দৈনন্দিন বাৰ্তাৰ সেৱা, ২৩ ছেপ্টেম্বৰঃ অন্ধ্ৰ প্ৰদেশৰ প্ৰাক্তন মুখ্যমন্ত্ৰী তথা ৱাই এছ আৰ কংগ্ৰেছৰ মুৰব্বী ৱাই এছ জগন মোহন ৰেড্ডীয়ে দেওবাৰে প্ৰধানমন্ত্ৰী নৰেন্দ্ৰ মোদীলৈ এখন পত্ৰ লিখি তিৰুপতি মন্দিৰৰ লাডুত পশুৰ চৰ্বি পোৱা বুলি উত্থাপিত অভিযোগ সম্পৰ্কীয় বিতৰ্কত তেওঁৰ হস্তক্ষেপ বিচাৰিছে৷ তেওঁ কয় যে মুখ্যমন্ত্ৰী চন্দ্ৰবাবু নাইডুৱে তিৰুমালা তিৰুপতি দেৱস্থানম [টিটিডি]ৰ পবিত্ৰতা, অখণ্ডতা, সুনামক অপূৰণীয়ভাৱে কলংকিত কৰাৰ চেষ্টা চলাইছে৷(Tirupati Ladoo controversy)
প্ৰধানমন্ত্ৰী মোদীলৈ প্ৰেৰণ কৰা আঠ পৃষ্ঠাৰ পত্ৰখনতত ৰেড্ডীয়ে অন্ধ্ৰপ্ৰদেশৰ মুখ্যমন্ত্ৰীক ‘‘অভ্যাসগত মিছলীয়া’’ বুলি অভিহিত কৰি কয় যে মুখ্যমন্ত্ৰী নাইডুৱে ইমানেই তললৈ নামিছে যে কেৱল ৰাজনৈতিক উদ্দেশ্যৰ বাবেই কোটি কোটি লোকৰ বিশ্বাসত আঘাত হানিছে৷ তেওঁ কয় ‘‘মুখ্যমন্ত্ৰী চন্দ্ৰবাবু নাইডু ডাঙৰীয়াই, তিৰুমালা তিৰুপতি দেৱস্থানৰ পবিত্ৰতা, অখণ্ডতা, আৰু সুনামক অপূৰণীয়ভাৱে কলংকিত কৰাৰ প্ৰয়াস কৰিছে৷ ভগৱান ভেংকটেশ্বৰৰ কেৱল ভাৰততে নহয় সমগ্ৰ বিশ্বতে কোটি কোটি হিন্দু ভক্ত আছে ৷’’ (narendra modi)
সাৱধানে চম্ভালিব নোৱাৰিলে এই মিছাবোৰে ব্যাপক যন্ত্ৰণাৰ সৃষ্টি কৰিব পাৰে, বুলিও পত্ৰখনত উল্লেখ কৰা হৈছে৷ ৰেড্ডীয়ে লগতে কয় যে নাইডুক কঠোৰভাৱে ধমক দিয়া হওক আৰু সত্য পোহৰলৈ অনা হওক৷ ‘‘ অভ্যাসগত মিছলীয়া চন্দ্ৰবাবু নাইডুৱে ৰাজনৈতিক উদ্দেশ্যৰ বাবেই কোটি কোটি মানুহৰ বিশ্বাসক গুৰুতৰভাৱে আঘাত কৰিছে.. এনেনিৰ্লজ্জ কাৰ্য্যৰ বাবে নাইডুক কঠোৰভাবে ধমকি দিয়াটো অতি প্ৰয়োজনীয়৷’’ পূৰ্বৰ ৱাইএছআৰচিপি চৰকাৰে শ্ৰী ভেংকটেশ্বৰ মন্দিৰকো ৰেহাই নিদিয়া আৰু লাডু বনোৱাৰ বাবে অমান্য উপাদান আৰু পশুৰ চৰ্বি ব্যৱহাৰ কৰা বুলি অন্ধ্ৰ প্ৰদেশৰ মুখ্যমন্ত্ৰী নাইডুৱে দাবী কৰাৰ পিছতে তিৰুপতি মন্দিৰৰ লাডু সম্পৰ্কীয় বিতৰ্কই সমগ্ৰ দেশতে জোকাৰণিৰ সৃষ্টি কৰিছে৷(Jagan Reddy)
টিটিডিৰ কাৰ্যবাহী বিষয়া জে শ্যামালা ৰাৱে এক সংবাদমেলত কয় যে লেব পৰীক্ষাত নিৰ্বাচিত নমুনাত পশুৰ চৰ্বি আৰু চৰ্বিৰ উপস্থিতি ধৰা পৰিছে৷ৰেড্ডীয়ে কয় ‘‘নিৰ্বাচনৰ পূৰ্বে ভোটাৰসকলৰ প্ৰতি দিয়া প্ৰতিশ্ৰুতিসমূহ পূৰণৰ ক্ষেত্ৰত নাইডুৰ নতুন চৰকাৰে সকলো দিশতে ব্যৰ্থ হৈছে৷ নতুন চৰকাৰে চলিত বিত্তীয় বৰ্ষৰ সাধাৰণ বাজেটখনো গৃহীত কৰিব নোৱাৰিলে ৷’’
উল্লেখ্য শেহতীয়াকৈ অন্ধ্ৰ প্ৰদেশৰ মুখ্যমন্ত্ৰী এন চন্দ্ৰবাবু নাইডুৱে বিখ্যাত তিৰুপতি মন্দিৰৰ লাডুত পশুৰ চৰ্বি ব্যৱহাৰ কৰা বুলি অভিযোগ উত্থাপন কৰাৰ পিছতে তিৰুপতিৰ লাডুক লৈ বিবাদৰ সূত্ৰপাত ঘটিছে৷ নাইডুৰ এই দাবীৰ পিছতে এনডিডিবি কেএলএফৰ এক প্ৰতিবেদনত প্ৰকাশ পাইছে যে তিৰুপতি মন্দিৰৰ লাডু বনাবলৈ ব্যৱহাৰ কৰা ঘিৰ নমুনাত পাম তেল, মাছৰ তেল, গৰুৰ মাংসৰ চৰ্বি আৰু গাহৰিৰ চৰ্বিযু আদিকে ধৰি আন বহু চৰ্বি পোৱা গৈছে৷ এনডিডিবি হৈছে পশুৰ খাদ্য আৰু গাখীৰ তথা গাখীৰৰ পৰা তৈয়াৰী সামগ্ৰী বিষয়ে পৰীক্ষা কৰা এটা ব্যক্তিগত পৰীক্ষাগাৰ৷(Chandrababu Naidu)
