গুৱাহাটী, ২ অক্টোবৰঃ (Deeplina Deka) কন্ঠশিল্পী দীপলিনা ডেকাৰ বিশেষ আলোকচিত্ৰ মহালয়াত । মহালয়াৰ ক্ষণত দীপলিনাই পোষ্ট কৰিছে কেইখনমান বিশেষ আলোকচিত্ৰ। ইতিমধ্যে ছ’চিয়েল মিডিয়াত খলকনি তুলিছে আলোকচিত্ৰকেইখনে।মহালয়াৰ পবিত্ৰ দিনটোত ৰাজ্যবাসীক শুভেচ্ছা জনাইছে জনপ্ৰিয় কণ্ঠশিল্পী দীপলিনা ডেকাই। ছ’চিয়েল মিডিয়া পোষ্টযোগে তেওঁ লিখিছে এনেদৰে- ‘এই মহালয়াত দেৱী দুর্গাৰ আগমনে পূৰ্ণ কৰক সকলোৰে জীৱন, আনন্দ সুখ আৰু শান্তিৰে।’
গুৱাহাটী, ২ অক্টোবৰঃ অসম মল্লযুঁজ সন্থাৰ এখন কাৰ্যনিৰ্বাসক সভা আজি গুৱাহাটীৰ ৰাধা গোবিন্দ বৰুৱা ক্ৰীড়া প্ৰকল্পৰ সন্থাৰ কাৰ্যালয়ত অনুষ্ঠিত হয়৷ সন্থাৰ সভাপতি ৰাতুল শৰ্মাৰ অধ্যক্ষতাত অনুষ্ঠিত হোৱা উক্ত সভাত অসমৰ খেলুৱৈৰ উন্নত প্ৰশিক্ষণ তথা মল্লযুঁজৰ নতুন প্ৰতিভা বিকাশৰ লক্ষ্যৰে কেবাটাও সিদ্ধান্ত লোৱা হয়৷(wrestling competition)
আজিৰে সভাতে অহা ১৮-২০ অক্টোবৰলৈ গুৱাহাটীত আন্তঃজিলা মল্লযুঁজ প্ৰতিযোগিতাখন আয়োজন কৰাৰ সিদ্ধান্ত লোৱা হয়৷ সন্থাৰ সম্পাদক গৌৰাংগ ৰয়ে জনোৱা অনুসৰি তিনিদিনীয়া ৰাজ্যিক প্ৰতিযোগিতাখন ৰাধা গোবিন্দ বৰুৱা ক্ৰীড়া প্ৰকল্পৰ দেশভক্ত তৰুন ৰাম ফুকন ইনড’ৰ ষ্টেডিয়ামত অনুষ্ঠিত হ’ব৷ (Inter-district wrestling competition in Guwahati)
ইফালে, আজিৰ সভাত অসম অলিম্পিক সন্থাৰ নৱ নিৰ্বাচিত সম্পাদক লক্ষ্য কোঁৱৰক অসম মল্লযুঁজ সন্থাই অভিনন্দন জনাই সম্বৰ্ধনা জ্ঞাপন কৰে৷ তদুপৰি কোঁৱৰক সন্থাৰ মুখ্য উপদেষ্টা হিচাপেও মনোনীত কৰা হয়৷ আনহাতে, আজিৰ সভাতে অসম অলিম্পিক সন্থাৰ নতুন কমিটিত যুটীয়া সম্পাদকৰূপে নিৰ্বাচিত হোৱা অসম মল্লযুঁজ সন্থাৰ সভাপতি ৰাতুল শৰ্মা, উপদেষ্টা উজ্বল বৰুৱা আৰু সদস্যৰূপে নিৰ্বাচিত হোৱা সন্থাৰ উপসভাপতি গীতাৰ্থ দাসকো সম্বৰ্ধনা জনোৱা হয় বুলি সন্থাৰ সম্পাদক ৰয়ে অবগত কৰিছে৷
কোকৰাঝাৰ, ২ অক্টোবৰ: আজি বিটিচি চৰকাৰৰ উদ্যোগত কোকৰাঝাৰস্থিত বিটিচি সচিবালয়ৰ সন্মুখত গান্ধী জয়ন্তী উদযাপন কৰা হয়। উক্ত অনুষ্ঠানত উপস্থিত থাকি বিটিআৰৰ প্ৰধান প্ৰমোদ বড়োৱে কয় যে – “মহাত্মা গান্ধীৰ সম্প্ৰীতি, শান্তি আৰু সহনশীলতাৰ বাৰ্তাই হিংসাৰ ইতিহাসৰ পৰা ভাতৃত্ববোধ আৰু উন্নয়নৰ দ্বাৰা পৰিচিত হোৱা বৰ্তমান বডোলেণ্ডৰ বাবে আশা আৰু প্ৰজ্ঞাৰ ৰেখা হিচাপে থিয় দিছে। দশক দশক পূৰ্বে অঞ্চলটোক কঁপাই তোলা হিংসাত্মক পৰিস্থিতি আৰু অশান্তিৰ মাজতো বডোলেণ্ডৰ জনসাধাৰণে এতিয়া শান্তি আৰু ঐক্যৰে জীৱন নিৰ্বাহ কৰি স্থায়ী বিকাশ গঢ়ি তুলিছে বুলি কয়।(Gandhi Jayanti)
অনুষ্ঠানত অসমৰ হস্ততাঁত আৰু বস্ত্ৰশিল্প মন্ত্ৰী তথা কোকৰাঝাৰৰ অভিভাৱক মন্ত্ৰী উৰ্খাও গৗৰা ব্ৰহ্মৰ লগতে বিটিচিৰ প্ৰধান প্ৰমোদ বড়ো আৰু অন্যান্য গণ্যমান্য ব্যক্তিয়ে মহাত্মা গান্ধীৰ প্ৰতিমূৰ্তিলৈ ফুলৰে শ্ৰদ্ধাঞ্জলি জ্ঞাপন কৰি জাতিটোক আগবঢ়োৱা তেওঁৰ গভীৰ অৱদানৰ কথা স্মৰণ কৰে।
মন্ত্ৰী উৰ্খাও গৗৰা ব্ৰহ্মই তেওঁৰ ভাষণত কয় যে গান্ধীৰ আদৰ্শই সমাজত পেলোৱা স্থায়ী প্ৰভাৱৰ ওপৰত আলোকপাত কৰি অহিংসা, মানৱতাবাদ, আৰু সামাজিক পৰিৱৰ্তন গঢ় দিয়াৰ লগতে অসম চৰকাৰৰ “স্বচ্ছতা হি সেৱা” পদক্ষেপৰ গুৰুত্ব আৰোপ কৰি বডোলেণ্ডবাসীক শান্তি আৰু উন্নয়নৰ বাবে সামূহিক প্ৰতিজ্ঞা গ্ৰহণ কৰিবলৈ আহ্বান জনায়।
