ৰাষ্ট্ৰীয় হস্তশিল্প সপ্তাহৰ শুভ উদ্বোধন । National Handicraft Week 2025:
National Handicraft Week 2025: ভাৰতৰ সমৃদ্ধ হস্তশিল্প ঐতিহ্যক উদযাপন আৰু সংৰক্ষণৰ লক্ষ্যৰে গুৱাহাটীস্থিত PWD Convention and Training Centre-ত দেওবাৰে বৰ্ণাঢ্যভাৱে উদ্বোধন কৰা হয় ৰাষ্ট্ৰীয় হস্তশিল্প সপ্তাহ, ২০২৪। দেশজ শিল্প-সংস্কৃতিক পুনৰ উজ্জীৱিত কৰাৰ উদ্দেশ্যে আয়োজিত এই অনুষ্ঠানত মুখ্য অতিথি হিচাপে উপস্থিত থাকে খ্যাতনামা গুরু শিল্পা বঁটা প্ৰাপক শ্ৰী মন্তু চন্দ্ৰ দাস। তেওঁৰ উপস্থিতিয়ে অসম তথা উত্তৰ-পূৰ্বাঞ্চলৰ শিল্পী সমাজৰ মাজত নতুন আত্মবিশ্বাস আৰু গৌৰৱৰ অনুভৱ জাগ্ৰত কৰে।
ডিচেম্বৰ ৮ৰ পৰা ১৪ তাৰিখলৈ দেশব্যাপী পালন কৰা এই সপ্তাহখন স্বাধীনতা সংগ্ৰামী আৰু ভাৰতৰ পৰম্পৰাগত হস্তশিল্প পুনৰুজ্জীৱনৰ পথিকৃৎ শ্ৰীমতী কমলাদেবী চট্টোপাধ্যায়ৰ অমুল্য অৱদানক শ্ৰদ্ধাৰে স্মৰণ কৰে। দেশজ শিল্পৰ সংৰক্ষণ আৰু বিকাশৰ ক্ষেত্ৰত তেওঁৰ দৰ্শন আৰু অদম্য মনোবল আজিও বহু শিল্পী আৰু সংগঠনৰ বাবে প্ৰেৰণাস্বৰূপ।
Development Commissioner (Handicrafts), NERO-ৰ কাৰ্যালয়ৰ উদ্যোগত অনুষ্ঠিত এই উদ্বোধনী অনুষ্ঠানত Assistant Director (Handicrafts) শ্ৰী থাংজাম জয়ন্ত সিংে সপ্তাহজোৰা বিভিন্ন কাৰ্যসূচীৰ বিষয়ে বিশদ ব্যাখ্যা আগবঢ়ায়। অনুষ্ঠানত চৰকাৰী বিষয়া, শিল্পী, হস্তশিল্প প্ৰেমী আৰু সাধাৰণ দৰ্শকৰ উল্লেখযোগ্য উপস্থিতি দেখা যায়।
‘বন্দে মাতৰম’ৰ ডেৰশ বছৰ সম্পূৰ্ণ হৈছে আৰু সেইবাবেই কেন্দ্ৰীয় চৰকাৰে এই বিশেষ অনুষ্ঠানটো উদযাপনৰ পৰিকল্পনা কৰিছে। লোকসভাত ১০ ঘণ্টীয়া বিশেষ আলোচনাৰ তালিকা প্ৰস্তুত কৰা হৈছে। ‘বন্দে মাতৰম’ৰ ডেৰশ বছৰ উপলক্ষে সোমবাৰে (৮ ডিচেম্বৰ) লোকসভাত এক বিশেষ আলোচনা অনুষ্ঠিত হ’ব, য’ত বংকিম চন্দ্ৰ চেটাৰ্জীৰ ঐতিহাসিক লেখাৰ গুৰুত্বপূৰ্ণ কিন্তু কম পৰিচিত তথ্যসমূহ চৰ্চালৈ অনা হ’ব।
বংকিম চন্দ্ৰ চেটাৰ্জীয়ে ১৮৭০ চনত সংস্কৃত ভাষাত এই গীতটো ৰচনা কৰিছিল। এই গীতটোৱে ভাৰতৰ স্বাধীনতা সংগ্ৰামৰ সময়ত লাখ লাখ লোকক অনুপ্ৰাণিত কৰি সমগ্ৰ দেশতে সাহস আৰু ঐক্যৰ চিৰন্তন প্ৰতীক হিচাপে পৰিগণিত হৈছে। যোৱা ১ অক্টোবৰত কেন্দ্ৰীয় কেবিনেটে ঘোষণা কৰিছিল যে সমগ্ৰ দেশতে এই গীতটিৰ ১৫০ বছৰীয়া জয়ন্তী উদযাপন কৰা হ’ব।
কালি ৭ ডিচেম্বৰত এই গীতটোৱে ১৫০ বছৰ সম্পূৰ্ণ কৰিলে, এই উপলক্ষে লোকসভাত ১০ ঘণ্টীয়া বিশেষ আলোচনাৰ তালিকা প্ৰস্তুত কৰা হৈছে। এই বিষয়ত গৃহমন্ত্ৰী অমিত শ্বাহ আৰু কেন্দ্ৰীয় প্ৰতিৰক্ষা মন্ত্ৰী ৰাজনাথ সিঙে ভাষণ দিয়াৰ সম্ভাৱনা আছে।
