Chia Seeds: বেছিভাগ মানুহেই চিয়া বীজ খোৱাৰ সঠিক সময় নাজানে! কেতিয়া চিয়া বীজ খাব

By

-

September 22, 2024

চিয়া বীজ স্বাস্থ্যৰ বাবে অতি উপকাৰী। বেছিভাগ মানুহেই ওজন কমাবলৈ চিয়া বীজ খাই। কিন্তু যদি আপুনি চিয়া বীজ সঠিক সময়ত খোৱা নাই, তেন্তে আপুনি ইয়াৰ উপকাৰ নাপাব আপুনি। চিয়া বীজ আটাইতকৈ স্বাস্থ্যকৰ খাদ্যৰ ভিতৰত গণ্য কৰা হয়। চিয়া বীজত আঁহ, প্ৰটিন, ওমেগা-৩ ফেটি এচিড আদি বহুতো পুষ্টিকৰ উপাদান থাকে, যাৰ বাবে চিয়া বীজক ছুপাৰফুড বুলি গণ্য কৰা হয়। নিয়মিত চিয়া বীজ খালে ওজন নিয়ন্ত্ৰণৰ লগতে হজম শক্তি, হৃদযন্ত্ৰ আৰু হাড়ৰ উন্নতিত অতি সহায়ক বুলি প্ৰমাণিত হয়।(Chia Seeds)

কিন্তু ইয়াৰ বাবে সঠিক সময়ত চিয়া গুটি খোৱাটো গুৰুত্বপূৰ্ণ। চিয়া বীজৰ পৰা আপুনি কিমান উপকাৰ লাভ কৰে সেয়া নিৰ্ভৰ কৰে আপুনি এই বীজ কিমান সময়ত খায় তাৰ ওপৰত।(Eat Chia Seeds)চিয়া বীজ খোৱাৰ উত্তম সময় জানি লওক-

চিয়া গুটি খোৱাৰ উত্তম সময় হ’ল ৰাতিপুৱা। চিয়া বীজ আপুনি ব্ৰেকফাষ্টত অন্তৰ্ভুক্ত কৰিলে আপোনাক বহুত শক্তি প্ৰদান কৰিব। চিয়া বীজত প্ৰচুৰ পৰিমাণে আঁহ থাকে আৰু সুস্থ হজম শক্তিত সহায় কৰে। চিয়া বীজে আপোনাক অতিমাত্ৰা খাদ্য খোৱাত বাধা দিয়ে আৰু ওজন নিয়ন্ত্ৰণত সহায় কৰে।(chia seeds benefits)

ৱৰ্কআউটৰ আগতে চিয়া বীজো খাব পাৰে। চিয়া বীজত অত্যাৱশ্যকীয় ওমেগা-৩ ফেটি এচিড থাকে যিয়ে শৰীৰৰ প্ৰদাহ কমায় আৰু হৃদযন্ত্ৰৰ স্বাস্থ্য উন্নত কৰে। ইয়াৰ উপৰিও চিয়া বীজত প্ৰটিন থাকে, যিয়ে পেশী মেৰামতিৰ কাম কৰে। ইয়াৰ লগতে শৰীৰটো জলসিঞ্চিত হৈ থাকে।

চিয়া বীজত প্ৰটিন, প্ৰয়োজনীয় এমিনো এচিড আৰু এন্টিঅক্সিডেন্ট থাকে যিয়ে পেশীৰ বিষ প্ৰতিৰোধ কৰাত সহায় কৰে।

চিয়া বীজত ট্ৰিপ্ট’ফেন নামৰ এমিনো এচিড থাকে যিয়ে মেলাটনিন আৰু চেৰ’টনিন বৃদ্ধি কৰে। এনে পৰিস্থিতিত যদি আপুনি ৰাতি শুব নোৱাৰে তেন্তে ৰাতি শোৱাৰ আগতে চিয়া গুটি খোৱাটো আপোনাৰ বাবে অতি উপকাৰী হ’ব।

খোৱাৰ আগতে চিয়া বীজ পানী বা গাখীৰত কমেও আধা ঘণ্টাৰ পৰা এঘণ্টা তিয়াই থব লাগে। ইয়াৰ ফলত গুটিবোৰ ফুলি জেল টেক্সচাৰলৈ পৰিণত হয়, যাৰ ফলত হজম শক্তি সহজ হয়। মনত ৰাখিব যে শৰীৰে শুকান চিয়া গুটি সহজে হজম কৰিব নোৱাৰে, যাৰ ফলত গেছ আৰু বদহজমৰ দৰে সমস্যাৰ সৃষ্টি কৰিব পাৰে।

College Majuliমাজুলীৰ পীতাম্বৰ দেৱ গোস্বামী মহাবিদ্যালয়ত নৱাগত আদৰণী সভা সম্পন্ন

By

দৈনন্দিন বাৰ্তা

-

September 22, 2024

0

Newcomer reception held at College Majuliমাজুলীৰ পীতাম্বৰ দেৱ গোস্বামী মহাবিদ্যালয়ত নৱাগত আদৰণী সভা সম্পন্ন — মাজুলীৰ পীতাম্বৰ দেৱ গোস্বামী মহাবিদ্যালয়ত নৱাগত আদৰণী সভা সম্পন্ন

College Majuli মাজুলীৰ গড়মূৰস্থিত পীতাম্বৰ দেৱ গোস্বামী স্নাতক মহাবিদ্যালয়ত দিনজোৰা কাৰ্যসূচীৰে মহাবিদ্যালয়ৰ ২০২৪ বৰ্ষৰ নৱাগত আদৰণী সভাখন দিনজোৰা কাৰ্যসূচীৰে উদযাপন কৰা হয়। নীতাৰাণী চুতীয়াক শ্ৰেষ্ঠ স্নাতক বঁটা প্ৰদান

