Home Blog Page 536

Supreme Court Grants Bail to Delhi CM: অৰবিন্দ কেজৰিৱালক উচ্চতম ন্যায়ালয়ে প্ৰদান কৰিলে জামিন

By
দৈনন্দিন বাৰ্তা
-
0
Supreme Court grants bail to Delhi CM Arvind Kejriwal: অৱশেষত মুকলি আকাশৰ তললৈ অহাৰ পথ প্ৰশস্ত হ’ল অৰবিন্দ কেজৰিৱালৰ। উচ্চতম ন্যায়ালয়ে মঞ্জুৰ কৰিলে কেজৰিৱালৰ জামিন। দিল্লীৰ সুৰা নীতি কেলেংকাৰীত জামিন পালে অৰবিন্দ কেজৰিৱালে।অৱশ্যে কেজৰিৱালে গোচৰটোক লৈ কৰিব নোৱাৰিব কোনো মন্তব্য। গ্ৰেপ্তাৰৰ সময়ক লৈ প্ৰশ্ন কৰে ন্যায়াধীশ উজ্জ্বল ভূঞাই।(Justice Ujjal Bhuyan )
Supreme Court grants bail to Delhi CM Arvind Kejriwal: অৱশেষত মুকলি আকাশৰ তললৈ অহাৰ পথ প্ৰশস্ত হ’ল অৰবিন্দ কেজৰিৱালৰ।

নতুন দিল্লী, ১৩ ছেপ্তেম্বৰ:: অৱশেষত মুকলি আকাশৰ তললৈ অহাৰ পথ প্ৰশস্ত হ’ল অৰবিন্দ কেজৰিৱালৰ। উচ্চতম ন্যায়ালয়ে মঞ্জুৰ কৰিলে কেজৰিৱালৰ জামিন। দিল্লীৰ সুৰা নীতি কেলেংকাৰীত জামিন পালে অৰবিন্দ কেজৰিৱালে।অৱশ্যে কেজৰিৱালে গোচৰটোক লৈ কৰিব নোৱাৰিব কোনো মন্তব্য। গ্ৰেপ্তাৰৰ সময়ক লৈ প্ৰশ্ন কৰে ন্যায়াধীশ উজ্জ্বল ভূঞাই।(Justice Ujjal Bhuyan)


CBIএ খৰখেদাকৈ কেজৰিৱালক গ্ৰেপ্তাৰ কৰাক লৈ প্ৰশ্ন কৰে ভূঞাই।জামিন মঞ্জুৰ কৰি CBIৰ গ্ৰেপ্তাৰ ন্যায়সংগত নহয় বুলি উল্লেখ কৰে উচ্চতম ন্যায়ালয়ে।দোষী সাব্যস্ত নোহোৱালৈ অভিযুক্ত নিৰ্দোষী- এই মন্তব্য উচ্চতম ন্যায়ালয়ৰ। ১০ লাখ টকাৰ বণ্ডত জামিন মঞ্জুৰ লাভ কৰে অৰবিন্দ কেজৰিৱালে। (Supreme Court Grants Bail to Delhi CM)


বিগত ৬ মাহ জে’লত আছিল অৰবিন্দ কেজৰিৱাল। ২৬ জুনত কাৰাগাৰতে CBIএ গ্ৰেপ্তাৰ কৰিছিল অৰবিন্দ কেজৰিৱালক।(Arvind Kejriwal)ইপিনে, ‘সজাৰ ভাটৌ’সদৃশ মনোভাৱ ত্যাগ কৰিবলৈ CBIক আহ্বান জনাই উচ্চতম ন্যায়ালয়ে।অৰবিন্দ কেজৰিৱাল বিগত ৬ মাহ জে’লত আছিল। ২৬ জুনত কাৰাগাৰতে CBIএ গ্ৰেপ্তাৰ কৰিছিল অৰবিন্দ কেজৰিৱালক। (Bail to Delhi CM Arvind Kejriwal in CBI case)

Trading Scam Investigation: ভুৱা ট্রেডিঙত জড়িত এজনো লোক সাৰি যাব নোৱাৰেঃ পীযুষ হাজৰীকা

By
দৈনন্দিন বাৰ্তা
-
0
Congress Obstructing Trading Scam Investigation says Assam Minister Piyush Hazarika
Trading Scam Investigation: ভুৱা ট্রেডিঙত জড়িত এজনো লোক সাৰি যাব নোৱাৰেঃ পীযুষ হাজৰীকা

গুৱাহাটী, ১২ ছেপ্তেম্বৰ: অনলাইন ট্রেডিঙেই হওক বা আন প্ৰৱঞ্চনাই হওক, ইয়াৰ লগত জড়িত এজনো লোক সাৰি যাব নোৱাৰে।- এই গুৰুত্বপূৰ্ণ মন্তব্য অসম চৰকাৰৰ মন্ত্ৰী পীযুষ হাজৰীকাৰ(Piyush Hazarika on Trading Scam Investigation)। অসমত ব্যাপকভাৱে চৰ্চা লাভ কৰা অনলাইন ট্ৰেডিং প্ৰৱঞ্চনাৰ ঘটনা সন্দৰ্ভত বৃহস্পতিবাৰে সাংবাদিকৰ আগত নিজৰ প্ৰতিক্ৰিয়া ব্যক্ত কৰি মন্ত্ৰীগৰাকীয়ে এই মন্তব্য কৰে। তেওঁ কয় যে ড০ হিমন্ত বিশ্ব শৰ্মা ডাঙৰীয়াৰ চৰকাৰখনৰ নীতি হ’ল দুৰ্নীতিৰ বিৰুদ্ধে শূন্য সহনশীলতা। এইকেইদিনত যি প্ৰৱঞ্চনাৰ কথা সকলোতে চলি আছে বা প্ৰচলিত হৈছে বা ব্যাপক চৰ্চা লাভ কৰিছে, অনলাইন ট্ৰেডিঙৰ যোগেদি মানুহক সৰ্বস্বান্ত কৰা হৈছে, মানুহৰ পইচা আত্মসাৎ কৰা হৈছে, ইয়াৰ বিৰুদ্ধে চৰকাৰৰ স্পষ্ট নীতি যে শূন্য সহনশীলতা। গতিকে যিসকল ব্যক্তি অভিযুক্ত বুলি নাম ওলাইছিল, প্ৰায়সংখ্যক ব্যক্তিকে কৰায়ত্ত কৰা হৈছে। আৰু যি এজন দুজন পলাই আছে, কোনেও পলাই থাকিব নোৱাৰে, মই অসম চৰকাৰৰ মন্ত্ৰী হিচাপে এইক্ষেত্ৰত নিশ্চিত(Minister Piyush Hazarika)।

