অৰুণাচল প্ৰদেশ আৰু উত্তৰ অসমত হৈ থকা ভয়াবহ আৰু গৰাখহনীয়াই  স্থানীয় ৰাইজৰ স্বাভাৱিক জীৱন-যাত্ৰা ব্যাহত কৰি ৰাখিছে।  বিশেষকৈ  ধেমাজি জিলাৰ গোগামুখ ৰাজহ চক্ৰৰ অন্তৰ্গত কুৰিখনৰো অধিক গাঁও বানপানীৰ লগতে গৰাখহনীয়াত বিপৰ্যস্ত হৈছে ৷ গোগামুখ ৰাজহ চক্ৰৰ অন্তৰ্গত গাঁওসমূহৰ বান আৰু গৰাখহনীয়া প্ৰতিৰোধৰ বাবে মিচিং স্বায়ত্তশাসিত পৰিষদে এলানি আঁচনি গ্ৰহণ কৰিছে ৷ পৰিষদৰ মুখ্য কাৰ্যবাহী সদস্য পৰমানন্দ চায়েঙ্গীয়াই কালি আৰু আজি বান আৰু গৰাখহনীয়া অঞ্চল পৰিদৰ্শন কৰে ৷ মুখ্য কাৰ্যবাহী সদস্য চায়েঙ্গীয়াই  গোগামুখ ৰাজহ অন্তৰ্গত গেৰমে শান্তিকপুৰ,  ভেকেলি, ১ নং কৃষ্ণপুৰ, দুই নং কৃষ্ণপুৰ আৰু আৰু ধৰ্মপুৰৰ বান আৰু গৰাখহনীয়াগ্ৰস্ত জনসাধাৰণৰ লগত মত-বিনিময় কৰে ৷

জনসা৷ধাৰণৰ লগত আলোচনা কৰাৰ অন্তত গেৰমে নদীৰ প্ৰায় এক কিলোমিটাৰ অংশ পাৰ্কিউপাইন, বল্ডাৰ আদিৰে গৰাখহনীয়া প্ৰতিৰোধৰ ব্যৱস্থা কৰাৰ লগতে ইয়াৰ সমান্তৰালভাৱে কাঞ্চন গছ বা ফুল জবা গছ ৰোপন কৰিও খহনীয়া প্ৰতিৰোধ কৰিব লাগিব বুলি দোহাৰে মিচিং স্বায়ত্তশাসিত পৰিষদৰ  মুখ্য কাৰ্যবাহী সদস্য পৰমানন্দ চায়েঙ্গীয়াই ৷ তেওঁ কয়- পৰিষদৰ ফালৰ পৰা বিভিন্ন গৰাখহনীয়াগ্ৰস্ত অঞ্চলত পাৰ্কিউপাইনৰ ব্যৱস্থা কৰাৰ উপৰিও উক্ত অঞ্চলবোৰত কাঞ্চন গছৰ লগতে কম সময়তে ডাঙৰ হোৱা গছ ৰোপন কৰা হৈছে আৰু উক্ত অঞ্চলসমূহত বানৰ লগতে গৰাখহনীয়া স্থায়ীভাৱে সমাধান হৈছে ৷

গেৰমে নদীৰ ওপৰটো এনেধৰণৰ ব্যৱস্থাপনা কৰি নদীখনৰ পৰা জনসাধাৰণে সন্মুখীন হৈ অহা সমস্যাৰ সমাধান হ’ব বুলি তেওঁ ৰাইজৰ আগত দোহাৰে ৷ উল্লেখনীয় যে, খৰস্ৰোতা পাহাৰীয়া নৈ গেৰমে নদীয়ে বাৰিষা উত্তাল ৰূপ ধাৰণ কৰি বহুকেইখন গাঁৱৰ ৰাইজক প্ৰতিবছৰে জ্বলা-কলা খোৱাই আহিছে ৷ মুখ্য কাৰ্যবাহী সদস্য চায়েঙ্গীয়া ভেকেলি, গেৰমে শান্তিপুৰ, ধৰ্মপুৰ, ১ নং কৃষ্ণপুৰ আৰু ২ নং কৃষ্ণপুৰ আদিৰ বান আৰু গৰাখহনীয়া অঞ্চল পৰিদৰ্শন কৰি ৰাইজক বান আৰু গৰাখহনীয়া প্ৰতিৰোধ কৰাৰ আশ্বাস দিয়ে ৷  বান আৰু গৰাখহনীয়া পৰিদৰ্শন কালত মুখ্য কাৰ্যবাহী সদস্য চায়েঙ্গীয়াক সহযোগ কৰে টি এম পি কেৰ কেন্দ্ৰীয় সহকাৰী সম্পাদক হৰিচন্দ্ৰ কামান, কাৰ্যকৰী সদস্য সঞ্জীৱ মিলি,  পৰিষদৰ মিংমাং পৰিষদীয় সমষ্টি সমিতিৰ আহ্বায়ক ভূপেন পেগুৱে ৷ 

