বিহাৰৰ মুখ্যমন্ত্ৰীৰ কাৰ্যালয় বোমাৰে উৰুৱাই দিয়াৰ ভাবুকি ।
ভাবুকিভৰা ই-মেইল প্ৰেৰণ দুৰ্বৃত্তৰ। নীতিশ কুমাৰ পূৰ্বে অল-কায়েদাৰে জড়িত থকাৰ অভিযোগ পত্ৰত।
ঘটনা সন্দৰ্ভত এজাহাৰ দাখিল।
দীপৰ বিলৰ পৰা ৰাণীলৈ একাংশ ধাবাই আকৰ্ষণীয়কৈ উলিৱাই আনিছে অসমৰ জনগোষ্ঠীয় পৰম্পৰাগত থলুৱা খাদ্য সম্ভাৰক…
ভোগবাদী সমাজৰ লগত তাল মিলাবলৈ গৈ অসমীয়া জাতিয়ে বহুক্ষেত্রত নিজস্বতা হেৰুৱাই পেলাইছে । আধুনিকতাৰ প্ৰসাৰৰ ফলত অসমীয়া সংস্কৃতিৰ বিভিন্ন সম্পদৰ লগতে হেৰাই গৈছে অসমীয়া পৰম্পৰা থলুৱা খাদ্য সম্ভাৰ । এসময়ত খাদ্যৰসিক বুলি নাম থকা অসমীয়া জাতিৰ নতুন প্রজন্মই বর্তমান পাহৰিয়েই গৈছে সুস্বাদু কাঁহুদী, খাৰলি, খৰিচা , পাতত দিয়া মাছ, ভাপত দিয়া মাছ, চুঙা ভাত , আদিকে ধৰি অসমীয়া বিবিধ ব্যঞ্জন। কিন্তু সৌভাগ্যৰ বিষয় যে বর্তমান গুৱাহাটী মহানগৰীৰ ৰেস্তোৰাঁসমূহত সহজলভ্য ইটালিয়ান, চাইনিজ ম’ম’, ৰ’ল, চাওমিন, পিজা আদিৰ পয়োভৰত অস্তিত্ব হেৰুৱাই পেলোৱা এই অসমীয়া খাদ্যক পুনৰ জনপ্রিয় কৰি তুলিছে মহানগৰীৰ কাষৰীয়া দীপৰ বিলৰ পৰা ৰাণীলৈ বিগত চাৰি – পাঁচ বছৰমানৰ ভিতৰত স্থাপন হোৱা একাংশ ধাবাই। বিদেশী খাদ্যত আসক্ত মানুহৰ মাজলৈ অসমীয়া পৰম্পৰাগত থলুৱা খাদ্যক পুনৰ ঘূৰাই অনাটো প্ৰকৃততে এক প্ৰত্যাহ্বানমূলক কাৰ্য বুলি অভিহিত কৰিছে বিগত ২০২৩ বৰ্ষৰ ডিচেম্বৰ মাহত দীপৰ বিলৰ কাষৰীয়া চকৰদৌ প্ৰাথমিক বিদ্যালয়ৰ সন্মূখত গড়চুক – পাটগাঁও সংযোগী পথৰ দাঁতিত স্থাপন কৰা মৃত্তিকা এথেনিক ফুড নামৰ ধাবাখনৰ স্বতাধিকাৰী মমী
ৰংপীয়ে। এই সন্দৰ্ভত উচ্চ শিক্ষিতা মমী ৰংপীয়ে জানিবলৈ দিয়া মতে এইক্ষেত্ৰত তেওঁক স্বামী প্ৰমোদ ৰংপীয়ে সকলো ক্ষেত্ৰতে সহযোগিতা আগবঢ়াইছিল। আনকি দীপৰ বিলৰ জৈৱ বৈচিত্ৰ্য ৰক্ষা কৰি বিলখনক পৰ্যটকৰ আকৰ্ষণৰ কেন্দ্ৰবিন্দুলৈ উন্নীতকৰণৰ হকে কাম কৰি অহা দীপৰ বিল সুৰক্ষা মঞ্চৰ সাধাৰণ সম্পাদক, পৰিৱেশকৰ্মী