অৱশেষত জাননী জাৰি কৰিলে কাৰ্বি আংলং স্বাযত্ব শাসিত পৰিষদে ৷
পিজিআৰ আৰু ভিজিআৰ মাটিত অবৈধভাৱে দখল বিৰোধ
পশ্চিম কাৰ্বি আংলংঙৰ ডংকামোকাম ৰাজহ চক্ৰ অধীস্ত
খেৰণীত PGR VRG চৰকাৰী মাটি উচ্চেদ চলিব ৷
১৫দিনৰ সময় দিছে ৰাইজক ৷
অৱশেষত জাননী জাৰি কৰিলে কাৰ্বি আংলং স্বাযত্ব শাসিত পৰিষদে…
দিল্লী ময়ুৰ বিহাৰ কেফেত ভয়ংকৰ অগ্নিকাণ্ড : আহত ১..
দিল্লীৰ ময়ূৰ বিহাৰ দ্বিতীয় পৰ্যায়ৰ এলেকাত ভয়ংকৰ অগ্নিকাণ্ড সংঘটিত হয় আৰু ২৩ খন অগ্নিনিৰ্বাপক গাড়ী ঘটনাস্থলীত উপস্থিত হৈ জুই নুমুৱায়। দেওবাৰে নিশা দিল্লীৰ ময়ূৰ বিহাৰ দ্বিতীয় পৰ্যায়ৰ এটা বহুমহলীয়া অট্টালিকাত ভয়ংকৰ অগ্নিকাণ্ড সংঘটিত হয়, দিল্লী অগ্নি নিৰ্বাপক সেৱাৰ কৰ্মীয়ে ১০ ঘণ্টাতকৈও অধিক সময় ধৰি জুই নুমুৱাবলৈ চেষ্টা কৰে।জুইৰ ফলত নীলম মাতা মন্দিৰৰ ওচৰত অৱস্থিত এখন ইউনিফৰ্ম নিৰ্মাণ দোকান আৰু এটা কেফে ক্ষতিগ্ৰস্ত হৈছিল।দিল্লী অগ্নি নিৰ্বাপক সেৱাৰ উপ মুখ্য অগ্নি নিৰ্বাপক বিষয়া এছ কে দুয়াই কয় যে অট্টালিকাৰ তিনিওটা মহলাতে বিয়পি পৰা জুই নিয়ন্ত্ৰণ কৰিবলৈ প্ৰায় ২৩ টা অগ্নি নিৰ্বাপক ইঞ্জিন ঘটনাস্থলীত উপস্থিত হৈছিল।প্ৰথমতে কেফেত জুই লাগিছিল আৰু পিছত ভৱনটোলৈ বিয়পি পৰিছিল।
অগ্নি নিৰ্বাপক বিভাগে কৈছিল যে এজন লোকক অট্টালিকাৰ চালৰ পৰা উদ্ধাৰ কৰা হৈছিল, আৰু এজন অগ্নিনিৰ্বাপক বাহিনী জুইৰ ফলত আঘাতপ্ৰাপ্ত হৈছিল।ভৱনটোৰ পৰা কোনো লোক হতাহত হোৱাৰ খবৰ পোৱা হোৱা নাই।”মুঠ ২৫ খন অগ্নিনিৰ্বাপক ট্ৰাক ইয়াত আছে।এতিয়ালৈকে কোনো লোক হতাহত হোৱাৰ খবৰ পোৱা হোৱা নাই।আমি এজন ব্যক্তিক উদ্ধাৰ কৰিছো যি তৃতীয় মহলাৰ টেৰাছত কাৰ্যালয়ত আছিল।অৱশ্যে দলটোৰ এজন লোক ভয়ংকৰ অগ্নিকাণ্ডৰ ফলত আহত হৈছে। ইয়াত কোনো সঠিক বায়ু চলাচল প্ৰণালী নাই, যাৰ বাবে জুই বিয়পি পৰে। জুইৰ ফলত মাত্ৰ ১২ ৰ পৰা ১৫ খন দোকান প্ৰভাৱিত হৈছে। জুই এতিয়া নিয়ন্ত্ৰণত আছে,” উপ অগ্নি নিৰ্বাপক বিষয়াই কয়।
