আই জি এছ এছ বিৰ বিষয়াই অসমৰ মুখ্য সচিব আৰু ডি জি পিক সাক্ষাৎআই জি,শাস্ত্ৰ সীমা বাল ফ্ৰন্টিয়াৰ গুৱাহাটীৰ দায়িত্ব গ্ৰহণ কৰাৰ পিছত শ্ৰীযুত সুধিৰ ভাৰ্মা আই জি, এছ এছ বিয়ে অসমৰ মুখ্য সম্পাদক ড° ৰবি কোটা আই এ এছ আৰু ডি জি পি অসমৰ শ্ৰী জি পি সিং আই পি এছক সাক্ষাৎ কৰে
এই আদান-প্ৰদানৰ সময়ত অসম চৰকাৰৰ দুয়োগৰাকী শীৰ্ষ কাঁহৰ বিষয়াই ড. ফলপ্ৰসূ সীমান্ত ব্যৱস্থাপনাৰ বাবে সকলো সহযোগিতা বৃদ্ধি কৰাৰ আশ্বাস দিয়ে।
গুৱাহাটী,৮জুলাই: অসমৰ উদ্যোগ,বাণিজ্য আৰু ৰাজহুৱা প্ৰতিষ্ঠান বিভাগৰ মন্ত্রী বিমল বড়াই ৰবৰ খেতি সন্দৰ্ভত ইটানগৰত আজি অনুষ্ঠিত এক পৰ্যালোচনা সভাত অংশগ্ৰহণ কৰে ।
কেন্দ্ৰীয় বাণিজ্য আৰু উদ্যোগ মন্ত্ৰী পিয়ুষ গোৱেলৰ অধ্যক্ষতাত অনুষ্ঠিত সভা খনত মন্তব্য আগবঢ়াই উদ্যোগ মন্ত্ৰী বড়াই অসম তথা উত্তৰ-পূৰ্বাঞ্চলত ৰবৰ খেতিৰ বিপুল সম্ভাৱনাৰ কথা উল্লেখ কৰাৰ লগতে ৰবৰ উৎপাদনৰ দিশত অসম এক অগ্ৰণী ৰাজ্য হিচাপেও পৰিগণিত হোৱাৰ যথেষ্ট থল থকা বুলিও কয়।
উল্লেখ্য যে বাণিজ্য আৰু উদ্যোগ মন্ত্ৰালয়ে ২৪-২৫ আৰু ২৫-২৬ ৰ বিত্তীয় বৰ্ষৰ বাবে ৰবৰ খণ্ডলৈ আগবঢ়োৱা বিত্তীয় সাহায্য ২৩% বৃদ্ধিৰে ৭০৮.৬৯ কোটি টকা ধাৰ্য কৰিছে।
কেন্দ্ৰীয় ৰবৰ বোৰ্ডৰ পৰ্যালোচনা বৈঠকত অৱগত কৰা হয় যে আগন্তুক দুটাবছৰত ৰবৰ খেতিয়কসকলৰ সৱলীকৰণৰ বাবে ২৫০ খন ‘ৰবৰ উৎপাদক সমিতি’ গঠন কৰা হ’ব। ইয়াৰ বাবে সাহায্যৰ পৰিমাণ তিনি হাজাৰ টকাৰ পৰা পাচ হাজাৰ টকালৈ বৃদ্ধি কৰা হৈছে আৰু ই কৃষক শিক্ষা, আলোচনাচক্ৰ, গোট সভা, সামৰ্থ্য বৰ্দ্ধন কাৰ্যকলাপ, ‘এক্সপোজাৰ ভিজিট’, ‘মডেল ফাৰ্ম’ আৰু অন্যান্য কাৰ্যকলাপত অংশীদাৰসকলক সামগ্ৰিকভাবে লাভবান্বিত কৰাত সহায় কৰিব।লগতে অ-পৰম্পৰাগত এলেকা আৰু উত্তৰ-পূৰ্বাঞ্চলৰ আন ১৪৫০টা কৃষক গোট গঠনত ৰবৰ বৰ্ডে সহায় আগবঢ়াব।‘ৰবৰ উৎপাদক সমিতি’সমূহত ৰবৰ খেতিয়ক সকলক একত্ৰিত কৰিলে উৎপাদকসকলে উৎপাদিত ৰবৰৰ মূল্যৰ হাৰ উন্নত কৰাত সহায়ক হ’ব।