দৈনন্দিন বাৰ্তা বিকাশ শইকীয়া, মাজুলী ২১ ছেপ্টেম্বৰঃ

College Majuli মাজুলীৰ গড়মূৰস্থিত পীতাম্বৰ দেৱ গোস্বামী স্নাতক মহাবিদ্যালয়ত দিনজোৰা কাৰ্যসূচীৰে মহাবিদ্যালয়ৰ ২০২৪ বৰ্ষৰ নৱাগত আদৰণী সভাখন দিনজোৰা কাৰ্যসূচীৰে উদযাপন কৰা হয়। নৱাগত আদৰণী সভা উপলক্ষে পুৱা মহাবিদ্যালয়ৰ ৰাষ্ট্ৰীয় সেৱা আঁচনিৰ জৰিয়তে মহাবিদ্যালয়ৰ চৌহদ পৰিস্কাৰ কৰা হয়। তাৰপিছত পীতাম্বৰ দেৱ গোস্বামীৰ প্ৰতিচ্ছবিত বন্তি প্ৰজ্বলন কৰে মহাবিদ্যালয়ৰ উচ্চ বৰ্গ সহায়ক জিতুমণি বৰাই। ইয়াৰ পিছত মহাবিদ্যালয়ৰ পতাকা উত্তোলন কৰে ছাত্ৰ একতা সভাৰ কাৰ্যকৰী সভাপতি যদু কলিতাই। ছহিদ তৰ্পণ কৰে সদৌ অসম ছাত্ৰ সন্থাৰ ৰাজ্যিক কাৰ্যনিৰ্বাহক ৰংগৰস মহন্তই। তাৰপিছত মহাবিদ্যালয়ৰ মূল তোৰণৰ পৰা নৱাগত ছাত্ৰ ছাত্ৰীসকলক মহাবিদ্যালয়ৰ অধ্যক্ষ অৰূপজ্যোতি শইকীয়া আৰু শিক্ষক কৰ্মচাৰী সকলে ধূপ-ধুনা জ্বলাই, চন্দনৰ তিলক পিন্ধাই আনুষ্ঠানিকভাৱে আদৰণী জনায়।‌
পুৱা দহ বজাৰ পৰা ন- পুৰনি ছাত্ৰ ছাত্ৰীসকলৰ মাজত অন্তৰংগ আলাপ অনুষ্ঠিত হয়। মহাবিদ্যালয়ৰ অধ্যাপিকা জানমণি সেনাপতি, মায়ুমী শইকীয়া, নন্দী নৰহ, শুভা টাইদে পৰিচালনা কৰা উক্ত অন্তৰংগ আলাপত ছাত্ৰ ছাত্ৰীসকলে গীত,নৃত্য, অভিনয়, কবিতা আদি পৰিৱেশন কৰি অনুষ্ঠানৰ সৌষ্ঠৱ বৃদ্ধি কৰে । ১১’ বজাৰ পৰা নৱাগত আদৰণী সভাৰ মুকলি সভা অনুষ্ঠিত হয়। মহাবিদ্যালয়ৰ ছাত্ৰ ছাত্ৰীসকলে পৰিৱেশন কৰা সমবেত সংগীতৰে শুভাৰম্ভ হোৱা মুকলি সভাৰ আঁত ধৰে যদু কলিতাই। মহাবিদ্যালয়ৰ অধ্যক্ষ অৰূপজ্যোতি শইকীয়াৰ সভাপতিত্বত অনুষ্ঠিত হোৱা সভাখন উদ্বোধন কৰে গড়মূৰ সত্ৰৰ সত্ৰাধিকাৰ তথা মহাবিদ্যালয় পৰিচালনা আৰু উন্নয়ন সমিতিৰ সভাপতি পৰমানন্দ দেৱ গোস্বামীয়ে। সভাত নিৰ্দিষ্ট বক্তাৰ তত্ত্বগধুৰ ভাষন প্ৰদান কৰে পীতাম্বৰ দেৱ গোস্বামী জ্যেষ্ঠ মাধ্যমিক বিদ্যালয়ৰ অধ্যক্ষ অজিত সভাপণ্ডিতে । সভাত বিশিষ্ট অতিথি হিচাপে মহাবিদ্যালয়ৰ প্ৰতিষ্ঠাপক অধ্যক্ষ ঘনকান্ত নাথ, পীতাম্বৰ দেৱ গোস্বামী জ্যেষ্ঠ মাধ্যমিক বিদ্যালয়ৰ প্ৰৱক্তা গজেন বৰাই ছাত্ৰ ছাত্ৰীসকলক উদ্দেশ্যি অনুপ্ৰেৰণা মূলক ভাষণ প্ৰদান কৰে। মুকলি সভাত মহাবিদ্যালয়ৰ শিক্ষাতত্ব বিভাগৰ পৰা প্ৰথম শ্ৰেণী লাভ কৰা, মেধাৱী ছাত্ৰী নিতাৰাণী চুতীয়াক ২০২৪ বৰ্ষৰ ” বনমালী বেজ সোঁৱৰণী ” শ্ৰেষ্ঠ স্নাতক বঁটা ( দাতা-জিতুপৱন বেজ) প্ৰদান কৰে। সভাত মাকন বৰা সোঁৱৰণী ২০২৪ বৰ্ষৰ শ্ৰেষ্ঠ নৱাগত পুৰস্কাৰ ( দাতা – জিতুমণি বৰা)কৌস্তৱ কৌশিক বৰঠাকুৰক প্ৰদান কৰে। হীৰক জ্যোতি বৰা আৰু অভিনন্দন বৰাই বৰগীত পৰিৱেশন কৰা সভাখনিৰ শলাগ জ্ঞাপন কৰে যদু কলিতাই।
নৱাগত আদৰণী সভা উপলক্ষে বিয়লি দুই বজাৰ পৰা বৰ্ণাঢ্য কাৰ্যসূচীৰে সাংস্কৃতিক অনুষ্ঠান অনুষ্ঠিত হয়। মহাবিদ্যালয়ৰ অধ্যক্ষ অৰূপজ্যোতি শইকীয়াই উদ্বোধন কৰা সাংস্কৃতিক অনুষ্ঠানৰ পৰিচালনা কৰে অধ্যাপিকা মায়ুমী শইকীয়াই। অনুষ্ঠানত মহাবিদ্যালয়ৰ ছাত্ৰ ছাত্ৰীসকলে গীত নৃত্য পৰিৱেশন কৰাৰ লগতে অতিথি শিল্পী ৰিংকি ৰিয়া ভঁৰালীয়ে গীতৰ শৰাই আগবঢ়ায়।

অধিক খৱৰ বাবে পঢ়ক Maa Kamakhya Temple: কামাখ্যা মন্দিৰত ২৫ ছেপ্টেম্বৰৰ পৰা ১৫ দিনীয়াকৈ শাৰদীয় দুৰ্গোৎসৱ

Maa Kamakhya Temple: কামাখ্যা মন্দিৰত ২৫ ছেপ্টেম্বৰৰ পৰা ১৫ দিনীয়াকৈ শাৰদীয় দুৰ্গোৎসৱ

By

দৈনন্দিন বাৰ্তা

-

September 22, 2024

0

গুৱাহাটী, ২২ ছেপ্টেম্বৰ : শক্তিপীঠ হিচাপে পৰিচিত শ্ৰী শ্ৰী কামাখ্যা মন্দিৰত পৰম্পৰাগত ভাৱে অহা ২৫ ছেপ্টম্বৰত কৃষ্ণ নৱমী পূজাৰে এইবাৰ ১৫ দিনীয়াকৈ শাৰদীয় দুৰ্গা পূজাৰ শুভাৰম্ভ কৰা হ’ব। শনিবাৰে আবেলি কামাখ্যা মন্দিৰৰ অতিথিশালাত আয়োজিত এক সংবাদমেলত আগন্তুক দুৰ্গা পূজাৰ কাৰ্য্যসূচীৰ বিষয়ে সদৰি কৰি কামাখ্যা বৰদেউৰী সমাজৰ বৰ দলৈ কৱীন্দ্ৰ প্ৰসাদ শৰ্মাই কয় অহা ২৫ ছেপ্টেম্বৰত আবেলি ২ বজাত মন্দিৰৰ দুৱাৰ বন্ধ কৰা হ’ব।(Maa Kamakhya Temple)

সিদিনা পুৱা নিত্যপূজাৰ পাচত দেৱালয়ৰ দুৱাৰ যাত্ৰীৰ বাবে খোলা হ’ব আৰু মাত্ৰ দুই হাজাৰ ভক্ত বা যাত্রীক হে গর্ভগৃহত দৰ্শনৰ সুবিধা দিয়া হ’ব। মূর্তি দৰ্শনৰ বাবে পুৱা ৭ বজাৰ পৰা আৱেলি ২ বজালৈ ব্যৱস্থা থাকিব। সিদিনা ভি আই পিৰ বিশেষ দর্শনৰ ব্যৱস্থা বন্ধ থাকিব। (durga puja 2024)

২৬ ছেপ্টম্বৰৰ পৰা ৯ অক্টোবৰলৈ পুৱা ৮.৩০ বজাত মন্দিৰৰ দুৱাৰ মুকলি কৰা হ’ব। সেই কেইদিনত বিশেষ দৰ্শনৰ ব্যৱস্থা সীমিত ৰখা হৈছে। ১০ অক্টোবৰ সপ্তমী পূজাৰ দিনা পুৱা ১০ বজাত মন্দিৰৰ দুৱাৰ খোলা হ’ব। বিয়লি মন্দিৰৰ দুৱাৰ বন্ধ কৰি দেৱীৰ ভোগ আৰু আৰতি সমাপন কৰা হ’ব।

সেইদিনাও ভি আই পিৰ বিশেষ দর্শনৰ ব্যৱস্থা বন্ধ থাকিব। ১১ অক্টোবৰত অষ্টমী আৰু নৱমী পূজাৰ বাবে আবেলি ডেৰ বজাত মন্দিৰৰ দুৱাৰ খোলা হ’ব। সিদিনা ১,২০০ জন যাত্রীৰহে গৰ্ভগৃহত দৰ্শনৰ ব্যৱস্থা থাকিব। পুৱা দেৱীৰ স্নান পৰ্বৰ পাছত যাত্রীসকলে ১নং গেটেৰে দেৱীৰ প্ৰতিমূৰ্তি দৰ্শন কৰিব পাৰিব। (durga puja 2024 organized at Kamakhya Temple)

পুৱা ১০ বজাৰ পাছত ২ নং গেটেৰেহে দেৱীৰ প্ৰতিমূর্তি দর্শনৰ ব্যৱস্থা গ্ৰহণ কৰা হৈছে। সেইদিনাও ভি আই পিৰ বিশেষ দর্শনৰ ব্যৱস্থা বন্ধ থাকিব। ১২ অক্টোবৰ দশমী পূজাৰ দিনা পুৱা ১০ বজাত মন্দিৰৰ দুৱাৰ খোলা হ’ব। দুপৰীয়া ভোগ নিবেদনৰ পাছতে আবেলি ১ বজাত মন্দিৰৰ দুৱাৰ বন্ধ কৰা হ’ব। সিদিনাই কামাখ্যা দেৱালয়ত ১৫ দিনীয়া দুৰ্গা পূজাৰ সামৰণি পাৰিব। আনহাতে সংবাদ মেলত বৰদেউৰী সমাজৰ সৰু দলৈ হিমাদ্ৰি শৰ্মা, সচিব জ্ঞাননাথ শৰ্মা উপস্থিত আছিল।

