গুৱাহাটী, ৪ নবেম্বৰঃ এইবাৰ মই ৰাইজক আমাৰ সপক্ষে আৰু শাসক পক্ষৰ বিপক্ষে ভোটদানৰ বাবে এটা আগ্ৰহ দেখা পাইছো ৷ সাধাৰণতে উপ নিৰ্বাচন বিলাকত শাসক পক্ষই খুব সুন্দৰকৈ ৱাক অভাৰ পোৱাই দেখা যায়(By Eelection)৷

কিন্তু এইবাৰ মই দেখিবলৈ পাইছো যে বহুকেইটা সমষ্টিত শাসক পক্ষ সেয়া লাগিলে অসম গণ পৰিষদ হওক বা বিজেপিয়েই হওক তেওঁলোক প্ৰত্যাহ্বানৰ সন্মুখীন হৈছে আৰু এই প্ৰত্যাহ্বান আমাৰ বাবে নিশ্চয় এটা ভাল খবৰ যে আমাক তেওঁলোকে একেবাৰে ৱাক অভাৰ দিব পৰা দল বুলি ভবা নাই আৰু যুঁজ দিব লগীয়া হৈছে৷ এই মন্তব্য বিৰোধী দলপতি দেৱব্ৰত শইকীয়াৰ৷ শেহতীয়াকৈ উপ নিৰ্বাচনৰ দিন চমু চাপি অহাৰ লগে লগে বিৰোধী কংগ্ৰেছ দলেও বঙাইগাঁও বিধানসভা সমষ্টিৰ উপ নিৰ্বাচনৰ প্ৰচাৰ কাৰ্যত গতি প্ৰদান কৰা পৰিলক্ষিত হৈছে৷ সঘনাই সমষ্টিটোত দলৰ নেতাৰ আগমণ ঘটাৰ লগতে চলাইছে নিৰ্বাচনী প্ৰচাৰ৷

ইয়াৰ মাজতে সোমবাৰে বঙাইগাঁও জিলা কংগ্ৰেছ কাৰ্যালয় ৰাজীৱ ভৱনত আয়োজন কৰে এখন সংবাদ মেলৰ ৷ সাংসদ প্ৰদ্যুৎ বৰদলৈও উপস্থিত থকা সংবাদ মেলত জ্যেষ্ঠ কংগ্ৰেছ নেতা তথা বিধায়ক দেৱব্ৰত শইকীয়াই শাসকীয় অগপ দল সন্দৰ্ভত কয় যে বঙাইগাঁৱত অগপ দলৰ মাজত এটা বিভাজন হ’ল আৰু তেওঁলোকৰ পৰিয়ালকেন্দ্ৰিক ৰাজনীতি বুলি কৈ তেৰ-চৈধ্যখন পঞ্চায়তৰ বহু তৃণমূল কৰ্মীয়ে পদত্যাগ কৰি নিজাববীয়া বিশেষ সিদ্ধান্ত ল’বলৈ আগবাঢ়ি গ’ল ৷

আমাৰ দলটোৰো কেইবাজনো প্ৰাৰ্থী প্ৰত্যাশী আছিল ৷ কিন্তু আমাৰ প্ৰাৰ্থিত্ব ঘোষণা হোৱাৰ পিছত আমি সকলোৱে একেলগে কাম কৰি আছো আৰু এইটো এটা ডাঙৰ প্ৰথম প্লাচ পয়েণ্ট ৷ মই ফণীভূষণ চৌধুৰীক ব্যক্তিগত ভাবে শ্ৰদ্ধা কৰো ৷ কিন্তু মই যি যি ঠাইত সভা কৰিলো তাত মই দেখা পাইছো যে ৮৫ চনৰ পৰা একেৰাহে প্ৰতিনিধিত্ব কৰা ফণীভূষণ চৌধুৰীয়ে শাসক পক্ষকৰ হৈ দুবাৰকৈ মন্ত্ৰী আৰু যোৱা সময়চোৱাত শাসক পক্ষৰ হৈ দহ বছৰৰ অধিক কাল বিধায়ক হৈ থকাৰ পিছতো যেনে ধৰণে বহুখিনি কাম কৰিবলগীয়া আছিল তেনে ধৰণে কৰা নাই ৷

