> গুৱাহাটীত ফুটিল পুনৰ জলব’ৰ্ডৰ পানীৰ পাইপ
>জলব’ৰ্ডৰ পানীৰ পাইপ ফুটি গণেশগুৰিৰ পথটো হৈ পৰে জলমগ্ন
>মহানগৰীৰ গণেশগুৰি-হেঙেৰাবাৰী লিংক ৰোডত ঘটিছে এই ঘটনা
>পথটো জলমগ্ন হোৱাত ব্যাহত হৈ পৰিছে যাতায়াত ব্যৱস্থা
টি-২০ বিশ্বকাপৰ ফাইনেল মেচ উপভোগ নকৰিলে অমিতাভ বচ্চনে!ইয়াৰ কাৰণ কি জানেনে…
টি-২০ বিশ্বকাপ জয়ৰ পিছত আৱেগিক হৈ পৰিল অমিতাভ বচ্চন। চকুলো বৈ আহিবলৈ ধৰিলে। ইয়াৰ লগতে অভিনেতাগৰাকীয়ে স্বীকাৰ কৰে ইচ্ছাকৃতভাৱে চূড়ান্ত খেলখন তেওঁ চোৱা নাছিল।শনিবাৰে দক্ষিণ আফ্ৰিকাক পৰাস্ত কৰি দ্বিতীয়খন আইচিচি টি-২০ বিশ্বকাপ জয় কৰে। চেলিব্ৰিটিসকলে টিম ইণ্ডিয়াক অভিনন্দন জনাই। অৱশ্যে বিগ বিয়ে খেলখন চোৱা নাছিল। অমিতাভ বচ্চনেও ৩০ জুন দেওবাৰে পুৱা নিজৰ ব্লগত ইয়াৰ কাৰণ ব্যাখ্যা কৰে। ইয়াৰ সমান্তৰালকৈ অমিতাভ বচ্চনেও ক’লে যে তেওঁৰ চকুলো ওলাই।
অভিনেতাগৰাকীয়ে নিজৰ এক্স একাউণ্টত প্ৰকাশ কৰে যে ভাৰতে ১৭ বছৰৰ পাছত টি-২০ বিশ্বকাপৰ ট্ৰফী লাভ কৰাৰ পিছত তেওঁ আৱেগিক হৈ পৰিছিল। তেওঁ কয় যে তেওঁ ইচ্ছাকৃতভাৱে মেচখন চোৱা নাছিল, কাৰণ তেওঁৰ বিশ্বাস যে যেতিয়া তেওঁ মেচখন চায় তেতিয়া ভাৰতে পৰাস্ত হয়। অমিতাভ বচ্চনে লিখিছে এটা আৱেগিক পোষ্ট-
আপোনালোকক কওঁ যে টি-২০ বিশ্বকাপৰ ফাইনেল মেচত ভাৰতে দক্ষিণ আফ্ৰিকাক ৭ ৰানত পৰাস্ত কৰিছিল। চূড়ান্ত খেলৰ অন্তত ৰোহিত শৰ্মা আৰু বিৰাট কোহলীয়ে টি-২০ ইণ্টাৰনেশ্যনেল ফৰ্মেটৰ পৰা অৱসৰ লোৱাৰ কথা ঘোষণা কৰে।
আজাৰাত ১,০০০ হেক্টৰ ভূমি সামৰি নতুন প্ৰকল্পৰ শুভাৰম্ভ কৃষি মন্ত্ৰী অতুল বৰাৰ
আজাৰা ,৩০জুন: ৰাজ্যখনৰ কৃষি উৎপাদিকা (cropping intensity) শক্তিৰ লগতে কৃষকৰ আয় বৃদ্ধিৰ বাবে কৃষিভূমি ছন পেলাই নাৰাখি বছৰত দুটা বা ততোধিক খেতি কৰাত ৰাজ্যৰ মুখ্যমন্ত্ৰী ড° হিমন্ত বিশ্ব শৰ্মাৰ নেতৃত্বাধীন ৰাজ্য চৰকাৰখনে বিশেষ অগ্ৰাধিকাৰ দি আহিছে। অসম কৃষি বিশ্ববিদ্যালয়ে এই দিশটোত গুৰুত্ব আৰোপ কৰি শালিধান চপোৱাৰ পাছত ছন পৰি থকা ৰাজ্যখনৰ ১,০০০ হেক্টৰ কৃষিভূমিত মাহজাতীয় শস্য, সৰিয়হ খেতি কৰাৰ বাবে এক অভিলাষী প্ৰকল্প যুগুতাই উলিয়াইছে। গুৱাহাটীৰ পশ্চিম প্ৰান্তৰ আজাৰা কাঁহিকুছিস্থিত অসম কৃষি বিশ্ববিদ্যালয়ৰ অধীনৰ উদ্যান শস্য গৱেষণা কেন্দ্ৰত কৃষি বিশ্ববিদ্যালয়ৰ উদ্যোগত উক্ত প্ৰকল্পটোৰ আনুষ্ঠানিক শুভাৰম্ভণি উপলক্ষে আয়োজিত “একেডৰা মাটিত বছৰত দুটা শস্যৰ খেতি সম্পৰ্কীয় এখন কৰ্মশালা” উদ্বোধন কৰি এই মন্তব্য কৰে অসম চৰকাৰৰ কৃষি বিভাগৰ মন্ত্ৰী অতুল বৰাই । অনুষ্ঠানত মন্ত্ৰী অতুল বৰাই কয় – ৰাজ্যখনৰ কৃষকসকলক “ডাবল ক্ৰপিঙ”ৰ প্ৰতি আগ্ৰহী কৰাত অসম কৃষি বিশ্ববিদ্যালয়ৰ এই প্ৰকল্পই অধিক উৎসাহিত কৰিব বুলি আমি দৃঢ় বিশ্বাসী। প্ৰকল্পটোৰ সফলতা কামনাৰে বিশ্ববিদ্যালয়খনৰ এই পদক্ষেপ নিশ্চয়কৈ b আশাবঞ্জ্যক ।’ডাবল ক্ৰপিঙ”ৰ জৰিয়তে ৰাজ্যখনৰ কৃষিনিৰ্ভৰ অৰ্থনীতিক ঊৰ্ধ্বমুখী কৰি ৰখাত সহায়ক হোৱাকৈ শালিধান চপোৱাৰ পাছত ছন পৰি থকা পথাৰসমূহক আয়ৰ এক শক্তিশালী উৎস হিচাপে গঢ়ি তুলিবলৈ কৃষকসকল ডাবল ক্ৰপিঙৰ বাবে আগবাঢ়ি আহক, এই দিশত কৃষি বিভাগে সম্ভৱপৰ সহায়-সহযোগিতা আগবঢ়াই যাব বুলিও মন্ত্ৰগৰাকীয়ে ব্যক্ত কৰে । অনুষ্ঠানত অসম কৃষি বিশ্ববিদ্যালয়ে শস্যৰ বিভিন্ন ৰোগ আৰু ইয়াৰ প্ৰতিকাৰ ব্যৱস্থাকে ধৰি অন্যান্য আনুষংগিক বিভিন্ন তথ্য ডিজিটেল মাধ্যমেৰে কৃষকক যোগান ধৰাৰ লক্ষ্যৰে প্ৰস্তুত কৰা দ্বিভাষিক (ইংৰাজী-অসমীয়া) “AAU PestDoc” শীৰ্ষক এন্ড্ৰয়ট মোবাইল এপ্ এটিও মুকলি কৰা হয়। এই পদক্ষেপৰ বাবে কৃষি বিশ্ববিদ্যালয়ক আন্তৰিক ধন্যবাদ জ্ঞাপন কৰে মন্ত্ৰী গৰাকীয়ে।
অসম কৃষি বিশ্ববিদ্যালয়ৰ উদ্যোগত অনুষ্ঠিত অনুষ্ঠানত অসম কৃষি বিশ্ববিদ্যালয়ৰ উপাচাৰ্য ড° বিদ্যুৎ চন্দন ডেকা , অসম চৰকাৰৰ কৃষি উৎপাদন আয়ুক্ত অৰুণা ৰাজ’ৰিয়া, নাবাৰ্ডৰ উপ-পৰিচালন সঞ্চালক জি এছ সিং ৰাৱট, ভৰতপুৰৰ ৰেপছিদ আৰু সৰিয়হ গৱেষণা সঞ্চালকালয়ৰ সঞ্চালক ড° পি কে ৰায়, হায়দৰাবাদৰ ভাৰতীয় ধান গৱেষণা প্ৰতিষ্ঠানৰ সঞ্চালক ড° আৰ এম সুন্দৰম, ৰাষ্ট্ৰসংঘৰ বিশ্ব খাদ্য প্ৰগ্ৰেমৰ প্ৰধান পি পাইঠাংকৰ, ভাৰতীয় মাহজাতীয় শস্য গৱেষণা প্ৰতিষ্ঠান-কাণপুৰৰ প্ৰকল্প সমন্বয়ক ড° এছ ত্ৰিপাঠী, কৃষি প্ৰযুক্তি প্ৰয়োগ গৱেষণা প্ৰতিষ্ঠান (ATARI)-গুৱাহাটীৰ সঞ্চালক ড° জি কাডিৰভেল প্ৰমুখ্যে অসম কৃষি বিশ্ববিদ্যালয়ৰ বিজ্ঞানী, অন্যান্য বিষয়া, বিশিষ্ট ব্যক্তিসকল উপস্থিত থাকে।