Puja Shopping 2024:পূজাৰ বজাৰ কৰিলেনে…

By

দৈনন্দিন বাৰ্তা

-

September 22, 2024

0

শাৰদীয় দূৰ্গা পূজা বুলিলেই উখল্-মাখল্ এক পৰিৱেশ। পূজাৰ বতৰ বুলিলেই জেলেপিৰ লোভনীয় গোন্ধৰ লগতে শাৰী -শাৰী দোকানসমুহত নতুন কাপোৰৰ চমক লগতে দেখিব ডিছকাউন্টৰ বেনাৰ সমুহ। জাক-জমক বস্তুৰে ভৰি থকা দোকানবিলাকৰ ওচৰ চাপিলেই সকলো লবৰ মন যায়।(Puja Shopping 2024)উৎকৃষ্ট মানৰ কাপোৰ কিনিবলৈও আজিকালি কাপোৰৰ মূল্য ও যথেষ্ট। কিনিবলগীয়া বস্তুৰ তালিকা এখন লৈ সেই মতে পইছা ও লগত ৰাখিব লাগে।হঠাতে কিবা এটা বস্তু দেখিলেই ক্ৰয় কৰাটো উচিত নহয়। বস্তু এপদ কিনাৰ আগতেই তাৰ প্ৰয়োজনীয়তাৰ কথা চিন্তা কৰিহে লব লাগে।

ঘৰত ব্যৱহাৰ কৰি থকা বস্তু এপদ ব্যৱহাৰৰ অনুপযোগী হক্সলেহে অন্য এবিধ কিনাৰ প্ৰয়োজন।আগৰটো পুৰণা মডেলৰ বুলিয়েই নতুন মডেলৰ বজাৰত দেখিলেই কিনি আনিব নালাগে।জধে-মধে বস্তু কিনি আনি ঘৰ ভৰালে ঘৰটোত সৌন্দৰ্য্য বৃদ্ধি হোৱাতকৈ হ্ৰাস হে পাব। আজিকালি ক্সঅনলাইন বজাৰ ক্সত সকলোৱে গুৰুত্ব দিয়ে। গতিকে দেখা যায় দোকান বোৰত আগতকৈ পূজাৰ বজাৰত ভীৰ বহু গুণে কম।ক্সঅন লাইনক্স বজাৰত গুৰুত্ব দিয়া সকলে কাপোৰৰ ক্ষেত্ৰত ঠগ খাই।গতিকে বিজ্ঞাপন চাই কাপোৰ কিনোতে সচেতন হক্সব লাগে।(durga puja 2024)

অৱশ্যে কম মূল্যত কেতিয়াবা ভাল কাপোৰ ও পোৱা যায়। কেতিয়াবা আগধন পৰিশোধ কৰাৰ পিছতো বস্তু হাতত আহি নাপায়।গতিকে অনলাইন বজাৰ কৰোতে সাৱধান হ’ব। কাপোৰৰ ক্ষেত্ৰত দেখা যায় কিছুমান ডিজাইন অলপ দিনহে চলে গতিকে ভাল লাগিলেই নিকিনি ,বিবেচনা কৰি বেছি দিন যাতে পিন্ধিব পাৰে তেনে কাপোৰ সাজ ক্ৰয় কৰক।সময়ৰ লগে লগে ডিজাইন সলনি হোৱাটো স্বাভাৱিক।সদায় কাপোৰ কিনোতে ভালদৰে চাই লৈ কিনিব লাগে।নহক্সলে কেতিয়াবা ৰং যাব পাৰে,জোখতকৈ সৰু বা ডাঙৰ হক্সব পাৰে। এবাৰ বিক্ৰী হোৱা বস্তু ঘুৰাই লোৱা নহয় লক্সলে ও একে দামৰ অন্য এটা বস্তু লব লগীয়া হয়।গ্ৰাহকৰ অজ্ঞতাৰ সুযোগ লৈ বিক্ৰেতাই গ্ৰাহকক কোনো এবিধ বস্তু লবলৈ হেঁচা দিয়া দেখা যায়।কেইবাখনো দোকান ঘুৰি বস্তু এপদ উচিত দাম জানি লক্সব লাগে বা আণুমানিক মূল্য কিমান হক্সব পাৰে তাৰ বাৱে সচেতন নহলে বিপদত পৰিব লগা হব।

পূজা মানেই সকলোৰে মন জয় কৰা সময়।সৰু ল’ৰা-ছোৱালী বিলাক পূজা বুলিলেই খেলনা ,পুতলা ,নতুন কাপোৰ লৈ ভাল পায়।সৰু লক্সৰা-ছোৱালীৰ কাপোৰৰ ক্ষেত্ৰত দেখা যায় যে বেছিদিন তেওঁলোকে পিন্ধিব নোৱাৰে সোনকালে কাপোৰবোৰ সৰু হৈ পৰে ,যিহেতু তেওঁলোক প্ৰতি বছৰে বাঢ়ি আহে ।গতিকে জোখতকৈ অলপ ডাঙৰ কাপোৰ ক্ৰয় কৰিলে পিছৰ বছৰো পিন্ধিব পৰা হয়।(durga puja gift)

পূজাৰ বজাৰ কৰোতে কাপোৰৰ লগতে এযোৰ নতুন জোতা ও কিনা হয় । পূজাৰ মেলা আৰু পূজা মন্ডপ সমুহত দেৱী দৰ্শন কৰিবলৈ যিহেতু খোজকাঢ়িয়েই যাব লগা হয়,গতিকে ফ্লেট চেন্ডেল কিনিলে সুবিধাজনক হ’ব। পূজাত গহণা বা অলংকাৰ কিনা হয় বা নতুনকৈ গঢ়াব পাৰে। অৱশ্যে নানা ধৰণৰ অলংকাৰে পূজাৰ মেলাসমুহ ভৰি থাকে। গতিকে নানা ডিজাইনৰ গহনা পূজাৰ মেলাসমুহৰ পৰা ক্ৰয় কৰিব পাৰি। কাপোৰৰ লগত মিলাই পিন্ধা টেন্ড এটা যিহেতু চলি আছে গতিকে বিভিন্ন ৰংৰ কম খৰচতে অলংকাৰ কিনি লব পাৰি। জনাজাত নামী দোকানৰ পৰা অলংকাৰ কিনিলে ভাল। অলংকাৰৰ পিছতেই পূজাত নতুন কাপোৰ সাজৰ লগত মিলাই প্ৰয়োজন হয় ক্সহেনদ বেগ ক্স এটাৰ।পূজাৰ মেলা সমুহত বিভিন্ন বেগৰ দোকান দেখা যায়।(durga puja dress)

পূজাৰ কথা যেতিয়া পৰিয়ালৰ সদস্য ৰ লগতে বন্ধু-বান্ধৱীকো উপহাৰ দিয়া হয়। কাপোৰৰ ক্ষেত্রত কেইবা জোৰো কাপোৰ কিনিবলৈ হক্সলে ক্টহক্সল চেলাৰক্ট ৰ পৰা ক্ৰয় কৰিলে অলপ সুলভ মূল্যত পোৱা যায়। পূজাৰ আগে আগে ব্যৱসায়ী সকলে বাহিৰৰ পৰা চুৰাট,কলকাতা আদি বিভিন্ন ঠাইৰ পৰা বিভিন্ন ধৰণৰ কাপোৰ আনে। গতিকে ভাল চাই মনৰ পছন্দ মতে কাপোৰ কিনি লব পাৰে।

বিক্ৰেতাই জধে-মধে দাম কক্সলেই ক্ৰয় কৰাটো উচিত নহয়। গ্ৰাহক হিচাপে সচেতন আৰু উদ্যমী হওঁক। পূজাৰ আটাইকেইদিন সুন্দৰ সাজ পাৰেৰে নিজকে সুন্দৰকৈ সজাই লওঁক। উৎসৱ-পাৰ্বন অবিহনে মানুহৰ মনবোৰ উৰুঙা উৰুঙা লাগে। গতিকে সকলোৱে নতুন উদ্যমেৰে দুৰ্গোৎসৱৰ বাৱে সাজু হোৱৰহে কথা।শাৰদীয় দুৰ্গোৎসৱ জাকজমকতাৰে ভৰি পৰক, শাৰদীয় শুভকামনা জনালো।

লেখকঃ গীতাশ্রী বৰা,গোলাঘাট

REC National Open Boxing: আৰ ই চি ৰাষ্ট্ৰীয় মুকলি বক্সিঙত অসমৰ ১৬ টা পদক, দ্বিপাঞ্জলী দৈমাৰী-ৰিম্পী পেগুৰ সোণ অৰ্জন