নগাঁৱত কবি নৱকান্ত বৰুৱাৰ মৃত্যু দিৱসত “দলঙত কবিতা”…
নগাঁও চহৰস্থিত ৰত্নকান্ত বৰকাকতি দলঙৰ ওপৰত আজি বিয়লি “দলঙত কবিতা” শীৰ্ষক এটি কবিতা পাঠৰ বিশেষ অনুষ্ঠান অনুষ্ঠিত হৈ যায় । কবি-লেখক নবীন কলিতাই আঁত ধৰা অনুষ্ঠানটিৰ আৰম্ভণিতে বিশিষ্ট কবি ডাঃ প্ৰয়াগ শইকীয়াই প্ৰয়াত কবি নৱকান্ত বৰুৱাৰ প্ৰতি শ্ৰদ্ধাৰ্ঘ্য আগবঢ়াই কলঙৰ বুকুত পুষ্পাঞ্জলি অৰ্পণ কৰে।
কবি-ভাস্কৰ্যশিল্পী প্ৰয়াত পুলকানন্দ কৌশিকৰ সহধৰ্মিনী বন্দনা গোস্বামীয়ে ইয়াৰ পিছতে স্বামীৰ এটি কবিতা পাঠ কৰি কবিতা পাঠ অনুষ্ঠানটিৰ শুভাৰম্ভ কৰে । অনুষ্ঠানত কবি-লেখক ক্ৰমে চন্দ্ৰ শইকীয়া, অনিল শৰ্মা, অঞ্জনা গোস্বামী, কাৰুণ্য ভট্টাচাৰ্য্য, বিচিত্ৰ নাৰায়ণ বৰা, গুণদা গোস্বামী, উজ্জ্বল জ্যোতি দাস, কুমাৰ বিভূতি, দীপিকা বৰা,
কবিতা দাস, জয়ন্তী বৰা, বেলা মোদী, লিলি সন্দিকৈ, বিপুল কুমাৰ মজিন্দাৰ, শেৱালি বৰুৱা প্রমুখ্যে একুৰিৰো অধিক কবিয়ে অনুষ্ঠানটি সজীৱ কৰি তোলে । অনুষ্ঠানটিত প্ৰয়াত কবিগৰাকীলৈ সন্মান জনাই দুটি কবিতা আবৃত্তি কৰে পূৰবী শইকীয়া আৰু নিৰ্মালি বৰাই । গীত পৰিবেশন কৰে ক্ৰমে প্ৰফুল্ল বৰা, কুমকুম বৰুৱা আৰু উজ্জ্বল জ্যোতি দাসে । কবি নৱকান্ত বৰুৱাৰ সাহিত্য কৃতি আৰু কলঙৰ ওপৰত চমু বক্তব্য আগবঢ়াই শিক্ষাবিদ পৱন বৰা আৰু সাহিত্য সংগঠক দুলাল বৰাই । অনুষ্ঠানত কণমানি দস্মিতা বৰাইও কবিতা পাঠ কৰে।
মহাৰাষ্ট্ৰ, গোৱা, কেৰালাৰ বাবে ৰেড এলাৰ্ট : বিদ্যালয় বন্ধ..