ব্যক্তিগতভাবে মই কাকো দোষাৰোপ কৰিব নেপায় ৷ কিন্তু সকলোৱে জানে যে তেওঁৰ এটা ইচ্ছা আছিল আৰু এইবাৰো মন্ত্ৰীসভাত স্থান পাব নেকি চিন্তা কৰিছিল ৷ সেয়ে মন্ত্ৰীসভাত স্থান নোপোৱাৰ কাৰণেই বোধকৰো বিধায়ক হিচাপে তেখেতৰ যিখিনি ভূমিকা তেখেতৰ ছাগে আমুৱাইছে ৮৫ চনৰ পৰা কৰি কৰি ৷ সেই কাৰণে ইয়াৰ উন্নয়নৰ বাবে বহুক্ষেত্ৰত তেওঁ গুৰুত্ব দিয়া নাই ৷

ইয়াৰ ফলত নিৰ্বাচনী প্ৰক্ৰিয়াত যেনে ধৰণে আমি ৰাইজৰ প্ৰতিনিধিয়ে ৰাইজৰ হৈ মাত মাতিব লাগে ,এই ক্ষেত্ৰত বঙাইগাঁৱৰ প্ৰতিনিধিজনৰ ভূমিকা মই বিধানসভাত অভাব দেখা পাইছো ৷ তেওঁ কয় যে ইয়াৰ উদাহৰণ হ’ল বঙাইগাঁও চহৰত এজাক বৰষুণ হলেই বানপানী সদৃশ পৰিস্থিতিৰ সৃষ্টি হয় ৷ যি সময়ত কেন্দ্ৰীয় চৰকাৰৰ পৰা যোৱা সময়চোৱাত বহুকেইটা আঁচনি হৈছে ৷ আঁচনি ভালকৈ ৰূপায়ণ কৰিছে নে নাই সেইটো এটা বেলেগ কথা, সেইটো দুৰ্নীতিৰ কথা ৷

ডিব্ৰুগড় চহৰক কৃত্ৰিম বানপানীৰ পৰা ৰক্ষা কৰিবলৈ গৈ সৰ্বানন্দ সোণোৱালৰ দিনতে বহু টকাৰ কাম হৈছিল ৷ যোৰহাটতত তেনেকুৱা কাম হৈছিল ৷ কিন্তু বিশৃংখলভাবে কাম কৰাৰ বাবে তাৰ ফল পোৱা নাই ৷ কিন্তু বঙাইগাঁও চহৰ তেনেকুৱা আঁচনি হৈছে নে নাই মোৰ সন্দেহ ৷ সেইদৰে পৌৰসভাই কৰ বৃদ্ধি কৰি গৈ আছে যদিও যিখিনি সুবিধা দিব লাগে সেই সা- সুবিধাখিনি দিয়া নাই ৷

নলা – নৰ্দমাৰ সু ব্যৱস্থা নাই , পৰিকল্পিত পাৰ্কিঙৰ ব্যৱস্থা নাই, বিকল্প পথৰ ব্যৱস্থা নাই, খোৱা পানীৰ অভাৱ আদি বহুখিনি এই অঞ্চলৰ প্ৰতিনিধিগৰাকীৰ প্ৰতি মোৰ অভিযোগ আছে ৷ বিশেষ আঁচনি ল’ব পাৰিলেহেতেন যদিও তেওঁলোকে লোৱা দেখা নাই ৷ কাৰণ তেখেতো এজন পদেন সদস্য ৷ তেঁও নিশ্চিতভাবে কামখিনি চৰকাৰৰ লগত যোগাযোগ কৰি কৰাব পাৰিলেহেতেন ৷ ইপিনে প্ৰাক্তন বিধায়কগৰাকীৰ সাধুতা সন্দৰ্ভত কয় যে ফণীভূষণ চৌধুৰীক ব্যক্তিগতভাবে সকলোৱে সাধু বুলিয়ে জানে ৷