By

দৈনন্দিন বাৰ্তা

-

September 22, 2024

0

গুৱাহাটী, ২১ ছেপ্টেম্বৰঃ অসমৰ দ্বিপাঞ্জলী দৈমাৰী আৰু ৰিম্পী পেগুৱে গুৱাহাটীত চলি থকা আৰ ই চি ৰাষ্ট্ৰীয় মুকলি প্ৰতিভা সন্ধানী বক্সিং প্ৰতিযোগিতাত সোণ লাভ কৰিবলৈ সক্ষম হৈছে৷ বক্সিং ফেডাৰেছন অব ইণ্ডিয়া [বি এফ আই] ৰ সহযোগিতাত অসম এমেচাৰ বক্সিং সন্থাই আয়োজন কৰা প্ৰতিযোগিতাখনত অসমে এলিট আৰু যুৱ শাখাৰ পুৰুষ-মহিলাৰ বিভিন্ন ওজন শাখাত মুঠ ১৬ টা পদক লাভ কৰিছে৷ ইয়াৰে ছটা ৰূপ আৰু আঠটা ব্ৰঞ্জৰ পদক৷(REC National Open Boxing)

উল্লেখ্য যে এলিট মহিলাৰ শাখাত অসমৰ ছয় গৰাকী বক্সাৰে পদক জয় নিশ্চিত কৰিছিল৷ কিন্তু দ্বিপাঞ্জলী দৈমাৰীয়ে ৪৮ কিলোগ্ৰাম শাখাৰ ফাইনেলত প্ৰৱেশ কৰাৰ লগতে খিতাপৰ যুঁজত মনিপুৰৰ ট’জিম ভূমাবতিক ৫-১ ৰ ব্যৱধানত পৰাস্ত কৰি সোণ লাভ কৰিবলৈ সক্ষম হয়৷ আনহাতে, অসমৰ ভূপালীয়ে ৫০ কিলোগ্ৰাম শাখাৰ ফাইনেলত হাৰিয়ানাৰ নেহা গুৰ্জাৰৰ বিৰুদ্ধে ২-৩ ৰ ব্যৱধানত পৰাস্ত হৈ ৰূপ লাভ কৰে৷(Assam win 16 medals in talent search open boxing competition)

ইফালে, গুৱাহাটীৰ পল্টন বজাৰস্থিত ছাই কেন্দ্ৰৰ ইনড’ৰ ষ্টেডিয়ামত চলি থকা প্ৰতিযোগিতাখনত এলিট মহিলাৰ শাখাৰে ৮১ কিলোগ্ৰামৰ ফাইনেলত অসমৰ ইলুৰা বৰগোঁহাই অন্ধ্ৰ প্ৰদেশৰ সতিৱাডাৰ হাতত পৰাস্ত হৈ ৰূপ অৰ্জন কৰে৷ আনহাতে, ছেমিফাইনেলত পৰাস্ত হৈ ব্ৰঞ্জ পদকতে সন্তুষ্ট থাকে ৫৪ কিলোগ্ৰাম শাখাত খেলা সুমিত্ৰা ব্ৰহ্ম আৰু মঞ্জু বসুমতাৰী তথা ৫৭ কিলোগ্ৰাম শাখাত অৱতীৰ্ণ হোৱা মনালিছা বসুমতাৰীয়ে৷(guwahati)

ইফালে, অসমক দ্বিতীয়টো সোণৰ পদক দিয়ে যুৱ মহিলাৰ ৪৮ কিলোগ্ৰাম শাখাত খেলা ৰিম্পী পেগুৱে৷ ফাইনেলত ৰিম্পীয়ে ৪-০ ৰ ব্যৱধানত পৰাস্ত কৰে চণ্ডিগড়ৰ কবিতাক৷ আনহাতে, অসমৰ জেস্মিতা দৈমাৰীয়ে ৫৭ কিলোগ্ৰাম শাখাৰ ফাইনেলত মনিপুৰৰ নিমসোলান খাপাইৰ বিৰুদ্ধে ৪-১ ৰ ব্যৱধানত পৰাস্ত হৈ ৰূপ অৰ্জন কৰে৷ একেদৰে যুৱ মহিলাৰ ৬৫ কিলোগ্ৰাম শাখাৰ ফাইনেলতো অসমৰ বিদিশা বৰুৱা তামিলনাডুৰ দূৰ্গাশ্ৰীৰ হাতত পৰাস্ত হৈ ৰূপ লাভ কৰে৷(Dipanjali Daimari and Rimpi Pegu)

আনহাতে, অসমৰ ভাৰতী কুমাৰী ৪৮ কিলোগ্ৰাম শাখাৰ তথা মনিকা চুব্বাই ৫১ কিলোগ্ৰাম শাখাৰ ছেমিফাইনেলত পৰাস্ত হৈ ব্ৰঞ্জ অৰ্জন কৰে৷ ইফালে, এলিট পুৰুষ শাখাত অসমৰ একমাত্ৰ বক্সাৰ ৰূপে ৮৬ কিলোগ্ৰাম শাখাৰ ছেমিফাইনেলত প্ৰৱেশ কৰা খাৰানান্দায়ো ব্ৰঞ্জ পদকহে লাভ কৰিবলৈ সক্ষম হয়৷ (boxing federation of india)

ইফালে, যুৱ পুৰুষ শাখাৰ ৭০ কিলোগ্ৰামৰ ফাইনেলত অসমৰ যুৱৰাজ যাদব হাৰিয়ানাৰ নিতিন পাংঘলৰ বিৰুদ্ধে ৪-১ ৰ ব্যৱধানত পৰাস্ত হৈ ৰূপ লাভ কৰে৷ একেদৰে আকাশ কচাৰীও ৮৫ কিলোগ্ৰামৰ ফাইনেলত হাৰিয়ানাৰে আদিত্যৰ বিৰুদ্ধে ৫-০ ৰ ব্যৱধানত পৰাস্ত হৈ ৰূপৰ পদক পায়৷ আনহাতে, ৬০ কিলোগ্ৰামৰ ছেমিফাইনেলত অসমৰ জুনাইদ আনন তথা অসমৰে গংগা ৰাভাই ৭০ কিলোগ্ৰাম শাখাৰ ছেমিফাইনেলত পৰাস্ত হৈ ব্ৰঞ্জ লাভ কৰে৷

Durga Puja 2024: দুৰ্গা পূজাৰ বাবে নিজক কিদৰে সাজু কৰিব

By

দৈনন্দিন বাৰ্তা

-

September 22, 2024

0

শাৰদীয় দুৰ্গোৎসৱ সমাগত। গাঁও – নগৰ সকলোতে দুৰ্গা পূজাৰ প্ৰস্তুতি পূৰ্ণোদ্যমে চলিছে। আমিও সকলোৱে সেই বিশেষ দিনকেইটাৰ বাবে অপেক্ষা কৰোঁ আৰু পৰিকল্পনা কৰি থওঁ। পূজাৰ কেইদিনত ক’ত যাম, কি পিন্ধিম, কি খাম বা ঘৰত আলহী- অতিথিৰ বাবে কি সাজু কৰি থ’ম, নিজক কি দৰে সজাই তুলিম ইত্যাদি ইত্যাদি। (Durga Puja 2024)

বাজেট:—–

পৰিকল্পনাৰ সৈতে নিজৰ বাজেটখনো মিলাই চাব লাগিব। ক’ত গ’লে, কি খালে বা কি বজাৰ কৰিলে কিমান খৰছ হ’ব, তাৰ আনুমানিক হিচাপ এটা উলিয়াব পাৰিলে ভাল। আচলতে পূজাৰ দুমাহ মানৰ আগৰ পৰা অলপ নিয়ন্ত্ৰণ কৰি চলিব পাৰিলে বাজেটখন সন্তুলিত হৈ থাকে। তেতিয়া সেইকেইদিন বিশেষ চিন্তাৰ কাৰণ নাথাকে।(durga puja budget)

বজাৰ: ——

প্রয়োজনীয় সামগ্ৰীহে পৰাপক্ষত ক্ৰয় কৰিব লাগে। ( যদিও পূজা বা বিহু বুলিলে বাজেটখন অলপ গধুৰ হয়।) নতুন কাপোৰ, নতুন জোতা কিনাৰ ক্ষেত্ৰত ভালকৈ চাই লোৱা উচিত। পৰিয়ালৰ সকলোলৈ সৰুকৈ হ’লেও কিবা এটা কিনিব। সেই সৰু সৰু কথাবোৰৰে সুখ লাভ কৰিব পাৰি। ঘৰুৱা খোৱা বজাৰখিনিও নিৰ্দিষ্ট সময়ত বজাৰ কৰি থোৱা ভাল। আটাইতকৈ দৰকাৰী কথা — শৰাই আদি দিবৰ বাবে শুকান বস্তু যেনে বুট – মগু ইত্যাদি, চাকি – ধুপ – তেল কিনি থৈ দিব লাগে।

