ছ’চিয়েল মিডিয়া প্লেটফ’ৰ্ম ইনষ্টাগ্ৰামত প্ৰধানমন্ত্ৰী নৰেন্দ্ৰ মোডীক অতিক্ৰম কৰিলে শ্ৰদ্ধা কাপুৰে। ৯১.৪ মিলিয়ন অনুৰাগীৰ সৈতে তৃতীয় সৰ্বাধিক অনুগামী ভাৰতীয় হিচাপে পৰিগণিত হৈছে অভিনেত্ৰী শ্ৰদ্ধা কাপুৰ।
ইয়াৰ বিপৰীতে প্ৰধানমন্ত্ৰী নৰেন্দ্ৰ মোডীৰ আছে ৯১.৩ মিলিয়ন অনুৰাগী।
শেহতীয়াকৈ মুক্তি লাভ কৰৰা ‘ষ্ট্ৰী ২’ত অভিনয় কৰিছিল অভিনেত্ৰী শ্ৰদ্ধা কাপুৰে।
সৰ্বভাৰতীয় পৰ্যায়ত বিজেপিয়ে আৰম্ভ কৰিব সদস্য ভৰ্ত্তি অভিযান । ১০ কোটি সদস্য ভৰ্তিৰ লক্ষ্য বিজেপিৰ ।ৰাজ্যিক পৰ্যায়তো হ’ব এই বিশেষ অভিযান । কি ব্যৱস্থাৰ মাজৰে ৰাজ্যত চলিব এই অভিযান জানক
এই সন্দৰ্ভত ৰাজ্যিক বিজেপিৰ মুখ্য কাৰ্যালয়ত অনুষ্ঠিত হ’ব প্ৰশিক্ষণ পৰ্ব । মুখ্যমন্ত্ৰী হিমন্ত বিশ্ব শৰ্মা, ৰাজ্যিক বিজেপিৰ সভাপতি ভৱেশ কলিতাকে প্ৰমুখ্য কৰি ৰাজ্যিক নেতৃত্বৰ উপস্থিতিত হ’ব এই প্ৰশিক্ষণ পৰ্ব ।
জিলা পৰ্য্যায়ৰ বিষয়ববীয়াক প্ৰদান কৰিব এই প্ৰশিক্ষণ ।ৰাজ্যিক পৰ্যায়ত হ’ব লগীয়া সদস্য ভৰ্তি অভিযানৰ বাবে পল্লৱ লোচন দাসক ৰাজ্যিক আহ্বায়ক হিচাপে নিয়োগ কৰা হৈছে
ICC ৰ অধ্যক্ষ হিচাপে জয় শ্বাহ নিৰ্বাচিত হোৱাৰ পূৰ্ণ সম্ভাৱনা !
৩০ নৱেম্বৰত কাৰ্যকাল সমাপ্ত হব আইচিচিৰ বৰ্তমানৰ অধ্যক্ষ গ্ৰেগ বাৰ্কলেৰ।
আইচিচিৰ বৰ্তমানৰ অধ্যক্ষ গ্ৰেগ বাৰ্কলে তৃতীয়বাৰৰ বাবে প্ৰতিদ্বন্দ্বিতা নকৰাৰ সিদ্ধান্তৰ পাছতেই চৰ্চাত জয় শ্বাহৰ নাম।
গুৱাহাটী বিশ্ববিদ্যালয়ৰ নতুন উপাচাৰ্যৰূপে আনুষ্ঠানিক দায়িত্ব গ্ৰহণ অধ্যাপক ননীগোপাল মহন্তৰ । উপাচাৰ্য কাৰ্যালয়ত উপস্থিত হৈ নিজৰ দায়িত্বভাৰ গ্ৰহণ কৰে অধ্যাপক মহন্তই । বিশ্ববিদ্যালয়ৰ অধ্যাপক-অধ্যাপিকা, কৰ্মচাৰীসকলে উষ্ম আদৰণি জনায় নৱনিযুক্ত উপাচাৰ্যগৰাকীক ।