বিটিচিৰ প্ৰধান সচিব আকাশ দীপে উদ্বোধনী ভাষণ দি কয় যে উন্নয়নৰ বাবে শান্তি অপৰিহাৰ্য আৰু বিটিআৰ চৰকাৰে প্ৰৱৰ্তন কৰা পদক্ষেপসমূহ অঞ্চলটোৰ সৰ্বাংগীন উন্নয়নৰ পথ প্ৰশস্ত কৰা বুলি দাবী কৰে।
গান্ধী জয়ন্তী উদযাপনৰ লগতে ড° বাচী ৰাম বড়ো ডক্টৰেল ফেলোশ্বিপ কাৰ্যসূচীৰ শুভাৰম্ভ কৰা হয়। এই ফেলোশ্বিপৰ জৰিয়তে বড়ো সম্প্ৰদায়ৰ প্ৰথম পিএইচডি ধাৰী ড° বাচী ৰাম বড়োৰ উত্তৰাধিকাৰীক সন্মানিত জনোৱা হয়, যিয়ে শিক্ষাৰ ক্ষেত্ৰত গুৰুত্বপূৰ্ণ অৱদান আগবঢ়াইছিল। ফেলোশ্বিপটোৱে প্ৰতিষ্ঠিত ভাৰতীয় বিশ্ববিদ্যালয়সমূহত ডক্টৰেট অধ্যয়ন কৰি থকা বিটিআৰৰ ৫০ জন মেধাৱী শিক্ষাৰ্থীক বিত্তীয় সাহায্য আগবঢ়াব। প্ৰতিজন শিক্ষাৰ্থীক প্ৰতি ছয় মাহত ৯০,০০০ টকাকৈ বছৰত মুঠ ১,৮০,০০০ টকা কৰি দুবছৰ বাবে দিয়া হ’ব।
ইয়াৰ উপৰিও অনুষ্ঠানত মিছন বৈসুমথীৰ অধীনত ভূমি সম্পৰ্কীয় অভিযোগসমূহ দ্ৰুতগতিত সমাধান নিশ্চিত কৰিবলৈ ‘অভিযোগৰ বাকচ’ বিতৰণ কৰা হয়।শাসন ব্যৱস্থাত স্বচ্ছতা আৰু দক্ষতা বৃদ্ধি কৰিবলৈ চক্ৰ বিষয়াসকলক এই বাকচসমূহৰ দায়িত্ব অৰ্পণ কৰা হয়। উল্লেখযোগ্য যে বিটিচি হৈছে ভূমি ডিজিটেলাইজ কৰা ভাৰতৰ প্ৰথমখন ষষ্ঠ অনুসূচী।
এই পৱিত্ৰক্ষণত বিটিচি সচিবালয়ত গ্ৰীণ বডোলেণ্ড মিছনৰ অধীনত প্ৰতিজ্ঞা গ্ৰহণ অনুষ্ঠানৰো আয়োজন কৰা হয়। পৰিৱেশৰ প্ৰতি থকা বিটিচিৰ দায়বদ্ধতাক প্ৰতিফলিত কৰা এই অনুষ্ঠানত ছাত্ৰ-ছাত্ৰী, নাগৰিক, আৰু বিষয়াসকলে অংশগ্ৰহণ কৰে।
অনুষ্ঠানটোত বিধায়ক লৰেন্স ইছলাৰী, বিটিচিৰ কাৰ্যবাহী সদস্যক্ৰমে গৌতম দাস, দাওবৈছা বড়ো, ৰঞ্জিত বসুমতাৰী আৰু ধনঞ্জয় বসুমতাৰী, পাৰিষদ মাধব চন্দ্ৰ চেত্ৰী, বডোলেণ্ড বিশ্ববিদ্যালয়ৰ উপাচাৰ্য অধ্যাপক বি এল আহুজা, কোকৰাঝাৰ পৌৰসভাৰ অধ্যক্ষা প্ৰতিভা ব্ৰহ্ম, সম্পাদক, অ’এছডি কে ধৰি কেইবাগৰাকীও বিশিষ্ট ব্যক্তি আৰু অন্যান্য জ্যেষ্ঠ বিষয়া উপস্থিত থাকে।
দৈনন্দিন বাৰ্তা, ১ অক্টোবৰঃ গৃহ মন্ত্ৰালয়ে ৰাজ্যিক দুৰ্যোগ সঁহাৰি পুঁজিৰ (এছডিআৰএফ) কেন্দ্ৰীয় অংশ হিচাপে আৰু ৰাষ্ট্ৰীয় দুৰ্যোগ সঁহাৰি পুঁজিৰ (এনডিআৰএফ) পৰা অগ্ৰিম হিচাপে ১৪ খন বানপীড়িত ৰাজ্যলৈ ৫৮৫৮.৬০ কোটি টকা মুকলি কৰি দিছে ইয়াৰ ভিতৰত আছে মহাৰাষ্ট্ৰলৈ ১৪৯২ কোটি টকা, অন্ধ্ৰ প্ৰদেশলৈ ১০৩৬ কোটি টকা, অসমলৈ ৭১৬ কোটি টকা, বিহাৰলৈ ৬৫৫.৬০ কোটি টকা, গুজৰাটলৈ ৬০০ কোটি টকা, হিমাচল প্ৰদেশলৈ ১৮৯.২০ কোটি টকা, কেৰালালৈ ১৪৫.৬০ কোটি টকা, মণিপুৰলৈ ৫০ কোটি টকা, মিজোৰামলৈ ২১.৬০ কোটি টকা, নাগালেণ্ডলৈ ১৯.২০ কোটি টকা, ছিকিমলৈ ২৩.৬০ কোটি টকা, তেলেংগানালৈ ৪১৬.৮০ কোটি টকা, ত্ৰিপুৰালৈ ২৫ কোটি টকা আৰু পশ্চিম বংগলৈ ৪৬৮ কোটি টকা আগবঢ়াইছে। এই বছৰ দক্ষিণ-পশ্চিম মৌচুমী বায়ুৰ প্ৰভাৱত এই ৰাজ্য কেই খনত ধাৰাসাৰ বৰষুণ, বান আৰু ভূমিস্খলনৰ ফলত এই ৰাজ্যসমূহ ক্ষতিগ্ৰস্ত হৈছে।(Floods)
