CID কাৰ্যালয়ত হাজিৰ ২ প্ৰৱাসী অসমীয়া।(Zubeen Garg Death Case)
পুৱাই আৰক্ষীৰ বাহনেৰে লৈ অনা হ’ল ২ প্ৰৱাসী অসমীয়াক।
CIDৰ কাৰ্যালয়ত হাজিৰ অভিমন্যু তালুকদাৰ আৰু তন্ময় ফুকন।
ছিংগাপুৰৰ অসম এছ’চিয়েছনৰ সভাপতি অভিমন্যু তালুকদাৰ।
ছিংগাপুৰত য়ট পাৰ্টীৰ আয়োজক তন্ময় ফুকন।
জুবিন গাৰ্গৰ মৃত্যুৰ তদন্ত সম্পৰ্কে সাক্ষ্য প্ৰদান কৰিব দুই প্ৰবাসী অসমীয়াই।
অসমীয়া সাহিত্য সংস্কৃতিৰ (Assamese literary culture development forum) বিকাশ মঞ্চ অসমে চলিত বৰ্ষৰ চেপ্তেম্বৰ মাহত পাঁচ বছৰত ভৰি দিলে। অসমীয়া সাহিত্য সংস্কৃতিৰ বিকাশ মঞ্চৰ পাঁচবছৰৰ উপলক্ষে গুৱাহাটীৰ দীঘলীপুখুৰীৰ সংগীতাচাৰ্য লক্ষ্মীৰাম বৰুৱা সদন, অসম সাহিত্য সভা ভৱনত আজি দিনজোৰা কাৰ্যসূচীৰে অনুষ্ঠিত হয় কেন্দ্রীয় দ্বি-বার্ষিক অধিবেশনখন। যান্ত্ৰিক জীৱনৰ পৰা কিছু সময় আঁতৰি সাহিত্যৰ পৃথিৱীখনত সকলোৰে লগত এটা দিন বিশেষভাৱে উদযাপন কৰিবলৈ এয়া তেওঁলোকৰ সামান্য প্রয়াস। অসমীয়া সাহিত্যৰ পথাৰখনত সাহিত্য চর্চাৰ এখন বিশেষ মঞ্চ হিচাপে চিহ্নিত হৈছে “অসমীয়া সাহিত্য সংস্কৃতিৰ বিকাশ মঞ্চ, অসমে”।
কেন্দ্ৰীয় দ্বি-বার্ষিক অধিৱেশনৰ কাৰ্যসূচী অনুসৰি-পুৱা পতাকা উত্তোলন, পতাকা উত্তোলনৰ পিছতে বন্তি প্রজ্বলন আৰু জুবিন গাৰ্গৰ প্রতিচ্ছবিত শ্রদ্ধাঞ্জলি অর্পণ। বন্তি প্ৰজ্বলন কৰে অসমীয়া সাহিত্য সংস্কৃতিৰ বিকাশ মঞ্চ অসমৰ মুখ্য উপদেষ্টা ৰঞ্জনজ্যোতি শর্মা বৰদলৈয়ে। তাৰপিছতে অনুষ্ঠিত হয় মুকলি সভা আৰু কবিতা পাঠ কৰা হয়। মুকলি সভা আৰু কবিতা পাঠৰ পিছতে মুখপত্র শব্দবাক উন্মোচন কৰা হয়। অনুষ্ঠানটোত বিশিষ্ট অতিথি হিচাপে উপস্থিত থাকে কমলজিৎ কলিতা, বিশিষ্ট কবি, সভাপতি গুৱাহাটী মহানগৰ কবি কানন দেবজিত বৰা, প্রধান সম্পাদক, অসম সাহিত্য সভা আমন্ত্রিত অতিথি। প্রফুল্ল বর্মন, সভাপতি, কামরূপ মহানগৰ জিলা সাহিত্য সভা মৃগেন ভাগৱতী, অৱসৰ প্ৰাপ্ত অভিযন্তা উপসস্থিত থাকে। আনহাতে অনুষ্ঠানটোত উপস্থিত থাকে দৈনন্দিন বাৰ্তা কাকতৰ সম্পাদক শংকৰ গোহাঞি।