উল্লেখযোগ্য যে, বিগত ৩০ জুলাইত ৰাজভৱনত ৰাজ্যপাল গোলাব চান্দ কাটাৰিয়াই শপতগ্ৰহণ কৰোইছিল অধ্যাপক ননীগোপাল মহন্তক । বিশ্ববিদ্যালয়খনৰ ১৮সংখ্যক উপাচাৰ্যৰূপে শপতগ্ৰহণ কৰিছিল অধ্যাপক মহন্তই ।
দায়িত্ব গ্ৰহণ কৰিয়েই বিশ্ববিদ্যালয়খনক লৈ দেখা নিজৰ সপোন ব্যক্ত উপাচাৰ্যগৰাকীৰ গুৱাহাটী বিশ্ববিদ্যালয়ক NIRF ৰেংকিঙত দেশৰ শীৰ্ষ ১০খন বিশ্ববিদ্যালয়ৰ ভিতৰত অন্তৰ্ভুক্ত কৰাৰ পৰিকল্পনা । পৰীক্ষা, ফলাফলকে আদি কৰি বিভিন্ন সমস্যাসমূহ দূৰ কৰাৰ লক্ষ্য ।
কলকাতাত চিকিৎসকক ধৰ্ষণ – হত্যাৰ বিৰূদ্ধে এন এফ ৰেলৱে এম্পলয়িজ ইউনিয়নৰ মালিগাওঁত প্ৰতিবাদী সমদল
কলকাতাৰ আৰ.জি.কৰ মেডিকেল কলেজৰ তৰুণী চিকিৎসক ধৰ্ষণ- হত্যাৰ ঘটনাই সমগ্র দেশক জোঁকাৰি গৈছে। দেশৰ বিভিন্ন প্ৰান্তৰ চিকিৎসালয়কে ধৰি শিক্ষা প্ৰতিষ্ঠান আৰু বিভিন্ন দল – সংগঠন সমূহেও ইয়াৰ বিৰুদ্ধে প্ৰতিবাদ অব্যাহত আছে । আনহাতে উত্তৰ পূব সীমান্ত ৰেলৱেৰ সৰ্ববৃহৎ ট্ৰেড ইউনিয়ন হিচাপে পৰিচিত এন এফ ৰেলৱে এম্পলয়িজ ইউনিয়নৰ কেন্দ্ৰীয় কমিটিৰ নিৰ্দেশনা অনুসৰি পাঁচটা সংমণ্ডল আৰু ৫৫ টা শাখাই কালিৰে পৰা ইয়াৰ বিৰুদ্ধে তিনিদিনীয়াকৈ প্ৰতিবাদী কাৰ্যসূচী অব্যাহত ৰাখিছে । ইয়াৰ অংশহিচাপে বিয়লি কাৰ্যালয় ছুটিৰ পাছত ইউনিয়নৰ হেড কোৱাৰ্টাৰ শাখা, একাউণ্টছ শাখা আৰু হেড কোৱাৰ্টাৰ মহিলা শাখাৰ যৌথ উদ্যোগত উত্তৰ পূব
সীমান্ত ৰেলৱেৰ মালিগাঁওস্থিত সদৰ কাৰ্যালয়ৰ সন্মুখত হাতে হাতে মমবাতি লৈ কেন্দ্ৰীয়ভাৱে এক বিশাল প্ৰতিবাদী সমদল উলিওৱা হয়। ইউনিয়নৰ কেন্দ্ৰীয় কমিটিৰ সাধাৰণ সম্পাদক মুনীন্দ্ৰ শইকীয়া , কাৰ্যকৰী সাধাৰণ সম্পাদক শেখৰ দাস, উপ সভাপতি ত্ৰিদীপ মজুমদাৰ, যুটীয়া সাধাৰণ সম্পাদক দিগন্ত বৰুৱা আৰু প্ৰকাশ বৰ্মন, সহকাৰী সাধাৰণ সম্পাদক প্ৰণীতা