AIUDFৰ যুৱমৰ্চাৰ সভাপতি জেহেৰুল ইছলামৰ পদত্যাগ।
আজমলৰ ভেটিত কঁপনি
AIUDFৰ যুৱমৰ্চাৰ সভাপতি জেহেৰুল ইছলামৰ পদত্যাগ
১প্ৰথম বি এন এছ এছ উদ্যোগত অমৃত বৃক্ষ আন্দোলন ২০২৪ সোণাপুৰৰ উদ্যোগত অনুষ্ঠিত হয়
অমৃত বৃক্ষ আন্দোলনৰ অধীনত ১প্ৰথম বি এন এছ এছ সোণাপুৰ ৰ উদ্যোগত অনুষ্ঠিত হয়
অমৃত বৃক্ষ আন্দোলন ২০২৪ৰ অধীনত নলবাৰীৰ সৰিয়াতোলিৰ গোপাল থান মন্দিৰত ১নং বি এন এছ এছ বি সোণাপুৰ, অসমৰ কমাণ্ডেণ্ট শ্ৰী সুনীল কৌশিকৰ নেতৃত্বত বাগিচা অভিযান অনুষ্ঠিত হয়
এই বাগিচা অভিযানৰ মূল উদ্দেশ্য আছিল মানুহক পৰিৱেশৰ প্ৰতি সচেতন কৰা যাতে তেওঁলোকে গছ ৰোপণৰ প্ৰতি নিজৰ দায়িত্ব উপলব্ধি কৰিব পাৰে, আৰু সেউজ সংঘাত বৃদ্ধি কৰা আৰু তাৰ দ্বাৰা অসমৰ সেউজ আৱৰণ বৃদ্ধি কৰা। এই অনুষ্ঠানৰ সময়ত এছ এছ বি কৰ্মী, গাওঁ প্ৰধান & স্থানীয় গাঁওবাসীয়ে অংশগ্ৰহণ কৰি আজি মুঠ ৩২০ টা পুলি ৰোপণ কৰা হৈছে
গোগামুখত স্বাধীনতা দিৱস কাপ ফুটবলত গা-ডাঙৰচুক এফ চি ফাইনেলত
ধেমাজি জিলাৰ গোগামুখৰ অন্যতম ক্ৰীড়া সংগঠক ন-গাঁও যুৱক সংঘৰ উদ্যোগত গোগামুখ নগৰ হাইস্কুল খেলপথাৰত দেশৰ ৭৮ সংখ্যক স্বাধীনতা দিৱস উপলক্ষে অনুষ্ঠিত হৈ থকা প্ৰয়াত কনকেশ্বৰ গগৈ আৰু ধনবৰ দত্ত সোঁঁৱৰণি প্ৰাইজমানি আৰু ট্ৰফী ফুটবল প্ৰতিযোগিতাৰ আজি বিয়লি অনুষ্ঠিত প্ৰথমখন ছেমিফাইনেল খেলত গা-ডাঙৰচুুুক এফ চিয়ে গোগামুখ চৃঃচাং এফ চিক ৩-১ গ’লৰ ব্যৱধানত পৰাস্ত কৰি ফাইনেলত প্ৰৱেশ কৰিছে ৷
উত্তেজনাপূৰ্ণ খেলখনত চৃঃচাং এফ চিয়ে সুন্দৰ খেল প্ৰদৰ্শন কৰিি অধিক সময় নিজৰ ভৰিত বল ৰাখিবলৈ সক্ষম হৈ যদিও গ’লকীপাৰৰ দুৰ্বলতাৰ বাবে দুটা গ’ল অযথা হজম কৰিবলগীয়া হয় ৷
চৃঃচাং এফ চিয়ে লোৱা তিনিটা সুতীব্ৰ শ্বট গা-ডাঙৰ চুকৰ গ’লবাৰত লাগি ঘুৰি অহাৰ বিপৰীতে গা-ডাঙচুক এফ চিয়েও কেবাটাও নিশ্চিত গ’ল কৰাৰ সুযোগ নষ্ট কৰে ৷ গা-ডাঙৰচুক এফ চিৰ গলকীপাৰে আজি সুন্দৰ খেল প্ৰদৰ্শন কৰি নিজৰ দলক বহুকেইটা নিশ্চিত গ’লৰ পৰা ৰক্ষা কৰে ৷
আজিৰ খেলখন পৰিচালনা কৰে কিৰণ কুলি, মহানন্দ মিলি আৰু আৰু গৌৰৱজ্যোতি দলেয়ে ৷ চতুৰ্থ পৰিচালক হিচাপে থাকে ভূবন পেগুৱে ৷ মেচ কমিছনাৰ হিচাপে থাকে মণিৰাম পেগুৱে ৷ স্বাধীনতা দিৱস কাপ ফুটবল প্ৰতিযোগিতাৰ আয়োজক সমিতিৰ সভাপতি কল্যাণ গগৈ আৰু সম্পাদক সদানন্দ দাসে জনোৱা মতে কাইলৈ প্ৰতিযোগিতাখনৰ খেল বন্ধ থাকিব আৰু ১৩ আগষ্টত গোগামুখ জি এম এছ এফ চি আৰু মৰ্ণিং এফ চিৰ মাজত দ্বিতীয়খন ছেমিফাইনেল অনুষ্ঠিত হ’ব ৷
অসম কবি সন্মিলনৰ অন্তৰ্গত মাজুলী জিলা কবি সন্মিলন গঠন
১৯৮৭ চনত অসমৰ বহু সংখ্যক গণ্য মাণ্য কবিৰ বিশেষ প্ৰচেষ্টাত গঠিত হোৱা উত্তৰ-পূব ভাৰতৰ সৰ্ববৃহৎ কাব্যানুষ্ঠান অসম কবি সন্মিলনৰ অন্তৰ্গত মাজুলীত প্ৰথমবাৰৰ বাবে আজি প্ৰতিষ্ঠা লাভ কৰে মাজুলী জিলা কবি সন্মিলনে ।
আজি বিয়লি ১ বজাৰ পৰা গড়মূৰ প্ৰেছ ক্লাবত মাজুলীৰ অৰ্ধ শতাধিক কাব্যপ্ৰেমী ৰাইজৰ উপস্থিতিত বিশিষ্ট শিক্ষাবিদ তথা সাহিত্যকৰ্মী ৰমেশ চন্দ্ৰ শইকীয়াৰ সভাপতিত্বত অনুষ্ঠিত ৰাজহুৱা সভাত অসম কবি সন্মিলনৰ লক্ষীমপুৰ জিলা কবি সন্মিলনৰ সম্পাদক ডঃ তৰুণ চন্দ্ৰ বৰা, দুলাল দিহিঙ্গীয়া, মিনু নেওগ ভৰালী প্ৰমুখ্যে বহুকেইজন কেন্দ্ৰীয় বিষয়ববীয়াৰ পৰ্যবেক্ষণত পোনপ্ৰথমবাৰৰ বাবে অসম কবি সন্মিলনৰ অন্তৰ্গত মাজুলী জিলা কবি সন্মিলনে জন্ম লাভ কৰে।
সাহিত্য সংগঠক মনোজ্যোতি ৰেগন, কবি শংকুসিদ্ধ নাথ, কবি পাৰুল বৰা মিলি, সংবাদ সেৱক কিশোৰী মোহন পালে বিশিষ্ট অতিথি হিচাপে অংশগ্ৰহণ কৰা সভাখনত সৰ্বসন্মতিক্ৰমে কবি-সংগঠক ৰমেশ চন্দ্ৰ শইকীয়াক সভাপতি, মনোজ্যোতি ৰেগনক কাৰ্যকৰী সভাপতি, ৰূপজ্যোতি নাথ আৰু মুনিন টায়েক উপ-সভাপতি, পাপু বৰাক সম্পাদক, শংকুসিদ্ধ নাথ আৰু পাৰুল বৰা মিলিক যুটীয়া সম্পাদক, বিকাশ শইকীয়াক প্ৰচাৰ সম্পাদক, মহানন্দ হাজৰিকাক সাংগঠনিক সম্পাদক, ভৱানন্দ হাজৰিকাক পত্ৰিকা সম্পাদক, বিজয় শইকীয়াই কাব্য সংকলনৰ সম্পাদক, ৰুণমণি শইকীয়াক কোষাধ্যক্ষ, উৎপল কাকতি, ইভাৰাণী গোস্বামী, মহিম চন্দ্ৰ নাথ, খগেন হাজৰিকা, ৰাজীৱ বৰা, কৃষ্ণাৰাণী শইকীয়া বৰুৱা, দীপাংকৰ ভাগৱতী, অনন্ত কুমাৰ ঙাটে, কবিতা মৰাং পেগু, শৰ্মী দলে পেগু, শুভ্ৰা দলে, উমেশ সিং ৰাজপুত, তিলক ৰাজখোৱাক কাৰ্যকৰী সদস্য আৰু কিশোৰী মোহন পাল, বিষ্ণু প্ৰসাদ দেউৰী আৰু মানিক বৰুৱাক উপদেষ্টা হিচাপে লৈ এখন শক্তিশালী সমিতি গঠন কৰা হয় ।
অসম কবি সন্মিলনৰ কেন্দ্ৰীয় বিষয়ববীয়া ডঃ তৰুণ চন্দ্ৰ বৰাই উদ্দেশ্য ব্যাখ্যা কৰা ৰাজহুৱা সভাখন জাতীয় সংগীত পৰিৱেশনৰে সফল সমাপ্তি ঘটে।
অসমৰ এগৰাকী বিশিষ্ট কবি, সমালোচক তথা গল্পকাৰ ৰবীন্দ্ৰ বৰাৰ আকস্মিক মৃত্যু
অসমৰ এগৰাকী বিশিষ্ট কবি, সমালোচক তথা গল্পকাৰ ৰবীন্দ্ৰ বৰাৰ আকস্মিক মৃত্যু৷ হৃদৰোগত আক্ৰান্ত হৈ ৮৫ বছৰ বয়সত শেষ নিশ্বাস ত্যাগ কৰিলে বৰ্ষীয়ান সাহিত্যিকগৰাকীয়ে৷ ১৯৩৯ চনত মাকুমত জন্মগ্ৰহণ কৰা ৰবীন্দ্ৰ বৰাই ৰামধেনু যুগতে কবি হিচাপে আত্মপ্ৰকাশ কৰি অসমীয়া সাহিত্য জগতলৈ গুৰুত্বপূৰ্ণ বৰঙণি আগবঢ়াইছে৷
১৪ খন কাব্যসংকলন, ৪ খন গল্পসংকলন, এখন উপন্যাসকে ধৰি বহু মূল্যৱান গ্ৰন্থৰে অসমীয়া সাহিত্যক সমৃদ্ধ কৰি গ’ল ৰবীন্দ্ৰ বৰাই৷ তেখেতৰ উল্লেখযোগ্য কাব্যগ্ৰন্থৰ ভিতৰত আছে ’দীৰ্ঘদিনৰ প্ৰস্তুতিৰে’,’ নিৰ্বাসিত সময়’, ’শইচৰ মানুহ’,’ উত্তৰ প্ৰজন্ম’, ’ৰাতি ভাঙি আহে’, ’ক’ৰবাত ৰ’দৰ গান’, ’ৰ’দৰ চৰাই’ আদি৷ ’মই পৰ্যটক’ নামেৰে নতুন কাব্যগ্ৰন্থ এখন প্ৰকাশৰ পথত অাছিল৷ ৰবীন্দ্ৰ বৰাৰ প্ৰকাশিত গল্প সংকলন কেইখন হ’ল ’আলিদোমোজাত’, ’পূৰ্বাপৰ’, ’অকলশৰীয়া ভয়’ আৰু ’আকাশ য’ত হেৰালে’৷
১৯৯৬ চনত প্ৰকাশ পায় বৰাৰ একমাত্ৰ উপন্যাস ’দ্ৰৌপদী’৷ অসম সাহিত্য সভাই প্ৰকাশ কৰিছিল ৰবীন্দ্ৰ বৰাই সম্পাদনা কৰা অতি গুৰুত্বপূৰ্ণ গ্ৰন্থ ’সাম্প্ৰতিক তৰুণৰ কবিতা’৷ অসম কবি সমাজৰ প্ৰাক্তন সভাপতি বৰাই ১৯৮৮ চনত অসম সাহিত্য সভাৰ বোকাখাত অধিৱেশনৰ কবি সন্মিলনত সভাপতিত্ব কৰিছিল৷
