‘কা আন্দোলন অসত্যৰ ওপৰত আধাৰিত আছিল’- হিমন্ত বিশ্ব শৰ্মা এই পৰ্যন্ত ৮ জন লোকেহে নাগৰিকত্বৰ বাবে কৰিছে আবেদন অসমত হোৱা ‘কা’ আন্দোলন অসত্যৰ ওপৰত আধাৰিত আছিল।নাগৰিকত্ব সংশোধনী আইনৰ অধীনত অসমত ২০ লাখ বিদেশীয়ে নাগৰিকত্ব লাভ কৰিব বুলি চলোৱা প্ৰচাৰ অসত্য বুলি প্ৰমাণিত হৈছে। এতিয়া ‘কা’ আন্দোলনৰ কোনো প্ৰয়োজনীয়তা, প্ৰাসংগিকতা নাই। নাগৰিকত্ব সংশোধনী আইনৰ প্ৰসংগত মন্তব্য কৰিছে ৰাজ্যৰ মুখ্যমন্ত্ৰী ড০ হিমন্ত বিশ্ব শৰ্মাই।
সোমবাৰে দিছপুৰৰ জনতা ভৱনত এক সংবাদ মেল সম্বোধন কৰি মুখ্যমন্ত্ৰী ড০ হিমন্ত বিশ্ব শৰ্মাই নাগৰিকত্ব সংশোধনী আইনৰ অধাৰত মাত্ৰ ৮ জন লোকে অসমত নাগৰিকত্বৰ বাবে আবেদন কৰিছে বুলি দাবী কৰি কয় যে এই ৮ জনৰ আকৌ মাত্ৰ দুজনেহে সাক্ষাতকাৰৰ বাবে উপস্থিত হৈছে। এই তথ্য উল্লেখ কৰিয়েই তেওঁ ‘কা’ আন্দোলনক সমালোচনাৰ লক্ষ্য কৰি লয়।
উল্লেখ্য যে, বিৰোধী ৰাজনৈতিক দল, ছাত্ৰ তথা জাতীয়, জনজাতিয় সংগঠনৰ ব্যাপক আন্দোলনৰ মাজতেই কেন্দ্ৰীয় চৰকাৰে গৃহীত কৰিছিল নাগৰিকত্ব সংশোধনী আইন।
জালুকবাৰী লেখিকা সমাৰোহ সমিতিৰ উদ্যোগত ১০ জুলাইৰ পৰা ১৩ জুলাইলৈ এখন চাৰিদিনীয়া যোগ প্ৰশিক্ষণ কৰ্মশালা অনুষ্ঠিত হয় । কৰ্মশালাখনত শাখাৰ সদস্যা সকলৰ লগতে জালুকবাৰীৰ স্থানীয় কেইবাগৰাকী মহিলাই যোগদান কৰে। মানসী শৰ্মা আৰু অপৰ্ণা দেৱীৰ পৰিচালনাত সেই যোগ শিক্ষা অনুষ্ঠিত হয় l লগতে জালুকবাৰী লেখিকা সমাৰোহ সমিতিৰ ঊনত্ৰিংশৎ বৰ্ষৰ পঞ্চমখন বৈঠক সভানেত্ৰী প্ৰজ্ঞা গোস্বামীৰ সভাপতিত্বত যোৱা ১৪ জুলাই গুৱাহাটী বিশ্ববিদ্যালয় আদৰ্শ ইংৰাজী বিদ্যালয়ত অনুষ্ঠিত হয় l
শাখাৰ সদস্যাসকলৰ দ্বাৰা পৰিৱেশন কৰা আৰম্ভণি সংগীতৰ পাছতে সম্পাদিকা গীতিকা দাসে সভাৰ উদ্দেশ্য ব্যাখ্যা কৰে l স্বৰচিত লেখা পাঠ অনুষ্ঠানত ভ্ৰমণ কাহিনী পাঠ কৰে বৈজয়িন্তী ৰাভা আৰু ডঃ অপৰ্ণা গোস্বামীয়ে, প্ৰবন্ধ পাঠ কৰে ভাৰতী চমুৱা আৰু ডঃ মীনা দেৱীয়ে l অঞ্জু দত্ত শইকীয়াই স্বৰচিত গল্প পাঠ কৰে l ৰুণুমী নাথ আৰু অঞ্জনা ৰাণী ভট্টাচাৰ্যই পাঠ কৰে স্বৰচিত কবিতা l