আইএমডিয়ে মহাৰাষ্ট্ৰ, কেৰালা, কৰ্ণাটক আৰু গোৱাৰ কিছু অংশৰ দৰে একাধিক ৰাজ্যৰ বাবে বৰষুণৰ সতৰ্কতা জাৰি কৰিছে, আৰু একাধিক জিলাত বিদ্যালয় বন্ধ আছে। ভাৰতীয় বতৰ বিজ্ঞান বিভাগে কৈছিল যে বাৰিষা তললৈ স্থানান্তৰিত হ’বলৈ আৰম্ভ কৰিছে আৰু এই সপ্তাহত উপকূলীয় কেৰালা, কৰ্ণাটক আৰু কোঙ্কন গোৱালৈ সাজু হৈছে। অনাগত দিনত এই ৰাজ্যসমূহত ধাৰাসাৰ বৰষুণ আৰু বজ্ৰপাতৰ সম্ভাৱনা আছে, আইএমডিয়ে কয়।
আইএমডিয়ে ৰাজ্যখনৰ কিছু অংশত ৰেড এলাৰ্ট জাৰি কৰাৰ পিছত উপকূলীয় ৰাজ্যখনত ধাৰাসাৰ বৰষুণৰ কথা উল্লেখ কৰি গোৱা শিক্ষা বিভাগে দেওবাৰে ১৫ জুলাই, সোমবাৰে দ্বাদশ শ্ৰেণীলৈকে বিদ্যালয়সমূহৰ বাবে বন্ধ ঘোষণা কৰে। আইএমডিয়ে সোমবাৰৰ বাবে কেৰালাৰ মালাপ্পুৰম, কান্নুৰ আৰু কাচাৰাগোডৰ বাবে ৰেড এলাৰ্ট আৰু এৰ্নাকুলাম, ত্ৰিচুৰ, পালাক্কাড, কোজিকোড আৰু ৱায়ানাডৰ বাবে কমলা সতৰ্কবাণী জাৰি কৰিছে। ধাৰাসাৰ বৰষুণ আৰু বজ্ৰপাতৰ বাবে কেৰালাৰ ছয়খন জিলাৰ বিদ্যালয় আৰু মহাবিদ্যালয়সমূহ ১৫ জুলাইত বন্ধ থাকিব।
In Brazil, this couple planted 2 million trees in 18 years…
In Brazil, this couple planted 2 million trees in 18 years, returning 172 bird species, 33 mammals, 15 amphibians, 15 reptiles and 293 plant species.
The whole world should know them. This is Lélia Wanick and Sebastião Salgado.
The couple decided to start the Terra Institute, a small organization that planted 2 million plants and revived the forest.
“There is only one creature that can convert carbon dioxide into oxygen, and that is a tree.” We need to replant the forests. “
Using only local plants, the couple rebuilt the entire ecosystem from scratch and the area flourished significantly, allowing the fauna to return; thanks to their work, Lélia and Sebastião saved dozens of endangered species.