প্ৰমোদ কলিতায়ো যথেষ্ট ইতিবাচক দিহা – পৰামৰ্শ দি আহিছে । প্ৰথম অৱস্থাত গ্ৰাহকৰ সঁহাৰি লাভ কৰাত কিছু অসুবিধাৰ সন্মুখীন হবলগীয়া হৈছিল। কিন্তু লাহে লাহে বাঢ়ি অহা জনপ্ৰিয়তাৰ পৰা বুজা গৈছে যে অসমীয়া পৰাম্পৰাগত থলুৱা খাদ্যৰ সমাদৰ এতিয়াও আছে। অন্য খাদ্যতকৈ কম মচলাযুক্ত অসমীয়া আৰু বিভিন্ন জনগোষ্ঠীয় ব্যঞ্জনসমূহ স্বাস্থ্যসম্মত হোৱাৰ বাবে গ্রাহকে অধিক পছন্দ কৰে। বিশেষকৈ দেওবাৰ আৰু উৎসব-পার্বণত তুলনামূলকভাৱে মানুহৰ সমাগম অলপ বেছি হয়। তেওঁলোকে বাঁহৰ গাজ, বাঁহৰ চুপ, তিলৰে প্ৰস্তুত কৰা গাহৰি মাংসৰ উপৰিও কাৰ্বি, ৰাভা, বড়ো জনগোষ্ঠীয় খাদ্য সম্ভাৰ পৰিৱেশন কৰি গ্ৰাহকৰ সঁহাৰি লাভ কৰিবলৈ সক্ষম হৈছে। ইফালে পৰিৱেশ কৰ্মী প্ৰমোদ কলিতাই মৃত্তিকা এথেনিক ফুডক দীপৰ বিলৰ পৰ্যটনৰ এক নতুন সংযোজন বুলি অভিহিত কৰি মমী ৰংপীকে ধৰি একাংশ উচ্চ শিক্ষিত যুৱক – যুৱতী এনে ধৰণৰ পৰম্পৰাগ ত খাদ্য সম্ভাৰৰে গ্ৰাহকক আকৰ্ষণ কৰাৰ লগতে চৰকাৰী – বেচৰকাৰী চাকৰিৰ পাছত দৌৰি নুফুৰি ধাবা স্থাপনৰে আন কেইজনমানক জীৱিকাৰ পথ মোকোলাই দিবলৈ সক্ষম হোৱাটো এক ইতিবাচক বাৰ্তা দিব বুলি আশা ব্যক্ত কৰিছে।
তেনেদৰে দীপৰ বিলৰ পাৰৰ চকৰদৌ কলিতাপাৰাৰ দীপৰ বিল ধাবাৰ পৰা আৰম্ভ কৰি কিছু নিলগৰ ৰাণী সংযোগী এন ই চি পথৰ দাঁতিত তথা বিনোদনৰ থলী হিচাপে পৰিচিত একোলেণ্ডৰ অাশে – পাশে বিগত কেইটামান বৰ্ষত স্থাপন হোৱা কলফুল লোকেল ধাবা , কলপাত লোকেল ধাবা , জুহাল লোকেল ধাবাকে ধৰি তেনে ধৰণৰ প্ৰায় দহ – বাৰখনমান লোকেল ধাবাই বিভিন্ন ধৰণৰে প্ৰস্তুত কৰা মূৰ্গী, ছাগলী আৰু গাহৰিৰ মাংস, কেঁকোৰা, আলু পিটিকা, খাৰ, কাঁহুদী, খাৰলি, মাছৰ টেঙা আঞ্জা আদি সম্পূর্ণ অসমীয়া ব্যঞ্জনেৰে গ্রাহকক সন্তুষ্ট কৰি আহিছে। অন্য খাদ্যতকৈ জনগোষ্ঠীয় থলুৱা খাদ্য বিচাৰি অহা গ্ৰাহকৰ সংখ্যা অধিক বুলি কলপাত লোকেল ধাবাৰ স্বতাধিকাৰী বিশ্বজিৎ ৰাভাই জানিবলৈ দিছে। তেনেদৰে