ৰবৰ খেতিৰ প্ৰচুৰ সম্ভাৱনীয়তাৰ প্ৰতি লক্ষ্য ৰাখি সম্প্ৰতি উত্তৰ পূবৰ ৰাজ্য সমূহৰ ভিতৰত অসমত সৰ্বাধিক ৬১,৭১৬ হেক্টৰ ভূমিত কৰা ৰবৰ খেতিৰ পৰা বছৰি ৫৮,৩৫৯ মেট্ৰিক টন ৰবৰ উৎপাদিত হয় বুলি ৰাজ্যৰ উদ্যোগ মন্ত্ৰী বিমল বড়াই পৰ্যালোচনা বৈঠকত উল্লেখ কৰে।
মন কৰিবলগীয়া যে ৰবৰ বৰ্ড আৰু ৰবৰ ব্যবহাৰ কৰা উদ্যোগ সমূহৰ মাজত হাতত লোৱা এন ই মিত্ৰ আচনি খনৰ জৰিয়তে উত্তৰ পূৰ্বাঞ্চলৰ ৰাজ্য সমূহত ৰবৰ খেতিয়ে ব্যাপক প্ৰসাৰ লাভ কৰিছে।
এই পৰ্যালোচনা বৈঠকত অৰুণাচল প্ৰদেশৰ মুখ্যমন্ত্ৰী প্ৰেমা কাণ্ডে, উদ্যোগ মন্ত্ৰী নাটু ডুকাম, ৰবৰ বৰ্ডৰ কাৰ্যবাহী সঞ্চালক এম বসন্তগেচন, ৰবৰ বিশেষজ্ঞ চালায় ধননীয়াকে ধৰি উদ্যোগ বিভাগৰ উচ্চ পদস্থ বিষয়া সকলো উপস্থিত আছিল।
দিছপুৰ, ৮ জুলাই: অসম চৰকাৰৰ জলসম্পদ বিভাগৰ মন্ত্ৰী পীযুষ হাজৰীকাই আজি জনতা ভৱনস্থিত নিজ কাৰ্যালয়ত বিভাগীয় মুখ্য অভিযন্তাৰ উপস্থিতিত ৰাজ্যখনৰ প্ৰতিটো বিভাগীয় সংমণ্ডলৰ কাৰ্যবাহী অভিযন্তাৰ পৰা টেলিফোনযোগে ৰাজ্যৰ সাম্প্ৰতিক বান-খহনীয়া পৰিস্থিতিৰ বুজ লয় | বিভাগে বিভিন্ন জিলাত কৰি থকা জৰুৰীকালীন বান-খহনীয়াৰোধৰ কামসমূহৰ খতিয়ান লৈ মন্ত্ৰী হাজৰীকাই সকলো অভিযন্তাক নিৰন্তৰ কামত লাগি থাকিবলৈ নিৰ্দেশনা প্ৰদান কৰে |
শেহতীয়া বানে ৰাজ্যখনৰ কেইবাটাও স্থানত জলসম্পদ বিভাগ আৰু আন বিভাগৰ অধীনত থকা মথাউৰি ছিঙাৰ লগতে ক্ষতিগ্ৰস্ত কৰিছিল | মন্ত্ৰীগৰাকীয়ে বিভাগীয় অভিযন্তাৰ পৰা মথাউৰি পুনৰনিৰ্মাণ আৰু মেৰামতিৰ কামৰ অগ্ৰগতিৰ বুজ লোৱাৰ লগতে যিমান সম্ভৱ সোনকালে ছিগা অংশসমূহ মেৰামতি সম্পূৰ্ণ কৰাৰ ব্যৱস্থা কৰিবলৈ নিৰ্দেশ দিয়ে | আনহাতে নৈৰ পানী হ্ৰাস হোৱাৰ লগে লগে বৃদ্ধি পোৱা খহনীয়া ৰোধৰ বাবেও বিভাগক সম্পূৰ্ণ সষ্টম হৈ থাকি কাম কৰিবলৈ নিৰ্দেশনা প্ৰদান কৰে |