মন্ত্ৰীগৰাকীয়ে পুনৰ কয় যে ড০ হিমন্ত বিশ্ব শৰ্মা ডাঙৰীয়া এইক্ষেত্ৰত অত্যন্ত কঠোৰ, যি এজন দুজন পলাই আছে, তেওঁলোকো বেছিদিন পলাই থাকিব নোৱাৰে। তেওঁলোক আহি হয়তো আত্মসমৰ্পণ কৰিব লাগিব, নতুবা তেওঁলোকক আমাৰ আৰক্ষী প্ৰশাসনে কৰায়ত্ত কৰিব। ইয়াৰ বিৰুদ্ধে গুৰুত্বসহকাৰে ব্যৱস্থা লোৱা হ’ব, তদন্ত হ’ব। মই ভাবো যে আইনে নিজৰ পথ গুৰুত্বসহকাৰে ল’ব। কোনোবাই যদি সঁচাকৈ প্ৰৱঞ্চনা কৰিছে, তেওঁলোকৰ বিৰুদ্ধে কঠোৰ ব্যৱস্থা নিশ্চয়কৈ লোৱা হ’ব বুলি মন্ত্ৰীগৰাকীয়ে প্ৰকাশ কৰে।

চুমি বৰা নেপাললৈ পলাই যোৱা বুলি কংগ্ৰেছে কৰা অপপ্ৰচাৰ সন্দৰ্ভতো মন্ত্ৰীগৰাকীয়ে নিজৰ প্ৰতিক্ৰিয়া ব্যক্ত কৰে। তেওঁ কয় যে কংগ্ৰেছে এনেধৰণৰ অপপ্ৰচাৰ কৰি সমগ্ৰ তদন্তৰ প্ৰক্ৰিয়াটোক বিপথে পৰিচালিত কৰিব বিচাৰিছিল। কংগ্ৰেছৰ এই কাৰ্যক মন্ত্ৰীগৰাকীয়ে তীব্ৰ গৰিহণা দিয়ে।

মন্ত্ৰীগৰাকীয়ে কয় যে অসম চৰকাৰ বা অসম আৰক্ষীয়ে গুৰুত্বসহকাৰে এই বিষয়টোৰ তদন্ত কৰি আছিল। তদন্ত যাতে হৈ নুঠে, ইয়াৰ বাবে মানুহে যাতে চৰকাৰখনক বেয়া পায়, তাৰ কাৰণে কংগ্ৰেছে ষড়যন্ত্ৰ ৰচনা কৰিছিল। কিন্তু সেই ষড়যন্ত্ৰৰ ৰহস্য ফাদিল হ’ল, কিয়নো চুমি বৰা আৰু অন্য অভিযুক্তসকল ধৰা পৰিল। কোনেও পলাই সাৰিব নোৱাৰে, অসম চৰকাৰ এই ক্ষেত্ৰত আৰু অধিক কঠোৰ হ’ব বুলি তেওঁ দৃঢ়তাৰে মন্তব্য কৰে। অনলাইন ট্ৰেডিঙেই হওক বা আন প্ৰৱঞ্চনাই হওক, এইবোৰ কৰি অসম পুলিচৰ পৰা কোনেও বাচি থাকিব নোৱাৰে বুলি তেওঁ কয়।

এই বিষয়টোক লৈ অসমৰ ৰাইজক বিপথে পৰিচালিত কৰাৰ বাবে কংগ্ৰেছে যি ষড়যন্ত্ৰ কৰিছিল, তেওঁলোকৰ ষড়যন্ত্ৰ ব্যৰ্থ হোৱা বুলি মন্ত্ৰীগৰাকীয়ে প্ৰকাশ কৰে। এই কেলেংকাৰিত জড়িত এজনো ব্যক্তি সাৰি যাব নোৱাৰে বুলি তেওঁ সংবাদমাধ্যমৰ জৰিয়তে ৰাইজক আশ্বাস প্ৰদান কৰে।

SEMICON India 2024 in Greater Noida: নয়ডাত অনুষ্ঠিত ছেমীকন ইণ্ডিয়া ২০২৪ত উদ্যোগ মন্ত্রী বিমল বড়াৰ অংশগ্রহণ ( Bimal Borah)

By
দৈনন্দিন বাৰ্তা
-
0
'চেমিকন ইণ্ডিয়া২০২৪' সন্মিলনত অংশগ্ৰহন বিমল বৰাৰ


SEMICON INDIA 2024 : দিল্লী ৰাষ্ট্ৰীয় ৰাজধানী অঞ্চলৰ গ্ৰেটাৰ নয়ডাৰ ইণ্ডিয়া এক্সপো মাৰ্টত কালিৰেপৰা অনুষ্ঠিত হৈছে ‘চেমিকন ইণ্ডিয়া২০২৪’ সন্মিলন। (SEMICON India 2024 in Greater Noida) বিভিন্ন দেশৰ বিনিয়োগকাৰী,কাৰিকৰী বিশেষজ্ঞ,প্ৰযুক্তিবিদ আদিৰ উপস্থিতিত অহা ১৩ চেপ্তেম্বৰলৈ চলিব লগীয়া এই সন্মিলন উদ্বোধন কৰি কালি প্ৰদান কৰা ভাষণত ভাৰতৰ প্ৰধান মন্ত্ৰী নৰেন্দ্ৰ মোদীয়ে ২১শতিকাৰ ভাৰতে বিশ্বক আশ্বাস কৰিবলৈ সক্ষম হৈছে বুলি মন্তব্য কৰে।( Bimal Borah) ডিজাইনিঙৰ পৃথিবীত জড়িত ২০%লোক ভাৰতৰ বুলি উল্লেখ কৰাৰ লগতে ই নিৰন্তৰ বিস্তাৰিত হৈ থকা বুলিও ব্যক্ত কৰে।   ( SEMICON India in Greater Noida, Delhi NCR. Sep. 11-13-2024 )

আপোনালোক সঠিক সময়ত সঠিক স্থানত থকা বুলি বিনিয়োগকাৰী সকলক কৈ প্ৰধানমন্ত্ৰী গৰাকীয়ে ছেমীকণ্ডাক্টৰ উদ্যোগৰ বাবে কাৰিকৰী দক্ষতা থকা ব্যক্তি, অভিযন্তা, গৱেষণা আৰু ডিজাইনিঙত দক্ষ ৮৫ হেজাৰ লোকৰ এক গোট প্ৰস্তুত কৰি থকাৰ কথাওঁ ভাষণত উল্লেখ কৰে।( India is a rising player in the global semiconductor industry, with the region’s chip market projected)


সন্মিলনত ভাষণ প্ৰদান কৰিএন এক্সপি ছেমীকণ্ডাক্টৰৰ মুখ্য কাৰ্যবাহী বিষয়া কাৰ্ট ছিভাৰ্চে কয় যে ছেমীকণ্ডাক্টৰ উদ্যোগৰ ক্ষেত্রত সফলতা লাভ কৰিবলৈ লক্ষ্য, বিশ্বাস আৰু সহযোগিতা নিত্যান্তই আৱশ্যক।তেওঁ লগতে ইয়াৰ বাবে সৃজনশীলতা, গণতন্ত্র আৰু প্ৰত্যয়ৰো প্ৰয়োজনীয়তাৰ কথা দোহাৰে।(SEMICON India 2024 in Greater Noida) টাটা (TATA) ইলেক্ট্রনিকছৰ মুখ্য কাৰ্যবাহী বিষয়া ৰণধীৰ ঠাকুৰে অনুষ্ঠানত ভাষণ প্ৰদান কৰি প্ৰধানমন্ত্ৰী নৰেন্দ্ৰ মোদীৰ নেতৃত্বত ভাৰতত ছেমীকণ্ডাক্টৰৰ সপোন সাৰ্থক হোৱা বুলি মন্তব্য কৰে।মন কৰিবলগীয়া যে ভাৰতত সম্প্ৰতি ছেমীকণ্ডাক্টৰৰ চাৰিটা প্ৰকল্পৰ কামচলি আছে।