গুৱাহাটী বিশ্ববিদ্যালয়ত আন্তঃৰাষ্ট্ৰীয় ড্ৰাগছ সেৱন বিৰোধী দিৱস উদযাপন
জালুকবাৰী ,৩০ জুন: ভাৰত চৰকাৰৰ গুৱাহাটী মণ্ডল নাৰ্কটিকছ কণ্ট্ৰল ব্যুৰো(এনচিবি) আৰু গুৱাহাটী বিশ্ববিদ্যালয় এন এছ এছ কোষৰ উদ্যোগত গুৱাহাটী বিশ্ববিদ্যালয় চৌহদত ২৬ জুনত আন্তঃৰাষ্ট্ৰীয় ড্ৰাগছ সেৱন আৰু অবৈধ সৰবৰাহ বিৰোধী দিবস উদযাপন কৰা হয়। ৰাষ্ট্ৰসংঘই ঘোষণা কৰা অনুসৰি ড্ৰাগছ সেৱন আৰু অবৈধ সৰবৰাহ প্ৰতিৰোধ আৰু প্ৰতিহত কৰিবলৈ বিশ্বজুৰি এই দিৱস পালন কৰা হয়। অনুষ্ঠান উদ্বোধন কৰি বিশ্ববিদ্যালয়ৰ ছাত্ৰ কল্যাণ সঞ্চালক তথা এন এছ এছ কোষৰ কাৰ্যসূচী সমন্বয়ক, ড° ৰঞ্জন কুমাৰ কাকতিয়ে ড্ৰাগছ সেৱনৰ পৰা হোৱা বিপদ আৰু যুৱক-যুৱতী আৰু জাতিটোৰ ওপৰত ইয়াৰ ক্ষতিকাৰক প্ৰভাৱৰ বিষয়ে ব্যাখ্যা কৰে। ডাঃ কাকতিয়ে সকলো অংশগ্ৰহণকাৰীকে ৰাইজৰ মাজত সজাগতা সৃষ্টি কৰি সমাজৰ পৰা এই বিপদ সম্পূৰ্ণৰূপে নিৰ্মূল কৰিবলৈ আহ্বান জনায়।
ইয়াৰ পিছতে অংশগ্ৰহণকাৰীসকলে ড্ৰাগছৰ পৰা আঁতৰি থাকিবলৈ শপত বাক্য পাঠ কৰে। এনচিবি, গুৱাহাটীৰ চোৰাংচোৱা বিষয়া মিষ্টাৰ পি.এন. ঝা , এন চি বিৰ কনিষ্ঠ চোৰাংচোৱা বিষয়া ৰোহিত কুমৰ জাইমনে সামগ্ৰিকভাৱে সমাজত ড্ৰাগছ সেৱনৰ কুপ্ৰভাৱৰ বিষয়ে ব্যাখ্যা কৰে। বিষয়াসকলে আৰু কয় যে আমি বিশ্বব্যাপী ড্ৰাগছ সমস্যাৰ বিৰুদ্ধে যুঁজিবলৈ আমাৰ প্ৰচেষ্টাক বৃদ্ধি কৰি এনে এখন পৃথিৱী সৃষ্টি কৰোঁ য’ত ব্যক্তিসকলে সুস্থ আৰু পৰিপূৰ্ণ জীৱন যাপন কৰিবলৈ সক্ষম হয়। গুৱাহাটী বিশ্ববিদ্যালয়ৰ এন এছ এছৰ স্বেচ্ছাসেৱক, বিষয়া আৰু সদস্যসকলে. এই অনুষ্ঠানত অংশগ্ৰহণ কৰে।
চাপৰৰ টিলাপাৰাত বাল্য বিবাহ, ড্ৰাগছ, চাইবাৰ ক্ৰাইম আৰু পথ সুৰক্ষাক লৈ সজাগতা সভা…