২০১২ চনত লাভ কৰিছিল অসম সাহিত্য সভাৰ ছগনলাল জৈন বঁটা৷ এগৰাকী সমালোচক হিচাপে গুৰুত্বপূৰ্ণ অৱদান আগবঢ়োৱা ৰবীন্দ্ৰ বৰাই নতুন প্ৰজন্মক মাৰ্গদৰ্শন কৰাৰ লগতে প্ৰতিষ্ঠাৰ বাট দেখুৱাই দিয়াত অহোপুৰুষাৰ্থ কৰিছিল৷ অসম চৰকাৰৰ জনসংযোগ বিভাগৰ অৱসৰপ্ৰাপ্ত বিষয়া ৰবীন্দ্ৰ বৰাই পত্নী অঞ্জুলা ভূঞা বৰাৰ লগতে দুই কন্যা ভাস্বতী বৰা ৰাজগুৰু, গীতাৰ্থী বৰা, জোৱাই বিশিষ্ট সাংবাদিক প্ৰশান্ত ৰাজগুৰু আৰু কাৰ্টুনিষ্ট উৎপল বৰাৰ লগতে বহু আত্মীয় স্বজনক এৰি থৈ গৈছে৷ বৰাৰ মৃত্যুৰ বাতৰি বিয়পাৰ লগে লগে অসমৰ সাহিত্য জগতত গভীৰ শোকৰ ছাঁ পৰিছে৷
গোৱালপাৰাত ভাৰতীয় জনতা যুৱ মর্চাৰ বিশাল বাইক ৰেলি
ভাৰতবর্ষৰ 78 সংখ্যক স্বাধীনতা দিৱসৰ প্ৰাকক্ষণত দেশৰ প্ৰতিটো পৰিয়ালে যাতে ৰাষ্ট্ৰীয় পতাকা উত্তোলনেৰে উলহ মালসেৰে স্বাধীনতা দিৱস উদযাপন কৰে তাৰ প্ৰতি জনসাধাৰণৰ মাজত সজাগতা সৃষ্টি আৰু সমন্বয়ৰ বার্তাৰে আজি গোৱালপাৰা জিলা ভাৰতীয় জনতা যুৱ মর্চাৰ উদ্যোগত বিশাল বাইক ৰেলি উলিওঁবা হয়
গোৱালপাৰা জিলা ভাৰতীয় জনতা যুৱ মর্চাৰ সভাপতি পবিত্ৰ ৰাভা হাকাচামৰ নেতৃত্বত শোলমাৰী কল্যানপুৰস্থিত মেছপাৰা পুর্বাঞ্চল ৰাভা সমাজৰ ৰাজা বীৰ পৰশুৰাম ৰাভা হাছিছা নোক প্ৰাঙ্গন খেলপথাৰৰ পৰা উলিওঁবা বিশাল বাইক ৰেলিখন ৰাষ্ট্ৰীয় পতাকা জোকাৰি আনুষ্ঠানিকভাৱে শুভাৰম্ভণি কৰে দুধনৈ সমষ্টিৰ প্ৰাক্তন বিধায়ক দীপক কুমাৰ ৰাভাই !
ইয়াৰ পুর্বে গোৱালপাৰা জিলা বি জে পি ৰ সাধাৰণ সম্পাদক দিলীপ কুমাৰ দাসে ত্ৰিৰংগা ৰেলিত অংশগ্ৰহন কৰা প্ৰতিজন কার্যকর্তাক শুভেচ্ছা জ্ঞাপন কৰি চমুকৈ ভাষণ আগবঢ়ায় !
উল্লেখযোগ্য যে গোৱালপাৰা পুৱ আৰু পশ্চিম সমষ্টি ৰ প্ৰায় তিনি শতাধিক কার্যকর্তাই অংশ গ্ৰহন কৰা আজিৰ বিশাল ত্ৰিৰংগা ৰেলি খন কল্যানপুৰৰ পৰা আৰম্ভ হৈ আগিয়া বালিজানা বাপুপাৰা হৈ বালিজানা কালী মন্দিৰ খেলপথাৰত সামৰণি পৰে !