তিনিদিনীয়া এই ‘ছেমীকন ইণ্ডিয়া ২০২৪'( SEMICON India 2024 ) সন্মিলনত অসমৰ উদ্যোগ, বাণিজ্য আৰু ৰাজহুৱা প্ৰতিষ্ঠান বিভাগৰ মন্ত্ৰী বিমল বড়াই অংশ গ্ৰহণ কৰি বিভিন্ন দেশৰ বিনিয়োগকাৰী তথা প্ৰযুক্তিবিদ সকলৰে মত বিনিময় কৰাৰ লগতে ছেমীকণ্ডাক্টৰ উদ্যোগৰ বিভিন্ন দিশ পৰ্যবেক্ষণ কৰে।মন্ত্ৰী বড়াই সন্মিলনৰ ইণ্ডিয়া এক্সপো মাৰ্টত অংশ গ্রহণ কৰা বিভিন্নদেশৰ প্ৰতিষ্ঠানৰ বিপণীত প্ৰদৰ্শন কৰা কাৰিকৰী প্ৰযুক্তিও পৰিদৰ্শন কৰে। উল্লেখ্য যে সন্মিলনৰ প্ৰদৰ্শনীত অংশগ্রহণ কৰা অসম ঔদ্যোগিক উন্নয়ন নিগমৰ বিপণিত উপস্থিত হৈ বিষয়া কৰ্মচাৰী সকলৰ সৈতেও মত বিনিময় কৰে। (SEMICON India in Greater Noida, Delhi )

Online trading scam: অনলাইন ট্ৰেডিং কেলেংকাৰীৰক লৈ সৰব মন্ত্ৰী পীয়ূজ হাজৰিকামন্ত্ৰী পীযুষ হাজৰিকা

By
দৈনন্দিন বাৰ্তা
-
0
অনলাইন ট্ৰেডিং কেলেংকাৰীৰক লৈ সৰব মন্ত্ৰী পীযুষ হাজৰিকা। (Assam Minister Piyush Hazarika) ট্ৰেডিং কেলেংকাৰী সন্দৰ্ভত মন্তব্য মন্ত্ৰী পীযুষ হাজৰিকাৰ মন্তব্য কোনো ব্যক্তি সাৰি যাব নোৱাৰে ।
অনলাইন ট্ৰেডিং কেলেংকাৰীৰক লৈ সৰব মন্ত্ৰী পীযুষ হাজৰিকা

Online Trading Scam : অনলাইন ট্ৰেডিং কেলেংকাৰীৰক লৈ সৰব মন্ত্ৰী পীযুষ হাজৰিকা। (Assam Minister Piyush Hazarika) ট্ৰেডিং কেলেংকাৰী সন্দৰ্ভত মন্তব্য মন্ত্ৰী পীযুষ হাজৰিকাৰ মন্তব্য কোনো ব্যক্তি সাৰি যাব নোৱাৰে । চুমি বৰা তাৰ্কিক বৰা গ্ৰেপ্তাৰ হোৱাৰ পিছতে মৰিগাঁৱত মন্ত্ৰী পীযুষ হাজৰিকাৰ মন্তব্য আইনে নিজৰ সক্ৰিয়তাৰে এই ব্যৱস্থাতোক কঠোৰ কৰিব কিন্তু চৰকাৰে এই ক্ষেত্ৰত বহি নাথাকে । কংগ্ৰেছ দলে ৰাজনীতি কৰিব বিচাৰিছিল কিন্তু নোৱাৰিলে । আমাৰ চৰকাৰ কঠোৰ দুৰ্নীতিৰ ক্ষেত্ৰত । কোনোৱে ট্রেডিং কৰি মানুহক প্ৰবঞ্চনা কৰি সাৰি যাব নোৱাৰে । ” Online trading ৰ লগত জড়িত সকলো গ্ৰেপ্তাৰ হব।  (Government will not let any individual involved in fraudulent online trading activities evade justice)


(“No one will escape”: Minister Piyush Hazarika vows strict action in online trading fraud case) কোনো সাৰি যাব নোৱাৰে আৰক্ষীৰ হাতৰ পৰা । কাৰন হিমন্ত বিশ্ব শৰ্মা নেতৃত্বীতাধীন বিজেপি চৰকাৰে এই ক্ষেত্ৰত অধিক কঠোৰ হৈছে” । এই মন্তব্য মন্ত্ৰী পীয়ূজ হাজৰিকাৰ (Piyush Hazarika )। মৰিগাঁওৰ মানিপুৰৰ এক দলীয় সভাত অংশগ্ৰহণ কৰি এনে দৰে কয় মন্ত্ৰী গৰাকীয়ে ।প্ৰৱঞ্চনাৰ লগত জড়িত ৯০% লোকক ইতিমধ্যেই গ্ৰেপ্তাৰ কৰা হৈছে বুলিও মন্তব্য মন্ত্ৰী গৰাকীৰ । আনহাতে কংগ্ৰেছ ইক’ছিষ্টেমে কিয় দোষী নেপাললৈ পলাই গুচি গল বুলি দাবী কৰা সন্দৰ্ভত মন্তব্য মন্ত্ৰীগৰাকীৰ (“No one will escape”: Minister Piyush Hazarika)

Letters From Vietnam’ to premiere at Costa Rica film festival:কিশোৰ কলিতাৰ তথ্যচিত্ৰ ‘লেটাৰ্ছ ফ্ৰম ভিয়েটনাম’ মেক্স ছাৰ আন্তৰ্জাতিক চলচ্চিত্ৰ মহোৎসৱ লৈ নিৰ্বাচিত

By
দৈনন্দিন বাৰ্তা
-
0
'লেটাৰ্ছ ফ্ৰম ভিয়েটনাম'
'লেটাৰ্ছ ফ্ৰম ভিয়েটনাম'

ভাৰতৰ ৫২ সংখ্যক আন্তঃৰাষ্ট্ৰীয় চলচ্চিত্ৰ মহোৎসৱৰ ভাৰতীয় পেনোৰামালৈ আনুষ্ঠানিক বাছনিকে ধৰি বিভিন্ন আন্তঃৰাষ্ট্ৰীয় চলচ্চিত্ৰ মহোৎসৱত কেইবাটাও বঁটা আৰু সন্মান লাভ কৰা তথ্যচিত্ৰ ‘বীৰাঙ্গনা’ৰ জৰিয়তে সমালোচকৰ প্ৰশংসা লাভ কৰাৰ পিছত, গুৱাহাটীস্থিত তথ্যচিত্ৰ নিৰ্মাতা কিশোৰ কলিতাই এতিয়া তেওঁৰ নতুন তথ্যচিত্ৰ প্ৰকল্পৰ জৰিয়তে দৃষ্টি আকৰ্ষণ কৰিবলৈ সক্ষম হৈছে। দক্ষিণ-পূব এছিয়াত অৱস্থিত ভিয়েটনামলৈ কলিতাৰ স্মৰণীয় যাত্ৰাৰ কাহিনীৰ লগতে এক অনন্য অন্তৰ্দৃষ্টিৰ ওপৰত আধাৰিত ‘লেটাৰ্ছ ফ্ৰম ভিয়েটনাম’ শীৰ্ষক এই তথ্যচিত্ৰখনে কোষ্টা ৰিকাত অনুষ্ঠিত হ’বলগীয়া মেক্স ছাৰ আন্তঃৰাষ্ট্ৰীয় চলচ্চিত্ৰ মহোৎসৱ 2024-ত আনুষ্ঠানিকভাৱে বাছনি কৰা হৈছে। বছৰি অনুষ্ঠিত হোৱা এই উৎসৱত মূলতঃ প্ৰকৃতি-কেন্দ্ৰিত তথ্যচিত্ৰ আৰু চুটি ছবি প্ৰদৰ্শন কৰা হয়। ইয়াৰ পূৰ্বে, তথ্যচিত্ৰখনে ভাৰতীয় আন্তঃৰাষ্ট্ৰীয় চুটি চলচ্চিত্ৰ মহোৎসৱ বঁটালৈ আনুষ্ঠানিক নিৰ্বাচন লাভ কৰিছিল। ((Letters From Vietnam’ to premiere at Costa Rica film festival)