কিন্তু সাধু হলেও এছ আই কেলেংকাৰীত তেখেতৰ নাম জড়িত হৈছিল ৷ এছ আই কেলেংকাৰীৰ ক্ষেত্ৰতে মই যদি ক’ব যাও তেতিয়াহলে কেৰালা ইলেক্ট্ৰোনিক ডেভেলপমেণ্ট কৰ্পৰেশ্যনক কামখিনি কৰিবলৈ দিছিল ৷ কিন্তু অসম আৰক্ষীয়ে কেলট্ৰোনৰ পৰিচালন সঞ্চালকক এটা প্ৰশ্ন নুশুধিলে যে আপোনালোকে কাৰোবাক উপ ঠিকা দিছিল নেকি ? বঙাইগাঁৱো কোনোবা দুজনমানৰ নাম ওলাইছিল ৷

সেইবিলাক কেলেংকাৰীত কিজানি আজিও ডাঙৰ বৰমূৰীয়া জড়িত হৈ আছে আৰু সেই কাৰণে গাপ দিয়া হৈছে ৷ যেনে ধৰণে যোৱা সময়চোৱাত বহুকেইটা কেলেংকাৰী গাপ দিয়া হৈছে ৷ বিজেপি দলৰ নেত্ৰীয়ে আত্মহত্যা কৰিবলগীয়া অৱস্থা হৈছে ৷ আনহাতে পঞ্চায়তসমূহ দীৰ্ঘদিন ধৰি তেওঁলোকৰ দখলত থকাৰ পিছতো যেনে ধৰণৰ উন্নয়ন হ’ব লাগিছিল সেইখিনি উন্নয়ন হোৱা নাই ৷ এই বছৰো যে নহয় সেইটো ধুৰূপ ৷ কাৰণ তেওঁলোকে শ্ৰমিকৰ বাজেট কাটি দিছে ৷ সেয়ে এইবাৰো কাম কম হ’ব ৷ একেদৰে বঙাইগাঁও কলেজখনো বিশ্ববিদ্যালয় কৰিলে ৷

কিন্তু বিশ্ববিদ্যালয় নামতহে হৈছে, যিটো নতুন শিক্ষা নীতিত বিশ্ববিদ্যালয় হ’ব লাগে সেইমতে হোৱা নাই ৷ নামত এখন বিশ্ববিদ্যালয় দিয়া হৈছে ৷ বিৰোধী দলপতি শইকীয়াই আৰু কয় যে এই সমষ্টিটো আমি কোচ ৰাজবংশী জনগোষ্ঠী অধ্যুষিত অঞ্চল বুলি জানো ৷ ১৯৯৬ চনত প্ৰয়াত মুখ্যমন্ত্ৰী হিতেশ্বৰ শইকীয়াৰ দিনত দুবাৰকৈ অধ্যাদেশ জাৰি কৰি হলেও কোচ ৰাজবংশীসকলক জনজাতিকৰণ কৰা হৈছিল আৰু ২০১৬ চনত বঙাইগাঁও – কোকৰাঝাৰ জিলাত নিৰ্বাচনী প্ৰচাৰ চলাবলৈ আহোতে কেন্দ্ৰীয় মন্ত্ৰী জুৱেল ওৰামে কৈছিল যে জনজাতিকৰণৰ ফাইলটো মোৰ টেবুলত আছে অসমত আপোনালোকে বিজেপিৰ শাসন আনক ,মই এমাহৰ ভিতৰত জনজাতিকৰণ কৰি দিম ৷