নগাঁৱত অনুষ্ঠিত হয় অসম শক্তি উত্তোলন সন্থাৰ নগাঁও জিলাৰ সাধাৰণ সভা।
নগাঁৱত অনুষ্ঠিত হয় অসম শক্তি উত্তোলন সন্থাৰ নগাঁও জিলাৰ সাধাৰণ সভা।
অসম শক্তি উত্তোলন সন্থাৰ তিনিজনীয়া পৰ্যবেক্ষকৰ উপস্থিতিত অনুষ্ঠিত হয় সাধাৰণ সভা।
নগাঁও জিলাৰ নতুন সমিতি গঠন কৰা হয় সাধাৰণ সভাত।
সভাপতি পদত অভিজিত শৰ্মা,কাৰ্যকৰি সভাপতি বিৰাজ বৰদলৈ,সাধাৰণ সম্পাদক পদত মনোজ কলিতা আৰু সম্পাদক পদত তপন কুমাৰ বৰাক দায়িত্ব অৰ্পন।
ঢেকীয়াজুলি আঞ্চলিক ছাত্ৰ সন্থাৰ উদ্যোগত ঢেকীয়াজুলি নগৰৰ ত্ৰিমূৰ্তি ভৱনত আয়োজন
ঢেকীয়াজুলি আঞ্চলিক ছাত্ৰ সন্থাৰ উদ্যোগত ঢেকীয়াজুলি নগৰৰ ত্ৰিমূৰ্তি ভৱনত আয়োজন কৰা ছাত্ৰ-ছাত্ৰীৰ বিশেষ অভিনন্দন অনুষ্ঠান শনিবাৰে সন্ধিয়া সফল সামৰণি পৰে৷উল্লেখ্য যে হাইস্কুল শিক্ষান্ত আৰু উচ্চতমৰ মাধ্যমিকৰ চুৰান্ত পৰীক্ষাত কলা,বানিজ্য আৰু বিজ্ঞান শাখাত ৭৫ শতাংশ বা ততোধিক নম্বৰ লাভকৰা ছাত্ৰ-ছাত্ৰী সকলক সম্বৰ্ধনা জনাবলৈ ঢেকীয়াজুলি আঞ্চলিক ছাত্ৰ সন্থাই বিশেষ অভিনন্দন অনুষ্ঠান আয়োজন কৰে
৷ছাত্ৰ-ছাত্ৰী বিশেষ অভিনন্দন অনুষ্ঠানৰ শুভ উদ্বোধন কৰে সদৌ শোণিতপুৰ জিলা ছাত্ৰ সন্থাৰ সভাপতি অভিজিৎ নাথে৷লগতে অভিভাষণ আগবঢ়াই সদৌ শোণিতপুৰ জিলা ছাত্ৰ সন্থাৰ শিক্ষা সম্পাদক শংকৰ দাসে,ঢেকীয়াজুলি আঞ্চলিক ছাত্ৰ সন্থাৰ সভাপতি ভাগ্যজ্যোতি নাথে সভাপতিত্ব কৰা আৰু ভাৰপ্ৰাপ্ত সাধাৰণ সম্পাদক বিকাশ কলিতাই উদ্দেশ্য ব্যাখ্যা কৰা বিশেষ অভিনন্দন অনুষ্ঠানত বিশিষ্ট অতিথি হিচাপে উপস্থিত থাকে
অসম চৰকাৰৰ অৱসৰী উচ্চ পদস্থ প্ৰশাসনিক বিষয়া চন্দ্ৰকমল ভূঞা,মুখ্য বক্তাৰ আশন অলংকৃত কৰে শোণিতপুৰ জিলাৰ অপৰাধ শাখাৰ অতিৰিক্ত আৰক্ষী অধীক্ষক মৌচুমী কলিতাই,আমন্ত্ৰিত অতিথি হিচাপে সঞ্জীৱ নাথৰ লগতে বহুতো বিশিষ্ট লোক উপস্থিত থাকে৷আজিৰ বিশেষ অভিনন্দন অনুষ্ঠানত প্ৰায় ৪০০ গৰাকী ছাত্ৰ-ছাত্ৰীৰ লগতে অভিবাবক সকলক সম্বৰ্ধনা জনায়৷
লতাশিল খেল-পথাৰত ৰিভাৰ ৰাইন ক্ৰিকেট ক্ৰচিং চেন্টাৰৰ উদ্যোগত অনুষ্ঠিত গ্ৰীষ্মকালিন ক্ৰিকেট কৰ্মশালাৰ প্ৰমান পত্ৰ বিতৰণ…
ৰিভাৰ ৰাইন ক্ৰিকেট ক্ৰচিং চেন্টাৰৰ উদ্যোগত অনুষ্ঠিত গ্ৰীষ্মকালিন ক্ৰিকেট কৰ্মশালাৰ সফল সামৰণি পৰিল। গ্ৰীষ্মকালিন ক্ৰিকেট কৰ্মশালাৰ সামৰণিৰ অন্তত প্ৰশিৰ্ক্ষাথীসকলক বিতৰণৰ কৰা হয় প্ৰমান পত্ৰ।
জুলাই মাহৰ গৰমৰ বন্ধ উপলক্ষে অসমৰ বিভিন্ন প্ৰান্তত অনুষ্ঠিত হৈছিল গ্ৰীষ্মকালিন কৰ্মশালা। সমান্তৰালকৈ গুৱাহাটীৰ লতাশিল খেল-পথাৰতো ৰিভাৰ ৰাইন ক্ৰিকেট ক্ৰচিং চেন্টাৰৰ উদ্যোগত অনুষ্ঠিত হয় গ্ৰীষ্মকালিন ক্ৰিকেট কৰ্মশালা।
এই কৰ্মশালা দহদিনীয়া কাৰ্যসূচীৰে অনুষ্ঠিত হৈছিল। বহু প্ৰশিক্ষাৰ্থীয়ে অংশগ্ৰহণ কৰিছিল এই কৰ্মশালাখনিত। এই গ্ৰীষ্মকালীন ক্ৰিকেট প্ৰশিক্ষণ শিবিৰৰ কোচিং ইন-চাৰ্জ সহ চিইঅ’ হৈছে মহম্মদ কাছিম আলী। আনহতে মুখ্য কো’ৰ্চাৰ হৈছে সুমিত নাগ।
আন আন কো’ৰ্চাসকল হৈছে মহম্মদ পাৰ্ভেজ আলি, ধীৰাজ কুমাৰ দাস, প্ৰিতাম্বৰ জুচি, লক্ষ্মণ চৌধুৰী। আনহাতে মহিলা কো’ৰ্চা আছিল গোপী দে।
আজি কৰ্মশালাখনিৰ প্ৰমাণ পত্ৰ বিতৰণী অনুষ্ঠানত মুখ্য অতিথি হিচাপে উপস্থিত থাকে আলোকপ্ৰভঞ্জন ৱেলফেয়াৰ ছ’চাইটিৰ হৈ শংকৰ গোহাঁই, ৰঞ্জিত কুমাৰ শৰ্মা, সুমিত নাগ, ধীৰাজ দাস, প্ৰিতাম্বৰ জুচি, উৎপল চৌধুৰী, লক্ষ্মণ চৌধুৰী, পাৰভেজ আলি, গোপী দে, কাছিম আলী।
উপস্থিত আটাইকেইজন ব্যক্তিক একোখন ফুলাম গামোচাৰে জনোৱা হয় সম্বৰ্ধনা। লগতে উপস্থিত থাকে গ্ৰাউণ্ড ষ্টাৰ্ফ বিনোদ ৰাজবংশী আৰু ধনজিৎ মেধী। আনহাতে প্ৰমান পত্ৰ লাভ কৰে প্ৰশিক্ষাৰ্থীসকল হৈছে সান্দীপন অধিকাৰী, দেৱ শংকৰ গোহাঁই, ৰাজীৱ চৌধুৰী,কাবেৰীমা মেধীকে আদি কৰি বহু প্ৰশিক্ষাৰ্থীক প্ৰদান কৰে প্ৰমান পত্ৰ।
টেঙাখাতৰ চোৰাং গৰু ব্যৱসায়ী মুনু খানক গ্ৰেপ্তাৰ। জিলা কাৰাগাৰলৈ প্ৰেৰণ।
টেঙাখাত আৰক্ষীৰ থানাৰ ভাৰপ্ৰাপ্ত আৰক্ষী বিষয়া সুমন চন্দ্ৰ সাহাৰ নেতৃত্বত যোৱা এটা আৰক্ষী দলে এক গোপন খবৰ ভিত্তিত নিজ টেঙাখাত অঞ্চলৰ মনু খান নামৰ এটা চোৰাং গৰু সৰবৰাহকাৰীৰ ঘৰত অভিযান চলাই গৰু মাংস কাটি থকা অৱস্থাত হাতেলোটে আতক কৰে।
উল্লেখ্য যে ধৃত মনু খান যোৱা কেইমাহমানৰ পূৰ্বে চোৰাং গৰু কাটি বিক্ৰী কৰাৰ অভিযোগত গ্ৰেপ্তাৰ হৈ ডিব্ৰুগড়ৰ কাৰাগাৰৰ পৰা মুকলি হৈ আহি পুনৰ অবৈধ গৰু মাংস ব্যৱসায়ৰ আৰম্ভ কৰে।
আজি আকৌ পুনৰ চোৰাং গৰু ব্যৱসায় লগত জড়িত থকা মনু খানক আৰক্ষীয়ে গ্ৰেপ্তাৰ কৰি টেঙাখাত আৰক্ষী থানাত ৪৮/ ২০২৪ নম্বৰত এক গোচৰ ৰুজু কৰি ভাৰতীয় দণ্ড বিধি আইনৰ ৩০৩ (২) ৩২৫ ধাৰাৰ অধীনত জিলা কাৰাগাৰলৈ প্ৰেৰণ কৰে।