“The earth was sad as I was, everything was destroyed. Then my wife got a fantastic idea to replant this forest: all the insects, fish and birds returned, and thanks to the new growth of the trees I was born again.”
ছিপাঝাৰত আপত যোগদান শতাধিকৰ
গুৱাহাটী /ছিপাঝাৰ, ১৪ জুলাই – সম্প্ৰতি সমগ্ৰ ৰাজ্যজুৰি আম আদমী পাৰ্টিৰ নেতা – কৰ্মী সকলে দলৰ সাংগঠনিক ভেটি শক্তিশালী ৰূপত গঢ়ি তোলাৰ প্ৰক্ৰিয়া অব্যাহত ৰাখিছে। এই উদ্দেশ্যে আজি দৰং জিলাৰ ছিপাঝাৰ সাহিত্য সভা ভৱনত আপৰ এক যোগদান কাৰ্যসূচী ৰূপায়ন কৰা হয়। আপৰ ৰাষ্ট্ৰীয় নেতা তথা উত্তৰ পূৰ্বাঞ্চলৰ তত্বাৱধায়ক ৰাজেশ শৰ্মা, গুৱাহাটী পৌৰ নিগমৰ আপৰ ৱাৰ্ড মেম্বাৰ মাছুমা বেগম, দলৰ নেতা ৰমেন বৰঠাকুৰ আৰু নীলমণি শইকীয়াৰ উপস্থিতিত দৰং জিলাৰ আহ্বায়ক আখতাৰুল ইছলাম হাজৰিকাৰ পৌৰোহিত্যত অনুষ্ঠিত যোগদান সভাত ভিন্ন দল ত্যাগ কৰি অহা শতাধিক নেতা – কৰ্মীয়ে আপত যোগদান কৰে।
দলত নতুনকৈ যোগদান কৰা নেতা – কৰ্মী সকলক উদ্দেশ্যি উত্তৰ পূৰ্বাঞ্চলৰ আপৰ তত্বাৱধায়ক ৰাজেশ শৰ্মাই দিল্লী আৰু পঞ্জাৱ চৰকাৰৰ আৰ্হিত অসমতো এখন জনকল্যাণকামী চৰকাৰ গঠনৰ বাবে কাম কৰিবলৈ সকলোকে আহ্বান জনায়। নতুনকৈ যোগদান কৰা সকলক দললৈ আদৰণি জনায় তেওঁ কয়, “বিজেপিৰ দুৰ্নীতিৰ বিৰুদ্ধে যুঁজ দিবলৈ অসমত আপৰ গণভিত্তি শক্তিশালী কৰি তুলিবলৈ সকলোৱে চেষ্টা কৰা উচিত।” আনহাতে, কংগ্ৰেছ আৰু বিজেপি দুয়োটা দলৰ বিৰুদ্ধে সমালোচনাত মুখৰ হয় ৰমেন বৰঠাকুৰে।
এই দল সমূহৰ দুৰ্নীতি উৎখাত কৰাৰ স্বাৰ্থত সকলো স্তৰৰ জনসাধৰণক আপত যোগদান কৰিবলৈ বৰঠাকুৰে আহ্বান জনায় । আজি দৰং জিলাৰ বিভিন্ন অঞ্চলৰ পৰা আপত যোগদান কৰা নেতৃস্থানীয় সকলৰ ভিতৰত বিশিষ্ট ব্যৱসায়ী হিৰণ শৰ্মা, ছাত্ৰ নেতা হাচেন আলি, ষ্টপ ক্ৰাইম অৰ্গেনাইজেচন নামৰ সংগঠনৰ বিষয়ববীয়া জেহেৰুল ইছলাম, ধীৰেন ডেকা, প্ৰাঞ্জল বনিয়া, ৰঞ্জন তাঁতী, দীপাংকৰ বৰুৱা প্ৰমুখ্যে অন্যতম। উল্লেখ্য যে আপৰ সাংগঠনিক পুনৰগঠনৰ বাবে ব্যাপক তৎপৰতা অব্যাহত থকাৰ মাজতে আজিৰ যোগদান কাৰ্যসূচীয়ে দৰং জিলাৰ আপ কৰ্মী সকলক যথেষ্ট উৎসাহিত কৰিছে।