(Kishore Kalita’s latest documentary ‘Letters From Vietnam’) কিশোৰ কলিতাৰ বাবে, দক্ষিণ-পূব এছিয়াৰ অতি মনোমোহা আৰু আকৰ্ষণীয় ঠাই ভিয়েটনাম ভ্ৰমণ কৰাটো সঁচাকৈয়ে এক স্মৰণীয় অভিজ্ঞতা আছিল। এই ভ্ৰমণে তেওঁক ভিয়েটনামৰ জীৱন আৰু সংস্কৃতি, ইয়াৰ আকৰ্ষণীয় দৃশ্যপট, ঐতিহাসিক চিহ্ন আৰু প্ৰাণৱন্ত একাধিক সংস্কৃতিৰ ওপৰত কিছু আকৰ্ষণীয় অন্তৰ্দৃষ্টি লাভ কৰিবলৈ সক্ষম কৰিছিল, যিবোৰ ‘লেটাৰছ ফ্ৰম ভিয়েটনাম’ত স্বতঃস্ফূৰ্তভাবে বন্দী কৰা হৈছে। ভিয়েটনামৰ বিভিন্ন মঠ-মন্দিৰ, আধ্যাত্মিক স্থান আৰু প্ৰাসাদে অঞ্চলটোৰ ঐতিহাসিক উত্তৰাধিকাৰী, সাংস্কৃতিক আৰু আধ্যাত্মিক পৰম্পৰা আৰু কলাত্মক উৎকৰ্ষতাৰ জীৱন্ত প্ৰমাণ হিচাপে কাম কৰে।


(Max Sir International Film Festival 2024 )“ভিয়েটনামৰ কেইবাটাও আকৰ্ষণীয় ঠাই ভ্ৰমণ কৰা আৰু একে সময়তে সেইবোৰৰ চিত্ৰগ্ৰহণ কৰাটো মোৰ বাবে এক আধ্যাত্মিকভাৱে গতিশীল অভিজ্ঞতা আছিল,” কলিতাই কয়। ‘লেটাৰ্ছ ফ্ৰম ভিয়েটনাম’ৰ প্ৰযোজনা আৰু পৰিচালনা কৰাৰ উপৰিও, কিশোৰ কলিতাই কেমেৰাৰ কামো কৰিছে। বিপুল ৰাজৰ দ্বাৰা সম্পাদিত আৰু প্ৰসূন মুখোপাধ্যায়ৰ দ্বাৰা সংগীতৰ ডিজাইন কৰা, তথ্যচিত্ৰখনৰ সংগীত পৰিচালনা সৌম্যৰিত নাগৰ, আৰু ধাৰা বিৱৰণী হংসৰাজ বৰপাত্ৰগোহাঁইৰ।(Letters From Vietnam’ to premiere at Costa Rica film festival)

Annual Event Murchana Music Academy 2024: মূৰ্চ্ছনা মিউজিক একাডেমিৰ বাৰ্ষিক অনুষ্ঠান ২০২৪

By
দৈনন্দিন বাৰ্তা
-
0
মূৰ্চ্ছনা মিউজিক একাডেমিৰ বাৰ্ষিক অনুষ্ঠান
মূৰ্চ্ছনা মিউজিক একাডেমিৰ বাৰ্ষিক অনুষ্ঠান

‘মূৰ্চ্ছনা মিউজিক একাডেমি’য়ে বিগত বৰ্ষৰ দৰে এইবছৰো জুলাই মাহৰ ১২ তাৰিখে আবেলি ৪:০৪ বজাত গুৱাহাটীৰ শ্ৰীমন্ত শঙ্কৰদেৱ কলাক্ষেত্ৰৰ শ্ৰীশ্ৰী মাধৱদেৱ আন্তঃৰাষ্ট্ৰীয় প্ৰেক্ষাগৃহত “বাৰ্ষিক সাংস্কৃতিক অনুষ্ঠান ২০২৪” উদ্‌যাপন কৰে৷(Annual Event Murchana Music Academy 2024)নিমন্ত্ৰিত অতিথি শ্ৰদ্ধাৰ সাত্বনা বেনাৰ্জী আৰু শিক্ষাকেন্দ্ৰৰ মুখ্য অধ্যক্ষ হিৰণ্য কলিতাৰ লগতে বৰ্ণালী কলিতা, জোনালী দাস আৰু পৰাগ ডেকাই বন্তি প্ৰজ্বলন কৰি অসমৰ স্বনামধন্য শিল্পী প্ৰয়াত নন্দ বেনাৰ্জী আৰু ভূপেন উজিৰ দেৱৰ প্ৰতিচ্ছবিত শ্ৰদ্ধাঞ্জলি অৰ্পণ কৰে৷(Murchana Music Academy)


গুৱাহাটীৰ চান্দমাৰী অঞ্চলৰ পূৱ শৰণীয়া মুখ্য পথত থকা “মূৰ্চ্ছনা মিউজিক একাডেমি”য়ে ২০০০ চনতেই প্ৰতিষ্ঠা লাভ কৰি তেতিয়াৰ পৰা এতিয়ালৈকে অসমৰ যথেষ্ট সংখ্যক শিক্ষাৰ্থীক বিজ্ঞানসন্মতভাৱে গীটাৰ, ইলেকট্ৰনিক কীবোৰ্ড, পিয়ানো, ভায়োলিন, কণ্ঠসংগীত, তবলা ইত্যাদিৰ পাঠদান কৰাৰ লগতে ভাৰতবৰ্ষৰ বিভিন্ন প্ৰান্তৰ শিক্ষাৰ্থীক অনলাইনযোগে প্ৰশিক্ষণ দি আহিছে৷ মুখ্য অধ্যক্ষ হিৰণ্য কলিতা আৰু তেওঁৰ পত্নী বৰ্ণালী কলিতাই আন্তঃৰাষ্ট্ৰীয় শৈক্ষিক সাংস্কৃতিক প্ৰতিষ্ঠান আৰু পৰীক্ষা পৰিষদ “মিউজিচিয়া আৰ্টচ এণ্ড কালচাৰ কাউন্সিল” (Musicea Arts And Culture Council) ৰ দ্বাৰা অনুমোদিত শিক্ষা কেন্দ্ৰটোৱে প্ৰতি বছৰে শিক্ষাৰ্থীসকলক তেওঁলোকৰ সাংস্কৃতিক বিকাশ, প্ৰচাৰ আৰু প্ৰসাৰ কৰিবলৈ অনুপ্ৰেৰণা যোগোৱাৰ লগতে মঞ্চত পাৰদৰ্শিতা প্ৰদৰ্শন কৰাৰ নিয়মীয়া সুযোগ দি আহিছে৷