প্ৰধানমন্ত্ৰী নৰেন্দ্ৰ মোদীৰ নেতৃত্বত আৰু কেন্দ্ৰীয় গৃহমন্ত্ৰী তথা সহযোগিতা মন্ত্ৰী অমিত শ্বাহৰ নিৰ্দেশনাত মোদী চৰকাৰে জনসাধাৰণে সন্মুখীন হোৱা কষ্ট হ্ৰাস কৰাৰ ক্ষেত্ৰত প্ৰাকৃতিক দুৰ্যোগৰ দ্বাৰা ক্ষতিগ্ৰস্ত ৰাজ্যসমূহৰ সৈতে কান্ধত কান্ধ মিলাই থিয় দিছে।(narendra modi)
ক্ষতিৰ পৰিমাণ মূল্যায়নৰ বাবে অসম, মিজোৰাম, কেৰালা, ত্ৰিপুৰা, নাগালেণ্ড, গুজৰাট, অন্ধ্ৰ প্ৰদেশ, তেলেংগানা আৰু মণিপুৰৰ দৰে বানপীড়িত ৰাজ্যসমূহত আন্তঃমন্ত্ৰালয়ৰ কেন্দ্ৰীয় দল (আইএমচিটি) প্ৰেৰণ কৰা হৈছিল।
লগতে, শেহতীয়াকৈ বানপানীৰ ফলত ক্ষতিগ্ৰস্ত হোৱা বিহাৰ আৰু পশ্চিম বংগৰক্ষয়ক্ষতিৰ পৰমাণ মূল্যাঙ্কন কৰাৰ বাবে অতি শীঘ্ৰেই সেই ৰাজ্য দুখনলৈ আইএমচিটি প্ৰেৰণ কৰা হ’ব। আই.এম.চি.টি.-ৰ মূল্যাঙ্কন প্ৰতিবেদন লাভ কৰাৰ পিছত প্ৰচলিত প্ৰক্ৰিয়া অনুসৰি, দুৰ্যোগ প্ৰভাৱান্বিত ৰাজ্যবোৰলৈ এন.ডি.আৰ.এফ.-ৰ পৰা অতিৰিক্ত বিত্তীয় সাহায্য অনুমোদন কৰা হ’ব।(Centre releases Rs 716 Cr flood relief funds to Assam)
প্ৰধানমন্ত্ৰী শ্ৰী নৰেন্দ্ৰ মোদীৰ নেতৃত্বত আৰু কেন্দ্ৰীয় গৃহমন্ত্ৰী শ্ৰী অমিত শ্বাহৰ নিৰ্দেশনাত এই বছৰত ইতিমধ্যে ২১ খন ৰাজ্যলৈ ১৪,৯৫৮ কোটিতকৈও অধিক ধন মুকলি কৰি দিয়া হৈছে। ইয়াৰ ভিতৰত আছে এছডিআৰএফৰ পৰা ২১ খন ৰাজ্যলৈ ৯০৪৪.৮০ কোটি টকা, এনডিআৰএফৰ পৰা ১৫ খন ৰাজ্যলৈ ৪৫২৮.৬৬ কোটি টকা আৰু ৰাজ্যিক দুৰ্যোগ প্ৰশমন পুঁজিৰ (এছডিএমএফ) পৰা ১১ খন ৰাজ্যলৈ ১৩৮৫.৪৫ কোটি টকা।
বিত্তীয় সাহায্যৰ উপৰি, কেন্দ্ৰীয় চৰকাৰে বানাক্ৰান্ত ৰাজ্যসমূহলৈ সকলো লজিষ্টিক সহায় আগবঢ়াইছে, যাৰ ভিতৰত আছে প্ৰয়োজনীয় এনডিআৰএফ দল, সেনা বাহিনীৰ দল আৰু বায়ু সেনাৰ দল প্ৰেৰণ কৰা আদি।
দৈনন্দিন বাৰ্তাৰ, ২ অক্টোবৰঃ ভাৰতে বিচাৰি থকা সন্ত্ৰাসবাদীক পাকিস্তানে ৰাজ আতিথ্য দিয়াৰ কথা এটা ভিডিঅ’ত পোহৰলৈ অহাৰ পিছতে ভাৰতত ব্যাপক প্ৰতিক্ৰিয়া হৈছে। পাকিস্তান সন্ত্ৰাসবাদীক আশ্ৰয় দিয়াৰ বাবে পৰিচিত আৰু এতিয়া দেশ খনে ৰাজ আতিথ্য প্ৰদান কৰিছে উগ্ৰ ইছলামিক প্ৰচাৰক জাকিৰ নাইকক। যিজন নাইকক ভাৰতত ধন সৰবৰাহৰ অভিযোগত বিচাৰি থকা হৈছে। (Zakir Naik) আমোদজনক কথাটো হ’ল নাইকক একাধিক এস্কৰ্ট বাহনৰ লগতে উচ্চ পৰ্যায়ৰ নিৰাপত্তা প্ৰদান কৰিছে পাকিস্থানৰ চৰকাৰে। পাকিস্তানত তেওঁৰ আগমনৰ ভিডিঅ’ ভাইৰেল হৈ পৰিছে ছ’চিয়েল মিডিয়াত।
ধন সৰবৰাহৰ অভিযোগত ভাৰতে বিচাৰি থকা বিতৰ্কিত ইছলামিক প্ৰচাৰক জাকিৰ নাইকে সোমবাৰে পুৱা পাকিস্তান চৰকাৰৰ আমন্ত্ৰণত কঠোৰ নিৰাপত্তাৰ মাজেৰে ইছলামাবাদ, কৰাচী আৰু লাহোৰত ধাৰাবাহিকভাৱে বক্তৃতাৰ দিবলৈ উপস্থিত হয়। নাইকৰ সৈতে আছে তেওঁৰ পুত্ৰ ফৰীক নাইক।(pakistan)
ইছলামবাদ বিমানবন্দৰত উপস্থিত হোৱাৰ লগে লগে জাকিৰ নাইকক পাকিস্তান চৰকাৰৰ জ্যেষ্ঠ নেতাসকলে আদৰণি জনায়, য’ত পাকিস্তানৰ প্ৰধানমন্ত্ৰীৰ যুৱ কাৰ্যসূচীৰ অধ্যক্ষ ৰানা মাছহুদ, ধৰ্ম পৰিক্ৰমা মন্ত্ৰালয়ৰ অতিৰিক্ত সচিব চৈয়দ আত্তা-উৰ-ৰেহমানকে ধৰি জ্যেষ্ঠ নেতাসকলক দেখা গৈছে। নাইকে তেওঁৰ এমাহজোৰা এই ভ্ৰমণত চৰকাৰী উচ্চ পদস্থ বিষয়াৰ সৈতে বৈঠক আৰু দেশৰ বিভিন্ন ৰাজহুৱা অনুষ্ঠানত অংশগ্ৰহণ কৰিব বুলি পাক সংবাদ মাধ্যমত প্ৰকাশ পাইছে।