কলফুল লোকেল ধাবাৰ স্বতাধিকাৰী বিবেক ৰাভাই স্বাস্থ্যৰ বাবে ক্ষতিকৰ, প্রচলিত ফাষ্টফুডতকৈ কম মচলাযুক্ত আৰু স্বাস্থ্যসম্মত অসমীয়া জনগোষ্ঠীয় পৰাম্পৰাগত খাদ্যসমূহ থলুৱা গ্রাহকে অধিক পছন্দ কৰি আহিছে। সমান্তৰালভাবে ৰাণী অঞ্চলৰ মনোমোহা প্ৰাকৃতিক সৌন্দৰ্য্য উপভোগ কৰিবলে দেওবাৰ বা অান চৰকাৰী বন্ধৰ দিনত বহু লোক গুৱাহাটীৰ বিভিন্ন প্ৰান্তৰ পৰা পৰিয়াল, বন্ধু – বান্ধবসহ আহে। তেনে লোকৰ এক বুজন সংখ্যকেই একোলেণ্ডৰ পৰা আৰম্ভ কৰি ৰাণীলৈকে থকা একাংশ লোকেল ধাবাত নিজৰ মন পচন্দৰ আহাৰ গ্ৰহণ কৰে। উল্লেখ্য যে বৰঝাৰ বিমানবন্দৰৰ পৰা কিছু নিলগৰ দীপৰ বিলৰ পৰা ৰাণীলৈ অসমৰ জনগোষ্ঠীয় লোকসকলৰ উচ্চ শিক্ষিত যুৱক – যুৱতীসকলৰ এই ইতিবাচক কাৰ্যই উঠি অহা শিক্ষিত যুৱ সমাজক ইতিবাচক বাৰ্তা দিবলৈ সক্ষম হব বুলি সচেতন লোকসকলে মত ব্যক্ত কৰিছে।
বন্ধুত্ব এক সম্পদঃ বন্ধুত্বত নাই কোনো বয়স, উচ্চ-নীচ, জাতি-ধৰ্ম আৰু ভেদা-ভেদৰ পাৰ্থক্য…
বন্ধু হ’ল তেজৰ সম্পৰ্কতকৈও অতি আপোন সম্পৰ্ক। প্ৰতিটো সুখ-দুখত আমাৰ কাষত থাকে বন্ধু। তেওঁলোকৰ উপস্থিতিয়ে আমাৰ জীৱনটো সুন্দৰ কৰি তোলে। বন্ধু হ’ল তেজৰ সম্পৰ্কতকৈও অধিক। প্ৰতিটো সুখ-দুখত আমাৰ লগত থিয় হৈ থাকে। এনে পৰিস্থিতিত বন্ধুত্ব দিৱস এই বহুমূলীয়া সম্পৰ্ক উদযাপনৰ এক সুন্দৰ সুযোগ। আজি বন্ধুত্ব দিৱস। আজিৰ দিনটোত আমি বন্ধু-বান্ধৱীক ফোনত শুভেচ্ছা, কাৰ্ড, উপহাৰ বা বাৰ্তা প্ৰেৰণ কৰি আৱেগ প্ৰকাশ কৰো। আজিকালি ছ’চিয়েল মিডিয়াই বন্ধুত্বৰ উৎসৱক অধিক ৰঙীন কৰি তুলিছে। ফেচবুক, ইনষ্টাগ্ৰাম আৰু হোৱাটছএপৰ দৰে প্লেটফৰ্মত মানুহে ইজনে সিজনক শুভেচ্ছা জনাবলৈ বিভিন্ন ধৰণৰ পোষ্ট আৰু মেছেজ শ্বেয়াৰ কৰে।
আপোনালোকলৈ আগবঢ়ালো বন্ধুত্ব দিৱসৰ কেইটামান মৰমলগা শুভেচ্ছাঃ
বন্ধুত্বৰ সম্পৰ্ক এটা ফুলৰ দৰে,
যাক মৰম আৰু যত্নৰ প্ৰয়োজন
তুমি মোৰ জীৱনৰ আটাইতকৈ ধুনীয়া ফুল।
বন্ধুত্ব দিৱসৰ শুভেচ্ছা থাকিল!