মূৰ্চ্ছনাৰ এগৰাকী শিক্ষাৰ্থী ৰাগিনী গোস্বামী আৰু এগৰাকী শুভকাংশী মাইকন দেৱীয়ে গোটেই অনুষ্ঠানটোৰ ঘোষিকা হিচাপে আত ধৰি সুন্দৰভাৱে আগবঢ়াই নিয়ে৷ হিৰণ্য কলিতাৰ কথা-সুৰ আৰু সংগীতেৰে সজোৱা ‘লুকা- ভাকু খেলো আমি নাই আমনি’ সমবেত সংগীতত কণ্ঠসংগীতৰ শিক্ষাৰ্থীসকলে কণ্ঠদান কৰি সাংস্কৃতিক অনুষ্ঠানৰ শুভাৰম্ভণি কৰে৷


অসমৰ বিশিষ্ট সংগীতজ্ঞ প্ৰয়াত নন্দ বেনাৰ্জী দেৱলৈ “মূৰ্চ্ছনা মিউজিক একাডেমি’য়ে” “সংগীতাচাৰ্য” উপাধিৰে বিভূষিত কৰি তেখেতৰ পৰিয়ালৰ মুৰব্বীৰ হাতত এখনি মানপত্ৰ প্ৰদান কৰে৷


চ্যোনী কলিতাৰ কিবোৰ্ডত ‘জিতাথা জিচিকে লিয়ে’, কৃতাৰ্থ বৰুৱাৰ ‘পেহেলা নচা’, অয়ন কলিতাৰ ‘তুমকো দেখা তো য়ে খয়াল আয়া’, ছেমচ হাজৰিকাৰ ‘ফেডেড’, জৰ্ণভ চক্ৰৱৰ্তীৰ ‘জিনা য়াহা মৰণা য়াহা’ গীতৰ লহৰে উপস্থিত দৰ্শকক মন্ত্ৰমুগ্ধ কৰে৷ বৰ্ণালী কলিতাৰ পৰিচালনাত বেহেলাৰ শিক্ষাৰ্থীসকল ক্ৰমে অনন্যাশ্ৰী বৰুৱা, চুমনশ্ৰী দাস, প্ৰজ্ঞাশ্ৰী নাথ, ষ্টেলিনা কাকতি, শ্ৰেয়চী ৰয় আৰু কেইবাগৰাকীয়েও জ্যোতি প্ৰসাদ আগৰৱালাৰ কালজয়ী গীত ‘গছে গছে পাতি দিলে’ আৰু পাশ্চাত্য সুৰ ‘টেনটিং টুনাইট’ আৰু ভাৰতীয় শাস্ত্ৰীয় সংগীত ‘ৰাগ দেশকাৰ’ বজাই দৰ্শকৰ মাজত বিপুল সঁহাৰি লাভ কৰে৷


নৃত্য প্ৰশিক্ষক সন্মানীয় মিনা পালৰ তত্ত্বাৱধানত জিচা আগৰুৱালা, নভ্যা বাউৰী, শ্ৰেয়া শৰ্মা, চুমি মন্দল, পলাক্সী নাথ, প্ৰিয়াংশী শৰ্মা, ষ্টেলিনা কাকতি, শ্ৰেয়াসী ৰয়ে ‘সৰস্বতী বন্দনা’ ত অংশগ্ৰহণ কৰি নৃত্য সংগীতক এক বিশেষ মাত্ৰা প্ৰদান কৰে৷ সেউজী সেউজী সেউজী অ’, বিলতে হালিছে ধুনীয়া পদুমী, আপ জেইচা কোই মেৰে, য়ে শ্যাম মস্তানি, গধূলি আহিল তৰা জিলিকিল আৰু বহুটো গীতৰ লহৰে সকলোকে আমোদ দিয়ে৷ ২০২৩ বৰ্ষৰ একষ্টিক গীটাৰ পৰীক্ষাৰ বাছনিত অন্তৰ্ভুক্ত হৈ সুখ্যাতিৰে উত্তীৰ্ণ হোৱা ধীমন্ত কুমাৰ বৰুৱালৈ ১১১১১.০০ টকাৰ এখন চেক, এখন শৰাই, এখন মানপত্ৰ আৰু এখনি ফুলাম গামোচাৰে সম্বদ্ধৰ্না জনাই চলিত বৰ্ষৰ সংগীত বৃত্তি ‘মূৰ্চ্ছনা মিউজিক একাডেমী’ প্ৰদান কৰে৷


২০২৩ চনৰ সংগীতৰ বিভিন্ন বিষয়ৰ পৰীক্ষাত ভাল ফলাফল পোৱা শিক্ষাৰ্থীসকলক অনুপ্ৰেৰণা যোগোৱাৰ উদ্দেশ্যে সকলোকে সংগীতানুষ্ঠানৰ এটিকে প্ৰতীক চিহ্ন প্ৰদান কৰা হয়৷ উমাংগী কাশ্যপ, ৱাহিদ আলম, শ্ৰীৰাগ পাটগিৰী, চাবিব আহমেদ, ৰাহুল সেন, পিবাণে লাইনেজাম, নিকুঞ্জ বাউৰী, নিবিৰ পাঠক, নিয়ৰ বৰ্মন, কৃথিক দাস, কৃতাৰ্থ কান্ত বৰুৱা, হৰ্ষবৰ্ধন বড়ো, সিদ্ধান্ত প্ৰতিম বৰুৱা, অৰণ্যক স্পন্দন শৰ্মা, মৃনাৰ্ভ চলিহা, শ্লোষ সাহা, কুনাল সাহা, কুনাল দাস, বিদিশা দাস, অয়ন জ্যোতি দাস, পৃথিকা প্ৰিয়দৰ্শিনী কাশ্যপ, সূৰ্যাংশ প্ৰতিম দাস আদিয়ে সংগীতৰ বিভিন্ন অনুষ্ঠানত অংশগ্ৰহণ কৰে৷ শেষত বহুকেইখন কিবোৰ্ড আৰু গীটাৰত একেলগে অসমৰ জাতীয় সঙ্গীত পৰিবেশন কৰি ‘বাৰ্ষিক সাংস্কৃতিক অনুষ্ঠান ২০২৪’ৰ সফল সামৰণি কৰা হয়৷

Sankor Jyoti Baruah Resigns Aasu: আছু’ৰ পৰা অব্যাহতি শংকৰ জ্যোতি বৰুৱাৰ

By
দৈনন্দিন বাৰ্তা
-
0
আছু’ৰ পৰা অব্যাহতি শংকৰ জ্যোতি বৰুৱাৰ
আছু’ৰ পৰা অব্যাহতি শংকৰ জ্যোতি বৰুৱাৰ