মজুমদাৰ, কাৰ্যালয় সম্পাদক কস্তুৰী দত্ত, সাংগঠনিক সম্পাদক হিমাংশু পাল আৰু ধ্ৰুৱ তালুকদাৰ , হেড কোৱাৰ্টাৰ শাখাৰ সভাপতি পংকজ দাস আৰু সম্পাদক ভাস্কৰ ভূষণ দাস, একাউণ্টছ শাখাৰ সম্পাদক ৱাহিদুৰ ৰহমান, হেড কোৱাৰ্টাৰ মহিলা শাখাৰ সম্পাদিকা মিতালী দত্তকে ধৰি কেবাজনো বিষয়ববীয়া
আৰু কেবা শতাধিক ৰেল কৰ্মচাৰীয়ে ভাগ লয়। আনহাতে সমদলত ভাগ লোৱা সকলোৱে হাতে হাতে মমবাতি লৈ প্লে – কাৰ্ড প্ৰদৰ্শন কৰি কলকাতাৰ তৰুণী চিকিৎসক ধৰ্ষণ-হত্যাৰ ঘটনাৰ উচিত তদন্ত আৰু দোষীসকলক চিনাক্ত কৰি ফাষ্ট ট্ৰেক আদালতৰ জৰিয়তে কঠোৰতম শান্তি বিহিবলৈ চৰকাৰক দাবী জনায় । ইউনিয়নৰ নেতা মুনীন্দ্ৰ শইকীয়াই জানিবলৈ দিয়া মতে সমাজসেৱাত ব্ৰতী চিকিৎসকসকল যদি নিজ কৰ্তব্যস্থলতেই সুৰক্ষিত নহয় তেনেহলে কিদৰে আতুৰ জনতাক নিৰ্ভিকভাবে চিকিৎসা সেৱা আগবঢ়াব সেয়া এক প্ৰশ্নবোধক! সমদলৰ অন্তত প্ৰয়াত চিকিৎসক গৰাকীৰ বিদেহ আত্মাৰ সদগতি কামনা কৰি তেওঁৰ প্ৰতিচ্ছবিত শ্ৰদ্ধাঞ্জলী জ্ঞাপন কৰা হয়।
গুৱাহাটী মহানগৰীৰ কৃত্ৰিম বানপানীৰ বাবে গুৱাহাটীৰ গাতে লাগি থকা মেঘালয়ৰ নমাইলত থকা ইউ এছ টি এমৰ ফ্লাড জেহাদ বুলি কিছুদিন পূৰ্বে অসমৰ মুখ্যমন্ত্ৰী ডঃ হিমন্ত বিশ্ব শৰ্মাই ঘোষণা কৰিছিল। মুখ্যমন্ত্ৰীৰ এই ঘোষণাৰ পাছত ৰাজ্যজুৰি বিভিন্ন দল – সংগঠনে সপক্ষে – বিপক্ষে প্ৰতিক্ৰিয়া প্ৰকাশ কৰিছিল। ইফালে গুৱাহাটী মহানগৰীত পুৱতি নিশাৰে পৰা হোৱা নেৰানেপেৰা বৰষুণৰ বাবে যোৰাবাটৰ পৰা খানাপাৰালৈ ৰাষ্ট্ৰীয় ঘাইপথ , ছয়মাইলৰ পৰা পাঞ্জাবাৰী সংযোগী পথ , হাতীগাওঁ পথকে ধৰি এক বিস্তীৰ্ণ অঞ্চল কৃত্ৰিম বানপানীৰ কৱলত পৰে ।