চাপৰৰ টিলাপাৰাত বাল্য বিবাহ, ড্ৰাগছ, চাইবাৰ ক্ৰাইম আৰু পথ সুৰক্ষাক লৈ বিশেষ সজাগতা সভা। নাগৰিক সুৰক্ষা সমিতি চাপৰ আৰক্ষীৰ উদ্যোগত অনুষ্ঠিত হয় এই সজাগতা সভা। উক্ত সজাগতা সভাত সমাজ ধ্বংসকাৰী সামাজিক ব্যাধি বাল্য বিবাহ, যুৱ প্ৰজন্মক ধ্বংসকাৰী ড্ৰাগছ, চাইবাৰ ক্ৰাইম আৰু পথ সুৰক্ষাকলৈ শিক্ষাৰ্থীৰ মাজত বিশেষ সজাগতা সৃষ্টি কৰা হয়।
টিলাপাৰা হাইস্কুলত চাপৰ আৰক্ষীয়ে অনুষ্ঠিত কৰা উক্ত সজাগতামূলক সভাত উপস্থিত থাকে চাপৰ থানাৰ আৰক্ষী বিষয়া, শালকোচা আৰক্ষী চকীৰ আৰক্ষী বিষয়া, চক্ৰ আৰক্ষী বিষয়া, টিলাপাৰা অঞ্চলৰ কেইবাজনো শিক্ষক-শিক্ষয়িত্ৰী, সচেতন সমাজৰ লগতে প্ৰায় চাৰি সহস্ৰাধিক শিক্ষাৰ্থী।অনুষ্ঠানত ছাত্ৰ-ছাত্ৰীৰ মাজত ড্ৰাগছ, চাইবাৰক্ৰাইম, বাল্যবিবাহ আদিৰ ভয়ানক ভয়াবহতাৰ ওপৰত তন্ন-তন্ন কৈ আলোচনা কৰে আৰক্ষী বিষয়া সকলে। আৰক্ষীয়ে শিক্ষাৰ্থীৰ মাজত এনে সজাগতা সভা অনুষ্ঠিত কৰাৰ বাবে আৰক্ষীক ধন্যবাদ জনাইছে টিলাপাৰাৰ সচেতন ৰাইজে।
কেৱল কবিৰ ভাজিয়ে নহয়, ইয়াৰ ৰসও উপকাৰী! কিয় খাব লাগে জানেনে…
কবি খাই ভাল পাইনে? কেতিয়াবা কবিৰ ৰস খাইছেনে? কবিৰ ৰস বহুতো উপকাৰী স্বাস্থ্যৰ বাবে। কবিত ভিটামিন, খনিজ পদাৰ্থ আৰু এন্টি অক্সিডেন্ট থাকে।কবিৰ ৰস কিয় খাব লাগে জানো আহক…
কবিৰ ৰস কম কেলৰি আৰু উচ্চ আঁহযুক্ত খাদ্য, কবিৰ ৰসে ওজন হ্ৰাস বা ওজন নিয়ন্ত্ৰণত গুৰুত্বপূৰ্ণ ভূমিকা ল’ব পাৰে। ইয়াৰ দ্বাৰা ভোক নিয়ন্ত্ৰণ কৰিব পৰা যায়।
কবিৰ ৰসত প্ৰচুৰ পৰিমাণে আঁহ থাকে, যিয়ে নিয়মীয়াকৈ মলত্যাগ কৰি হজম শক্তিত সহায় কৰে আৰু কোষ্ঠকাঠিন্য ৰোধ কৰে। আঁহে ভাল আন্ত্ৰিক বেক্টেৰিয়া বৃদ্ধিতো অৰিহণা যোগায়।কোষ্ঠকাঠিন্য, বদহজম আৰু গেছৰ দৰে সমস্যা হ্ৰাস কৰে।
কবিৰ ৰসত পটাছিয়াম প্ৰচুৰ পৰিমাণে থাকে। ইয়াৰ উপৰিও কবিত থকা এন্টিঅক্সিডেন্টে কলেষ্টেৰলৰ মাত্ৰা হ্ৰাস কৰাত সহায় কৰিব পাৰে আৰু এল ডি এল কলেষ্টেৰলৰ অক্সিডেচন ৰোধ কৰিব পাৰে, যাৰ ফলত হৃদৰোগৰ সম্ভাৱনা হ্ৰাস পায়।
কবিৰ ৰসত প্ৰচুৰ পৰিমাণে ভিটামিন চি থাকে যিটো ৰোগ প্ৰতিৰোধ ক্ষমতাৰ বাবে অতি প্ৰয়োজনীয়।