১০ ছেপ্টেম্বৰ তাৰিখে শংকৰ জ্যোতি বৰুৱাক আছুৰ পৰা অব্যাহতি লোৱাৰ পৰামৰ্শ দিছিল মুখ্য উপদেষ্টা ড০ সমুজ্জল ভট্টাচাৰ্যই আৰু সভাপতি উৎপল শৰ্মাই।(Sankor Jyoti Baruah Resigns Aasu)এগৰাকী যুৱতীয়ে প্ৰৱঞ্চনাৰ অভিযোগ তুলি থানাত শংকৰ জ্যোতি বৰুৱাৰ বিৰুদ্ধে দিছিল এজাহাৰ। ইয়াৰ পিছতে বিভিন্ন মহলাত সৃষ্টি হৈছিল প্ৰতিক্ৰিয়া।(Samujjal Bhattacharya advises Sankor Jyoti Baruah to retire from AASU)আছুৰ সাধাৰণ সম্পাদক শংকৰজ্যোতি বৰুৱাৰ বিতৰ্ক সন্দৰ্ভত ১০ ছেপ্টম্বৰ তাৰিখে সংবাদমেল পাতে আছুৰ মুখ্য উপদেষ্টা সমুজ্জ্বল কুমাৰ ভট্টাচাৰ্যই।(aasu general secretary sankor jyoti baruah)

চলিত মাহৰ ৬ তাৰিখে এগৰাকী যুৱতীয়ে আছুৰ সাধাৰণ সম্পাদক শংকৰজ্যোতি বৰুৱাৰ বিৰুদ্ধে অভিযোগ উত্থাপন কৰিছিল। যুৱতীগৰাকীয়ে কৈছিল যে শংকৰজ্যোতি বৰুৱাই অন্য এগৰাকী যুৱতীৰ বাবে তেওঁক প্ৰতাৰণা কৰিছে। লগতে পিষ্টল দেখুৱাই অত্যাচাৰ কৰিছিল বুলি অভিযোগ কৰিছিল।যাৰ বাবে তেওঁ শাৰীৰিক-মানসিকভাৱে বিধ্বস্ত হৈ পৰিছিল। এনেবোৰ কাৰণতে অত্যাধিক মাত্ৰাত দৰৱ সেৱন কৰি জি এম চি এইচত ভৰ্তি হবলগীয়া হৈছিল। বৰ্তমানো চিকিৎসাধীন অৱস্থাতে আছে যুৱতীগৰাকী।

এই অভিযোগ-প্ৰতি অভিযোগৰ মাজতে ১১ ছেপ্টেম্বৰত আছুৰ সাধাৰণ সম্পাদক শংকৰজ্যোতি বৰুৱাই স্পষ্টীকৰণ দি তেওঁৰ সৈতে থকা প্ৰেমৰ সম্পৰ্কৰ কথা স্বীকাৰ কৰিছিল। কিন্তু তেওঁ অনা অভিযোগ সমূহ অভিযোগ বুলি কয়। ইয়াৰ বাবে তেওঁ এই বিষয়টোক লৈ ন্যায়ালয়ৰ কাষ চাপিছো বুলিও কয় শংকৰজ্যোতি বৰুৱাই।

শংকৰজ্যোতি বৰুৱাই স্পষ্টীকৰণ দি কৈছিল, শেহতীয়াকৈ ৬ তাৰিখৰ পৰা এগৰাকী যুৱতীয়ে মোৰ বিৰুদ্ধে অভিযোগ আনিছে, ইয়াৰ বাবে মোৰ ব্যক্তিগত আৰু সামাজিক জীৱনত যথেষ্ঠ ক্ষতি হৈছে। মোৰ লগতে মোৰ মা মানসিভাৱে ভাগৰি পৰিছে। যিগৰাকী যুৱতী জি এম চি এইচত ভৰ্তি হৈ আছে সেইগৰাকী যুৱতীৰ স্বাস্থ্যক লৈও মই চিন্তিত। মোৰ বিৰুদ্ধে অনা অভিযোগ মই মানি লৈছো। মই ভাবো, প্ৰেম কোনো অপৰাধ নহয়। বিশ্ববিদ্যালয়ৰ এখন সভালৈ যাওঁতে তেওঁৰ লগত চিনাকী হৈছিলো আৰু পাছত আমাৰ মাজত প্ৰেমৰ সম্পৰ্ক গঢ় লৈ উঠিছিল। যোৱা ১ বছৰৰ পৰা আমাৰ মাজত সংঘাত আৰম্ভ হৈছিল আৰু পৰৱৰ্তী সময়ত এই সংঘাত বাঢ়ি গৈছিল। যুৱতীগৰাকীয়ে কোৱা দৰে প্ৰায় ৬ মাহ ধৰি যুৱতীগৰাকীৰ তেওঁৰ লগত মোৰ কোনো সম্পৰ্ক নাই। তেওঁ কোৱো সকলো কথায়েই সত্য। তেওঁ মোৰ মাৰ লগতো কথা পাতিছে। যিখন ফটো সামাজিক মাধ্যমত ভাইৰেল হৈ আছে সেই ফটোখন উঠাৰ দিনা যুৱতীগৰাকীৰ সৈতে মোৰ চিনাকী নাছিল। কিন্তু ৬ মাহ পাছত কিয় অভিযোগ আনিছে তাক লৈ চিন্তিত মই। তেওঁ কয় যে, মই এই বিষয়টোত ন্যায়ালয়ৰ কাষ চাপিছো। (sankarjyoti baruah)

তাৰপিছতে চলিত মাহৰ ১০ তাৰিখে শংকৰ জ্যোতি বৰুৱাক আছুৰ পৰা অব্যাহতি লোৱাৰ পৰামৰ্শ দিছিল মুখ্য উপদেষ্টা ড০ সমুজ্জল ভট্টাচাৰ্যই। তাৰপিছতে বিতৰ্কৰ সৃষ্টি হৈছিল সামাজিক মাধ্যমত। আনকি উজনি-নামনিক লৈও বিৰ্তকৰ সৃষ্টি হৈছিল। এনে বিৰ্তকৰ মাজতে আজি সদৌ অসম ছাত্ৰ সন্থাৰ পবিত্ৰ মজিয়াৰ পৰা সাধাৰণ সম্পাদক পদৰ পৰা অব্যাহতি গ্ৰহণ কৰে শংকৰ জ্যোতি বৰুৱাই। তেওঁ সামাজিক মাধ্যমৰ জৰিয়তে এই কথা ঘোষণা কৰে। ক্ষন্তেক পিছতে কেন্দ্ৰীয় সমিতিলৈ অব্যাহতি পত্ৰ প্ৰেৰণ কৰিব বুলিও উল্লেখ কৰে শংকৰ জ্যোতি বৰুৱাই৷(Sankor Jyoti Baruah Resigns Aasu)

Yonex-Sunrise North East Zone Inter-State Badminton:য়’নেক্স-ছানৰাইজ উত্তৰ-পূৱ মণ্ডল আন্তঃৰাজ্যিক বেডমিণ্টনৰ সামৰণি

