু বৰ্তমান অসম চৰকাৰে কোচ ৰাজবংশী সকলৰ অসীম ত্যাগক ভেঙুচালি কৰি ঐতিহাসিক জনগোষ্ঠীটো মানে-সন্মানে জীয়াই থকাত এতিয়া বিভিন্ন প্ৰতিবন্ধকতা আৰোপ কৰাতো কেতিয়াও মানি ল’ব নোৱাৰি। গতিকে অসম চৰকাৰে শেতীয়াকৈ বসুন্ধৰা ৩.o জৰিয়তে ভূমি মালিকীস্বত্ব লাভৰ বাবে তিনিটা প্ৰজন্মৰ নথিপত্ৰ দাখিলৰ যি অধ্যাদেশ জাৰি কৰিছে সেই সম্পৰ্কত কোচ ৰাজবংশী সকলক বিনাচৰ্তে ভূমি মালিকীস্বত্ব (নামজাৰি) প্ৰদান কৰিব লাগে বুলি দাবী জনায় ৷
লগতে কোচ ৰাজবংশী সকলক মালিকীস্বত্ব প্ৰদানৰ ক্ষেত্ৰত তিনি প্ৰজন্মৰ নথিপত্ৰ প্ৰদানৰ পৰা ৰেহাই দিব নে নাই সেই কথা অহা ১০ নৱেম্বৰৰ আগতে স্পষ্ট কৰিবলৈ মুখ্যমন্ত্ৰীক আহ্বান জনায়৷ অন্যথা ১০ নৱেম্বৰৰ পিছত আক্ৰাছুৱে যৌথভাবে আন্দোলনৰ কাৰ্যসূচী গ্ৰহণ কৰি প্ৰধানমন্ত্ৰী আৰু মুখ্যমন্ত্ৰীৰ পুত্তলিকা দাহ কৰি গণতান্ত্ৰিক আন্দোলন আৰম্ভ কৰিব ৷
তাৰোপৰি উপ নিৰ্বাচনত আক্ৰাছুৱে বিশেষ ভূমিকা ল’ব বুলি কৈ প্ৰয়োজনত কোচ ৰাজবংশী জনগোষ্ঠীয়ে ভোট বৰ্জনৰ সিদ্ধান্ত গ্ৰহণ কৰিব৷ সেইদৰে বিজেপি চৰকাৰে বা মুখ্যমন্ত্ৰীয়ে কোচ ৰাজবংশী জনগোষ্ঠীক তেওঁলোকক কি কাৰণত ভোট দিবলৈ আহ্বান জনাব বা কোচ ৰাজবংশীসকলে কি কাৰণত দলটোক ভোট দিব ?
কাৰণ প্ৰতিশ্ৰুতি পূৰণেই নকৰিলে বুলিও কয়৷ কোচ ৰাজবংশী সংগঠনকেইটাৰ নেতৃত্বই লগতে কোচ ৰাজবংশী সকলক বিজেপি নেতৃত্বাধীন অসম চৰকাৰে জনজাতিৰ তালিকাভুক্ত কৰাৰ লগতে কেএলঅৰে শান্তি আলোচনা কৰি শান্তিচুক্তি কৰিব নে নাই সেই কথাও মুখ্যমন্ত্ৰীক ৰাজহুৱাকৈ কবলৈ আহ্বান জনায়। অন্যাথা অসম চৰকাৰৰ এই হঠকাৰী সিদ্ধান্ত বিৰুদ্ধে তীব্ৰ আন্দোলন কৰা হব বুলিও সংবাদমেল যোগে হুংকাৰ দিয়ে৷
সংবাদমেলত আক্ৰাছু সভাপতি ক্ষীতিশ বৰ্মন, সুনিল ৰায়, সাধাৰণ সম্পাদক কপিল সিংহ, সুনাধৰ ৰায়, প্ৰচাৰ সম্পাদক উত্তম ৰায়, সহকাৰী সাধাৰণ সম্পাদক গোপাল ৰায় আৰু কোচ ৰাজবংশী জাতীয় পৰিষদৰ সাধাৰণ সম্পাদক বিশ্বজিৎ ৰায় উপস্থিত আছিল৷