অুষ্ঠানৰ পিছতে বিশেষ ব্যক্তিসকলক জনোৱা হয় সম্বৰ্ধনা। তাৰপিছতে হার্টথ্র’ব জুবিন গাৰ্গ নামেৰে এখন গ্ৰন্থ উন্মোচন কৰা হয়। গ্ৰন্থখন লিখি উলিয়াই শিল্পী দাসে। গ্ৰন্থখন উন্মোচন কৰে কমলজিৎ কলিতাই
লকআপত চকুপানী টুকিলে অমৃতপ্রভা মহন্তই।(Amritprava Mahanta)
অমৃতপ্রভাৰ পূৰণ নহ’ল ৩০ সংখ্যক জন্মদিন উদযাপনৰ সপোন।
বিলাসীভাৱে জন্মদিন উদযাপনৰ সপোন আছিল অমৃতপ্ৰভাৰ।
কিন্তু, কি কৰিব লকআপতে CID কেন্টিনৰ ৰুটি, ভাত, তৰকাৰীৰে পাৰ হ’ল অমৃতপ্ৰভাৰ জন্মদিন।
১১ অক্টোবৰত আছিল অমৃতপ্রভা মহন্তৰ ৩০ সংখ্যক ওপজা দিন।
জুবিন গাৰ্গৰ মৃত্যুৰ গোচৰত অভিযুক্ত হৈ CID লকআপত আছে নলবাৰীৰ অমৃতপ্রভা মহন্ত।
জুবিন হত্যাৰ অভিযুক্ত অমৃতপ্ৰভাক ১৪ জিম্মাত লৈছিল CIDএ।
১৬ অক্টোবৰতে লকআপতে থাকিব লাগিব অমৃতপ্ৰভা।
জুবিন গাৰ্গৰ মৃত্যুৰ (Zubeen garg death case) তদন্ত প্ৰসংগত আজি মুখ্যমন্ত্ৰী হিমন্ত বিশ্ব শৰ্মাৰ মন্তব্য। মুখ্যমন্ত্ৰীগৰাকীয়ে সংবাদমাধ্যমৰ আগত কয় যে-
দুই এদিনতে আহিব ভাল খবৰ।
ছিংগাপুৰত যথেষ্ট গুৰুত্বসহকাৰে চলিছে জুবিনৰ ঘটনাৰ তদন্ত।
অসমলৈ আহিব ছিংগাপুৰৰ প্ৰৱাসী অসমীয়া।
দুই-এদিনতে SITত হাজিৰ হ’ব প্ৰৱাসী অসমীয়াসকল।
জুবিনৰ ঘটনাৰ তদন্তৰ অগ্ৰগতিক লৈ আজি ডাঙৰ মন্তব্য কৰে মুখ্যমন্ত্ৰীয়ে।