তুমি মোৰ বেষ্ট ফ্ৰেণ্ড
বন্ধুত্ব দিৱসৰ শুভেচ্ছা জনালোঁ
প্ৰতি বছৰে আগষ্ট মাহৰ প্ৰথম দেওবাৰে পালন কৰা বন্ধুত্ব দিৱস। বন্ধু-বান্ধৱীৰ সৈতে মৰম আৰু মৰম ভাগ-বতৰা কৰাৰ এই দিনটোৱে মানুহৰ হৃদয়ত এক বিশেষ স্থান দখল কৰে।
কেৰালাৰ ৱায়ানাডৰ উদ্ধাৰ অভিযানত ভাৰতীয় সেনাৰ বিশেষ দলৰ নেতৃত্ব মেজৰ সীতা…
কেৰালাৰ ৱায়ানাডৰ উদ্ধাৰ অভিযানত সহায়ক হোৱাকৈ ভাৰতীয় সেনাই ৩১ ঘন্টাত নিৰ্মাণ কৰিলে ১৯০ ফুট দীঘল দলং। ভাৰতীয় সেনাৰ বিশেষ দলটোক নেতৃত্ব দিছিল মেজৰ সীতাই।
সফল অভিযানৰ পাছতে নিজৰ মন্তব্য প্ৰকাশ কৰে মেজৰ সীতাই, “মই ইয়াত নিজকে একমাত্ৰ মহিলা বুলি নাভাবো। মই এজন সৈনিক। সেনাবাহিনীত পুৰুষ-মহিলা নাই।
মই ইয়াত ভাৰতীয় সেনাৰ প্ৰতিনিধি হিচাপে আছো আৰু এই লঞ্চিং টিমৰ অংশ হোৱাৰ বাবে গৌৰৱ অনুভৱ কৰিছো।”
ইজৰাইলত হিজবুল্লাহৰ আক্ৰমণৰ পাছতেই পুনৰ উত্তপ্ত মধ্যপ্ৰাচ্য…
আক্ৰমণ-প্ৰত্যাক্ৰমণত বিধ্বস্ত মধ্যপ্ৰাচ্য। ইজৰাইলত হিজবুল্লাহৰ আক্ৰমণৰ পাছতেই পুনৰ উত্তপ্ত মধ্যপ্ৰাচ্য।
হামাচৰ শীৰ্ষ নেতা আৰু হিজবুল্লাহ কমাণ্ডাৰৰ মৃত্যুৰ পাছত ইজৰাইলত হিজবুল্লাহৰ প্ৰত্যাক্ৰমণ।
উত্তেজনাৰ মাজতে নাগৰিকক লেবানন ত্যাগ কৰিবলৈ আহ্বান আমেৰিকা যুক্তৰাষ্ট্ৰৰ।
ৱায়ানাডৰ উদ্ধাৰ অভিযানত সহায়ক হোৱাকৈ ১৯০ ফুট দীঘল দলং নিৰ্মাণ কৰিলে ভাৰতীয় সেনাই…
কেৰালাৰ ৱায়ানাডৰ উদ্ধাৰ অভিযানত সহায়ক হোৱাকৈ ভাৰতীয় সেনাই ৩১ ঘন্টাত নিৰ্মাণ কৰিলে ১৯০ ফুট দীঘল দলং। ভাৰতীয় সেনাৰ বিশেষ দলটোক নেতৃত্ব দিছিল মেজৰ সীতাই।
সফল অভিযানৰ পাছতে নিজৰ মন্তব্য প্ৰকাশ কৰে মেজৰ সীতাই, “মই ইয়াত নিজকে একমাত্ৰ মহিলা বুলি নাভাবো। মই এজন সৈনিক। সেনাবাহিনীত পুৰুষ-মহিলা নাই। মই ইয়াত ভাৰতীয় সেনাৰ প্ৰতিনিধি হিচাপে আছো আৰু এই লঞ্চিং টিমৰ অংশ হোৱাৰ বাবে গৌৰৱ অনুভৱ কৰিছো।”