এক্সৰ পোষ্টত জাকিৰ নাইকৰ দলে ঘোষণা কৰিছে,” পাকিস্তান চৰকাৰৰ আমন্ত্ৰণত ড° জাকিৰ নাইক আৰু শ্বেইখ ফৰীক নাইকে পাকিস্তান ভ্ৰমণ কৰিছে: কৰাচীত – ৫ আৰু ৬ অক্টোবৰ লাহোৰত – ১২ আৰু ১৩ অক্টোবৰ ইছলামবাদ – ১৯ আৰু ২০ অক্টোবৰত তেওঁলোকে ভাষণ দিব।” (Zakir Naik Arrives in Pakistan)
প্ৰৰোচনামূলক ভাষণৰ বাবে পৰিচিত জাকিৰ নাইক ২০১৬ চনৰ ধন সৰবৰাহৰ গোচৰৰ সৈতে জড়িত। ভাৰতৰ ৰাষ্ট্ৰীয় অনুসন্ধান সংস্থাই তেওঁক সেয়ে বিচাৰি আছে। ঘৃণামূলক ভাষণৰ জৰিয়তে হিংসাৰ উচটনি দিয়াৰ অভিযোগো তেওঁৰ বিৰুদ্ধে আছে । নাইকে পিচটিভি নামৰ এটা চেনেল চলায়, যিটো চেনেল বিতৰ্কিত বিষয়বস্তুৰ বাবে ভাৰত, বাংলাদেশ, আৰু শ্ৰীলংকাত নিষিদ্ধ কৰা হৈছে। ইয়াৰ উপৰি অনুৰূপ কাৰণত তেওঁক কানাডা আৰু যুক্তৰাজ্যত প্ৰৱেশৰ পৰা বঞ্চিত কৰা হৈছে।
নতুন দিল্লী, ২ অক্টোবৰ: জাতিৰ পিতা মহাত্মা গান্ধীৰ ১৫৫ সংখ্যক জন্মদিন উপলক্ষে আজি সমগ্ৰ ৰাষ্ট্ৰই উদযাপন কৰিছে জন্মজয়ন্তী(155th birth anniversary of Mahatma Gandhi)।
বাপুৰ জন্মজয়ন্তী উপলক্ষ্যে দেশৰ ৰাষ্ট্ৰপতি দ্রৌপদী মুৰ্মু(President Droupadi Murmu), উপ-ৰাষ্ট্ৰপতি জগদীপ ধনখড়, প্ৰধানমন্ত্ৰী নৰেন্দ্ৰ মোডী আৰু ৰাহুল গান্ধীকে ধৰি গণ্যমান্য ব্যক্তিসকলে ৰাজঘাটলৈ গৈ তেওঁক শ্ৰদ্ধাঞ্জলি জ্ঞাপন কৰে(Tribute to Mahatma Gandhi)।
এই সন্দৰ্ভত প্ৰধানমন্ত্ৰী নৰেন্দ্ৰ মোডীয়ে(Prime Minister Narendra Modi) মহাত্মা গান্ধীক শ্ৰদ্ধাঞ্জলি জ্ঞাপন কৰি ছ’চিয়েল মিডিয়া ‘X’ৰ এটা পোষ্ট শ্বেয়াৰ কৰে । পোষ্টটোত তেওঁ সত্য, সমন্বয় আৰু সমতাৰ ওপৰত ভিত্তি কৰি বাপুৰ জীৱন আৰু আদৰ্শৰ স্থায়ী প্ৰভাৱৰ ওপৰত গুৰুত্ব আৰোপ কৰে। তেওঁৰ এইসমূহ আদৰ্শই দেশবাসীক সদায়েই অনুপ্ৰাণিত কৰি থাকিব বুলিও প্ৰধানমন্ত্ৰীগৰাকীয়ে উল্লেখ কৰে ।
ইয়াৰ সমান্তৰালকৈ প্ৰধানমন্ত্ৰী মোডীয়ে দেশৰ প্ৰাক্তন প্ৰধানমন্ত্ৰী লাল বাহাদুৰ শাস্ত্ৰীৰ জন্মজয়ন্তী উপলক্ষ্যে তেখেতকো শ্ৰদ্ধাঞ্জলি জনাই ছ’চিয়েল মিডিয়া ‘X’ত এটা পোষ্ট শ্বেয়াৰ কৰে । পোষ্টটোত তেওঁ লিখিছে, “দেশৰ জোৱান, কৃষক আৰু স্বাভিমানৰ বাবে নিজৰ জীৱন সমৰ্পণ কৰা পূৰ্বৰ প্ৰধানমন্ত্ৰী লাল বাহাদুৰ শাস্ত্ৰীক তেওঁৰ জন্ম বাৰ্ষিকী উপলক্ষ্যে জনাইছো শ্ৰদ্ধাঞ্জলি” ।
ভাৰতৰ স্বাধীনতা সংগ্ৰামত মহাত্মা গান্ধীৰ অৱদান অবিস্মৰণীয় । তেওঁ বৃটিছ চৰকাৰৰ শাসনৰ বিৰুদ্ধে দেশত স্বাধীনতাৰ সংগ্ৰাম আৰম্ভ কৰিছিল আৰু শেষ নিশ্বাস পৰ্যন্ত বৃটিছৰ সৈতে যুঁজ দিছিল। তেওঁৰ এই অৱদানক সমগ্ৰ দেশে সদায়ে সোঁৱৰে । ১৮৬৯ চনৰ ২ অক্টোবৰত গুজৰাটৰ পোৰবন্দৰ চহৰত জন্ম গ্ৰহণ কৰা মহাত্মা গান্ধী বা মোহনদাস কৰমচাঁদ গান্ধীয়ে অহিংস প্ৰতিবাদ ৰূপায়ন কৰি গৈছিল আৰু অত্যন্ত ধৈৰ্যৰে ঔপনিবেশিক বৃটিছ শাসনৰ বিৰুদ্ধে স্বাধীনতা সংগ্ৰামৰ যুঁজখনত সকলোতকৈ আগত থাকি এই যুঁজ চলাই গৈছিল (Father of the Nation)। ইয়াৰ ফলস্বৰূপে ভাৰতে ১৯৪৭ চনত স্বাধীনতা লাভ কৰিছিল।