দীপিকা পাডুকন ভাৰতৰ প্ৰথম (Deepika Padukone)মানসিক স্বাস্থ্যৰ এম্বেছাদৰ হিচাবে নিৰ্বাচিত হৈছে। ১০ অক্টোবৰত বিশ্ব মানসিক স্বাস্থ্য দিৱসৰ দিনটোত বলীউডৰ ছুপাৰষ্টাৰ দীপিকা পাডুকনে ঘোষণা কৰে যে তেওঁক কেন্দ্ৰীয় স্বাস্থ্য আৰু পৰিয়াল কল্যাণ মন্ত্ৰালয়ে দেশৰ প্ৰথমগৰাকী মানসিক স্বাস্থ্যৰ এম্বেছাদৰ হিচাপে নিযুক্তি দিছে। জে পি নাড্ডা আৰু পুণ্য সলিলা শ্ৰীবাস্তৱৰ সৈতে তেওঁ এখন ছবিও শ্বেয়াৰ কৰে। তেওঁৰ স্বামী ৰণবীৰ সিঙে কমেণ্ট শাখাত প্ৰতিক্ৰিয়া প্ৰকাশ কৰি আবেগিকভাবে লিখিছে , ‘তোমাক লৈ গৰ্বিত ’।
কেপচনত তেওঁ লিখিছে, ‘বিশ্ব মানসিক স্বাস্থ্য দিৱসত কেন্দ্ৰীয় স্বাস্থ্য আৰু পৰিয়াল কল্যাণ মন্ত্ৰালয়ৰ প্ৰথমবাৰৰ বাবে মানসিক স্বাস্থ্য দূত হিচাপে নিযুক্তি পোৱাত মই সন্মানিত হৈছো।’ আৰু লগতে কয়, ‘আমাৰ সন্মানীয় প্ৰধানমন্ত্ৰী নৰেন্দ্ৰ মোদীৰ নেতৃত্বত আমাৰ দেশে মানসিক স্বাস্থ্যক জনস্বাস্থ্যৰ কেন্দ্ৰবিন্দুত স্থান দিবলৈ অৰ্থপূৰ্ণ পদক্ষেপ গ্ৰহণ কৰিছে।মোৰ নিজৰ যাত্ৰা আৰু অতীতত আমি কৰা কামৰ জৰিয়তে দশকত, মই দেখিছো যে আমি যেতিয়া একত্ৰিত হৈ মানসিকভাৱে সুস্থ ভাৰত গঢ়িম তেতিয়া কিমান সম্ভৱ হ’ব মই ভাৰতৰ মানসিক স্বাস্থ্যৰ কাঠামোক আৰু অধিক শক্তিশালী কৰাৰ বাবে শ্ৰী জে পি নাড্ডাৰ নিৰ্দেশনাত কাম কৰিবলৈ আগ্ৰহী।’
প্ৰায় এদশক আগতে তাই প্ৰথমবাৰৰ বাবে ডিপ্ৰেছনৰ সৈতে কৰা নিজৰ যুদ্ধৰ কথা কৈছিল, তেতিয়াৰ উদ্যোগটোত প্ৰায়ে নিষিদ্ধ বুলি গণ্য কৰা এটা বিষয়ক কেন্দ্ৰ কৰি তেওঁ মৌনতা ভাঙিছিল। দীপিকাই নিজেই এদশক পূৰ্বে হতাশাৰ সৈতে যুঁজিছিল আৰু বছৰ বছৰ ধৰি মানসিক স্বাস্থ্যৰ সমস্যাৰ সৈতে যুঁজিছিল, বিশেষকৈ বলীউডৰ ছুপাৰষ্টাৰ ৰণবীৰ কাপুৰৰ সৈতে বিচ্ছেদ হোৱাৰ পিছত।
কৰ্মক্ষেত্ৰত দীপিকা পাডুকনক শেষবাৰৰ বাবে দেখা গৈছিল ৰোহিত শ্বেট্টীৰ পৰিচালনাত নিৰ্মিত “সিংহাম এগেইন” ছবিখনত, য’ত অজয় দেৱগন, ৰণবীৰ সিং, অক্ষয় কুমাৰ, টাইগাৰ শ্ৰফ, কৰীনা কাপুৰ, আৰু অৰ্জুন কাপুৰেও অভিনয় কৰিছিল। ছবি খনে আৰ্জন কৰিছিল বিশ্বজুৰি ৩৭২ কোটি টকা। শেহতীয়াকৈ মাতৃত্ব আঁকোৱালি লোৱা অভিনেত্ৰীগৰাকীক পৰৱৰ্তী সময়ত শ্বাহৰুখ খানৰ কিং আৰু আটলীৰ পৰিচালনাত নিমাৰ্ণ হৈ থকা আল্লু অৰ্জুনৰ আগন্তুক ছবিত দেখা যাব।