নগাঁও জিলা কবি সন্মিলনৰ তৃতীয় দ্বি-বাৰ্ষিক পূৰ্ণাংগ ধিং অধিৱেশনৰ সফল সামৰণি
দৈনন্দিন বাৰ্তাৰ সাংবাদিক বুলন চন্দ্ৰ নাথ, ৰূপম নাথ আৰু নৱ কাশ্যপলৈ বিশেষ সম্বৰ্ধনা
১৯৮৭ চনত কবিতাক মানুহৰ প্ৰিয়তম সম্পদলৈ ৰূপান্তৰ কৰাৰ লক্ষ্য আৰু উদ্দেশ্যৰে গঠন হোৱা সদৌ অসম কবি সন্মিলনৰ অন্যতম জিলা নগাঁও জিলা কবি সন্মিলনে ১৪ জুলাইত ধিং মহাবিদ্যালয়ৰ শ্ৰীমন্ত শংকৰদেৱ প্ৰেক্ষাগৃহত আজি তৃতীয় দ্বিবাৰ্ষিক অধিৱেশনখনি আজি ধিং আঞ্চলিক কবি সন্মিলনৰ আতিথ্যত দিনজোৰা কাৰ্যসূচীৰে অনুষ্ঠিত হৈ যায় । পুৱা ৮ বজাত পতাকা উত্তোলনেৰে অনুষ্ঠানৰ শুভাৰম্ভণি কৰে নগাঁও জিলা কবি সন্মিলনৰ সভাপতি দ্বিজেন্দ্ৰ নাথ হাজৰিকাই । বন্তি প্ৰজ্বলন কৰে ধিং আঞ্চলিক কবি সন্মিলনৰ সভাপতি কৰৱী শইকীয়া আৰু প্ৰাক্তন সভাপতি নিৰলা শইকীয়াই ।
ইয়াৰ পাছতে পতাকা উত্তোলন কৰে নগাঁও জিলা কবি সন্মিলনৰ সভাপতি দ্বিজেন্দ্ৰ নাথ হাজৰিকাই । হাজৰিকাক সহযোগিতা আগবঢ়াই জিলাখনৰ সাতটা শাখাৰ সাতজন সভাপতিয়ে । পৰৱৰ্তী কাৰ্যসূচীত সদৌ অসম কবি সন্মিলনৰ পিতৃ পুৰুষ স্বৰূপ ৰাম গগৈৰ প্ৰতিচ্ছবিত মাল্যাৰ্পণ কৰে জামুগুৰি শাখা কবি সন্মিলনৰ সভাপতি কৰৱী লিগিৰাই । ইয়াৰ পাছতেই কবি দুৰ্গেশ্বৰ বৰকটকীয়ে গছপুলি ৰোপণৰ কাৰ্যসূচীৰ আৰম্ভণি কৰে । অনুষ্ঠানস্থলীত আয়োজিত ক্ষুদ্ৰ গ্ৰন্থমেলাৰ দ্বাৰ উদঘাটন কৰে নগাঁও জিলা সাহিত্য সভাৰ প্ৰাক্তন সভাপতি নিত্যানন্দ বৰাই । ১০ বজাত অনুষ্ঠিত হোৱা প্ৰতিনিধি সভাৰ উদ্বোধন কৰে শিশু-সাহিত্যিক ত্ৰৈলোক্য ভট্টাচাৰ্যই । অন্যহাতে প্ৰতিনিধি সভাৰ সমান্তৰালকৈ অনুষ্ঠিত হোৱা আমন্ত্ৰিত কবিৰ কবি সন্মিলনৰ উদ্বোধন কৰে নগাঁও জিলা কবি সন্মিলনৰ প্ৰতিষ্ঠাপক সম্পাদক মদাৰজ্যোতিয়ে ।