তাৰ পিছত আজিলৈকে যে জনজাতিকৰণৰ ক্ষেত্ৰত বিশেষ একো ব্যৱস্থা লোৱা নাই এইটো ক্ষেত্ৰত বিধায়কগৰাকীৰো এটা গুৰুত্বপূৰ্ণ ভূমিকা থাকিব লাগিছিল ৷ কাৰণ হাজাৰ হলেও আমাৰ নিজৰ নিজৰ জাতীয় চেতনা আছে, জাতীয়তাবাদ আছে ৷ এই জাতীয়তাবাদৰ পিছত কোচ ৰাজবংশী অধ্যুষিত অঞ্চলৰ এজন বিধায়ক হিচাপে তেওঁ যিখিনি কৰিব লাগিল সেইখিনি কৰা দেখা পোৱা নাই ৷

সমষ্টিটোৰ অন্তৰ্গত বিদ্যাপুৰ, চিকিবিকি, বামুণীটিলা, কাকাৰাগাঁও আদি অঞ্চচলত কোনো ধৰণৰ উচ্চ শিক্ষানুষ্ঠান গঢ় লৈ উঠা নাই ৷ যি সময়ত ভাৰত চৰকাৰে প্ৰতিখন জিলাতে চিকিৎসা মহাবিদ্যালয় দিম বুলি কয়, যি সময়ত প্ৰতিখন জিলাতে অভিযান্ত্ৰিক মহাবিদ্যালয় দিম বুলি প্ৰধানমন্ত্ৰীয়ে টুইট কৰে সেই সময়ত সাধাৰণ এখন মহাবিদ্যালয় যে এই অঞ্চলবিলাকত হৈ উঠা নাই এইটোৱে বিধায়কজনৰ কৰ্মদক্ষতাৰ বৰ্তমান সময়ত প্ৰমাণ নকৰে ৷ কৰ্মদক্ষ আছিল ৷

ইয়াৰ উপৰিও চম্পাৱতী নদীৰ ওপৰত দলং হৈ নুঠাৰ বাবেও বহুলোকে দুৰ্ভোগ ভুগি আছে ৷ সেইদৰে ৰে’লৱে ফুট অভাৰব্ৰীজ এখনৰো অভাৱ ৷ তেওঁ অগপ আৰু বিজেপিক সমালোচনা কৰি পুনৰ কয় যে অসম গণ পৰিষদ ১৯৮৫ চনত যেতিয়া শাসনলৈ আহিলে তেতিয়া বিদেশীমুক্ত অসমৰ কথা কলে আৰু অসম চুক্তি ৰূপায়ণ কৰিবলৈ এই দলটোৰ জন্ম হৈছিল ৷ তাৰ পিছত নাগৰিকত্ব সংশোধনী আইন ২০২০ অহাৰ পিছত ২০১৪ চনলৈ যি কোনো ব্যক্তিয়ে অসমত প্ৰৱেশ কৰিলে তেওঁলোকক নাগৰিকত্ব দিয়াৰ কথা কলে ৷

নতুন মানুহক নাগৰিকত্ব দিয়াৰ ক্ষেত্ৰত কংগ্ৰেছ দলৰ এজন সদস্য হিচাপে মোৰ কোনো আপত্তি নাই ৷ কিন্তু অসম চুক্তিখনৰ সন্মান, অসমীয়া মানুহৰ আত্ম মৰ্যদা, যিটো আন্দোলনৰ কাৰণে ৮৫৫ জন শ্বহীদ হ’ল( ক’বলৈ গলে আৰু ইয়াতকৈ বেছি হ’ব ৷ কাৰণ এই যে সংঘৰ্ষ হৈছিল তাত বিভিন্ন মানুহৰ প্ৰাণ হানি হৈছিল) ৷ সেয়ে গতিকে এইখিনি থকাৰ পিছত যি নতুন বিদেশী আনিব লাগে অসমক তাৰ আওতাৰ পৰা বাহিৰত ৰাখি নাগৰিকত্ব সংশোধনী আইনখন প্ৰয়োগ কৰিব পাৰিলে হয় ৷