সাধাৰণ জনতাই খহনীয়াৰ সমস্যাৰ পৰা সকাহ পাবৰ বাবে সম্ভৱপৰ সকলো কাম কৰিবলৈ বিভাগীয় অভিযন্তাক মন্ত্ৰীগৰাকীয়ে নিৰ্দেশ দিয়ে | এই ক্ষেত্ৰত জৰুৰীকালীনভাৱে প্ৰয়োজন হোৱা পৰ্কুপাইন, বালিৰ বেগ, জিঅ’ বেগ আদি পৰ্যাপ্ত পৰিমাণে মজুত ৰখাৰ ক্ষেত্ৰতো জলসম্পদ মন্ত্ৰীগৰাকীয়ে গুৰুত্ব আৰোপ কৰে আৰু প্ৰয়োজন অনুসৰি সকলো জিলাতে এই সামগ্ৰীসমূহ মজুত ৰাখিবলৈ নিৰ্দেশনা প্ৰদান কৰে |
উল্লেখ্য যে জলসম্পদ বিভাগৰ অভিযন্তা-কৰ্মচাৰীসকলে বিগত সময়ত দিনে ৰাতিয়ে কাম কৰি বান আৰু খহনীয়া নিয়ন্ত্ৰণৰ কামত ব্যস্ত হৈ আছে | মন্ত্ৰীগৰাকীয়ে বিভাগীয় অভিযন্তা-কৰ্মচাৰীসকলৰ এই প্ৰয়াসৰ শলাগ লৈ সকলোকে সাধাৰণ জনগণৰ জীৱন আৰু সম্পত্তিৰ সুৰক্ষাৰ কথা মনত ৰাখি সমৰ্পিত মনোভাৱেৰে কাম কৰিবলৈ আহ্বান জনায় | আনহাতে আজিয়ে মন্ত্ৰী হাজৰীকাই বিভাগীয় মুখ্য অভিযন্তা আৰু বিভাগীয় অভিযন্তাসকলৰ সৈতে আলোচনাৰ অন্তত প্ৰাথমিকতা অনুসৰি ৰাজ্যখনত এই বৰ্ষত নিৰ্মাণ হ’ব লগা মুঠ ২০৬ কিল’মিটাৰ দৈৰ্ঘ্যৰ নতুন মথাউৰিৰ অনুমোদন জনায় | নতুনকৈ নিৰ্মাণ হ’ব লগা মথাউৰিসমূহৰ কামসমূহো যাতে ভালদৰে হয় তাৰ প্ৰতি সষ্টম হৈ থাকি কাম কৰিবলৈও জলসম্পদ মন্ত্ৰীগৰাকীয়ে নিৰ্দেশনা প্ৰদান কৰে | মন্ত্ৰীগৰাকীয়ে লগতে মুখ্য অভিযন্তাক যি সমূহ নৈৰ বান নিয়ন্ত্ৰণৰ সমাধান উলিয়াবলৈ আই আই টি ক অধ্যয়নৰ বাবে দায়িত্ব দিয়া হৈছে সেয়া সময়মতে সম্পূৰ্ণ কৰাৰ ব্যৱস্থা কৰিবলৈও নিৰ্দেশ দিয়ে |
নগাঁও, ৮ জুলাই : উচ্চ মাধ্যমিক আৰু উচ্চতৰ মাধ্যমিক পৰীক্ষাত সফলতা লাভ কৰা ফৌজদাৰী পট্টিৰ কৃতি শিক্ষাৰ্থীসকলক কালি কল্যাণী মহিলা মঞ্চ, নগাঁও কলামন্দিৰৰ উদ্যোগত ৰাজহুৱাকৈ সম্বৰ্দ্ধনা জনোৱা হয়। এই উদ্দেশ্যে বিয়লি ফৌজদাৰীপট্টিৰ কলা মন্দিৰত আয়োজিত এই বিশেষ সম্বৰ্দ্ধনা অনুষ্ঠানত মুখ্য অতিথি হিচাপে উপস্থিত থাকি ভাষণ প্ৰদান কৰে ৰামানুজন কনিষ্ঠ মহাবিদ্যালয়ৰ অধ্যক্ষ দিলীপ কুমাৰ বৰাই ।