ভাৰতৰ কেইজন ধনী ব্যক্তি আৰু তেওঁলোকৰ প্ৰিয় খাদ্য…
ভাৰতৰ ডাঙৰ ব্যৱসায়ী মুকেশ আম্বানী গুজৰাটী খাদ্যৰ বাবেও পৰিচিত। ভাৰতৰ বৃহৎ ব্যৱসায়ীসকলৰ ভিতৰত মুকেশ আম্বানীক গণ্য কৰা হয়। তেওঁ প্ৰায়ে বহু পাৰ্টি আৰু সামাজিক সভাত অংশগ্ৰহণ কৰে। ব্যস্ততাপূৰ্ণ সময়সূচী থকাৰ পিছতো তেওঁ প্ৰথমে নিজৰ স্বাস্থ্যৰ যত্ন লয়। মুকেশ আম্বানীয়ে প্ৰতিদিনে অতি কঠোৰ নিৰামিষ খাদ্য পালন কৰে আৰু জাংক ফুডৰ পৰা আঁতৰি থাকে। তেওঁৰ প্ৰিয় খাদ্য আৰু snacks এন্টিলিয়াৰ পাকঘৰত প্ৰস্তুত কৰা হয়।
দুপৰীয়াৰ আহাৰ হওক বা ৰাতিৰ আহাৰ হওক, মুকেশ আম্বানীৰ খাদ্যাভ্যাস দিনটোৰ ভিতৰতে পৰম্পৰাগত ভাৰতীয় খাদ্যৰ ওপৰত নিৰ্ভৰশীল। মুকেশ আম্বানীয়ে গুজৰাটী থালি বৰ ভাল পায়। য’ত থাকে দাইল, শাক-পাচলি, ভাত, চূপ আৰু চালাড। জীৱনশৈলী সুস্থ কৰি ৰাখিবলৈ এনে খাদ্যৰ প্ৰয়োজন। যদিও মুকেশ আম্বানীয়ে স্বাস্থ্যসন্মত ঘৰতে বনোৱা খাদ্য খায়, তথাপিও তেওঁ সপ্তাহত এবাৰ বাহিৰৰ খাদ্যও খায়। মুকেশ আম্বানীৰ প্ৰিয় snacksৰ নাম ‘পাংকি’। যিটো পিঠাগুৰিয়ে তৈয়াৰ কৰা হয়। মেথি পাত আৰু অলপ হালধি দি বনাব লাগে। ইয়াক কলৰ পাতত তৈয়াৰ কৰা হয়। যিটো চাটনি আৰু আচাৰৰ সৈতে পৰিবেশন কৰা হয়। মেথি আৰু অন্যান্য মছলাৰ বাবে ই স্বাস্থ্যৰ বাবে উপকাৰী। ইয়াক কম ঘিউ বা তেল দি বনাব পাৰি। সেইবাবেই ই কম চৰ্বিযুক্ত snacks।
তেৰ বছৰীয়া এজনী পখিলা-চপল ইহুদী কিশোৰী এন ফ্ৰাংক !১৯৪৪ চনৰ আজিৰ দিনটোতে জাৰ্মান বাহিনীয়ে গ্ৰেপ্তাৰ কৰা সময়ত মাত্ৰ ১৪ বছৰীয়া আছিল এন ফ্ৰাংক…