উল্লেখযোগ্য যে অনুষ্ঠানত আমন্ত্ৰিত কবিৰূপে মনোজ কুমাৰ দেওৰজা, জয়ন্ত কুমাৰ মান্তা, মাধৱ চন্দ্ৰ ডেকা, মৌচুম বুঢ়াগোহাঁই, প্রজ্ঞা পাৰমিতা বৰুৱা, কৌস্তুভ খাউণ্ড, মিনতি দেৱী কাকতি, ড° ৰূপা ডেকা পাটৰ, দীপ হেষ্টিংচ বড়ি, সত্যজিত গগৈ, ফটিক নন্দন ৰাভা, ৰাজীৱ ৰাভা, জিতুমণি বৰদলৈ, ড° নিৰ্মালি বৰা মালাকাৰ, মিন্টু দাস, ময়ুৰ কুমাৰ বৰা, গোবিন্দ মালাকাৰ, কুমাৰ বিভূতি উপস্থিত থকাৰ লগতে সত্ৰ পৰিচালক হিচাপে গুণ কাকতী, ৰাজেন বৰা, অশোক ৰাম ভট্টাচার্য, কৰবী লিগিৰা, পুতুল চন্দ্র ডেকা, অতুল চন্দ্ৰ কাকতি, সঞ্জীৱ সাগৰ চৌধুৰী, কৰবী শইকীয়া, শশী কেওট, কল্পনা মহন্ত ডেকা, বিনু লস্কৰ ঠাকুৰীয়া, এল. প্রদীপ কুমাৰ সিংহ, ড° অচ্যুত কুমাৰ শইকীয়া, পুতুলী মুদৈ উপস্থিত থাকে । ইয়াৰ পিছতে অনুষ্ঠিত প্ৰতিনিধি সভাত ২০২২-২৪ বৰ্ষৰ কাৰ্যনিৰ্বাহক সভা ভংগৰ অন্তত: ২০২৪-২০২৬ বৰ্ষৰ বাবে নগাঁও জিলা কবি সন্মিলনৰ নতুন কাৰ্য নিৰ্বাহক সমিতিখন নিৰ্বাচিত কৰা হয় । দুৰ্গেশ্বৰ বৰকটকীক সভাপতি, দ্বীপজ্যোতি কাকতিক সম্পাদক, ৰূপম নাথ, দেৱ বৰা আৰু স্বপ্না দেৱীক সহযোগী সম্পাদক,গুণ কাকতি,মদাৰজ্যোতি আৰু কবিতা বৰাক উপ-সভাপতি, নৱ কাশ্যপ আৰু নীলকমল শইকীয়াক প্ৰচাৰ সম্পাদক, প্ৰদ্যুম্ন বৰাক পত্ৰিকা সম্পাদক, কৰৱী শইকীয়া, লক্ষ্য বৰাক সাংগঠনিক সম্পাদক, আৰতি মেধি, অজন্তা বড়া, দিলীপ শইকীয়া আৰু দিগন্ত ভাগৱতীক কাৰ্যনিৰ্বাহক সদস্য হিচাপে লৈ নতুন সমিতিখন গঠন কৰা হয়।
বিয়লি দুই বজাৰ মুকলি সভা দ্বিজেন্দ্ৰ নাথ হাজৰিকাই সভাপতিত্ব কৰাৰ বিপৰীতে আদৰণি ভাষণ আগবঢ়াই ৰাজু সমীৰণে । সভাত মূখ্য অতিথি ৰূপে উপস্থিত থাকে সদৌ অসম কবি সন্মিলনৰ সভাপতি বংশী বৰা, প্ৰধান সম্পাদক ছৈয়দ পাৰভিজ হুছেইন । নিৰ্দিষ্ট বক্তাৰূপে কবি উজ্জ্বল পাওগাম, বিশিষ্ট অতিথি ৰূপে সন্মিলনৰ প্ৰাক্তন সভাপতিত্ৰয় প্ৰদীপ শইকীয়া, নিত্যানন্দ বৰা, অজিত শৰ্মা, দিলীপ কুমাৰ নাথ, অমল বৰা,পৱন শৰ্মা, মৃদুল কুমাৰ চহৰীয়াৰ লগতে সন্মানীয় আৰু আমন্ত্ৰিত অতিথিৰূপে বিশিষ্ট কবি ড° লখিমী গগৈ, পলিমা চেতিয়া বসুমতাৰী,ভবেন চন্দ্র নাথ, কৃষ্ণ দৈমাৰী, অনিৰুদ্ধ ডেকা, অশোক কুমাৰ ডেকা, শ্বপন মৈত্র,সংগীতা ৰাজখোৱা, বিদ্যাৰাম ছিংনাৰ,প্রভাত চন্দ্ৰ বৰদলৈ,ৰাজীৱ চহৰীয়া, মহেন্দ্রনাথ হাজৰিকাকে প্ৰমূখ্য কৰি ভালেকেইজন বিশিষ্ট লোক উপস্থিত থাকে ।