বৰাই ভাষণত শৈক্ষিক ক্ষেত্ৰত নগঞা জনসাধাৰণৰ ভূমিকা সম্পৰ্কে আলোকপাত কৰে ৷ অনুষ্ঠানত অংশলৈ লেখক, সাংবাদিক গুৰমাইল সিং, মহাপুৰুষ শ্ৰীমন্ত শংকৰদেৱ বিশ্ববিদ্যালয়ৰ শিক্ষাতত্ব বিভাগৰ মুৰব্বী ড° ত্ৰিৱেণী শইকীয়া আৰু মিনু শইকীয়াই শিক্ষাৰ্থীসকলৰ উপযোগীকৈ সাৰুৱা বক্তব্য আগবঢ়াই ৷ উক্ত অনুষ্ঠানত, ললিত দত্তৰ পৰিয়ালে প্ৰয়াত ৰুমা দত্তৰ সোঁৱৰণীত শৈক্ষিক বঁটা আৰু মিনু শইকীয়াৰ পৰিয়ালে প্ৰয়াত অৰ্পন শইকীয়াৰ সোঁৱৰণীত তিনিটাকৈ বঁটা আগবঢ়ায ৷ এই বঁটাত আছে নগদ ধন আৰু মানপত্ৰ ।
ড° ৰুৱা ফুকনে আঁতধৰা এই অনুষ্ঠানত নিলাক্ষী চেতিয়াই কবিতা পাঠ কৰাৰ লগতে কণমানি নিশিগন্ধাই বিহু নৃত্য, গৌৰৱ তামুলীৰ বাঁহী বাদন আৰু নমনজিত সিঙে পীযানু বাদন পৰিৱেশন কৰি অনুষ্ঠানটোৰ সৌষ্ঠৱ বৃদ্ধি কৰে ৷ অনুষ্ঠানটোত লখিমী বৰা, ডলী বৰা, ললিত দত্ত, তিলেশ্বৰ বৰা, ৰাণু বৰাৰ লগতে ফৌজদাৰী পট্টিৰ ভালেসংখ্যক গন্য মান্য ব্যক্তি উপস্থিত থাকে ৷
৮ জুলাইৰ পৰা দুদিনীয়া কাৰ্যসূচীৰে প্ৰধানমন্ত্ৰী নৰেন্দ্ৰ মোদীয়ে ৰাছিয়া ভ্ৰমণ কৰিব।এই ভ্ৰমণৰ সময়ত তেওঁ ৰাষ্ট্ৰপতি পুটিনৰ সৈতে বিভিন্ন বিষয়ত আলোচনা কৰিব।ৰাছিয়া ভ্ৰমণৰ পিচত প্ৰধানমন্ত্ৰী মোদীয়ে ৯জুলাইত অষ্ট্ৰিয়া ভ্ৰমণ কৰিব।তথ্য অনুসৰি প্ৰধানমন্ত্ৰী মোদী হ’ব প্ৰথমগৰাকী ভাৰতীয় প্ৰধানমন্ত্ৰী যিয়ে ৪১ বছৰৰ অন্তত অষ্ট্ৰিয়া ভ্ৰমণ কৰিব। প্ৰধানমন্ত্ৰী মোদীয়ে অষ্ট্ৰিয়াৰ চেন্সেলৰৰ আমন্ত্ৰণ ৰক্ষা কৰি এই দুদিনীয়া ভ্ৰমণ কৰিব।এয়া প্ৰধানমন্ত্ৰী মোদীৰ প্ৰথম অষ্ট্ৰিয়া ভ্ৰমণ হ’ব। বৈদেশিক সচিব বিনয় কোৱা ট্ৰাই কয় যে এই সময়ছোৱাত তেওঁ অষ্ট্ৰিয়াৰ ৰাষ্ট্ৰপতিকো সাক্ষাৎ কৰিব।