তেৰ বছৰীয়া এজনী পখিলা-চপল ইহুদী কিশোৰী। নাম তাইৰ এন ফ্ৰাংক। তেৰ বছৰীয়া জন্মদিনত উপহাৰ পালে এখন ডায়েৰী। ১৯৩৩ চনতেই হিটলাৰৰ নাজী বাহিনীৰ ভয়ত তাইৰ বাপেক অটো ফ্ৰাংক সপৰিয়ালে হলেণ্ডলৈ গুছি আহিছিল। দ্বিতীয় মহাসমৰৰ সময়। নাজীয়ে হলেণ্ড দখল কৰিলে। “দেশভক্ত” নাজীবাহিনীৰ হাতত প্ৰাণ যোৱাৰ ভয়ত এনৰ বাপেকে দুজনমান সহমৰ্মী ডাচ্চ বন্ধুৰ সহযোগত আমষ্টাৰডামৰ এটা পুৰণা চাৰিমহলীয়া ঘৰৰ একেবাৰে ওপৰ মহলাৰ পিছফালৰ কোঠা দুটামানত সপৰিয়ালে আত্মগোপন কৰে।
দুই কিশোৰী জী মাৰ্গট আৰু এনৰ সৈতে চাৰিজনীয়া পৰিয়ালটোৰ প্ৰাণৰক্ষাৰ প্ৰয়াস! তেওঁলোকৰ লগতে লুকালহি মিষ্টাৰ আৰু মিছেছ ভানডান আৰু তেওঁলোকৰ কিশোৰ পুত্ৰ পিটাৰ। লগ লাগিলহি এজন দাঁতৰ ডাক্টৰো – ইহুদী! দুবছৰ ধৰি সেই আবদ্ধ গুপ্তগৃ্হতে এন ফ্ৰাংকে এক কাল্পনিক বন্ধুক উদ্দেশ্যি নিজৰ অভিজ্ঞতা লিখি গ’ল ডায়েৰী-পাতত।
দেশপ্ৰেম, জাতিপ্ৰেম আদিৰ ছদ্মবেশত সাম্প্ৰদায়িকতা আৰু ফেচীবাদে কিদৰে মানৱতাৰ ব্যাপক স্খলন ঘটাব পাৰে, তাক অনুধাৱন কৰিবলৈ আন একো নপঢ়িলেও হয়– এন ফ্ৰাংকৰ ডায়েৰীয়ে যথেষ্ট। অন্ধ উন্মাদনাই মানৱজাতিৰ কি বিপুল সম্ভাৱনা কলিতে বিনাশ কৰিব পাৰে তাৰো পাঠ আমি এই গ্ৰন্থৰ মাজেদিয়ে পাম – ফুলকলিৰ দৰে বয়সতে এনে মনোগ্ৰাহী আৰু সংবেদনশীল ভাষাৰে অসাধাৰণ গ্ৰন্থ লিখিব পৰা এন নিষ্ঠুৰ নাজীৰ অত্যাচাৰত অকালতে নমৰা হ’লে বিশ্বই নিশ্চয় আৰু বহু আপুৰুগীয়া সৃষ্টিৰ আস্বাদ পালেহেঁতেন। হিটলাৰ আৰু তেওঁৰ অনুগামীহঁতে নুবুজিলে যে সকলোৱে ভয় কৰা জাতি নহয়, সকলোৱে ভাল পোৱা জাতিহে শ্ৰেষ্ঠ। সেয়ে আশাকৰোঁ আজিৰ ভাৰত তথা অসমত আন এখন এন ফ্ৰাংকৰ ডায়েৰী লিখাৰ পৰিবেশ তৈয়াৰ নহওক।
মেদবহুলতা আৰু মধুমেহ ৰোগৰ পৰা মুক্তি পাবলৈ খাব গজালি ওলোৱা মগু…