কবিৰ ৰস আমাৰ ছালৰ বাবেও উপকাৰী।
চুলাই মদৰ বিৰুদ্ধে গোলকগঞ্জৰ শৌলমাৰীত আক্ৰাছুৰ অভিযান…
গোলকগঞ্জৰ শৌলমাৰীত চুলাই মদৰ বিৰুদ্ধে আক্ৰাছুৰ অভিযান। অভিযানত বৃহৎ পৰিমাণৰ চুলাই মদ নষ্ট কৰে আক্ৰাছুৱে। শৌলমাৰী আৰক্ষীৰ সহযোগত এক হাজাৰ লিটাৰ চুলাই মদ বিনষ্ট কৰে আক্ৰাছুৱে। দীৰ্ঘদিনৰ পৰা টম ৰায়ৰ ঘৰত চলি আছিল চুলাই মদৰ ৰমৰমীয়া বেহা। টম ৰায়ৰ ঘৰৰ কাষতে আছে দুখনকৈ স্কুল (প্ৰাথমিক আৰু এম ই)।
নতুন প্ৰজন্মক ধ্বংস কৰা আৰু পৰিৱেশ বিনষ্ট কৰাৰো অভিযোগ আক্ৰাছুৰ। আৰক্ষী সৈতে সু-সম্পৰ্ক টম ৰায়ৰ বুলিও অভিযোগ তুলিছে আক্ৰছুৱে। টম ৰায়ক অতি শীঘ্ৰে গ্ৰেপ্তাৰ কৰিবলৈও গোলকগঞ্জ আৰক্ষীক দাবী জনায় আক্ৰাছুৱে।
আৱেগিক হাৰ্দিক পাণ্ডিয়া! পত্নীৰ নাই কোনো প্ৰতিক্ৰিয়া! অনুৰাগীৰ চকু নাটাছাৰ ছ’চিয়েল মিডিয়া একাউণ্টলৈ! নাটাছাৰ একাউণ্টত মানুহে কি চাব বিচাৰে…
ছ’চিয়েল মিডিয়াত অতি সক্ৰিয় ছাৰ্বিয়ান মডেল-অভিনেত্ৰী তথা হাৰ্দিক পাণ্ডিয়াৰ পত্নী নাটাছা ষ্টেনকভিচ। কিন্তু ভাৰতৰ টি-২০ বিশ্বকাপ জয় আৰু ইয়াত হাৰ্দিকৰ উজ্জ্বল প্ৰদৰ্শনক লৈ এতিয়ালৈকে নাটাছাই কোনো প্ৰতিক্ৰিয়া প্ৰকাশ কৰা নাই। টি-২০ বিশ্বকাপৰ ফাইনেলত দক্ষিণ আফ্ৰিকাৰ বিৰুদ্ধে অন্তিম অভাৰত হাৰ্দিক পাণ্ডিয়াৰ জয়ী বলিঙে ক্ৰিকেটাৰগৰাকীক প্ৰশংসা কৰিবলৈ বাধ্য কৰাইছে। কিন্তু এই সকলোবোৰৰ মাজতে মানুহৰ দৃষ্টি নিবদ্ধ হৈ আছে হাৰ্দিক পাণ্ডিয়াৰ পত্নী নাটাছা ষ্টেনকভিচৰ ছ’চিয়েল মিডিয়া একাউণ্টত। নাটাছাৰ ছ’চিয়েল মিডিয়াত মানুহে কি চাব বিচাৰে…
ছাৰ্বিয়াৰ মডেল তথা অভিনেত্ৰী নাটাছা ষ্টেনকভিচ আৰু ক্ৰিকেটাৰ হাৰ্দিক পাণ্ডিয়াৰ মাজত বিচ্ছেদৰ উৰাবাতৰি দীৰ্ঘদিন ধৰি ইণ্টাৰনেটত প্ৰচাৰ হৈ আহিছে, যাৰ ওপৰত দম্পতীহালে কোনো ধৰণৰ প্ৰতিক্ৰিয়া প্ৰকাশ কৰা নাই। উৰাবাতৰিৰ মাজতে নাটাছা ষ্টেনকভিচে ছ’চিয়েল মিডিয়াত অতি সক্ৰিয় হৈ পৰিছে, আৰু প্ৰায় প্ৰতিদিনে তেওঁৰ নতুন ফটো আৰু ভিডিঅ’ শ্বেয়াৰ কৰে। কিন্তু টি-২০ বিশ্বকাপ প্ৰতিযোগিতাখনৰ সময়ছোৱাত