তেওঁ দুয়োখন দেশৰ মাজত বাণিজ্যিক চুক্তিৰ বিষয়ে আলোচনা কৰিব। এই সন্দৰ্ভত দুয়োখন দেশৰ এক উচ্চ পৰ্যায়ৰ প্ৰতিনিধি দলৰ সৈতেও তেওঁ বৈঠকত মিলিত হ’ব। একে সময়তে প্ৰধানমন্ত্ৰী মোদীৰ অষ্ট্ৰিয়া ভ্ৰমণ সন্দৰ্ভত বৈদেশিক মন্ত্ৰালয়ৰ সচিব তথা ৰাষ্ট্ৰদূত পৱন কাপুৰে কয় যে অষ্ট্ৰিয়াৰ সৈতে ভাৰতৰ সম্পৰ্ক যথেষ্ট শক্তিশালী হৈ আছে। এইবাৰ ভাৰতৰ মনোযোগ উদ্ভাৱন আৰু প্ৰযুক্তিৰ ওপৰত অধিক হ’ব। প্ৰাক্তন প্ৰধানমন্ত্ৰী ইন্দিৰা গান্ধীয়ে ১৯৭১ আৰু ১৯৮৩ চনত অষ্ট্ৰিয়া ভ্ৰমণ কৰিছিল। একে সময়তে দেশৰ প্ৰথম প্ৰধানমন্ত্ৰী পণ্ডিত জৱাহৰলাল নেহৰুৱেও ১৯৫৫ চনত দেশখন ভ্ৰমণ কৰিছিল।১৯৯৯ চনৰ নৱেম্বৰ মাহত, তদানীন্তন ৰাষ্ট্ৰপতি কে আৰ নাৰায়ণনে অষ্ট্ৰিয়ালৈ তেওঁৰ প্ৰথম ৰাজ্যিক ভ্ৰমণ কৰে আৰু তাৰ পিচত ২০১১ চনত প্ৰাক্তন ৰাষ্ট্ৰপতি প্ৰতিভা পাটিলেও দেশখন ভ্ৰমণ কৰিছিল।
সোমবাৰে অসমত উপস্থিত হয় কংগ্ৰেছ নেতা ৰাহুল গান্ধী৷শিলচৰত উপস্থিত হোৱাৰ পাচতে অসম প্ৰদেশ কংগ্ৰেছ কমিটীৰ লগতে মণিপুৰৰ প্ৰাক্তন মুখ্যমন্ত্ৰী ওক্ৰামইব’ বিসিং আৰু মণিপুৰৰ প্ৰদেশ কংগ্ৰেছৰ সভাপতি কেইশাম মেঘ চন্দ্ৰই আদৰণি জনায় ৰাহুল গান্ধীক৷চলিত বানত ৰাজ্যবাসীয়ে সন্মুখীন হোৱা দুৰ্যোগপূৰ্ণ অৱস্থাৰ লগতে ক্ষয়-ক্ষতি সম্বন্ধে অসম প্ৰদেশ কংগ্ৰেছ কমিটীৰ সভাপতি ভূপেনবৰা সমন্বিতে কেবাগৰাকীও নেতাই ৰাহুল গান্ধীক এক প্ৰতিবেদন দাখিল কৰে৷ পুৱা ৯.১৫ বজাত শিলচৰ কুম্ভীৰ গ্ৰাম বিমান বন্দৰৰ পৰা পোনেপোনে লক্ষীপুৰৰ ফুলেৰতল আশ্ৰয় শিবিৰপ ৰিদৰ্শন কৰিবলৈ যায় ৰাহুল গান্ধী৷ তাৰপৰা পুনৰ মণিপুৰ ৰজিৰিবাম জিলা অভিমুখে ৰাওনা হয় ৰাহুল।
জিৰিবামত গৈ যোৱা জুন মাহত হোৱা হিংসাত্মক ঘটনাৰ শেহতীয়া পৰিস্থিতিৰ বুজ লয় আৰু আশ্ৰয় শিবিৰ সমূহ পৰিদৰ্শন কৰি মত বিনিময় কৰে লোকসভাৰ বিৰোধী নেতাগৰাকীয়ে। ইয়াৰ পিচত কংগ্ৰেছ নেতাগৰাকী পুনৰ শিলচৰ বিমান বন্দৰলৈ উভতি অহাৰ কথা৷ শিলচৰৰ পৰা বিশেষ বিমান যোগে বিয়লি ৩.৩০ বজাত ইম্ফলত উপস্থিত হৈ চূড়াচান্দপুৰ আৰু টুইবং আশ্ৰয় শিবিৰ পৰিদৰ্শন কৰে।