সাজ-পাৰ :——-

এতিয়া এই পৰিকল্পনাৰ কোনটোৰ বাবে আটাইতকৈ আগত প্ৰস্তুত হ’ম, সেই বিষয়ে চিন্তা কৰোঁ। প্ৰথমে নিশ্চয় সাজ- সজ্জাৰ কথা আহিব, বিশেষকৈ যদি চিলাব লগীয়া কাপোৰ হয় কেইদিনমান আগত দিব লাগে, নহ’লে সময়ত হৈ নুঠিব পাৰে বা মনে বিচৰাৰ দৰে নহ’বও পাৰে। কিনা কাপোৰ হ’লেও নিজৰ জোখৰ কৰি ল’ব লাগে। প্ৰতি দিনাই নতুন কাপোৰ পিন্ধা সম্ভৱ নহয়, সেইবাবে কোন দিনা কি পিন্ধিব, সাজু কৰি থ’ব লাগে। দিনত সাধাৰণতে অলপ পাতল ৰঙৰ আৰু ৰাতি অলপ ডাঠ ৰঙৰ কাপোৰ পিন্ধিলে ভাল দেখি। তাৰোপৰি আৰামদায়ক হোৱা দৰকাৰ। জোতা-ছেন্ডেলৰ ক্ষেত্ৰতো পিন্ধিলে আৰামদায়ক অনুভৱ কৰা হ’ব লাগে।(durga puja dress)

মুখমণ্ডলৰ পৰিচৰ্যা:- ——-

আজিকালি বেছিভাগ মহিলাই বিউটি পাৰ্লাৰ গৈ নিজক অলপ ধুনীয়া কৰিবৰ বাবে সময় দিব বিচাৰে। নিজৰ প্ৰয়োজন অনুসৰি মুখমণ্ডলৰ যতন ল’ব পাৰে। ইচ্ছা কৰিলে ঘৰতো আমি মুখখন পৰিষ্কাৰ কৰি নাৰিকল তেল- ভিটামিন ই আৰু গোলাপ জল মিহলাই( সপ্তাহত চাৰি- পাঁচ দিন)মুখমণ্ডলত সঠিক পদ্ধতিৰে লগাই বা আন ঘৰুৱা উপায়েৰে নিজৰ মুখমণ্ডলৰ আৰু হাত- ভৰিৰ যত্ন ল’ব পাৰোঁ। নিৰ্দিষ্ট দিনৰ তিনি – চাৰিদিন মানৰ আগতে কৰিব পাৰিলে ভাল। মনত ৰাখিব লাগিব নিজৰ ছালৰ লগত খাপ খোৱা সামগ্ৰীহে মুখমণ্ডলত লগাব।

ক’ত যাব :——-

আমি সাধাৰণতে ঘৰৰ ওচৰৰ পূজাভাগত থাকি বেছি ভাল পাওঁ। সেই পূজাভাগলৈ প্ৰতিদিনেই কোনোবা এটা সময়ত যাবলৈ চেষ্টা কৰিব লাগে। দেৱাল বা ঐতিহাসিক পূজাভাগলৈ গৈয়ো আমি পৱিত্ৰতা বিচাৰি পাওঁ। ইয়াৰ ওপৰি আমি নিশা বিভিন্ন পূজা মণ্ডপ তথা পূজা চাই আনন্দ লাভ কৰিব পাৰোঁ আজিৰ যান্ত্ৰিক যুগত মানুহৰ ঘৰলৈ অহা- যোৱা কৰাটো প্ৰায় নোহোৱাৰ দৰেই হৈছে। সেইবাবে চিনাকি,আত্মীয়- কুটুমৰ ঘৰলৈ যোৱাটোও আপুনি এইবাৰ পৰিকল্পনা কৰিব পাৰে। কিছু লোকে পূজাৰ বন্ধতে নিজৰ ঠাইৰ পৰা দূৰৰ ঠাই চাবলৈ মন কৰে, আপুনিও এইবাৰ চিন্তা কৰি চাব পাৰে।

খোৱা-বোৱা : ——

খোৱাত ৰুচি থকাসকলে পূজাকেইদিনত বিভিন্ন খাদ্য সম্ভাৰ তথা খাদ্য প্ৰণালীৰ ব্যৱস্থা কৰিব পাৰে। যিয়ে যেনেকৈ যি খাই ভাল পায়, স্বাস্থ্যৰ প্ৰতি লক্ষ্য ৰাখি ঘৰতেই হওক বা বাহিৰতেই হওক খোৱাৰ জুতি ল’ব পাৰে। কিছু লোকে অষ্টমী পূজাৰ দিনা ছাগলী মাংস, নৱমীৰ দিনা মিঠাই আৰু দশমীৰ দিনা মাছ খোৱাৰ পক্ষপাতিত্ব কৰে, অৱশ্যে ইয়াৰ যুক্তিযুক্ততা কিমান জনা নাযায়।

পূজাকেইদিনত আলহী- অতিথি অহাৰ সম্ভাৱনা অধিক। গতিকে নিজে কিছু খাদ্য সামগ্ৰী ঘৰতে সাজু কৰি থ’ব পাৰে। যেনে: নিমকি, নাৰিকল লাৰু, চুজিৰ লাৰু, ময়দা- চেনীৰে তৈয়াৰ কৰা ‘ কৰদৈ ‘ জাতীয় মিঠাই, পেৰা ইত্যাদি। তাৰোপৰি ৰন্ধা কামবোৰ সোনকাল হ’বৰ বাবে মচলা আদি তৈয়াৰ কৰি থ’ব পৰা যায়। জিৰা- ধনীয়া – জালুক গোটাকৈ কিনি আনি শুকান কেৰাহি এখনত ভাজি মিক্সিত গুৰি কৰি ৰাখিব পাৰি। এনেকৈ তৈয়াৰী মচলাৰ গোন্ধ আৰু সোৱাদেই সুকীয়া। তেনেকৈ লং – ইলাচি – ডালচেনি আদিও গুৰি কৰি ৰাখিব পৰা যায়।

পূজাৰ শৰাইৰ সামগ্ৰীসমূহ সযতনে ৰখা আৰু সময়ত শৰাই দিয়া আদি কাম আমি সুন্দৰকৈ কৰিবলৈ চেষ্টা কৰিব লাগে। বহুতে কুমাৰী পূজাত কুমাৰীকেইগৰাকীক বিভিন্ন সামগ্ৰী বা মূল্য কিবা দি সেৱা কৰে। গতিকে তেওঁলোকে সেইখিনি নিৰ্দিষ্ট সময়ত ভক্তিৰে কৰা উচিত। আপুনি আগতে এনে কৰা নাই যদি এইবাৰ কৰি চাব লাগে। মনটো পৱিত্ৰতাৰে ভৰি পৰে।

উপহাৰ:——

‌পূজা বুলি ঘৰুৱা মানুহ বা আলহী -অতিথিক বিশেষকৈ সৰু ল’ৰা- ছোৱালীক আৰু মহিলাসকলক উপহাৰ দিলে খুব আনন্দিত হয়। তাৰবাবে আমি গামোচা,ৰুমাল, দুটামান কিলিপ, নে’ল পলিছ, লিপষ্টিক, ব্ৰুজ পিন, কাণফুলি, বেলুনৰ পেকেট আদি আনি ৰাখিব পাৰোঁ।(durga puja gift)

ঘৰখন পৰিষ্কাৰকৈ ৰখা, নিয়াৰিকৈ ঘৰৰ কামবোৰ কৰা, সময়মতে পূজাথলীলৈ ওলাই যোৱা, পূজাথলীত নাম-গুণ গোৱা, আলহী শুশ্ৰূষা কৰা আদি সকলো আমাৰ নিজৰ নিজৰ ইচ্ছা আৰু দক্ষতাৰ ওপৰত নিৰ্ভৰ কৰে।

সকলোকে আগন্তুক দুৰ্গা পূজাৰ আন্তৰিক শুভেচ্ছা জনালোঁ। দেৱী দুৰ্গাই সকলোৰে জীৱনৰ পৰা অসুয়া- অমঙ্গল নাশ কৰি ঘৰে ঘৰে সুখ-শান্তি বিৰাজ কৰে যেন, এয়াই কামনা কৰিলোঁ।

লেখকঃ অঞ্জলী বৰদলৈ, গোলাঘাট

Himanta biswa sarma: অসমৰ পৰা ইণ্টাৰনেট কৰ্তনৰ কিটিপ শিকিছে ঝাৰখণ্ডে! কংগ্ৰেছক সমালোচনা মুখ্যমন্ত্ৰীৰ