বৰ্ষীয়ান ক্ৰীড়া সাংবাদিক, (Premdhar Sharma) বিশিষ্ট ক্ৰীড়া সংগঠক প্ৰেমধৰ শৰ্মা বাৰ্ধক্য জনিত কাৰণত দীৰ্ঘ দিন ধৰি শয্যাশায়ী হৈ আছে৷ তেখেতৰ স্বাস্থ্যৰ বুজ লোৱাৰ উদ্দেশ্যে ১১ অক্টোবৰ তাৰিখে ক্ৰীড়া মহীৰূহ পুলিন দাস স্মৃতি ৰক্ষা সমিতিয়ে স্বাস্থ্যৰ বুজ লবলৈ তেখেতৰ পাণবজাৰস্থিত বাসগৃহত উপস্থিত হয়৷
স্মৃতি ৰক্ষা সমিতিৰ সভাপতি নয়ন প্ৰসাদ, সম্পাদক কল্যাণ কুমাৰ দাস আৰু সদস্য পাৰ্থ চক্ৰৱৰ্তীয়ে তেখেতে অসমৰ ক্ৰীড়া ক্ষেত্ৰলৈ আগবঢ়োৱা অৱদানৰ স্বীকৃতি স্বৰূপে এখন প্ৰশস্তি পত্ৰ প্ৰদান কৰে৷ তদুপৰি স্মৃতি ৰক্ষা সমিতিয়ে তেখেতলৈ কিছু পৰিমাণে আৰ্থিক সাহাৰ্যও আগবঢ়োৱাৰ লগতে আশু আৰোগ্য কামনা কৰে৷
স্মৃতি ৰক্ষা সমিতিয়ে বৰ্ষীয়ান ক্ৰীড়া সাংবাদিকগৰাকীৰ চিকিৎসাৰ সকলো প্ৰকাৰৰ ব্যৱস্থা গ্ৰহণ কৰিবলৈও ৰাজ্য চৰকাৰক অনুৰোধ জনায়৷
ছমৰীয়াৰ সোণতলীৰ ডেকাচাঙত (Tarun Gogoi Birth Anniversary) প্ৰাক্তন মুখ্যমন্ত্ৰী তৰুণ গগৈৰ জন্ম জয়ন্তী পালন। গৌৰৱ গগৈ ফেনচ্ ক্লাৱৰ উদ্যোগত বস্ত্ৰ, খাদ্য আৰু বৃক্ষ ৰোপণ কাৰ্যসূচী ৰূপায়ন।
কামৰূপ জিলাৰ ছমৰীয়া সমষ্টিৰ অন্তৰ্গত সোণতলীৰ ডেকাচাঙস্থিত জবাল-ই ৰহমান একাডেমীত প্ৰয়াত প্ৰাক্তন মুখ্য মন্ত্ৰী তৰুণ গগৈৰ জন্ম জয়ন্তী পালন কৰা হয়। আজি কামৰূপ জিলা গৌৰৱ গগৈ ফেনচ্ ক্লাৱৰ উদ্যোগত আয়োজন কৰা জন্ম জয়ন্তীৰ কাৰ্যসূচীৰ লগত সংগতি ৰাখি গৌৰৱ গগৈ ফেনচ্ ক্লাৱৰ তৰফৰ পৰা দৰিদ্ৰ লোকৰ মাজত বস্ত্ৰ, খাদ্য আৰু বৃক্ষৰোপণ কাৰ্যসূচী ৰূপায়ন কৰে।