আনহাতে মুখ্যমন্ত্ৰীৰ নিৰ্দেশত মহানগৰীৰ বিভিন্ন স্থানত হৈ থকা কৃত্ৰিম বানপানী ৰোধ কৰা আৰু এই বানপানী হোৱাৰ ক্ষেত্ৰত ইউ এছ টি এমৰ কেনে ধৰণৰ ভূমিকা আছে তাক স্বচক্ষে প্ৰত্যক্ষ কৰাৰ বাবে বিয়লি নমাইলত গৈ উপস্থিত হয় গুৱাহাটী পৌৰ নিগমৰ মেয়ৰ মৃগেন শৰণীয়া আৰু গুৱাহাটী মহানগৰ উন্নয়ন কৰ্তৃপক্ষৰ অধ্যক্ষ নাৰায়ণ ডেকাৰ নেতৃত্বত এটা দল । দলটোত পৌৰ নিগমৰ দিছপুৰ সংমণ্ডলৰ কাৰ্য্যবাহী অভিযন্তা হিৰণ্য কুমাৰ
হাজৰিকা,পাৰিষদ অসীম কুমাৰ শইকীয়াকে ধৰি জি এম চি, জি এম ডি এৰ কেবাজনো বিষয়া – অভিযন্তা উপস্থিত থাকে। দলটোৱে তাত ইউ এছ টি এমৰ পৰা অহা পানীয়ে কেনেদৰে গুৱাহাটী মহানগৰীত কৃত্ৰিম বানপানীৰ সৃষ্টি কৰে সেই সন্দৰ্ভত পৰ্যবেক্ষণ কৰে। অৱশ্যে এই পৰ্যবেক্ষণৰ পাছত চৰকাৰে গুৱাহাটীৰ কৃত্ৰিম বানপানীৰ সমস্যাটো কেনে ধৰণে সমাধান কৰে সেয়া লক্ষণীয় হব। জানিব পৰা মতে পৌৰ নিগমৰ মেয়ৰ আৰু জি এম ডি এৰ অধ্যক্ষই শীঘ্ৰে মুখ্যমন্ত্ৰীক সাক্ষাৎ কৰি এই সন্দৰ্ভত প্ৰতিবেদন দাখিল কৰিব।
শিৱসাগৰত দল-সংগঠনৰ প্ৰতিবাদক লৈ বিধায়ক অখিল গগৈৰ প্ৰতিক্ৰিয়া । এতিয়ালৈকে ৩ জনক গ্ৰেপ্তাৰ কৰিছে, কিন্তু আন ২ জনকো গ্ৰেপ্তাৰ কৰি Pocso আইনৰ ধাৰা লগাব লাগে। জিমি দাস আৰু পৰিয়ালক কিনিবলৈ একাংশ দালালে চেষ্টা চলাইছে। জিমি দাসক অত্যাচাৰ চলোৱা দোষীক শাস্তি দিব লাগে। জিমি দাসৰ পৰিয়ালক ক্ষতিপূৰণ হিচাপে ২০ লাখ টকাৰ ক্ষতিপূৰণ দিব লাগে। দল-সংগঠনে দিয়া ৩ টা প্ৰস্তাৱক আদৰণি অখিল গগৈৰ।
থলুৱা মানুহৰ মাটি বহিৰাগতই ক্ৰয় কৰিব নোৱাৰিব বুলি লোৱা প্ৰস্তাৱক আদৰণি। প্ৰতিটো ব্যক্তিগত প্ৰতিষ্ঠানত ৯০ শতাংশ খিলঞ্জীয়া কৰ্মচাৰীৰ নিযুক্তিৰ প্ৰস্তাৱক আদৰণি।সকলো দোকান-পোহাৰত অসমীয়া ভাষাত নাম-ফলক কথাটো বাধ্যতামূলক কৰাৰ প্ৰস্তাৱক আদৰণি। শৃংখল চলিহাই অকলে আন্দোলন কৰা নাই, গতিকে কেৱল তেওঁৰ বিৰুদ্ধে কিয় গোচৰ দিছে?
এনেকুৱা স্পৰ্শকাতৰ সময়ত গোচৰ দি সংঘাত বৃদ্ধিহে কৰিব। গৌৰৱ সোমানীয়ে গোচৰ দিয়া কাৰ্যক নিন্দা। গোচৰটো দিয়াৰ পিছত আলফা (স্বা)য়ে ভাবুকি দিলে, আলফা (স্বা)ৰ ভাবুকিৰ পিছত আকৌ গোচৰ উঠাই ল’লে। তেন্তে চৰকাৰখনৰ অস্তিত্ব ক’ত গ’ল? গৃহমন্ত্ৰীয়ে ইয়াৰ বাবে পদত্যাগ কৰিব লাগে।
আজি ৰাজ্যসভাৰ মনোনয়ন দাখিল কৰিব বিজেপিৰ দুই প্ৰাৰ্থীয়ে। মিছন ৰঞ্জন দাস, ৰামেশ্বৰ তেলীয়ে দাখিল কৰিব মনোনয়ন পত্ৰ।
পুৱা ১১ বজাত মনোনয়ন পত্ৰ দাখিল কৰিব দুই প্ৰাৰ্থীয়ে। মনোনয়ন পত্ৰ দাখিল পৰ্বত দুয়োগৰাকীক সংগ দিব ভৱেশ কলিতাই।
মুখ্যমন্ত্ৰী হিমন্ত বিশ্ব শৰ্মায়ো দুই প্ৰাৰ্থীক সংগ দিয়াৰ সম্ভাৱনা।
কলকাতাৰ অনুৰূপ ঘটনাৰ পৰা কথমপি ৰক্ষা পৰিল এগৰাকী ছাত্ৰী।
অটোৰ ভিতৰতে অসম বিশ্ববিদ্যালয়ৰ ছাত্ৰীৰ শ্লীলতাহানিৰ অপচেষ্টা।
আটক অটো চালক বদৰুজামান ফাৰুকক। সম্প্ৰতি অসম বিশ্ববিদ্যালয়ৰ থানাত আছে লম্পট চালকজন।
দৈনন্দিন বাৰ্তাৰ সেৱা, গোগামুখ, ২০ আগষ্টঃ মিচিং স্বায়ত্তশাসিত পৰিষদৰ পৰিষদীয় সমষ্টি ৪০ খনলৈ বৃদ্ধি হ’ব ৷ পূৰ্বে পৰিষদৰ পৰিষদীয় সমষ্টি ৩৬ খন আছিল ৷ আগন্তুক পৰিষদৰ নিৰ্বাচন আগে আগে পৰিষদৰ সমষ্টি ৪০ খনলৈ বৃদ্ধি পাব ৷ ১৬ ছেপ্টেম্বৰৰীত পৰিষদৰ সীমা নিৰ্ধাৰণ সম্পূৰ্ণ হ’ব আৰু ইয়াৰ পাছত ভোটাৰৰ খচৰা সংশোধন কৰা হ’ব ৷ আজি মিচিং স্বায়ত্তশাসিত পৰিষদৰ ১৭ নং মিংমাং পৰিষদীয় সমষ্টিৰ প্ৰতিশ্ৰুতি, প্ৰতিফলন আৰু পৰিকল্পনা অনুষ্ঠানত উপস্থিত থাকি মিচিং স্বায়ত্তশাসিত পৰিষদৰ মুখ্য কাৰ্যবাহী সদস্য পৰমানন্দ চায়েঙ্গীয়াই এই গুৰুত্বপূৰ্ণ মন্তব্য আগবঢ়ায় ৷ ধেমাজি জিলাৰ গোগামুখ মিংমাঙৰ তাক্কৃৰ উচ্চ মাধ্যমিক বিদ্যালয় তথা ৰাজহুৱা খেলপথাৰত অনুষ্ঠিত হোৱা অনুষ্ঠানত তেওঁ লগতে কয়- সীমা নিৰ্ধাৰণ শেষ হোৱাৰ পাছতে পৰিষদৰ নিৰ্বাচন অনুষ্ঠিত হ’ব ৷ সন্মিলিত গণশক্তি অসম দলে