By
দৈনন্দিন বাৰ্তা
-
0
য়’নেক্স-ছানৰাইজ উত্তৰ-পূৱ মণ্ডল আন্তঃৰাজ্যিক বেডমিণ্টন
য়’নেক্স-ছানৰাইজ উত্তৰ-পূৱ মণ্ডল আন্তঃৰাজ্যিক বেডমিণ্টন

গুৱাহাটী, ১১ ছেপ্টেম্বৰঃ বেডমিণ্টন এছ’চিয়েচন অব ইণ্ডিয়া [বাই]ৰ সহযোগিতাত অসম বেডমিণ্টন সন্থাই আয়োজন কৰা য়’নেক্স-ছানৰাইজ উত্তৰ-পূৱ মণ্ডল আন্তঃৰাজ্যিক বেডমিণ্টন প্ৰতিযোগিতাৰ সফল সামৰণি পৰিছে৷ গুৱাহাটীৰ ৰাধা গোবিন্দ বৰুৱা ক্ৰীড়া প্ৰকল্পৰ কনকলতা ইনড’ৰ ষ্টেডিয়ামত অনুষ্ঠিত ৰাষ্ট্ৰীয় প্ৰতিযোগিতাখনত অসমে নটা সোণসহ মুঠ ১৬ টা পদক জয় কৰি শ্ৰেষ্ঠত্ব অৰ্জন কৰিবলৈ সক্ষম হয়৷ আয়োজক ৰাজ্যখনে চাৰিটা ৰূপ তথা তিনিটা ব্ৰঞ্জৰ পদক জয় কৰে৷(Assam win medals in Yonex-Sunrise North East Zone Inter-State Badminton)

অসমৰ এই সফলতাত সৰ্বাধিক অৰিহনা আগবঢ়ায় ৰাজ্যৰ নৱাগতা শ্বাটলাৰ শান্তিপ্ৰিয়া হাজৰিকাই৷(Shuttler Shantipriya Hazarika) মুঠ চাৰিটা সোণ লাভ কৰি উজ্বলি উঠে শান্তিপ্ৰিয়া৷ উল্লেখ্য যে মহিলাৰ দলীয় শাখাৰ নিৰ্ণায়ক তৃতীয়খন একক শাখাৰ মেচত জয়লাভ কৰি অসমক প্ৰথমটো সোণ দিয়া শান্তিপ্ৰিয়াই জুনিয়ৰ ছোৱালীৰ দলীয় শাখাৰ ফাইনেলতো একক আৰু ডাবলছ শাখাৰ মেচত জয়ৰে দ্বিতীয়টো সোণ অৰ্জন কৰিছিল৷

যোৱানিশা শান্তিপ্ৰিয়াই আৰু দুটা সোণ লাভ কৰে৷ ১৯ বছৰ অনূৰ্ধ জুনিয়ৰৰ ছোৱালীৰ একক শাখাৰ খিতাপ জয় কৰাৰ পাছত শান্তিপ্ৰিয়াই জুনিয়ৰ ছোৱালীৰ ডাবলছ শাখাৰো সোণ লাভ কৰে৷ ইফালে, পুৰুষ শ্বাটলাৰৰ দুৰ্বল প্ৰদৰ্শনৰ বিপৰীতে প্ৰতিযোগিতাত শান্তিপ্ৰিয়াৰ লগতে অসমৰ আন তিনিগৰাকী মহিলা শ্বাটলাৰ উজ্বলি উঠে৷ স্মৰ্তব্য যে তিনিটাকৈ সোণ লাভ কৰিবলৈ সক্ষম হয় তিনি অসম কন্যা ময়ূৰী বৰ্মন, মনালী বৰা আৰু ভাৱিষ্যা চাংমাই৷

ময়ূৰীয়ে মহিলাৰ একক, ডাবলছ আৰু দলীয় শাখাত সোণ লাভ কৰাৰ বিপৰীতে মনালীয়ে মহিলাৰ দলীয়, ডাবলছ আৰু মিক্সড ডাবলছত সোণ অৰ্জন কৰে৷ ইফালে, ভাৱিষ্যাই ১৯ বছৰ অনূৰ্ধ জুনিয়ৰৰ ছোৱালীৰ দলীয়, ডাবলছ আৰু মিক্সড ডাবলছৰ সোণ হস্তগত কৰে৷

লগতে পঢ়কঃ North-east Badminton:উত্তৰ-পূৱ বেডমিণ্টনঃ মিক্সড ডাবলছৰ দুয়োটা সোণ অসমৰ শ্বাটলাৰৰ দখলত
প্ৰতিযোগিতাত পুৰুষ আৰু জুনিয়ৰ ল’ৰাৰ একক তথা দলীয় শাখাত অসমে সোণ লাভ কৰাত ব্যৰ্থ হ’লেও সংগ্ৰাম চুতীয়াই পুৰুষৰ ডাবলছ আ

ৰু মিক্সড ডাবলছত দুটা সোণ জয় কৰে৷ একেদৰে নিবিৰ ৰঞ্জন চৌধুৰীয়ে পুৰুষৰ ডাবলছ আৰু শুভাংকৰ দত্তই জুনিয়ৰ মিক্সড ডাবলছত সোণ অৰ্জন কৰে৷

প্ৰতিযোগিতাৰ অন্তত বঁটা বিতৰণি অনুষ্ঠানত উপস্থিত থাকে ক্ৰীড়া মন্ত্ৰী নন্দিতা গাৰ্লোছা, ক্ৰীড়া সঞ্চালক প্ৰদীপ টিমুং, অসম বেডমিণ্টন সন্থাৰ সম্পাদক ওমৰ ৰছিদ, কোষাধ্যক্ষ গৌতম মহন্তসহ বিষয়বৱীয়াসকল৷

Mainao Brahma Detained by Assam Police for Multi-Crore Online Trading Scam: ট্ৰেডিং কেলেংকাৰিত অভিযুক্ত মাইনাও ব্ৰহ্মক মাৰাথান জেৰা আৰক্ষীৰ

By
দৈনন্দিন বাৰ্তা
-
0
মাইনাও ব্ৰহ্ম
মাইনাও ব্ৰহ্ম

আৰক্ষীৰ জালত ট্ৰেডিং কেলেংকাৰিত অভিযুক্ত মাইনাও ব্ৰহ্ম। বৰঝাৰ বিমান বন্দৰৰ পৰা আটক কৰে মাইনাও ব্ৰহ্মক। দীৰ্ঘদিন ধৰি দিল্লীত আত্মগোপন কৰি আছিল মাইনাও ব্ৰহ্ম।(Mainao Brahma Detained by Assam Police for Multi-Crore Online Trading Scam)

দিল্লীৰ পৰা নিশা এয়াৰ ইণ্ডিয়া এক্সপ্ৰেছ বিমান যোগে বৰঝাৰ বন্দৰত উপস্থিত হোৱাৰ পিছত বৰঝাৰ আৰক্ষীৰ চকীৰ ভাৰপ্ৰাপ্ত বিষয়া সঞ্জীৱ সন্দিকৈৰ সহযোগত বাক্সা আৰক্ষীয়ে আটক কৰে মাইনাও ব্ৰহ্মক। পৰৱৰ্তী সময়ত মহিলাগৰাকীক বৰ্তমান মহিলা আৰক্ষীৰ তত্বাৱধানত বৰঝাৰ বিমানবন্দৰত ৰাখে। ৰাতিপুৱা বিমানবন্দৰৰ পৰা বাক্সা আৰক্ষীয়ে বাক্সা আৰক্ষী থানলৈ লয় যায় মইনাও ব্ৰহ্মক।(Online trading scam)