By

দৈনন্দিন বাৰ্তা

-

September 22, 2024

0

নিযুক্তি পৰীক্ষাত তালাচী অব্যাহত থাকিব।বিমান বন্দৰৰ আৰ্হিত হ’ব তালাচী। ঝাৰখণ্ডৰ নিযুক্তি পৰীক্ষাত অসমৰ আৰ্হি গ্ৰহণ কৰা বুলি মন্তব্য মুখ্যমন্ত্ৰী ডঃ হিমন্ত বিশ্ব শৰ্মাৰ।(Himanta biswa sarma)

নিযুক্তি পৰীক্ষাৰ সময়ত ইন্টাৰনেট কৰ্তন যে শুদ্ধ আছিল সেই আৰ্হি অসমৰ পৰা লৈছে ঝাৰখণ্ডৰ কংগ্ৰেছ চৰকাৰে। নিযুক্তি পৰীক্ষাৰ সময়ত ইন্টাৰনেট কৰ্তন কৰাক লৈ অসমত কংগ্ৰেছে বিজেপিক সমালোচনা কৰাৰ সলনি ঝাৰখণ্ডত কংগ্ৰেছে অসমৰ আৰ্হি গ্ৰহণ কৰা বুলি কটাক্ষ কৰে মুখ্যমন্ত্ৰী ডঃ হিমন্ত বিশ্ব শৰ্মাই।(jharkhand congress)

শনিবাৰে কামৰূপ জিলাৰ বেজেৰাত উপস্থিত হৈ সংবাদ মাধ্যমৰ সৈতে মুখামুখি হয় তেওঁ কয় যে পূৰ্বতকৈ যথেষ্ট ভাল হৈছে অসমৰ চৰকাৰী শিক্ষা ব্যৱস্থা আৰু ভাল কৰিব লাগিব। নিযুক্তি পৰীক্ষা সন্দৰ্ভত ডঃ শৰ্মাই সম্পূৰ্ণ স্বচ্ছ আৰু নিকা হোৱা বুলি কয়। নিযুক্তি পৰীক্ষাৰ দিনা যুৱক সকলৰ সমানে যুৱতী সকলকো পৰীক্ষা গৃহত সোমোৱাৰ সময়ত নিৰীক্ষণ কৰিব লাগিব। ইয়াত আপত্তি কৰিব লগা কথা নাই।(congress)

নিযুক্তি পৰীক্ষাৰ উত্তৰ বহী সমূহ কম্পিউটাৰৰ সহায়ত ছোৱাৰ পাছত ছয়/ সাত জন বহিঃ মূল্যায়ক তথা বিশিষ্ট শিক্ষাবিদৰ দ্বাৰা পুনৰ পৰীক্ষা কৰি ফলাফল ঘোষণা কৰাৰ সিদ্ধান্ত লোৱা হৈছে। এইবাৰ এটা পদৰ বিপৰীতে মাত্ৰ এজন প্ৰাৰ্থী বাচনি কৰা হ’ব। কিবা কাৰণত এজন প্ৰাৰ্থী দুটা পদত বাচনি হ’লে লটাৰীৰ জৰিয়তে যিকোনো এটা পদতহে তেওঁক নিযুক্তি দিয়াৰ ব্যৱস্থা গ্ৰহণ কৰা হৈছে। মহিলাৰ তালাচীৰ সময়ত মহিলাৰ অনুমতি ল’ব আৰক্ষীয়ে। অনুমতি প্ৰদান নকৰা মহিলা প্ৰাৰ্থীৰ হ’ব আছুতীয়া কোঠাত পৰীক্ষা।অক্টোবৰত পুনৰ অসম আৰক্ষীৰ নিযুক্তি আৰম্ভ কৰিব বুলি কয় মুখ্যমন্ত্ৰী ডঃ হিমন্ত বিশ্ব শৰ্মাই।(ADRE)

Iron Girls: নাইজেৰিয়াৰ চলচ্চিত্ৰ মহোৎসৱলৈ ৰাজেন দাসৰ “আইৰন গাৰ্লছ“৷ খিলঞ্জীয়াৰ সাংস্কৃতিক শিপাৰ সন্ধানত বিশ্ব চলচ্চিত্ৰৰ মহাসন্মিলন

By

দৈনন্দিন বাৰ্তা

-

September 22, 2024

0

দৈনন্দিন বাৰ্তা সেৱা, পাটাছাৰকুছি ২২ ছেপ্টেম্বৰঃ অসমৰ স্বৰ্ণিল লোকশিল্প ওজাপালি-দেওধনীৰ প্ৰসাৰৰ বাবে অধ্যাপক -পৰিচালক ৰাজেন দাসে পৰিচালনা কৰা অসমীয়া চলচ্চিত্ৰ “আইৰন গাৰ্লছ“ সুদুৰ নাইজেৰিয়াৰ ৰিভাৰ্চ ষ্টেট আন্তঃৰাষ্ট্ৰীয় চলচ্চিত্ৰ মহোৎসৱলৈ আমন্ত্ৰিত হৈছে৷ (Iron Girls)

নাইজেৰিয়াৰ গুৰুত্বপূৰ্ণ ৰিভাৰ্চ ষ্টেটৰ ৰাজধানী চহৰ পোৰ্ট হাৰকোৰ্টত এই চলচ্চিত্ৰ মহোৎসৱ অহা ২৪ অক্টোবৰৰ পৰা ২৭ অক্টোবৰলৈ চাৰিদিনীয়াকৈ অনুষ্ঠিত হ’ব৷ নাইজেৰিয়াৰ ৰিভাৰ্চ ষ্টেট চৰকাৰৰ সৌজন্যত আৰু নাইজেৰিয়াৰ কৰ্প’ৰেচন এফেয়াৰ্ছ ক’মিছনৰ পঞ্জীয়নভুক্ত খিলঞ্জীয়াৰ ঐক্যবদ্ধ সন্মিলন ডেচগ’ল এণ্টাৰটেইনমেণ্ট ৱৰ্ল্ডৱাইডৰ উদ্যোগত অনুষ্ঠিত হবলগীয়া এই মহোৎসৱৰ প্ৰধান উদ্দেশ্য হৈছে বিশ্বৰ খিলঞ্জীয়া জাতি জনগোষ্ঠীৰ সাংস্কৃতিক শিপাৰ সন্ধান কৰা, বিনিময় কৰা আৰু নৱপ্ৰজন্মৰ চিনে নিৰ্মাতাক শৈক্ষিক উত্তৰণেৰে সবল কৰা৷(nigerian film festival)

সেই উদ্দেশ্যত মহোৎসৱলৈ প্ৰেৰণ কৰা বিশ্বৰ বিভিন্ন দেশৰ পৰা প্ৰেৰণ কৰা ২০৩০খন চলচ্চিত্ৰৰ মাজৰ পৰা ১২৭ খন চলচ্চিত্ৰ মহোৎসৱত প্ৰদৰ্শনৰ বাবে নিৰ্বাচিত কৰা হৈছে৷ ইয়াৰ ভিতৰত অসমৰ পৰা ৰাজেন দাস পৰিচালিত “আইৰন গাৰ্লছ“ নিৰ্ব্বাচিত হোৱাটো ৰাজ্যৰ চলচ্চিত্ৰ জগত তথা অসমবাসীৰ বাবে এক আনন্দকৰ খবৰ হিচাপে বিবেচিত হৈছে৷ নাইজেৰিয়াৰ ৰিভাৰচ্‌ ষ্টেটৰ ৰাজধানী চহৰ তথা গাৰ্ডেন চিটি হিচাপে খ্যাত পোৰ্ট হাৰকোৰ্টৰ ৱাবিয়ালি কালচাৰেল চেণ্টাৰ আৰু পোৰ্টলেণ্ড ৰিচ’ৰ্ট লাক্সাৰী চিনেমাত অনুষ্ঠিত হবলগীয়া এই মহোৎসৱত চলচ্চিত্ৰৰ লগতে খিলঞ্জীয়া জাতি জনগোষ্ঠীৰ সাংস্কৃতিক কাৰ্যসূচী প্ৰদৰ্শন কৰা হ’ব৷ ইতিমধ্যেই নাইজেৰিয়া ৰিভাৰ্চ ষ্টেটৰ গৱৰ্ণৰ চিমিনালায়ী ফুবাৰাই চলচ্চিত্ৰ মহোৎসৱত অংশগ্ৰহণকাৰী সকলক শুভেচ্ছা জনোৱাৰ লগতে আয়োজক সকলৰ সৈতে মহোৎসৱৰ সফলতাৰ বাবে গুৰুত্বপূৰ্ণ বাৰ্তালাপত মিলিত হোৱাৰ খবৰ ফেষ্টিভেল ডাইৰেক্টৰ কেটে এজাইগবোৱে সামাজিক মাধ্যমত প্ৰকাশ কৰিছে৷(Rajen Das)