কিন্তু অসমীয়া মানুহক চৰম অপমান কৰি বিজেপিয়ে অসম চুক্তিখনক সমূলাঞ্চে ব্যৰ্থ প্ৰতিপন্ন কৰিছে ২০১৪ চনলৈকে অসমত বিদেশীক সংস্থাপন দিয়াৰ ব্যৱস্থা কৰি ৷ তেনে ক্ষেত্ৰত অগপই কেনেকৈ শাসক পক্ষৰ লগত মন্ত্ৰীসভাত বৰ্তি আছে ? ২০১৯ চনত অলপ সময়ৰ কাৰণে ৰাইজক আভুৱাভাৰিবলৈ আইনখন অহাৰ পূৰ্বে দেখুৱাইছিল মন্ত্ৰীসভাৰ পৰা আঁতৰি থাকি ৷ যিটো আটাইতকৈ ডাঙৰ প্ৰশ্ন বঙাইগাঁওবাসীৰ কাৰণে ৷

ৰাইজে আঞ্চলিকতাবাদী শক্তিক ৮৫ চনৰ পৰা একেৰাহে নিৰ্বাচিত কৰি আহিছে, সেই আঞ্চলিকতাবাদী শক্তিক মই সেৱা জনাই এই প্ৰশ্নটো এইবাৰ ফণীভূষণ চৌধুৰী আৰু অগপ দলক শুধিব বুলি আশা কৰো ৷ আমাৰ প্ৰাৰ্থী ব্ৰজেনজিৎ সিংহৰ কথা জানেই ৷ তেওঁ অসম আন্দোলনৰ লগত জড়িত আছিল, এজন অসম আৰক্ষীৰ অৱসৰপ্ৰাপ্ত বিষয়া আৰু এতিয়া তেওঁ আমাৰ দলৰ হৈ কাম কৰিবলৈ আগবাঢ়ি আহিছে ৷

এজন নতুন মুখৰ প্ৰাৰ্থী আৰু আমি সকলোৱে তেওঁক আগবঢ়াই দিছো ৷ অসমৰ ধলাই, বিহালি, চামগুৰি এই গোটেইবিলাক সমষ্টিত আমি প্ৰত্যাহ্বান দিবলৈ সন্মুখীন হৈছো আৰু বঙাইগাঁও সমষ্টিটো যথেষ্ট ভালফল দেখুৱাৰ আশা আছে বুলি কয় ৷ ইপিনে সাংসদ প্ৰদ্যুৎ বৰদলৈয়ে কয় যে কংগ্ৰেছৰ শাসনকালতে প্ৰথম ছয় জনগোষ্ঠীক জনজাতিকৰণ কৰিবৰ কাৰণে প্ৰয়োজনীয় বৈশিষ্ট আছে নে নাই তাৰ বাবে আৰ্থ সামাজিক জৰীপ কৰা হৈছিল ৷

জৰীপ কৰেতেই প্ৰায় দুই আঢ়ৈ বছৰ সময় লাগিছিল ৷ লগতে কোচ ৰাজবংশীসকলক অধ্যাদেশ জাৰি কৰি জনজাতিকৰণ কৰা হৈছিল ৷ কিন্তু সেই প্ৰতিবেদনৰ অভাবত বাদ পৰিলে ৷ কেবিনেটত গৃহীত কৰাৰ পৰা সকলোখিনি কাম কংগ্ৰেছৰ দিনতে কৰা হৈছিল ৷ বিজেপিয়েতো প্ৰতিশ্ৰুতি দিছিল ছয় জনগোষ্ঠীক জনজাতিকৰণৰ ৷