ৰঙিয়া, ৮ জুলাই ঃ ৰাজ্যৰ অন্যান্য প্ৰান্তৰ লগতে ৰঙিয়াৰ সীতাৰাতো উদযাপন কৰা হয় শ্ৰীশ্ৰী জগন্নাথ মহাপ্ৰভূৰ ৰথযাত্ৰা। স্থানীয় বুঢ়া গোসাই থানস্থিত শ্ৰীশ্ৰী জগন্নাথ মন্দিৰৰ পৰা উলিওৱা হয় ৰথযাত্ৰা। ৰথযাত্ৰা মহোৎসৱত কেইবা সহস্ৰাধিক ভক্ত প্ৰাণ ৰাইজে অংশগ্ৰহন কৰে।
ইফালে ধৰ্মীয় পৰম্পৰা অক্ষুন্ন ৰাখি অনুষ্ঠিত কৰা ৰথযাত্ৰা ৰঙিয়া চহৰৰে পৰিভ্ৰমণ কৰাৰ পিছত ৰাধা -কৃষ্ণ মন্দিৰলৈ অনা হয়। পুৰীৰ পৰা অহা পুৰোহিতৰ দ্বাৰা পূজা অৰ্চনা কৰাৰ পিছত পুনৰ জগন্নাথ মন্দিৰলৈ ওভটনি যাত্ৰা কৰা হয়। ৰথযাত্ৰাত বিভিন্ন স্থানৰ পৰা ভক্তপ্ৰাণ ৰাইজে অংশগ্ৰহণ কৰে। আনহাতে উদযাপন সমিতিৰ সভাপতি তথা স্থানীয় বিধায়ক ভবেশ কলিতাইও কাৰ্যসূচীত উপস্থিত থাকে।
আমাৰ দাঁতবোৰো আমাৰ চেহেৰা, ৰং আৰু শৰীৰৰ আকৃতিৰ দৰেই গুৰুত্বপূৰ্ণ যাতে ধুনীয়া আৰু আকৰ্ষণীয় দেখা যায়। যদি আপোনাৰ ৰাহু, কেতু আৰু মংগল গ্ৰহৰ দৰে নিষ্ঠুৰ গ্ৰহক আপোনাৰ ৰাশিফলৰ দ্বিতীয় স্থানত ৰখা হয়, তেন্তে আপুনি দাঁত সম্পৰ্কীয় সমস্যাৰ সন্মুখীন হোৱাটো নিশ্চিত, আনহাতে সূৰ্য্য শক্তিশালী হ’লে আপোনাৰ দাঁত ভাল হয়। দাঁতৰ যত্ন লোৱাৰ আটাইতকৈ গুৰুত্বপূৰ্ণ আৰু অতি প্ৰয়োজনীয় অংশটো হ’ল টুথব্ৰাছ।ৰাশি অনুযায়ী কোন মানুহে কোন ৰঙৰ টুথব্ৰাছ ব্যৱহাৰ কৰিব লাগে জানি লোক…
মেষ ৰাশি – এই ৰাশিৰ লোকে কেৱল ৰূপালী ৰঙৰ ব্ৰাছ ব্যৱহাৰ কৰিব লাগে।
বৃষ ৰাশি- বৃষ ৰাশিৰ লোকে সেউজীয়া ৰঙৰ ব্ৰাছ ব্যৱহাৰ কৰিবলগীয়া হয়।
মিথুন ৰাশি- মিথুন ৰাশিৰ লোকে বগা ৰঙৰ ব্ৰাছ ব্যৱহাৰ কৰিবলগীয়া হয়।
সিংহ ৰাশি- সিংহ ৰাশিৰ লোকে সেউজীয়া ৰঙৰ ব্ৰাছ ব্যৱহাৰ কৰিব লাগে।
কন্যা ৰাশি- এই ৰাশিৰ লোকে ভাল মানৰ ব্ৰাছ ব্যৱহাৰ কৰিব লগা হয়। গতিকে আপোনাৰ ব্ৰাছৰ ৰং ৰূপালী হ’ব লাগে।
তুলা ৰাশি- তুলা ৰাশিৰ লোকে ৰঙা ৰঙৰ ব্ৰাছ ব্যৱহাৰ কৰিব লাগে।