গৱৰ্ণৰ গৰাকীয়ে মহোৎসৱৰ প্ৰতীকপটও আনুষ্ঠানিকভাৱে উন্মোচন কৰে৷জানিব পৰা মতে কাৰ্যত এই চলচ্চিত্ৰ মহোৎসৱ হ’ব বিশ্বৰ বিভিন্ন জাতি জনগোষ্ঠীৰ এক মহাসন্মিলন৷ এই মহোৎসৱলৈ ভাৰতৰ এয়াৰটেল,ক’লগেট ,কেল’গছ আদিকে ধৰি কেবাটাও বহুজাতিক সংস্হাই এচ’চিয়েট পাৰ্টনাৰ হিচাপে সহযোগিতা আগবঢ়াইছে৷ মহোৎসৱলৈ আমন্ত্ৰিত হোৱা সন্দৰ্ভত “আইৰন গাৰ্লছ“ৰ পৰিচালক ৰাজেন দাসে কয়-“নিঃসন্দেহে এয়া এক ভাল খবৰ৷খিলঞ্জীয়াৰ সাংস্কৃতিক ঐতিহ্যক উজলাই তোলা এনে এক মহোৎসৱত আমি অসমৰ ওজাপালি -দেওধনীক উলিয়াই নিব পৰাটো এক ঐতিহাসিক মূহুৰ্ত৷ বিশ্বৰ ইমান সংখ্যক চলচ্চিত্ৰৰ মাজৰ পৰা আমি নিৰ্বাচিত তালিকাত থকাটোৱেই আমাৰ সাংস্কৃতিক ঐতিহ্যৰ মহত্ত্ব প্ৰকট কৰিছে৷ইয়াৰ এক সামান্য অংশীদাৰ হবলৈ সুযোগ লাভ কৰি আমি কৃতাৰ্থ,আনন্দিত“৷ (iron girls to be released at nigerian film festival)

উল্লেখ্য যে চলচ্চিত্ৰ মহোৎসৱ কৰ্তৃপক্ষৰ সঞ্চালক কেটে এজাইগবোয়ে “আইৰন গাৰ্লছ“ মহোৎসৱলৈ নিৰ্বাচিত হোৱা তথ্য জনাই তথা স্ক্ৰীণীংৰ বাবে আমন্ত্ৰণ জনাই যোগদানৰ আনুষ্ঠানিক নিমন্ত্ৰণী পত্ৰ পৰিচালক ৰাজেন দাসলৈ প্ৰেৰণ কৰিছে৷ মহোৎসৱত বিশ্বৰ বিভিন্ন প্ৰান্তৰ প্ৰায় তিনি সহস্ৰাধিক চলচ্চিত্ৰ নিৰ্মাতা তথা প্ৰতিনিধি সমবেত হ’ব বুলি মহোৎসৱ কৰ্তৃপক্ষৰ পৰা জানিব পৰা গৈছে৷

FIR against BJP presidentবিজেপি সভাপতি ভৱেশ কলিতাৰ বিৰুদ্ধে ভঙাঘৰ থানাত এজাহাৰ

By

দৈনন্দিন বাৰ্তা

-

September 21, 2024

0

বিজেপি সভাপতি ভৱেশ কলিতাৰ বিৰুদ্ধে ভঙাঘৰ থানাত এজাহাৰ

(APCC) on Friday lodged an FIR against Assam BJP president প্ৰদেশ কংগ্ৰেছৰ চচিয়েল মিডিয়া আৰু তথ্য প্ৰযুক্তি বিভাগৰ অধ্যক্ষ ৰাতুল কলিতাৰ নেতৃত্বত এক প্ৰতিনিধিৰ দলে ভঙাঘৰ থানাত ৰাজ্যিক বিজেপি সভাপতি ভৱেশ কলিতাৰ বিৰুদ্ধে এক এজাহৰ দাখিল কৰে। ১৯ ছেপ্টেম্বৰত ৰাজ্যিক বিজেপি সভাপতি ভৱেশ কলিতাই ৰঙিয়াৰ দিপ্তেশ্বৰি ৰাজহুৱা হৰিমন্দিৰ প্ৰাংগনত অনুষ্ঠিত ৰাজহুৱা সভাত তেখেতৰ নিজৰ ভাষণত অৰুণোদয় আঁচনিৰ হিতাধিকাৰি সকলক উদ্দেশ্যি কৈছে কেৱল বিজেপি সদস্যই হে অৰুণোদয় আঁচনিৰ ধন লাভ কৰিব। মিছকল যোগে বিজেপিৰ সদস্য ভৰ্তি প্ৰক্ৰিয়াত ব্যৱহৃত বিশেষ নম্বৰত মিছ কল দিবলৈ এক প্ৰকাশ ভাবুকি প্ৰদান কৰিছে নেতা গৰাকীয়ে। অৰুনোদয় আঁচনিৰ ধন মিছ কল দি বিজেপিৰ সদস্য ভৰ্তিৰ প্ৰমাণ পত্ৰ দাখিল কৰাটো বাধ্যতামূলক বুলি ভয় ভীতি খুৱাৱ বিচাৰিছে।

দৈনন্দিন বাৰ্তা ২০ ছেপ্টেম্বৰ – গুৱাহাটী

Chairman of social media and information technology department of Pradesh Congress প্ৰদেশ কংগ্ৰেছৰ চচিয়েল মিডিয়া আৰু তথ্য প্ৰযুক্তি বিভাগৰ অধ্যক্ষ ৰাতুল কলিতাৰ নেতৃত্বত এক প্ৰতিনিধিৰ দলে FIR Bhangaghar police station বিজেপি সভাপতি ভৱেশ কলিতাৰ বিৰুদ্ধে ভঙাঘৰ থানাত এজাহাৰভঙাঘৰ থানাত ৰাজ্যিক বিজেপি সভাপতি ভৱেশ কলিতাৰ বিৰুদ্ধে এক এজাহৰ দাখিল কৰে। ১৯ ছেপ্টেম্বৰত ৰাজ্যিক বিজেপি সভাপতি ভৱেশ কলিতাই ৰঙিয়াৰ দিপ্তেশ্বৰি ৰাজহুৱা হৰিমন্দিৰ প্ৰাংগনত অনুষ্ঠিত ৰাজহুৱা সভাত তেখেতৰ নিজৰ ভাষণত অৰুণোদয় আঁচনিৰ হিতাধিকাৰি সকলক উদ্দেশ্যি কৈছে কেৱল বিজেপি সদস্যই হে অৰুণোদয় আঁচনিৰ ধন লাভ কৰিব। মিছকল যোগে বিজেপিৰ সদস্য ভৰ্তি প্ৰক্ৰিয়াত ব্যৱহৃত বিশেষ নম্বৰত মিছ কল দিবলৈ এক প্ৰকাশ ভাবুকি প্ৰদান কৰিছে নেতা গৰাকীয়ে। অৰুনোদয় আঁচনিৰ ধন মিছ কল দি বিজেপিৰ সদস্য ভৰ্তিৰ প্ৰমাণ পত্ৰ দাখিল কৰাটো বাধ্যতামূলক বুলি ভয় ভীতি খুৱাৱ বিচাৰিছে। সদস্য ভৰ্তিৰ প্ৰমাণ পত্ৰ দাখিল নকৰিলে অৰুণোদয় আঁচনিৰ ১২৫০ টকা লাভ নকৰে বুলি এক প্ৰকাৰ ধমকি দিছিল নেতা গৰাকীয়ে। বিজেপি সভাপতি গৰাকীৰ এনে দায়িত্বজ্ঞান হীন মন্তব্যই ৰাইজৰ সংবিধান প্ৰদত্ত অধিকাৰ খৰ্ব কৰিছে।
ইয়াৰ প্ৰতিবাদ স্বৰূপে আৰু ৰাজহুৱা স্থানত এনে সংবিধান বিৰোধী মন্তব্য দিয়াৰ বাবে আজি অসম প্ৰদেশ কংগ্ৰেছ কমিটীৰ এটি প্ৰতিনিধিৰ দলে ভঙাঘৰ আৰক্ষী থানাত গোচৰ ৰুজু কৰে। লগতে ভৱেশ কলিতাক অতি শীঘ্ৰেই গ্ৰেপ্তাৰ কৰি উচিত শাস্তি প্ৰদান কৰিবলৈ দাবী কৰে। এজাহাৰ দাখিল কৰি প্ৰদেশ কংগ্ৰেছৰ চচিয়েল মিডিয়া আৰু তথ্য প্ৰযুক্তি বিভাগৰ অধ্যক্ষ ৰাতুল কলিতাই সাংবাদিকৰ আগত কয় যে বিজেপি সভাপতি ভৱেশ কলিতাই মানসিক সন্তুলন হেৰাই ৰাইজক ভয় ভাবুকি দি নিজৰ চকি বচাব বিচাৰিছে। ভৱেশ কলিতাৰ পৈতৃক সম্পত্তি বিক্ৰি কৰা ধনেৰে অৰুণোদয় আচঁনিৰ ধন দিয়া হোৱা নাই। মুখ্যমন্ত্ৰী হিমন্ত বিশ্ব শৰ্মাৰ নিজৰ পত্নীয়ে বেআইনী ভাৱে আহৰণ কৰা সম্পত্তি বিক্ৰি কৰি পোৱা ধনেৰে ৰাজহুৱা আঁচনি প্ৰবৰ্তন কৰা নাই। প্ৰতিটো চৰকাৰী আঁচনিৰ ধন ৰাইজৰ আৰু ৰাইজৰ ধনকেই ৰাজহুৱা আচঁনি জৰিয়তে হিতাধিকাৰি সকলক দিয়া হৈছে। ভৱিষ্যতে ভৱেশ কলিতাই যাতে এনেকুৱা নিম্ন ৰুচি সম্পন্ন আৰু সাধাৰণ ৰাইজক ভয় ভীতি দেখুওৱা মন্তব্য নকৰে, তাৰ বাবে সাৱধান থাকিবলৈ আহ্বান জনাই।