একে সময়ত্ ১৯০৪ চনত উত্তৰ প্ৰদেশত জন্ম গ্ৰহণ কৰা লাল বাহাদুৰ শাস্ত্রী হৈছে ভাৰতৰ দ্বিতীয়গৰাকী প্ৰধানমন্ত্ৰী । তেওঁ ১৯৬৪ চনৰ পৰা ১৯৬৬ চনলৈকে প্ৰধানমন্ত্ৰীৰ পদত অধিস্থিত আছিল। পাকিস্তানৰ সৈতে তাছকেণ্ড চুক্তিত স্বাক্ষৰ কৰাৰ কিছু সময়ৰ পাছতেই ১৯৬৬ চনৰ ১১ জানুৱাৰীত ৬১ বছৰৰ বয়সত তাছকেণ্ডত তেওঁৰ মৃত্যু ঘটে। প্ৰাক্তন প্ৰধানমন্ত্ৰী শাস্ত্ৰী এগৰাকী মহান দূৰদৰ্শী নেতা আছিল, যিয়ে জনতাৰ ভাষা বুজি পোৱাৰ লগতে দেশক প্ৰগতিৰ দিশে আগবঢ়াই নিছিল। মহাত্মা গান্ধীৰ ৰাজনৈতিক শিক্ষাৰ দ্বাৰা গভীৰভাৱে প্ৰভাৱিত আছিল লাল বাহাদুৰ শাস্ত্রী।
দৈনন্দিন বাৰ্তা, ২ অক্টোবৰঃ মুখ্যমন্ত্রী হিমন্ত বিশ্ব শৰ্মাৰ সভাপতিত্বত মঙলবাৰে দিছপুৰৰ লোক সেৱা ভৱনত অনুষ্ঠিত হয় ৰাজ্য চৰকাৰৰ সাপ্তাহিক কেবিনেট বৈঠক। কেবিনেট বৈঠকত কেইবাটাও গুৰুত্বপূৰ্ণ সিদ্ধান্ত গ্ৰহণ কৰা হয়। বৈঠকৰ অন্তত কেবিনেটৰ সিদ্ধান্তসমূহ সংবাদমেল যোগে সদৰি কৰে মন্ত্রী জয়ন্তমল্ল বৰুৱাই। কেবিনেটৰ সিদ্ধান্তসমূহ হৈছে উচ্চতৰ মাধ্যমিম চূড়ান্ত পৰীক্ষা উত্তীৰ্ণ ৰাজ্যৰ মুঠ ৪৮৬৭৩ গৰাকী ছাত্র আৰু ছাত্রীক এইবাৰ বাণীকান্ত কাকতি বঁটাৰ স্কুটি প্ৰদান কৰা হ’ব।(Assam Cabinet meeting)
৬০ শতাংশ তথা ততোধিক নম্বৰ লাভ কৰা ৪০৭৩৫ গৰাকী ছাত্রীক আৰু ৭৫ শতাংশ তথা ততোধিক নম্বৰ লাভ কৰা ৭৯৩৮ জন ছাত্রক প্ৰদান কৰা হ’ব স্কুটি। আজিৰ কেবিনেটে ইয়াৰ বাবে ৩৪৫.৭৫ কোটি টকাৰ অনুমোদন জনায়।অসম লোক সেৱা আয়োগৰ ২০১৩ আৰু ২০১৪ বৰ্ষৰ পৰীক্ষাৰ তদন্ত কৰাৰ বাবে অৱসৰপ্ৰাপ্ত ন্যায়ালয় বি কে শৰ্মাৰ নেতৃত্বত এখন এজনীয়া তদন্ত আয়োগ গঠন কৰা হৈছিল। এই তদন্ত আয়োগৰ প্ৰতিবেদন বিধানসভাৰ আগন্তুক অধিৱেশনত দাখিল কৰাৰ সিদ্ধান্ত আজিৰ কেবিনেটত গ্ৰহণ কৰা হয়।(Chief Minister Himanta Biswa Sarma)
কেবিনেটত দাখিল হোৱাৰ পাছতে এই প্ৰতিবেদন ৰাজহুৱা হ’ব। জাগীৰোডত ছেমি কণ্ডাক্টৰ উদ্যোগৰ কাম চলি আছে। ছেমি কণ্ডাক্টৰ উদ্যোগ আৰু নতুন টাউনশ্বিপৰ বাবে জাগীৰোডত প্ৰয়োজন হ’বলগীয়া পানী যোগানৰ বাবে আজিৰ কেবিনেটে পানী যোগান প্ৰকল্প এটাৰ অনুমোদন জনায়। দৈনিক প্ৰয়োজন হ’বলগীয়া ১২.৫ মিলিয়ন লিটাৰ পানীৰ বাবে পানী যোগান প্ৰকল্প এটা স্থাপন কৰা হ’ব। ইয়াৰ বাবে কেবিনেটে ১২১.৩৬ কোটি টকাৰ অনুমোদন দিয়ে। ৰাজ্যৰ প্ৰতিটো সমষ্টিত সমজিলা গঠন কৰাৰ কথা মুখ্যমন্ত্রীয়ে ইতিমধ্যে ঘোষণা কৰিছে।(Semi Conduct at Jagiroad)
ইয়াৰে প্ৰথম পৰ্যায়ত ৰাজ্যৰ ৩৯ টা সমষ্টিত অহা ৪ আৰু অক্টোবৰত সমজিলাৰ কাৰ্যালয় মুকলি কৰা হ’ব। মন্ত্রীসকলে এই কাৰ্যালয়ৰ শুভাৰম্ভনী কৰিব। সমজিলাৰ কাৰ্যালয়ত একোজন এডিচি পৰ্যায়ৰ বিষয়া সমজিলা আয়ুক্ত হিচাপে নিয়োজিত হ’ব। বিগত কেবিনেটত কাৰ্বি আংলং জিলাৰ ২৬৪ গৰাকী ইউ পি শিক্ষকৰ পদত অনুমোদন জনোৱা হৈছিল। আজিৰ কেবিনেটে তেওঁলোকৰ দৰমহাৰ প্ৰস্তাৱত অনুমোদন জনায়। বিদ্যুতৰ বৰ্ধিত চাহিদাৰ প্ৰতি লক্ষ্য ৰাখি আজিৰ কেবিনেটে এ পি ডি চি এলৰ এটা প্ৰস্তাৱত অনুমোদন জনায়। সেই অনুসৰি ২০০ মেগাৱাট কালাই-২ হাইড্ৰ’ ইলেক্ট্ৰিক প্ৰজেক্টৰ পৰা বিদ্যুৎ ক্ৰয় কৰাৰ বাবে কেবিনেটে এ পি ডি চি এলক অনুমোদন দিয়ে। প্ৰতি ইউনিট ৫.৪৬ টকা দৰত ক্ৰয় কৰিব পাৰিব।