বৃশ্চিক ৰাশি- এই ৰাশিৰ লোকে পাতল হালধীয়া বা সৰিয়হ ৰঙৰ টুথব্ৰাছ ব্যৱহাৰ কৰিব পাৰে।
ধনু- ক’লা আৰু নীলা ৰঙৰ ব্ৰাছ ব্যৱহাৰ কৰিলে আপোনাৰ দাঁতৰ বাবে ভাল হ’ব।
মকৰ ৰাশি- মকৰ ৰাশিৰ লোকে পাতল নীলা বা ক’লা ৰঙৰ ব্ৰাছ ব্যৱহাৰ কৰিব পাৰে।
কুম্ভ ৰাশি- এই ৰাশিৰ লোকে হালধীয়া ৰঙৰ টুথব্ৰাছ ব্যৱহাৰ কৰাটো ভাল।
মীন ৰাশি- মীন ৰাশিৰ লোকে ৰঙা ৰঙৰ ব্ৰাছেৰে দাঁত পৰিষ্কাৰ কৰিব লাগে।
বিশ্বত বহু ব্যয়বহুল সুস্বাদু খাদ্য আছে। বহু সুস্বাদু ব্যঞ্জন বিশ্বৰ বিভিন্ন প্ৰান্তত তৈয়াৰ কৰা হয়। বিশ্বৰ ব্যয়বহুল খাদ্যৰ সোৱাদ লোৱাটো সকলোৰে সামৰ্থ নহয়। আহকচোন জানি লওঁ, পৃথিৱীৰ ৬বিধ বিলাসী আৰু অতি দামী খাদ্য…
থাইলেণ্ডৰ “The Golden Shell” ৰেষ্টুৰেণ্টত উপলব্ধ এই ভজা ভাত ৰজাৰ খাদ্যৰ দৰে। ইয়াত লবষ্টাৰ, কেঁকোৰা, কাঠফুলা লগতে খাব পৰা সোণ ব্যৱহাৰ কৰা হয়।
ভিয়েটনামৰ “Gainesville L’Epee” হোটেলত উপলব্ধ এই কফি অতি বিলাসী। এই কফিত সোণৰ আৱৰণ দিয়া হয়। এক কাপৰ দাম প্ৰায় এক লাখ টকা।
ইটালীৰ “ৰেনাটো ভায়োলা” ৰেষ্টুৰেণ্টত উপলব্ধ এবিধ পিজ্জা আটাইতকৈ দামী। এই পিজ্জাত ২৪ কেৰেট সোণৰ তৰপ দিয়া হয়। ইয়াৰ মূল্য প্ৰায় ২.৫ লাখ টকা।
জাপানৰ মিয়াজাকি চহৰত পোৱা বিৰল ৱাগ্যু গো-মাংসক বিশ্বৰ আটাইতকৈ সুস্বাদু আৰু ব্যয়বহুল গো-মাংস বুলি গণ্য কৰা হয়। ইয়াৰ দাম প্ৰায় ৪ লাখ টকা।
নিউয়ৰ্ক চহৰৰ “Serendipity 3” ৰেষ্টুৰেণ্টত উপলব্ধ এটা আইচক্ৰীমৰ দাম প্ৰায় ২০.৭৫ লাখ টকা।
আস্থা ভোটত জয়ী হয় হেমন্ত ছোৰেন।
৪৫ গৰাকী বিধায়কৰ সমৰ্থনত ঝাৰখণ্ড বিধানসভাত আস্থা ভোট লাভ কৰে হেমন্ত সোৰেনে।
৪ জুলাইত পুনৰ ঝাৰখণ্ড মুখ্যমন্ত্ৰী হিচাপে শপত ল’ব হেমন্ত ছোৰেনে।
মানী লণ্ডাৰিং গোচৰত EDয়ে গ্ৰেপ্তাৰ কৰাৰ প্ৰাকক্ষণত এৰিছিল মুখ্যমন্ত্ৰীৰ পদ।
জামিনত কাৰামুক্ত হোৱাৰ পাছতে পুনৰ মুখ্যমন্ত্ৰীৰূপে শপত লৈছিল ছোৰেনে।