সৰ্বাধিক আসনত প্ৰতিদ্বন্দিতা কৰিব আৰু মিত্ৰ দলসমূহক এখন বা দুখন আসন এৰি দিয়া হ’ব ৷ মিচিং স্বায়ত্তশাসিত পৰিষদৰ উন্নয়নমূলক আঁচনি সম্পৰ্কত তেওঁ কয়- মিচিং স্বায়ত্তশাসিত পৰিষদৰ গণতান্ত্ৰিকভাৱে নিৰ্বাচিত পৰিষখনে দায়িত্বভাৰ লোৱা ১০ বছৰ অতিক্ৰম কৰিলে ৷
এই দহ বছৰীয়া কাৰ্যকালত পৰিষদে কি কি উন্নয়নমূলক আঁচনি ৰূপায়ন কৰিলে তাক ৰাইজক অৱগত কৰিবলৈ প্ৰতিশ্ৰুতি, প্ৰতিফলন আৰু পৰিকল্পনা কাৰ্যসূচী লোৱা হৈছে ৷ আমি ৰাইজক দিয়া প্ৰতিশ্ৰুতিবোৰ প্ৰতিফলন হৈছেনে নাই আৰু আগন্তুক ৫ বছৰীয়া কাৰ্যকালত আমি কি পৰিকল্পনা কৰিছোঁ তাক ৰাইজৰ লগত আলোচনা কৰিবৰ বাবে পৰিষদৰ ৩৬ খন সমষ্টিত এনেধৰণৰ কাৰ্যসূচী গ্ৰহণ কৰিছোঁ ৷ দেশৰ প্ৰধানমন্ত্ৰী নৰেন্দ্ৰ মোদীৰ সব্কা সাথ সব্কা বিকাশ নীতিৰ আধাৰ মিচিং স্বায়ত্তশাসিত পৰিষদে কাম কৰি গৈছে আৰু এইক্ষেত্ৰত অসম চৰকাৰৰ পৰাও আমি সহযোগিতা লাভ কৰিছোঁ ৷ জাতি-ধৰ্ম-বৰ্ণ নিৰ্বিশেষে পৰিষদে কাম কৰি গৈছে আৰু পৰষদখনক এক আদৰ্শ স্বায়ত্তশাসিত পৰিষদ হিচাপে গঢ়িবলৈ যত্ন কৰিছোঁ ৷ পৰিষদৰ ফালৰ পৰা শিক্ষা, ক্ৰীড়া, মীন, বয়নশিল্প, কৃষি, উদ্যান শস্য আদিৰ ক্ষেত্ৰত পৰিষদে ব্যাপকহাৰত আঁচনি ৰূপায়ন কৰিছে ৷ যিবোৰ আঁচনিসমূহত প্ৰশিক্ষণৰ প্ৰয়োজনীয়তা অধিক উক্ত আঁচনি সমূহত আমি প্ৰথমে বিনমূলীয়া প্ৰশিক্ষণৰ ব্যৱস্থা কৰোঁ প্ৰশিক্ষন শেষ হোৱাৰ পাছত যোগ্যতা অনুযায়ী তেওঁলোকক উদ্গনিমূলক আৰ্থিক সাহায্য দি স্বাৱলম্বিতাৰ পথ মুকলি কৰি দিওঁ ৷ একেদৰে দক্ষতা বিকাশ আৰু হোটেল মেনেজমেণ্টটো আমি গুৰুত্ব দিছোঁ ৷
পৰিষদৰ গোগামুখ চেতিয়াগাঁও স্থিত চৌহদত পৰিষদে নিজা ট্ৰেইনিং চেন্টাৰ খুলি প্ৰখ্যাত নিৰ্মাতা সংস্থা লাৰছেন এণ্ড ট্ৰাব্ৰ’ চমুকৈ এল এণ্ড টিৰ লগত বুজাপৰা কৰি শতাধিক নিৱনুৱাক পকা মিস্ত্ৰী আৰু টাইল্ছ্ মিস্ত্ৰীৰ প্ৰশিক্ষণ বিনামূলীয়াকৈ দি আছোঁ ৷ একেখন চৌহদতে হোটেল মেনেজমেন্টৰ বাবে দুই শতাধিক নিৱনুৱাক বিনামূলীয়া বৰ্তমান প্ৰশিক্ষণ দি আছোঁ আৰু তাৰ আগৰ দলটো ইতিমধ্যে বহুকেইখন নামী-দামী হোটেলত কৰ্ম সংস্থাপন লাভ কৰিছে ৷ ৰাইজে পূৰ্বৰ দহ বছৰৰ দৰে সমৰ্থন কৰিলে আগন্তুক ৫ বছৰত পৰিষদে অধিক উন্নয়নমুখী আঁচনি ৰূপায়ন কৰিব বুলি মুখ্য কাৰ্যবাহী সদস্য চায়েঙ্গীয়াই মন্তব্য আগবঢ়ায় ৷ অনুষ্ঠানত উপস্থিত থাকি টি এম পি কেৰ কেন্দ্ৰীয় সদস্য সঞ্জীৱ মিলিয়ে কয়- মই মিংমাঙৰ সাধাৰণ যুৱক হিচাপে মিচিং স্বায়ত্তশাসিত পৰিষদক লৈ এইটো অনুভৱ কৰোঁ যে, পৰিষদে বিগত দহ বছৰত সকলো জাতি-জনগোষ্ঠীক একেলগে হাত মিলাইছে আৰু সকলো জাতি-জনগোষ্ঠীৰ বাবে সমানে কাম কৰিছে ৷ পৰিষদখনে বিগত দহ বছৰত ৰাইজক যি প্ৰতিশ্ৰুতি দিছিল এইটো সুন্দৰ ৰূপত প্ৰতিফলিত হৈছে ৷ শিক্ষা, চিকিৎসা, যোগাযোগ, কৃষি, লোকনিৰ্মাণ বিভাগত পৰিষদে আশানুৰূপভাৱে আগবাঢ়িছে ৷ আগন্তক ৫ বছৰীয়া পৰিষদখনে যদি কি কৰিব বুলি মোক প্ৰশ্ন কৰে তেন্তে পৰিষদক মই এইটো আহ্বান জনাম যে ৰাইজে পৰিষদখনৰ পৰা যিটো সমস্যা সমাধানৰ প্ৰয়োজন বুলি ভাৱে প্ৰথমে উক্ত সমস্যাৰ ওপৰত আঁচনি গ্ৰহণযোগ্যতাৰ ওপৰত নিৰূপন কৰি ৰাইজৰ সহযোগত ৰূপায়ন কৰিব লাগে ৷ আজিৰ অনুষ্ঠানটোৰ আদৰণি ভাষণ দিয়ে এম এম কেৰ জেষ্ঠ কৰ্মী অৰুণ মৰাঙে ৷ অনুষ্ঠানত উপস্থিত থাকে টি এম পি কেৰ কেন্দ্ৰীয় সাধাৰণ সম্পাদক চান কুমাৰ পাংগিং, সহকাৰী সম্পাদক হৰিচন্দ্ৰ কামান, এম এ চিৰ গোগামুখ পৰিষদীয় সমষ্টিৰ সাধাৰণ সদস্য ৰাজু পেগু, গণশক্তিৰ ধেমাজি জিলা সমিতিৰ সভাপতি দিব্যজ্যোতি ভৰালী, এম এম কেৰ কেন্দ্ৰীয় সদস্য দিপেন দলে, বিজেপিৰ গোগামুখ মণ্ডলৰ সম্পাদক দিলীপ পেগু, অগপৰ কেন্দ্ৰীয় সদস্য ফণী দলে আদিৰ লগতে সহস্ৰাধিক ৰাইজে ৷ উল্লেখনীয় যে, বিগত দহ বছৰত মিংমাং পৰিষদীয় সমষ্টিত মুঠ ২৫০ টা আঁচনি ৰূপায়ন কৰা হৈছে ৷