থোৰতে কেবিনেটত গ্ৰহণ কৰা গুৰুত্বপূৰ্ণ সিদ্ধান্তসমূহ-
■ মেধাৱী শিক্ষাৰ্থীৰ বাবে নতুন দুচকীয়া বাহন
■ প্ৰজ্ঞান ভাৰতী আঁচনিৰ অধীনৰ বাণীকান্ত কাকতি মেধা বঁটাত দ্বাদশ শ্ৰেণীৰ মেধাসম্পন্ন শিক্ষাৰ্থীৰ যিসকলে ৬০% (ছাত্রী) আৰু ৭৫% (ছাত্র) নাইবা ইয়াৰ ওপৰত নম্বৰ লাভ কৰিছে তেওঁলোকক স্কুটাৰ প্ৰদান কৰা হ’ব
■ এই আঁচনিৰ অধীনত ২০২৪ চনৰ বাবে ৪৮,৬৭৩গৰাকী ছাত্ৰ-ছাত্ৰীক ৩৪৫,৭৪,০২,০৩৮ টকা ব্যয়েৰে স্কুটাৰ প্ৰদানৰ বাবে কেবিনেটত অনুমোদন জনোৱা হয়।
এই স্কুটাৰ প্ৰদানে দ্বাদশ শ্ৰেণীৰ আগন্তুক ছাত্র-ছাত্রীসকলক তেওঁলোকৰ উচ্চতৰ মাধ্যমিক পৰীক্ষাত ভাল প্ৰদৰ্শন কৰিবলৈও উৎসাহিত কৰিব।
২০১৩ আৰু ২০১৪ ৰাজহুৱা নিযুক্তি কেলেংকাৰিৰ আঁৰৰ তথ্য উন্মোচন
■ অসম লোকসেৱা আয়োগৰ দ্বাৰা সংযুক্ত প্ৰতিযোগিতামূলক পৰীক্ষা ২০১৩ আৰু ২০১৪ পৰিচালনাত অভিযোগ আৰু অসদাচৰণৰ তদন্তৰ বাবে ন্যায়াধীশ (অৱসৰপ্ৰাপ্ত) বি কে শৰ্মাৰ নেতৃত্বত ২খন এজনীয়া তদন্ত আয়োগ গঠন কৰা হৈছিল।
■ আয়োগমূহে প্রতিবেদন দাখিল কৰি এ পি এছ চিৰ দ্বাৰা সংযুক্ত প্ৰতিযোগিতামূলক পৰীক্ষা পৰিচালনাত হিতাধিকাৰী আৰু অভিযুক্তসকলৰ দ্বাৰা আশ্ৰয় লোৱা কল্পনাতীত স্পষ্ট বিসংগতি আৰু অসদাচৰণৰ কথা উল্লেখ কৰিছিল।
■ বৃহত্তৰ জন স্বাৰ্থত কেবিনেটে পূর্বতে এ পি এছ চিত প্ৰচলিত দুৰ্নীতি আৰু অপকৰ্মৰ পৰিমাণ সম্পৰ্কে প্ৰতিবেদনখনৰ জৰিয়তে প্ৰাপ্ত তথ্য ৰাজহুৱা কৰিবলৈ অনুমোদন জনাইছে। বিষয়টো অসম বিধান সভাত উত্থাপন কৰা হ’।
জাগীৰোডত টাটা ছেমিকণ্ডাক্টৰৰ বাবে প্রস্তুতি
■ জাগীৰোডৰ টাটা ছেমিকণ্ডাক্টৰ প্ৰকল্পত ২৪ ঘণ্টা পানী যোগান নিশ্চিত কৰাৰ বাবে কেবিনেটে পানী যোগান আঁচনি স্থাপনত প্রশাসনিক অনুমোদন প্রদান কৰিছে
নৱৰাত্ৰিৰ সময়ছোৱাত বহুতো ধৰ্মীয় নিয়ম পালন কৰা হয়, য’ত খাদ্য নিষেধাজ্ঞাৰো বিশেষ গুৰুত্ব আছে। আয়ুৰ্বেদত তামসিক খাদ্য হিচাপে শ্ৰেণীভুক্ত নৱৰাত্ৰিৰ সময়ত পিয়াঁজ আৰু নহৰু খাব নালাগে বুলি কোৱা হয়। তামাসিক খাদ্য হ’ল সেই খাদ্য যিয়ে শৰীৰত এলাহ, খং আৰু নেতিবাচকতা জগাই তোলে।(Navratri 2024)
নৱৰাত্ৰিৰ সময়ত এইবোৰ নোখোৱাটো কেৱল ধৰ্মীয় বিশ্বাসৰ প্ৰতীক নহয়, স্বাস্থ্যৰ বাবেও ই উপকাৰী বুলি প্ৰমাণিত হ’ব পাৰে। এই পবিত্ৰ সময়ত পিঁয়াজ আৰু নহৰু পৰিহাৰ কৰিলে শৰীৰৰ বহুতো উপকাৰ হয়, যেনে পাচনতন্ত্ৰৰ উন্নতি আৰু মানসিক শান্তি অনুভৱ কৰা।(onion)
নৱৰাত্ৰিৰ সময়ত এই তামাসিক বস্তুবোৰ ত্যাগ কৰিলে স্বাস্থ্যৰ কি উপকাৰ হ’ব পাৰে জানেনে আপুনি। পিয়াঁজ আৰু নহৰুৰ গৰম প্ৰকৃতি , যাৰ ফলত কেতিয়াবা পেটত জ্বলা-পোৰা আৰু এচিডিটি হ’ব পাৰে। নৱৰাত্ৰিৰ সময়ত এইবোৰ নাখালে পাচনতন্ত্ৰত ইতিবাচক প্ৰভাৱ পৰে আৰু পেটৰ লগত জড়িত সমস্যাৰ পৰা সকাহ পায়। লগতে এচিডিটিৰ দৰে সমস্যা হ্ৰাস পায়।(garlic)
আয়ুৰ্বেদৰ মতে পিয়াঁজ আৰু নহৰু তামসিক খাদ্য। যিয়ে শৰীৰত আক্ৰমণাত্মকতা, ক্ৰোধ আৰু উত্তেজনা বৃদ্ধি কৰে। নৱৰাত্ৰিৰ সময়ত এইবোৰ পৰিহাৰ কৰিলে মানসিক শান্তি পোৱা যায় আৰু মন সুস্থিৰ হৈ থাকে। ধ্যান আৰু পূজাৰ সময়ত আপোনাৰ একাগ্ৰতা বৃদ্ধিত সহায়ক হয়।
