নাৰিকল তেল ব্যৱহাৰৰ জনপ্ৰিয়তা দিনক দিনে বাঢ়িছে। নাৰিকল তেলে ছালখন মইশ্ব’ৰাইজ, কোমল কৰাৰ লগতে আন বহুতো উপকাৰ প্ৰদান কৰে বুলি জনা যায়। কিন্তু ইয়াৰ স্বাস্থ্যকৰ গুণ থকাৰ পিছতো এই তেল অত্যধিক বা ভুলকৈ ব্যৱহাৰ কৰিলে কিছু পাৰ্শ্বক্ৰিয়া হ’ব পাৰে।(Side Effects Of Coconut Oil)
নাৰিকল তেলত এন্টিবেক্টেৰিয়েল আৰু এন্টিফাংগেল গুণ আছে, এই দুয়োটাই ছালখন সুস্থ কৰি ৰখাত সহায়ক। নাৰিকল তেলত থকা ল’ৰিক এচিড আৰু কেপ্ৰিক এচিডৰ দৰে ফেটি এচিডে ছালখন পৰিষ্কাৰ আৰু উজ্জ্বল কৰি তোলে। লগতে সংক্ৰমণ, ব্ৰণ, ফোলিকুলাইটিছ, চেলুলাইটিছৰ দৰে সমস্যাও প্ৰতিৰোধ কৰে।
কিন্তু নাৰিকল তেল ব্যৱহাৰ কৰোঁতে মনত ৰাখিব এই সমূহ কথা-
নাৰিকল তেলৰ বহু উপকাৰীতা থাকিলেও এই তেলে কিছু সমস্যা সৃষ্টি কৰিব পাৰে। নাৰিকল তেলৰ গধুৰতাই সমস্যা হ’ব পাৰে। সৌন্দৰ্য্য সামগ্ৰীত অতিৰিক্ত পৰিমাণে ব্যৱহাৰ কৰিলে মুখমণ্ডলত বলিৰেখা আৰু ৰেখাৰ সৃষ্টি হ’ব পাৰে। ইয়াৰ উপৰিও নাৰিকল তেল অত্যধিক ব্যৱহাৰ কৰিলেও ছালৰ এলাৰ্জী হ’ব পাৰে।
চিকিৎসকগৰাকীৰ মতে, নাৰিকল তেলত থকা ট্ৰেন্স ফেটে ছালত বাধাৰ সৃষ্টি কৰে, যাৰ ফলত ছালৰ পৰা আৰ্দ্ৰতা ওলাই নাযায়। ইয়াৰ ফলত ছালখন ভিতৰৰ পৰা শুকাই যাব পাৰে।
নাৰিকল তেল ব্যৱহাৰৰ বাবে পিম্পল আৰু ব্ৰণৰ সমস্যাও হ’ব পাৰে। ট্ৰেন্স ফেট আৰু নাৰিকল তেলৰ গধুৰতাৰ বাবে ই কমেড’জেনিক হ’ব পাৰে, অৰ্থাৎ ই ছালৰ ছিদ্ৰবোৰ বন্ধ কৰি দিব পাৰে। ইয়াৰ ফলত ছালত তেলৰ উৎপাদন বৃদ্ধি পাব পাৰে, যাৰ ফলত ব্ৰণৰ সৃষ্টি হ’ব পাৰে।
নাৰিকল তেল ফেচ পেক হিচাপে ব্যৱহাৰ কৰিব পাৰে। এইদৰে আপুনি তেলৰ সুফল লাভ কৰিব পাৰে, দীৰ্ঘ সময় ছালত নাৰাখিব। যদি আপোনাৰ ছাল তেলীয়া হয় তেন্তে গোটেই ৰাতি নলগাব।
তেলীয়া ছালৰ লোকসকলে বিশেষভাৱে ইয়াৰ প্ৰতি লক্ষ্য ৰাখিব লাগে। ইয়াৰ বাহিৰেও যদি আপোনাৰ ছাল সংবেদনশীল, তেন্তে আপুনি সীমিত পৰিমাণত নাৰিকল তেল ব্যৱহাৰ কৰিব।
লগতে পঢ়কঃ Black Pepper Health Benefits: বহু ৰোগৰ মহাষৌধ জালুক! প্ৰতিদিনে পুৱা খালী পেটত খাওক জালুক