কাৰ্যসূচীত জেষ্ঠ কংগ্ৰেছী নেতা তথা ২০২৬ চনৰ বিধানসভা নিৰ্বাচনত ২৭নং ছমৰীয়া সমষ্টিৰ পৰা কংগ্ৰেছ দলৰ পৰা টিকট প্ৰত্যাশী ছাহজাহান আলীয়ে মুখ্য অতিথি হিচাপে উপস্থিত থাকি বহুসংখ্যক বৃক্ষৰোপণ কৰে। বৃক্ষ ৰোপণৰ অন্তত বিদ্যালয় প্ৰাংগনত অনুষ্টুপীয়াকৈ এখন সভা অনুষ্ঠিত হয়।
গৌৰৱ গগৈ ফেনচ্ ক্লাৱৰ সদস্য কবিৰ আক্ৰাম হুছেইনৰ সঞ্চালনত অনুষ্ঠিত সভাত ছমৰীয়া ব্লক কংগ্ৰেছ কমিটিৰ সভাপতি গোলজাৰ হুছেইন, গৌৰৱ গগৈ ফেনচ্ ক্লাৱৰ সদস্য হেফজুৰ ৰহমান, সদস্যা মৰ্জিনা বেগম প্ৰমুখ্যে সদস্য সকল, স্থানীয় মুৰব্বী, বিদ্যালয়ৰ খনৰ অধ্যক্ষ কলিম উদ্দিন আহমেদ, প্ৰমুখ্যে শিক্ষক-শিক্ষয়িত্ৰী, ছাত্ৰ-ছাত্ৰী উপস্থিত থাকে। সভাত প্ৰয়াত অসমৰ প্ৰাক্তন মুখ্যমন্ত্ৰী তৰুণ গগৈৰ একনিষ্ঠ কৰ্মৰাজিৰ ওপৰত আলোকপাত কৰি শ্ৰোদ্ধাৰে সুঁৱৰাৰ লগতে বিদেহ আত্মাৰ সদগতি কামনা কৰে।
সাৰ্বজনীন ৰাস মহোৎসৱ উদযাপন (Sualkuchi News) সমিতি শুৱালকুছিৰ উদ্যোগত অহা ৫ নৱেম্বৰৰ পৰা অনুস্থিত হ’বলগীয়া ৩৩ সংখ্যক ৰাস মহোৎসৱৰ যোৱা শুকুৰবাৰে লাইখুঁটা স্থাপন কৰা হয়। শুৱালকুছি মাজটোল বালিচৰত সম্পূৰ্ণ মাঙ্গলিক পৰিবেশত লাইখুঁটা স্থাপন কৰে ঈশ্বৰ শ্ৰীশ্ৰীহাটীসত্ৰৰ বুঢ়া সত্ৰাধিকাৰ ৰাজীব লোচন সন্ত বাপে।উল্লেখ্য যে,অহা ৫ নৱেম্বৰৰ পৰা ১৫ নৱেম্বৰলৈ শুৱালকুছিৰ বালিচৰত উদযাপিত হ’ব ভগৱান শ্ৰীকৃষ্ণৰ ৰাস মহোৎসৱ।
হায়দৰাবাদৰ শিল্পীৰে এইবেলি অত্যাধুনীক বিজুলীৰ চমকপ্ৰদ আলোক সজ্জাৰে সজাই টোলা হব ৰাস মহোৎসৱৰ মূল মন্দপ বৃন্দাবনৰ দৃশ্যাৱলী। আনহাতে প্ৰয়াত শিল্পী জুবিন গাৰ্গৰ নামত এক বিশেষ কাৰ্য্যসূচীও প্ৰস্তুত কৰা হ’ব বুলি সভাপতি ৰাজীৱ দাসে জানিবলৈ দিছে। লাইখুঁটা স্থাপন অনুস্থানত প্ৰাক্তন সভাপতি তথা বিশিষ্ট সমাজকৰ্মী দিনেশ বৈশ্য সমিতিৰ সম্পাদক ত্ৰয়ৰ লগতে শতাধিক ব্যক্তি উপস্থিত থাকে।