পিয়াঁজ আৰু নহৰু খালে শৰীৰত গধুৰ অনুভৱ হয়, যিটো উপবাসৰ সময়ত অপ্ৰীতিকৰ হয়। যাৰ বাবে এই সমূহ নাখালে শৰীৰৰ শক্তি পোহৰ আৰু বিশুদ্ধ হৈ থাকে, যাৰ বাবে উপবাসৰ সময়ত শক্তিৰ মাত্ৰা ভাল হৈ থাকে।
পিঁয়াজ আৰু নহৰুত কিছুমান উপাদান থাকে যিয়ে হৰম’নৰ ভাৰসাম্যহীনতা সৃষ্টি কৰিব পাৰে। নৱৰাত্ৰিৰ সময়ত এইবোৰ নাখালে হৰম’নৰ ভাৰসাম্য বজাই ৰখাত সহায় কৰে, যাৰ ফলত শাৰীৰিক আৰু মানসিক স্বাস্থ্য উন্নত হয়।
নৱৰাত্ৰিৰ সময়ত পিঁয়াজ আৰু নহৰু পৰিহাৰ কৰাৰ ধৰ্মীয় কাৰণো আছে। ই শাৰীৰিক আৰু মানসিক শুদ্ধতাক বুজায়, যিটো উপবাস আৰু পূজাৰ সময়ত অপৰিহাৰ্য বুলি গণ্য কৰা হয়।(Do not eat onions and garlic during Navratri)
লগতে পঢ়কঃ Mahalaya 2024: আৰম্ভ হ’ল মহালয়াৰ অমাবস্যা তিথি; জানো আহক মহালয়াৰ তাৎপৰ্য
ৱাশ্বিংটন, ২ অক্টোবৰ: মঙলবাৰে ইজৰাইলৰ ওপৰত ইৰাণৰ প্রায় ১০০ টা মিছাইল আক্ৰমণৰ পাছত এতিয়া আমেৰিকা তৎপৰ হৈ পৰিছে । পোনপটিয়াকৈ ইজৰাইলক সহায় কৰিবলৈ আমেৰিকাৰ সেনাক হোৱাইট হাউছৰ পৰা নিৰ্দেশ দিয়া হৈছে । হোৱাইট হাউছে উল্লেখ কৰা অনুসৰি, “আমেৰিকাৰ ৰাষ্ট্ৰপতি জ’ বাইডেনে ইৰাণৰ আক্ৰমণৰ বিৰুদ্ধে ইজৰাইলক সহায় কৰিবলৈ আমেৰিকাৰ সেনাক নিৰ্দেশ প্ৰদান কৰিছে ।”
ইৰাণী চৰকাৰী নিউজ চেনেলৰ খবৰ অনুসৰি, ইৰাণৰ ৰিভল্যুচনাৰী গাৰ্ডছে দাবী কৰিছে যে তেওঁলোকে ইজৰাইলৰ দিশে বহুসংখ্যক মিছাইল নিক্ষেপ কৰিছে(Iran missile attack on Israel) । লগতে সতৰ্ক কৰি দিছে, যদিহে ইজৰাইলে ইয়াৰ প্ৰত্যুত্তৰ দিয়ে তেতিয়া হ’লে তেহৰানৰ প্ৰতিক্ৰিয়া অধিক ধ্বংসাত্মক হ’ব।
মঙলবাৰে ইজৰাইলৰ ওপৰত ইৰাণে কৰা ১০০ ৰো অধিক মিচাইল আক্ৰমণৰ লগে লগে আমেৰিকাই নিজৰ সেনাবাহিনীক অধিক তৎপৰতাৰে ইজৰাইলক সহায় কৰাৰ লগতে ইৰাণক লক্ষ্য কৰি ক্ষেপণাস্ত্ৰ নিক্ষেপ কৰিবৰ বাবে নিৰ্দেশ প্ৰদান কৰিছে । তাৰোপৰি মধ্যপ্ৰাচ্যত থকা আমেৰিকান সেনাবাহিনীলৈকো সতর্ক হৈ থাকিবলৈ নিৰ্দেশ প্ৰদান কৰিছে। ৰাষ্ট্ৰপতি জ’ বাইডেন(US President Joe Biden) আৰু উপ-ৰাষ্ট্ৰপতি কমলা হেৰিছে(Vice President Kamala Harris) হোৱাইট হাউছৰ সিচুৱেচন ৰূমৰ পৰা ইজৰাইলৰ ওপৰত হোৱা আক্ৰমণৰ প্ৰতিটো মুহূৰ্ত নিৰিক্ষণ কৰি থকাৰ লগতে তেওঁলোকৰ ৰাষ্ট্ৰীয় নিৰাপত্তা দলৰ পৰা আপডেট লৈ আছে।
অৱশ্যে এই খবৰ প্ৰকাশ পোৱাৰ সময়লৈকে, তেল আভিভত থকা আমেৰিকান সেনাবাহিনীৰ কোনো ধৰণৰ ক্ষতি হোৱা নাই। আক্ৰমণৰ পূৰ্বেই আমেৰিকাই আশংকা প্ৰকাশ কৰিছিল যে ইৰাণে শীঘ্ৰেই ইজৰাইলৰ ওপৰত বেলিষ্টিক মিছাইল আক্ৰমণ কৰিবলৈ সাজু হৈছে। আমেৰিকাৰ এজন শীৰ্ষস্থানীয় বিষয়াই এই কথা উল্লেখ কৰি “যদি এনেকুৱা হয়, তেন্তে তাৰ ফলাফল অতি ভয়ংকৰ হ’ব।” বুলি ইৰাণক সকিয়াই দিছিল ।
শীৰ্ষস্থানীয় বিষয়াগৰাকীয়ে লগতে কয় যে, আমেৰিকাই ইজৰাইলৰ প্ৰতিৰক্ষাৰ প্ৰস্তুতিত সক্ৰিয়ভাৱে সমৰ্থন আগবঢাই আহিছে । এই ঘটনাটো এনে সময়ত সংঘটিত হৈছিল যেতিয়া ইজৰাইলী সেনাই লেবাননৰ সীমান্তৱৰ্তী অঞ্চলত থকা বাসগৃহসমূহ খালি কৰিবলৈ নিৰ্দেশ দিছিল ।