লগতে পঢ়কঃ sumi borah Cries: পুনৰ কেমেৰাৰ সন্মুখত কান্দিলে চুমি বৰাই

পাণ দোকানী মাইনাও আছিল বিশাল সম্পত্তিৰ অধিকাৰী। ট্ৰেডিঙৰ জৰিয়তে কোটি কোটি টকা আত্মসাৎ কৰাৰ অভিযোগ উত্থাপন হৈছিল মাইনাও ব্ৰহ্মৰ বিৰুদ্ধে।
অবৈধ মানী ট্ৰেডিঙৰ নামত প্ৰৱঞ্চনাৰে কোটি কোটি টকা আত্মসাৎ কৰাৰ তালিকাত আছিল বাক্সাৰ মাইনাও ব্ৰহ্ম মহিলাগৰাকী নাম। কোটি কোটি টকা আত্মসাৎ কৰি সম্পত্তিৰ পাহাৰ গঢ়িছে মহিলাগৰাকীয়ে। পান দোকানীৰ পৰা কোটিপতি হৈছিল মাইনাও।

মুছলপুৰ পশ্চিম বাংনাবাৰীৰ সমীন স্বৰ্গীয়াৰীৰ পত্নী মাইনাও ব্ৰহ্মই বিগত আঠ বছৰত আঠ হাজাৰৰো অধিক লোকক জমা ধন চাৰিগুণ কৰাৰ প্ৰলোভন দি ধন সংগ্ৰহ কৰি আহিছিল ৷(police detained mainao brahma)

sumi borah Cries: পুনৰ কেমেৰাৰ সন্মুখত কান্দিলে চুমি বৰাই

By
দৈনন্দিন বাৰ্তা
-
0
মিডিয়া আৰু ডিব্ৰুগড়বাসীৰ ওপৰত ক্ষোভ উজাৰিলে চুমিয়ে
মিডিয়া আৰু ডিব্ৰুগড়বাসীৰ ওপৰত ক্ষোভ উজাৰিলে চুমিয়ে

অনলাইন ট্ৰেডিঙৰ কেলেংকাৰীত নাম সাঙোৰ খোৱাৰ পিছতে বিগত ১০ দিনে আত্মগোপন কৰি থকা চুমী বৰাক স্বামীসহ অৱশেষত আটক কৰিলে অসম আৰক্ষীৰ স্পিচিয়েল টাস্ক ফৰ্চে(STF) । বুধবাৰে সামাজিক মাধ্যমত কোনো এক অজ্ঞাত স্থানৰ পৰা ভিডিঅ’ বাৰ্তাৰে আত্মসমৰ্পণ কৰিব বুলি অৱগত কৰাৰ পাছতে অসম আৰক্ষীৰ লগতে সংবাদমাধ্যম অধিক তৎপৰ হৈ পৰা পৰিলক্ষিত হৈছিল।(Sumi Borah cries again in front of camera)

১০ দিনে আত্মগোপন কৰি থকাৰ পিছত আৰক্ষীৰ জালত পৰিল চুমি আৰু তাৰ্কিক।(sumi-tarkik arrested)ডিব্ৰুগড় জিলা পুথিভঁৰালৰ সন্মুখৰ পৰা STFএ নিজৰ জিম্মাত লয় চুমি আৰু তাৰ্কিকক। পুৱা ৬:৩০ বজাত STFএ নিজৰ জিম্মাত লয় । চুমি-তাৰ্কিকক গ্ৰেপ্তাৰৰ কথা ‘X’ যোগে জনালে আৰক্ষীৰ ডিজিপি জি পি সিঙে। জি পি সিঙে ক’লে তেওঁলোকৰ বাবে খেল শেষ। অভিনন্দন Team STF।(GP Singh)

বৰ্তমান ডিব্ৰুগড় থানাত চুমি আৰু তাৰ্কিক। STF-এ আটক কৰি চমজাই দিয়ে ডিব্ৰুগড় আৰক্ষীক। চমজি লৈ আৰক্ষীয়ে আৰম্ভ কৰিছে যাৱতীয় কাম-কাজ। (dibrugarh police)

আনহাতে আজি পুনৰ চুমি বৰাই কান্দি কান্দি কোমেৰাৰ সন্মুখত ক’লে, ‘‘কোনো নিউজ চেনেল, স্পেচিয়েলী ডিব্ৰুগড়ৰ, কোনেও মোৰ আজিলৈ বাইট লোৱা নাই। ইয়াত কোনো এখন বিহু হওক, কোনো এখন কিবা হওক, মোক কেতিয়াও কোনেও নামাতে। ভাল নিউজ মোৰ আজিলৈকে একো নবজালে। মই একদম কান্দিব বিচৰা নাছিলো দেই, এইটো একদম লাষ্ট ষ্টেজত মই… অলপ… অলপ ওলাই গৈছে। মই বহু ফাষ্ট্ৰেটেড হৈ আছো।’’
এইদৰে চুমিয়ে কান্দি কান্দি মিডিয়া আৰু ডিব্ৰুগড়বাসীৰ ওপৰত ক্ষোভ উজাৰিলে।(sumi borah)



অনলাইন ট্ৰেডিঙৰ নামত জনসাধাৰণৰ পৰা কোটি কোটি টকা প্ৰৱঞ্চনাৰে আত্মসাৎ কৰাৰ অভিযোগত ২২ বছৰীয়া বিশাল ফুকনক ডিব্ৰুগড় আৰক্ষীয়ে গ্ৰেপ্তাৰ কৰি চলোৱা জেৰাৰ অন্তত আদালতে তেওঁক ন্যায়িক জিম্মত ডিব্ৰুগড়ৰ কেন্দ্ৰীয় কাৰাগাৰলৈ প্ৰেৰণ কৰে । কিন্তু বিশালৰ অনলাইন ট্ৰেডিঙৰ মূল সহযোগী হিচাপে বিবেচিত হোৱা অভিনেত্ৰী চুমী বৰা আৰু চুমীৰ ফটোগ্ৰাফাৰ স্বামীক বিচাৰি চলাথ কৰিছিল কৰিছিল ডিব্ৰুগড় আৰক্ষীয়ে । চুমী আৰু তাৰ্কিকক বিচাৰি আৰক্ষীয়ে ৰাজ্যৰ বিভিন্ন প্ৰান্তৰ লগতে অসমৰ চুবুৰীয়া ৰাজ্যকেইখনতো অভিযান চলাইছিল । অৱশেষত ১০ দিনে আত্মগোপন কৰি থকা চুমী বৰাক স্বামীসহ অৱশেষত আটক কৰিলে অসম আৰক্ষীৰ স্পিচিয়েল টাস্ক ফৰ্চে(STF) ।

লগতে পঢ়কঃ sumi-tarkik arrested:তেওঁলোকৰ বাবে খেল শেষ। অভিনন্দন Team STF: জি পি সিং

1...535536537...3,481Page 536 of 3,481

© 2024, All Rights Reserved. Powered By Aviyantrik

Privacy Policy    Contact Us