আজি কামৰূপ মহানগৰ জিলাৰ অন্তৰ্গত সোণাপুৰৰ স্থিত জিলা চিকিৎসালয় খনৰ চিকিৎসক কৰ্মচাৰী সকলে বহি:বিভাগ বৰ্জনৰে কৰ্মবিৰতি প্ৰতিবাদী কাৰ্যসূচী ৰূপায়ণ কৰে । পূৱাৰে পৰা দিনযোৰা প্ৰতিবাদী কাৰ্যসূচী ৰূপায়ণ কৰাৰ ফলত বহু ৰোগীৰ লগতে ৰোগীৰ লগত অহা আত্মীয় স্বজনে হাৰাশাস্তিৰ মুখামুখি হব লগত পৰে । উল্লেখযোগ্য যে যোৱা ১২জুন তাৰিখে সোণাপুৰ জিলা চিকিৎসালয়ত এগৰাকী মহিলাৰ গৰ্ভস্থ সন্তানৰ মৃত্যুক কেন্দ্ৰকৰি উত্তপ্ত পৰিস্থিতিৰ সৃষ্টি হয় । গৰ্ভৱতী মহিলাৰ আত্মীয়ৰ অভিযোগ চিকিৎসকৰ ভুল চিকিৎসাৰ বাবে গৰ্ভস্থ সন্তানটি গৰ্ভতে মৃত্যু হয় । যাৰ পৰিপ্ৰেক্ষিতত চিকিৎসালয়ৰ চৌহদ গৰ্ভৱতী মহিলাৰ আত্মীয় স্বজনৰ লগতে স্থানীয় দল সংগঠনৰ সদস্যসকলে কৰা ধৰ্ণা প্ৰতিবাদত উত্তপ্ত হৈ পৰে ।

আনহাতে চিকিৎসালয়খনৰ চিকিৎসক কৰ্মচাৰী সকলেও অভিযোগ কৰে যে অচিনাকি উত্তেজিত কিছুলোকে চিকিৎসায়লখনৰ কৰ্মচাৰী চিকিৎসকক শাৰীৰিক অপদষ্ট কৰাৰ লগতে চিকিৎসালয়খনৰ কিছু আচবাবৰ ক্ষয় ক্ষতি সাধন কৰে । যাৰ প্ৰতিবাদ স্বৰূপে আজি সোণাপুৰ জিলা চিকিৎসালয়খনৰ চিকিৎসক কৰ্মচাৰী সকলে কৰ্মবিৰতি কাৰ্যসূচী ৰূপায়ণ কৰে । একমাত্ৰ জৰুৰী চিকিৎসা সেৱাৰ বাহিৰে অন্য ৰোগীক চিকিৎসা প্ৰদান কৰাৰ পৰা বিৰত থাকে । হঠাৎ চিকিৎসালয়খনৰ চিকিৎসক কৰ্মচাৰীসকলে কৰ্মবিৰতি লোৱা প্ৰতিবাদী কাৰ্যসূচীয়ে বহু দূৰ দূৰণিৰ পৰা চিকিৎসাৰ বাবে আহা ৰোগীসকলক অলায় আথনিৰ সৃষ্টি কৰে । প্ৰতিবাদী চিকিৎসক কৰ্মচাৰী সকলে এখন সংবাদ মেলৰ সম্বোধন কৰি চিকিৎসক কৰ্মচাৰী সকলৰ নিৰাপত্তা সুনিশ্চিত কৰা তথা উত্তপ্ত পৰিবেশ সৃষ্টি কৰি চিকিৎসক কৰ্মচাৰীক শাৰীৰিক অপদষ্ট কৰা লোকসকলৰ বিৰুদ্ধে আইনী কঠোৰ ব্যৱস্থা লোৱাৰ দাৱী জনাই ।

এইখিনিতে উল্লেখ কৰাৰ প্ৰয়োজন জিলা চিকিৎসা কেন্দ্ৰ হিচাপে চিকিৎসলয়খনত যিধৰণে উন্নত চিকিৎসা সেৱাৰ আন্ত: গাঠনি তৈয়াৰ হব লাগিছিল সেয়া দেখিবলৈ পোৱা নাযায়। যাৰ পৰিপ্ৰেক্ষিতত প্ৰয়োজনীয় চিকিৎসাৰ সু-ব্যৱস্থা নাপালে ৰোগীৰ আত্মীয় স্বজনে মাজে সময়ে অপ্ৰীতিকৰ পৰিবেশ পৰিস্থিতি সৃষ্টিৰে ক্ষোভৰ বহি:প্ৰকাশ ঘটায় । নামত ২০০ খন বেদৰ চিকিৎসালয়খত বৰ্তমান ১৫০খন বেদ আছে । উপযুক্ত চিকিৎসকৰ অভাৱ ৩৪ গৰাকী চিকিৎসক আছে যদিও সেয়া ৰোগীৰ অনুপাতে পৰ্যপ্ত নহয় । চালৰ চিকিৎসক নাই । এজন শিশু ,এজন ই এন টি , এজন চকুৰ , এজন আল্টাচাউণ্ড চিকিৎসকৰ দ্বাৰাই জিলা চিকিৎসালয়খনৰ চিকিৎসা চলি আছে । তেনেক্ষেত্ৰত সোণাপুৰ ডিমৰীয়া অঞ্চলকে ধৰি নগাঁও মৰিগাঁও জিলাৰ উপৰিও সীমামুৰীয়া মেঘালয়ৰ পৰা অহাও বহু সংখ্যাক ৰোগীৰ ভৰষা চিকিৎসালয়খনত সময়ত উপযুক্ত চিকিৎসা নোপোৱাটো তেনেই সাধাৰণ কথা । যোৱা এই দুদিনৰ ঘটনাক লৈ ডিমৰীয়া অঞ্চলৰ ৰাইজৰ অসম চৰকাৰলৈ দাৱী জিলা চিকিৎসালয়খনৰ উন্নত আন্তগাঠনি তৈয়াৰ কৰি অভাব হৈ থকা চিকিৎসক কৰ্মচাৰী তথা চিকিৎসাৰ প্ৰয়োজনীয় সা- সজুলি যোগান ধৰা । প্ৰয়োজনীয় চিকিৎসক তথা চিকিৎসাৰ অভাব যাতে কোনো ৰোগীৰ মৃত্যু হৈ পুনৰ অপ্ৰীতিকৰ ঘটনাৰ সৃষ্টি নহয় ।