(APCC) has filed a police complaint against the state’s BJP President,গোচৰ দাখিল কৰাৰ সময়ত ৰাতুল কলিতাৰ লগতে প্ৰদেশ কংগ্ৰেছৰ উপ সভাপতি ৰূপা দেউৰী, সাধাৰণ সম্পাদক অৰুণ তিৱাৰী, সম্পাদক কৃদীপ বৰ্মন, গীতালি দাস, মানস প্ৰতীম তালুকদাৰ, এ টি হাবিব আহ্মেদকে ধৰি কিছু প্ৰতিনিধি উপস্থিত থাকে।

লগতে পঢ়ক Fake Bank YBL: নামৰ এটি বেংক খুলি কোটি টকাৰ প্ৰৱঞ্চনা

Fake Bank YBL: নামৰ এটি বেংক খুলি কোটি টকাৰ প্ৰৱঞ্চনা

By

দৈনন্দিন বাৰ্তা

-

September 21, 2024

0

A fraud worth crores of rupees by opening a bank in the name YBL — (Fake Bank YBL) চুমি বিশালৰ পাছত হোজাইৰ মোৰাঝাৰত পোহৰলৈ আহিছে ফৰিজ আৰু নুৰুনৰ কলা অধ্যায় ৷ এক লাখ কোটিৰ প্ৰৱঞ্চনা কৰি আৰক্ষীৰ জালত পৰিছে দুই মহাপ্ৰবন্ধক৷ ফৰিজ উদ্দিন নামৰ লোকজনে হোজাই জিলাৰ মোৰাঝাৰৰ গনিপুৰত আজিৰ পৰা ছয় মাহ মান পূৰ্বে YBL নামৰ এটি বেংক খুলিছিল৷ এই বেংকৰে এটি শাখা (Morajhar) মোৰাঝাৰৰ চামৰালিতো খুলি দিছিল৷

দৈনন্দিন বাৰ্তা, মোৰাঝাৰ, ২১ ছেপ্তেম্বৰঃ(Fake Bank YBL) চুমি বিশালৰ পাছত হোজাইৰ মোৰাঝাৰত পোহৰলৈ আহিছে ফৰিজ আৰু নুৰুনৰ কলা অধ্যায় ৷ এক লাখ কোটিৰ প্ৰৱঞ্চনা কৰি আৰক্ষীৰ জালত পৰিছে দুই মহাপ্ৰবন্ধক৷ ফৰিজ উদ্দিন নামৰ লোকজনে হোজাই জিলাৰ মোৰাঝাৰৰ গনিপুৰত আজিৰ পৰা ছয় মাহ মান পূৰ্বে YBL নামৰ এটি বেংক খুলিছিল৷ এই বেংকৰে এটি শাখা (Morajhar) মোৰাঝাৰৰ চামৰালিতো খুলি দিছিল৷ গনিপুৰত বেংকটোৰ মুখ্য কাৰ্য্যালয় চলাইছিল ফৰিজ উদ্দিনে তাৰ বিপৰীতে নুৰুন নেহাৰ নামৰ মহিলা গৰাকীয়ে চলাইছিল মোৰাঝাৰৰ চামৰআলী গাঁৱত থকা বেংকৰ শাখা৷ দুয়ো মিলি গাঁৱত শাখা পাতি হোজাইৰ ৰাইজক বিভিন্ন প্ৰলোভন দি সংগ্ৰহ কৰিছিল লাখ লাখ টকা ৷ সাধাৰন ৰাইজক (bank) বেংকৰ পৰা লাখ লাখ টকা ঋণ দিয়া কথা কৈ দুয়ো আন সহযোগীৰ জৰিয়তে লাখ লাখ সংগ্ৰহ কৰাৰো অভিযোগ উঠিছে ৷

(hojai)হোজাই ৰাইজক পতিয়ন নিয়াবলৈ প্ৰৱঞ্চক ৰূপী ফৰিজে এক্সিচ বেংকত তেওঁলোকৰ YBL বেংকে এক লাখ কোটি টকাৰ এখন ভূৱা প্ৰমান পত্ৰওঁ আৰি থৈছিল ভূৱা বেংকৰ শাখাত৷ গ্ৰাহক ৰূপী ৰাইজে কোনোবাই যদি পঞ্চাছ হাজাৰ টকা জমা থৈছে আন কোনোবাই আকৌ সত্তৰ ৰ পৰা আশী হাজাৰ টকা জমা থৈছে ৷ একাউন্ট খুলি টকা জমা দিয়াৰ পাছত বহুতৰ নামত ঋণ আৱন্তন দিয়াওঁ হৈছিল আবন্তন হোৱা ঋণৰ ধন একাউন্টত সোমোৱা বুলি মেচেজ পাই যদিওঁ সেই টকা ওলিয়াবলৈ অপৰাগ হয় গ্ৰাহকে৷ উপায়ন্তৰ হৈ একাংশ গ্ৰাহকে কাষ চাপে মোৰাঝাৰ আৰক্ষীৰ লগতে হোজাই জিলা আৰক্ষী অধীক্ষকৰ৷
মোৰাঝাৰৰ চৌধুৰীবজাৰৰ ফৈচলুৰ ৰহমান নামৰ লোকজনে দিয়া এজাহাৰ ভিত্তিত মোৰাঝাৰ আৰক্ষীয়ে এটি গোচৰ পঞ্জীয়ন কৰি ভূৱা বেংক দুটাৰ বিৰুদ্ধে অভিযান চলায়৷মোৰাঝাৰ আৰক্ষীৰ অভিযানত মূল নায়ক ফৰিজ উদ্দিন আৰু নুৰুন নেহাৰক গ্ৰেপ্তাৰ কৰাৰ লগতে বহু আপত্তিজনক নথিপত্ৰওঁ জব্দ কৰা হয়৷ এক লাখ কোটী টকা এক্সিচ বেংকত জমা থকাৰো তথ্য পাইছে আৰক্ষীয়ে ৷ অৱশ্যে এই নথি ভূৱা হব পাৰে বুলি সন্দেহ কৰিছে আৰক্ষীয়ে
কালি নিশাৰে পৰা হোজাইৰ আৰক্ষী অধীক্ষক সৌৰভ গুপ্তাই মোৰাঝাৰ আৰক্ষী থানাত বাহৰ পাতি সমগ্ৰ বিষয়টো তদাৰকি কৰি আছে৷ ইফালে দুয়ো প্ৰৱঞ্চকক গ্ৰেপ্তাৰ কৰাৰ বহু সংখ্যক লোকে ভিৰ কৰেহি মোৰাঝাৰ আৰক্ষী থানাত৷সকলোৰে একে দাবী নিজৰ কষ্টোপাৰ্জিত ধন খিনি ওভতাই দিব লাগে৷ এতিয়া আৰু ৰৌ বৰালি জালত পৰাৰ সম্ভৱনা প্ৰকট হৈ উঠিছে৷

rupees, hojai, two, bank, lakhs, morajhar, after, fariz, general, lakh