গোটেই কামখিনি কংগ্ৰেছে কৰি থৈছিল আৰু শাসনভাৰ গ্ৰহণৰ এমাহৰ পিছতে বিজেপিয়ে জনজাতিকৰণ কৰিব বুলি প্ৰতিশ্ৰুতি দিছিল ৷ আঠ বছৰ হৈ গল ৷ এই আঠ বছৰকাল কি কৰিলে বুলিও প্ৰশ্ন উত্থাপন কৰে ৷ আনহাতে চাপগুৰি সমষ্টিৰ নিৰ্বাচন সন্দৰ্ভত সাংবাদিকে সোধান তেওঁ কয় যে অসমৰ পাঁচটা বিধানসভা সমষ্টিত যেনেকৈ কংগ্ৰেছ দলে এক অভূতপূৰ্বভাবে আত্মপ্ৰকাশ কৰিব, চামগুৰিতো কংগ্ৰেছ দলৰ প্ৰাৰ্থীগৰাকী নিৰ্ঘাত জিকিব ৷ সেই কাৰণে বিজেপি শংকিত হৈ পৰিছে আৰু তেওঁলোক সকলো নামি পৰিছে ৷ গুণ্ডা বাহিনীলৈ কংগ্ৰেছী মানুহৰ ওপৰত আক্ৰমণ কৰিছে ৷ গাড়ী- মটৰ ভাঙি চাৰিওফালে সন্ত্ৰাসৰ ৰাজত্ব কৰিছে ৷

গতিকে এইবিলাকে এইটোকে স্পষ্ট কৰি দিছে যে তেওঁলোকে ভীষণ ভয় খাইছে আৰু যেনে তেনে নিৰ্বাচন জিকিবলৈ তেওঁলোকে যি কোনো কূট কৌশল কৰিবৰ কাৰণে জপিয়াই পৰিছে ৷ ইপিনে ৰাইজৰ দলৰ নেতা অখিল গগৈয়ে কংগ্ৰেছক গাদ্দাৰ বুলি কৰা মন্তব্য সন্দৰ্ভত কয় যে অখিল গগৈয়ে কি কৈছে মই শুনাও নাই, দেখাও নাই ৷ তেওঁটো বহুত কথা কৈ থাকে ৷ সেই বিলাক কথাৰ উত্তৰ মই নেভাবো অসম প্ৰদেশ কংগ্ৰেছে দিব ৷

বিৰোধী ঐক্য মঞ্চ আমি বিচাৰো আৰু ২৬ ত হ’বই ৷ তাত কোন কোন থাকে সময়ত দেখা যাব ৷ কিন্তু ২৬ ত কংগ্ৰেছৰ নেতৃত্বত এক বিৰোধী দলৰ ঐক্য মঞ্চ হ’ব আৰু আমি একেলগে বিজেপিৰ অপ শাসন উৎখাত কৰি দিছপুৰত কংগ্ৰেছৰ নেতৃত্বত চৰকাৰ প্ৰতিষ্ঠিত কৰিবলৈ সক্ষম হ’ম ৷

তেওঁ বিহালি সমষ্টিটো কংগ্ৰেছে ৰাইজৰ অভূতপূৰ্ব সঁহাৰি লাভ কৰা বুলি কৈ তাৰ ফল সকলোৱে দেখিব আৰু তেৰ নবেম্বৰত ৰাইজে সেই সিদ্ধান্ত ল’ব ৷ উল্লেখ্য যে সোমবাৰে সাংসদ প্ৰদ্যুৎ বৰদলৈ বঙাইগাঁৱত উপস্থিত হৈ পদলীয় প্ৰাৰ্থীগৰাকীৰ হৈ নিৰ্বাচনী প্ৰচাৰ অভিযানত নামি পৰিছে ৷ সংবাদ মেলত দলীয় প্ৰাৰ্থী ব্ৰজেনজিৎ সিংহ, জিলা কংগ্ৰেছৰ সভাপতি আদিকে ধৰি নেতাসকলো উপস্থিত আছিল ৷