বিশ্বৰ ভিতৰতে (BAPS Swaminarayan Akshardham) সনাতন ধৰ্মৰ সৰ্ববৃহৎ আৰু শক্তিশালী সংগঠন বিএপিএচ স্বামিনাৰায়ণ অক্ষৰধাম সংস্থাৰ সৰ্বোচ্চ সমাদৃত সংস্কৃত ধৰ্মগ্ৰন্থ সৎসংগদীক্ষাৰ অসমীয়া অনুবাদৰ সংস্কৰণ এটি জয়পুৰৰ স্বামিনাৰায়ণ মন্দিৰৰ দ্বিশতাব্দী মহোৎসৱত উন্মোচন কৰা হৈছে। যোৱা ৯ চেপ্তেম্বৰত বিএপিএচ স্বামিনাৰায়ণ সংস্থাৰ গুৰুহৰি, প্ৰকট ব্ৰহ্ম স্বামী শ্ৰীমহন্ত স্বামী মহাৰাজৰ কৰকমলৰ দ্বাৰা উন্মোচিত হোৱা সৎসংগ দীক্ষা গ্ৰন্থখন অসমীয়া ভাষালৈ অনুদিত হোৱাৰ পূৰ্বে পৃথিৱীৰ আন ২১ টা ভাষালৈ অনুবাদ হৈছিল।
উক্ত গ্ৰন্থখনৰ বিৰচক পূজ্য শ্ৰীমহান্ত স্বামী মহাৰাজ আৰু গ্ৰন্থখনৰ সংস্কৃত ভাষান্তৰ কৰিছিল নতুন দিল্লীৰ অক্ষৰধাম মন্দিৰৰ স্বামিনাৰায়ণ গৱেষণা কেন্দ্ৰৰ সঞ্চালক, মহামহোপাধ্যায় ড: ভদ্ৰেশ দাস স্বামীজীয়ে । অসমীয়া ভাষালৈ ভাবাৰ্থ সহ অনুবাদ কৰাত মুখ্য ভূমিকা লোৱা অসম সৎসংগ মণ্ডলৰ সম্পাদক কুশল কলিতাই জয়পুৰৰ স্বামিনাৰায়ণ মন্দিৰত উপস্থিত থাকি শ্ৰীমহান্ত স্বামী মহাৰাজৰ দিব্য স্পৰ্শৰে এই গ্ৰন্থখনৰ উন্মোচনৰ আনুষ্ঠানিকতা সম্পন্ন কৰে। উল্লেখযোগ্য যে বিএপিএচ স্বামিনাৰায়ণ অক্ষৰধাম সংস্থাৰ সুবিশাল হিন্দু সনাতন গ্ৰন্থ সমূহৰ মাজত সৎসংগ মণ্ডল অসমৰ উদ্যোগত এই গ্ৰন্থখনেই প্ৰথম খন গ্ৰন্থ হিচাপে অনুবাদিত হৈছে।
পূজ্য শ্ৰীমহান্ত স্বামী মহাৰাজৰ দ্বাৰা বিৰচিত এই গ্ৰন্থত ৩১৫ টা সংস্কৃত শ্লোক আছে । সংস্থাৰ অসম মণ্ডলৰ ক্ৰমে মহেন্দ্ৰ ডেকা, দীপক শৰ্মা আৰু তুলিকা চহৰীয়াই গ্ৰন্থখন অসমীয়া লিপিত আৰু ইয়াৰ ভাবাৰ্থ অসমীয়া ভাষাত লিখি সহযোগিতা আগবঢ়ায় । আনহাতে অসম মণ্ডলৰ অন্যতম সদস্য সঞ্জয় আগৰৱালাও জয়পুৰৰ উন্মোচনী অনুষ্ঠানত অংশগ্ৰহণ কৰে আৰু সংস্থাৰ সনাতনী উদ্দেশ্যলৈ পৃষ্ঠপোষকতা কৰে। উল্লেখযোগ্য যে বিশ্বৰ ভিতৰত পঞ্চাশ হাজাৰৰো অধিক সৎসংগ কেন্দ্ৰ থকা সংস্থাটোৰ অসমৰ ভিতৰতে একমাত্ৰ কেন্দ্ৰটো মঙলদৈত অৱস্থিত আৰু উক্ত কেন্দ্ৰৰ জৰিয়তে মঙ্গলদৈত এটি সুবিশাল হিন্দু স্বামিনাৰায়ণ মন্দিৰ নিৰ্মাণৰ পৰিকল্পনা কৰা হৈছে।
শিৱসাগৰ জিলাৰ নাজিৰা (Bhaskar Das) চহৰৰ ৭ নং ৱাৰ্ডৰ স্থায়ী বাসিন্দা পিতৃ প্ৰয়াত ৰবিন চন্দ্ৰ দাসৰ সুযোগ্য সন্তান ভাস্কৰ দাসে আন্তৰ্জাতিক শ্ৰম সংস্থা’ৰ মঞ্চত ভাৰতক প্ৰতিনিধিত্ব কৰাৰ সুযোগ লাভ কৰি অসমৰ লগতে শিৱসাগৰ জিলালৈ কৃতিত্ব কঢ়িয়াই আনিবলৈ সক্ষম হৈছে। ইংৰাজী’ৰ ২০২৫ বৰ্ষ’ৰ অহা ১৪ অক্টোবৰ’ৰ পৰা ১৭ অক্টোবৰ’লৈ ছিংগাপুৰত অনুষ্ঠিত হ’বলগীয়া আন্তৰ্জাতিক শ্ৰম সংস্থা’ৰ আন্তঃৰাষ্ট্ৰীয় ট্ৰেইনিং চেণ্টাৰ’ৰ অধীনত আয়োজিত আন্তৰ্জাতিক প্ৰশিক্ষণ কাৰ্যসূচী ফেচ টু ফেচ কমপোনেণ্ট ‘ৰ বাবে নিৰ্বাচিত হৈ প্ৰথমজন অসমীয়া হিচাপে কৃতিত্ব অৰ্জন কৰিবলৈ সক্ষম হৈছে। ১৫ দিনীয়া কঠোৰ ভাৰ্চিৱেল ট্ৰেইনিং প্ৰগে’ম’ৰ সফল সমাপ্তিৰ পাছত ভাস্কৰ দাসে উক্ত স্বীকৃতি লাভ কৰিছে।
উল্লেখ্য যে ভাস্কৰ দাসে বৰ্তমান অ’.এন.জি.চি. অসম সম্পদৰত কৰ্মৰত হৈ থকা’ৰ লগতে অ’.এন.জি.চি. শ্ৰমিক এছ’চিয়েচন, ভাৰতীয় মজদুৰ সংঘ, অসম প্ৰদেশৰ সাধাৰণ সম্পাদকৰ দায়িত্ব বহন কৰি আছে। বিগত ১৫ বছৰ ধৰি তেওঁ অসমৰ অন্যান্য সংগঠিত-অসংগঠিত ক্ষেত্ৰৰ কৰ্মচাৰীসকলৰ উন্নয়ন আৰু শ্ৰমিক সমাজৰ কল্যাণৰ হকে অক্লান্তভাৱে কাম কৰি অহাৰ লগতে বিভিন্ন সময়ত শ্ৰমিকৰ ওপৰত হোৱা অন্যায়ৰ বিৰুদ্ধে এক উচ্চ আৰু নিৰ্ভীক কণ্ঠ হিচাপে সন্মুখৰ পৰা নেতৃত্ব প্ৰদান কৰি আহিছে।আনহাতে ভাস্কৰ দাস শৈক্ষিকভাৱেও অতি সুদক্ষ। তেখেত শিৱসাগৰ মহাবিদ্যালয়ৰ পৰা স্নাতক আৰু গুৱাহাটী বিশ্ববিদ্যালয়ৰ স্নাতকোত্তৰ ডিগ্ৰীধাৰী।