নাটাছাই হাৰ্দিক পাণ্ড্যাৰ বাবে কোনো পোষ্ট বা মন্তব্য কৰা নাই। বিশ্বকাপ টি-২০ জয় কৰাৰ পিছতো নাটাছাই হাৰ্দিক পাণ্ডিয়া বা টিম ইণ্ডিয়াৰ হৈ কোনো পোষ্ট দিয়া নাই। বিশ্বকাপ জয়ৰ পিছত গোটেই দিনটো ছ’চিয়েল মিডিয়াত পোষ্টৰ মাজতে নাটাছাৰ অন্তৰ্ধানে হাৰ্দিকৰ অনুৰাগীক অতিশয় বিচলিত কৰি তুলিছে।
টি-২০ বিশ্বকাপত ভাৰতে জয়লাভ কৰাৰ পাছত অতি আৱেগিক হৈ পৰিছিল হাৰ্দিক পাণ্ডিয়া। ছচিয়েল মিডিয়াত ভাইৰেল হৈ পৰিছে হাৰ্দিক আৱেগিক হৈ পৰা বহু ছবি।
১১ বছৰীয়া অপেক্ষাৰ অন্ত! T20 বিশ্বকাপ জিকি কিমান টকা লাভ কৰিলে ভাৰতে…
বিশ্বব্যাপী খিতাপৰ বাবে ভাৰতৰ ১১ বছৰীয়া যন্ত্ৰণাদায়ক অপেক্ষাৰ অন্ত পৰিল, বিৰাট কোহলীৰ কৌশল আৰু ৰোহিত শৰ্মাৰ প্ৰেৰণাদায়ক অধিনায়কত্বই, তাৰকাৰে ভৰা দলটোৱে ফাইনেলত দক্ষিণ আফ্রিকাক ৭ ৰাণেৰে পৰাস্ত কৰি দ্বিতীয়খন টি-২০ বিশ্বকাপ জয় কৰে৷
সকলোৱে মনত প্ৰশ্ন টি-২০ বিশ্বকাপ জয়ৰ পিছত ভাৰতে কিমান টকা পুৰস্কাৰৰ পালে? ২০২৪ চনৰ টি-২০ বিশ্বকাপ চেম্পিয়ন টিম ইণ্ডিয়াই আন্তঃৰাষ্ট্ৰীয় ক্ৰিকেট পৰিষদে (আইচিচি) ২৪.৫ মিলিয়ন ডলাৰ (প্ৰায় ২০.৪২ কোটি টকা) লাভ কৰে। আনহতে টি-২০ বিশ্বকাপৰ ৰানাৰ্ছ আপ দক্ষিণ আফ্ৰিকাই ১২.৮ মিলিয়ন ডলাৰ (প্ৰায় ১০.৬৭ কোটি টকা) টকা লাভ কৰে।
দেৰগাঁৱৰ যুৱ সাংবাদিক বিদ্বান বৰদলৈ লৈ অখিল ভাৰতীয় পত্ৰকাৰ মহাসভাৰ Excellence In Journalism Award 2024…
অখিল ভাৰতীয় পত্ৰকাৰ মহাসভাৰ উদ্যোগত ২৯জুন শনিবাৰে ডিব্ৰুগড়ৰ হাতখোলাত ৰঙ্গমঞ্চত অনুষ্ঠিত সভাত দেৰগাঁৱৰ যুৱ সংবাদদাতা বিদ্বান বৰদলৈক Excellence In Journalism Award 2024 প্ৰদান কৰে। দেৰগাঁৱৰ দাধৰাৰ বাৰেঘৰীয়া গাঁৱৰ নিবাসী বঁটা প্ৰাপক বৰদলৈয়ে ছাত্ৰ জীৱনৰ পৰাই লিখামেলাৰ লগতে বিভিন্ন সামাজিক অনুষ্ঠানৰ লগত ওতপ্ৰোত ভাবে জড়িত হৈ আছে।
বৰদলৈ দেৰগাঁও সাহিত্য সভা,গোলাঘাট জিলা কবি সন্মিলন, গোলাঘাট জিলা প্ৰেছ ক্লাবৰ সদস্য হিচাপে লগতে অল ইণ্ডিয়া জাৰ্ণেলিষ্ট ইউনিয়নৰ গোলাঘাট জিলাৰ সম্পাদক হিচাপে সেৱা আগবঢ়াই আহিছে।