বৰ্তমান ব্যস্ত জীৱনত নিজকে সুস্থ কৰি ৰখাটো নিজৰ বাবেই এক ডাঙৰ প্ৰত্যাহ্বান। আজি আমি আপোনালোকক সুস্থ হৈ থাকিবলৈ ৰাতিপুৱা খাব গজালি ওলোৱা মগু। ই এক পুষ্টিকৰ আৰু স্বাস্থ্যকৰ খাদ্য। গজালি ওলোৱা মগু খালে আপোনাৰ শৰীৰটো ফিট হোৱাই নহয় বহু ৰোগৰ পৰাও সকাহ পাব। প্ৰতিদিনে ৰাতিপুৱা গজালি ওলোৱা মগু খালে শৰীৰত ৰক্ত সঞ্চালন উন্নত হোৱাই হয়। গজালি ওলোৱা মগুত কেলৰিৰ পৰিমাণ অতি কম, যাৰ বাবে ই খোৱাৰ লগে লগে হজম হৈ যায়। এই মগু খালে পেটৰ চৰ্বি স্থিৰ হৈ থাকে আৰু উচ্চতা অনুসৰি ওজন ভাৰসাম্যপূৰ্ণ হৈ থাকে। এই কাৰণেই মল্লযুঁজাৰুৰ পৰা সাধাৰণ মানুহলৈকে সকলোৱে খায় মগু।
যিসকল যুৱকে শক্তিশালী শৰীৰ লাভ কৰিব বিচাৰে তেওঁলোকৰ বাবে অংকুৰিত মগু ঔষধৰ দৰে। আচলতে অংকুৰিত মগুত প্ৰটিনৰ পৰিমাণ বেছি। ই পেশী গঠন আৰু মেৰামতি কৰাত সহায় কৰে। চুলি সৰা বা ধূসৰ হোৱাৰ সমস্যাত ভুগি থকা লোকসকলে অংকুৰিত মুং খাই নিজৰ সমস্যা দূৰ কৰিব পাৰে। ইয়াত ভিটামিন আৰু খনিজ পদাৰ্থ প্ৰচুৰ পৰিমাণে পোৱা যায়, যাৰ ফলত মূৰৰ চুলিৰ শিপাবোৰ মজবুত হৈ থাকে। ইয়াৰ উপৰিও চুলি সোনকালে ধূসৰ হোৱাত বাধা দিয়ে। ইয়াত ভাল পৰিমাণৰ প্ৰটিন আৰু ফাইবাৰ থাকে, যিয়ে ইনচুলিনৰ উৎপাদন বৃদ্ধি কৰাত সহায় কৰে। পেটৰ বিষত ভুগি থকা লোকসকলে লগে লগে গজালি ওলোৱা মগু খাব লাগে।
২০২১ চনত বিবাহপাশত আবদ্ধ হৈ সন্তান থকাৰ পাছতো শৈশৱৰ বন্ধুৰ সৈতে প্ৰেম পত্নীৰ ! শৈশৱৰ বন্ধুৰ সৈতে দ্বিতীয় বিবাহ কৰাই দিলে স্বামীয়ে…
২০২১ চনত বিবাহপাশত আবদ্ধ হৈ সন্তান থকাৰ পাছতো শৈশৱৰ বন্ধুৰ সৈতে প্ৰেম পত্নীৰ। স্বামীয়ে কৰাই দিলে প্ৰেমিকৰ সৈতে পত্নীৰ দ্বিতীয় বিবাহ।
বিহাৰৰ লক্ষীচৰাই জিলাৰ ৰামনগৰ গাঁৱৰ এজন লোকে শৈশৱৰ বন্ধুৰ সৈতে পত্নীৰ অন্তৰংগ সম্পৰ্কৰ কথা জানিব পাৰি প্ৰেমিকৰ সৈতে পত্নীৰ বিবাহৰ সুবিধা প্ৰদান কৰে।
বিহাৰৰ এই অস্বাভাৱিক বিয়াখনে সামাজিক মাধ্যমত লাভ কৰিছে চৰ্চা।