ইৰাণ আৰু ইজৰাইলৰ মাজত চলি থকা উত্তেজনাৰ মাজতে এই ধৰণৰ মিছাইল আক্ৰমণ আৰু তাৰ বিৰুদ্ধে আমেৰিকাৰ প্ৰতিক্ৰিয়াই সমগ্ৰ মধ্যপ্ৰাচ্যত চলি থকা ৰাজনৈতিক পৰিস্থিতিক ক’লা মেঘেৰে সম্পূৰ্ণৰূপে চানি পেলাইছে । “ইৰাণৰ মিছাইল আক্ৰমণ” এই পৰিস্থিতিত এক গুৰুত্বপূর্ণ বিষয় হিচাবে চিহ্নিত হৈছে ।
গুৱাহাটী,১ অক্টোবৰ : মুখ্যমন্ত্রী হিমন্ত বিশ্ব শৰ্মাৰ (CM Himanta Biswa Sarma)সভাপতিত্বত মঙলবাৰে দিছপুৰৰ লোক সেৱা ভৱনত অনুষ্ঠিত হয় (Assam Cabinet meeting) ৰাজ্য চৰকাৰৰ সাপ্তাহিক কেবিনেট বৈঠক। কেবিনেট বৈঠকত কেইবাটাও গুৰুত্বপূৰ্ণ সিদ্ধান্ত গ্ৰহণ কৰা হয়। বৈঠকৰ অন্তত কেবিনেটৰ সিদ্ধান্তসমূহ সংবাদমেল যোগে সদৰি কৰে মন্ত্রী জয়ন্তমল্ল বৰুৱাই।
বাণীকান্ত কাকতি বঁটাৰ স্কুটি প্ৰদান
কেবিনেটৰ সিদ্ধান্তসমূহ হৈছে উচ্চতৰ মাধ্যমিম চূড়ান্ত পৰীক্ষা উত্তীৰ্ণ ৰাজ্যৰ মুঠ ৪৮৬৭৩ গৰাকী ছাত্র আৰু ছাত্রীক এইবাৰ বাণীকান্ত কাকতি বঁটাৰ স্কুটি প্ৰদান কৰা হ’ব। ৬০ শতাংশ তথা ততোধিক নম্বৰ লাভ কৰা ৪০৭৩৫ গৰাকী ছাত্রীক আৰু ৭৫ শতাংশ তথা ততোধিক নম্বৰ লাভ কৰা ৭৯৩৮ জন ছাত্রক প্ৰদান কৰা হ’ব স্কুটি। আজিৰ কেবিনেটে ইয়াৰ বাবে ৩৪৫.৭৫ কোটি টকাৰ অনুমোদন জনায়।
অসম লোক সেৱা আয়োগৰ পৰীক্ষাৰ তদন্ত (APSC)
অসম লোক সেৱা আয়োগৰ ২০১৩ আৰু ২০১৪ বৰ্ষৰ পৰীক্ষাৰ তদন্ত কৰাৰ বাবে অৱসৰপ্ৰাপ্ত ন্যায়ালয় বি কে শৰ্মাৰ নেতৃত্বত এখন এজনীয়া তদন্ত আয়োগ গঠন কৰা হৈছিল। এই তদন্ত আয়োগৰ প্ৰতিবেদন বিধানসভাৰ আগন্তুক অধিৱেশনত দাখিল কৰাৰ সিদ্ধান্ত কেবিনেটত গ্ৰহণ কৰা হয়। কেবিনেটত দাখিল হোৱাৰ পাছতে এই প্ৰতিবেদন ৰাজহুৱা হ’ব।
ছেমি কণ্ডাক্টৰ (Semi Conductor)
জাগীৰোডত ছেমি কণ্ডাক্টৰ উদ্যোগৰ কাম চলি আছে। ছেমি কণ্ডাক্টৰ উদ্যোগ আৰু নতুন টাউনশ্বিপৰ বাবে জাগীৰোডত প্ৰয়োজন হ’বলগীয়া পানী যোগানৰ বাবে আজিৰ কেবিনেটে পানী যোগান প্ৰকল্প এটাৰ অনুমোদন জনায়। দৈনিক প্ৰয়োজন হ’বলগীয়া ১২.৫ মিলিয়ন লিটাৰ পানীৰ বাবে পানী যোগান প্ৰকল্প এটা স্থাপন কৰা হ’ব। ইয়াৰ বাবে কেবিনেটে ১২১.৩৬ কোটি টকাৰ অনুমোদন দিয়ে।
সমজিলা গঠন
ৰাজ্যৰ প্ৰতিটো সমষ্টিত সমজিলা গঠন কৰাৰ কথা মুখ্যমন্ত্রীয়ে ইতিমধ্যে ঘোষণা কৰিছে। ইয়াৰে প্ৰথম পৰ্যায়ত ৰাজ্যৰ ৩৯ টা সমষ্টিত অহা ৪ আৰু অক্টোবৰত সমজিলাৰ কাৰ্যালয় মুকলি কৰা হ’ব। মন্ত্রীসকলে এই কাৰ্যালয়ৰ শুভাৰম্ভনী কৰিব। সমজিলাৰ কাৰ্যালয়ত একোজন এডিচি পৰ্যায়ৰ বিষয়া সমজিলা আয়ুক্ত হিচাপে নিয়োজিত হ’ব।
কাৰ্বি আংলং জিলাৰ শিক্ষকৰ
বিগত কেবিনেটত কাৰ্বি আংলং জিলাৰ ২৬৪ গৰাকী ইউ পি শিক্ষকৰ পদত অনুমোদন জনোৱা হৈছিল।কেবিনেটে তেওঁলোকৰ দৰমহাৰ প্ৰস্তাৱত অনুমোদন জনায়।
বিদ্যুৎমাছুল(Electricity charges)
বিদ্যুতৰ বৰ্ধিত চাহিদাৰ প্ৰতি লক্ষ্য ৰাখি কেবিনেটে এ পি ডি চি এলৰ এটা প্ৰস্তাৱত অনুমোদন জনায়। সেই অনুসৰি ২০০ মেগাৱাট কালাই-২ হাইড্ৰ’ ইলেক্ট্ৰিক প্ৰজেক্টৰ পৰা বিদ্যুৎ ক্ৰয় কৰাৰ বাবে কেবিনেটে এ পি ডি চি এলক অনুমোদন দিয়ে। প্ৰতি ইউনিট ৫.৪৬ টকা দৰত ক্ৰয় কৰিব পাৰিব।
লগতে পঢ়ক
বিজেপিৰ বিশাল প্ৰতিবাদ :মন্ত্ৰী পীয়ূষ হাজৰিকা সহ ৯জন বিধায়কৰ অংশগ্ৰহন