অন্যহাতে মুকলি সভাৰ আৰম্ভণি ঘটে ধিং আঞ্চলিক কবি সন্মিলনৰ শিল্পী সকলৰ দ্বাৰা সমবেত সংগীত পৰিবেশনেৰে ।পৰৱৰ্তী নগাঁও জিলা কবি সন্মিলনৰ মুখপত্ৰ ‘খাগৰিজান’ৰ উন্মোচন কৰে সদৌ অসম কবি সন্মিলনৰ উপ-সভাপতি উজ্বল পাওগামে । খাগৰিজান উন্মোচন কৰি পাওগামে উল্লেখ কৰে যে অসমীয়া মানুহৰ প্ৰাণত কবিতা আছে । অসমীয়া মানুহে প্ৰতিদিনেই আওৰাই এটি এটি কবিতা । প্ৰিয় কবি মাধৱদেৱৰ একোটা ঘোষাত প্ৰাৰ্থনা হিচাপেই হওক বা কবিতা হিচাপেই হওক পুৱাৰ পৰা গধূলিলৈকে অসমীয়া মানুহৰ জীৱন চৰ্যাত সংযোজিত হৈ থাকে । কবিতা ভাল পাবলৈ হ’লে মাটি আৰু মানুহ ভাল পাবই লাগিব । অন্যহাতে সন্মিলনৰ প্ৰধান সম্পাদক ছৈয়দ পাৰভিজ হুছেইনে ভাষণ প্ৰসংগত উল্লেখ কৰে যে সংস্কৃতিৱান হ’লেহে জাতিয়ে উত্তৰণ ঘটাব পাৰে । ইয়াৰ পিছতেই ধিং শাখাৰ পত্ৰিকা ‘আকাশ’ উন্মোচন কৰে নগাঁও জিলা কবি সন্মিলনৰ প্ৰাক্তন সভাপতি দিলীপ কুমাৰ নাথে । এই মুকলি সভাতে নগাঁও জিলা কবি সন্মিলনৰ দ্বাৰা কেইবাটিও বঁটা, সন্মান আৰু সম্বৰ্ধনা প্ৰদান কৰা হয় । বঁটা প্ৰদান অনুষ্ঠানত ‘প্রমোদৰাম ভট্টাচাৰ্য্য আৰু সৌজন্যময়ী ভট্টাচার্য্য সোঁৱৰণী শ্রেষ্ঠ সাহিত্য সম্মান’ প্রয়াগ শইকীয়ালৈ, ‘কঁপয়া কোচ সোঁৱৰণী সাহিত্যপ্রাণ সম্মান’ গুণ কাকতীলৈ, ‘স্বভাৱ কবি নৱদ্বীপ দাস সোঁৱৰণী বঁটা’ লক্ষী মেধিলৈ, ‘নৰপ্ৰসাদ শৰ্মা সোঁৱৰণী সমাজহিতৈষী সম্মান’ উৎপল বণিয়ালৈ, ‘নগঞা শিল্পী বঁটা’ ধ্ৰুৱ কুমাৰ ৰাজালৈ আগবঢ়োৱাৰ লগতে ‘গিৰিন কোঁচ আৰু পদুম বৰা সোঁৱৰণী কাব্য-অৰুণ বঁটা’ ক্রমে তুলিকা দেবী আৰু আশা বৰা মনলৈ আগবঢ়োৱা হয় । একেদৰে ‘গিৰিন কোঁচ আৰু পদুম বৰা সোঁৱৰণী কাব্যপ্রভাত সম্মান’ ক্রমে বিনয় দাস, শিখা শইকীয়া আৰু তৃষ্ণা বৰা দাসলৈ আগবঢ়োৱাৰ লগতে বিশিষ্ট কবি প্রয়াত ‘ধীৰেন চন্দ্ৰ কাকতী সোঁৱৰণী কবিতা প্রতিযোগিতা’ৰ প্রথম, দ্বিতীয় আৰু তৃতীয় শ্রেষ্ঠ বঁটাপ্রাপক ক্রমে ইলামণি শইকীয়া, কৃষ্ণ দৈমাৰী, অংকুৰিতা ফুকন, বিচাৰকৰ বিশেষ সম্মানপ্রাপক ৰশ্মিতা শইকীয়াকো বঁটা প্ৰদান কৰা হয় । নগাঁও জিলা কবি সন্মিলনৰ ‘শ্রেষ্ঠ সংগঠক’ৰ বঁটা ক্রমে প্রদ্যুম্ম বৰা আৰু কবিতা বৰালৈ আগবঢ়োৱাৰ লগতে ‘প্ৰচাৰকৰ সম্মান’ লক্ষ্যজ্যোতি বৰা, দৈনন্দিন বাৰ্তা কাকতৰ সাংবাদিক ৰূপম নাথ আৰু ডিবি নিউজৰ নৱ কাশ্যপলৈ আগবঢ়োৱা হয় । শ্রেষ্ঠ ‘নৱাগত সংগঠকৰ সন্মান’ ক্রমে আৰতি মেধি আৰু পল্লৱী শর্মালৈ আগবঢ়োৱাৰ লগতে বিশেষ সম্বর্দ্ধনা আগবঢ়োৱা হয় জ্যেষ্ঠ সাংবাদিক তথা দৈনন্দিন বাৰ্তাৰ সাংবাদিক বুলন চন্দ্ৰ নাথ, অসমীয়া প্ৰতিদিন কাকতৰ জ্যেষ্ঠ সাংবাদিক দেৱজিত হাজৰিকা,নীলকমল শইকীয়া, দীপক কুমাৰ শৰ্মা, বন্দনা নাথ ঠাকুৰীয়া আৰু কনক হাজৰিকাক । তাৰোপৰি ‘প্রথম শ্রেষ্ঠ শাখাৰ সম্মান’ কামপুৰ আঞ্চলিক কবি সম্মিলনলৈ, ‘দ্বিতীয় শ্রেষ্ঠ শাখা’ৰ সম্মান ফুলগুৰি আঞ্চলিক কবি সম্মিলনলৈ, ‘তৃতীয় শ্রেষ্ঠ শাখা’ৰ সন্মান ৰঙাজিঞা সদৰ শাখালৈ আগবঢ়োৱাৰ লগতে কলিয়াবৰ শাখালৈ ‘অভিনন্দন সন্মান’ আৰু ধিং আঞ্চলিক কবি সন্মিলনলৈ ‘কৰ্মপ্ৰাণ’ সন্মান আগবঢ়োৱা হয় । উল্লেখ্য যে সভাৰ শেষত পল্লৱী শৰ্মাৰ শলাগৰ শৰাই আৰু কাব্যমন্ত্ৰ পাঠেৰ সামগ্ৰিক অনুষ্ঠানৰ সামৰণি পৰে ।
নীলাচল এডুকেশ্বন ৱেলফেয়াৰ ছ’চাইটি চমুকৈ ” নিউজ ” ৰ উদ্যোগত আয়োজিত সাংস্কৃতিক অনুষ্ঠান…
সামাজিক সাংস্কৃতিক আৰু শৈক্ষিক অনুষ্ঠান “নীলাচল এডুকেশ্বন ৱেলফেয়াৰ ছ‘চাইটি“ৰ উদ্যোগত আৰু ভাৰত চৰকাৰৰ সাংস্কৃতিক মন্ত্ৰণালয়ৰ সহযোগত জিলা পুথিভঁৰাল গুৱাহাটীত “জাগ্ৰত ভগৱান ” শীৰ্ষক এক বৰ্ণাঢ্য সাংস্কৃতিক অনুষ্ঠান অনুষ্ঠিত কৰা হয়। যোৱা ইং ৪ জুলাইৰ পৰা নামনি কামাখ্যাস্থিত নীলাচল জাতীয় বিদ্যালয়ত অনুষ্ঠিত হোৱা গ্ৰীষ্মকালীন প্ৰশিক্ষণত অসম কেশৰী অম্বিকাগিৰী ৰায়চৌধুৰী আৰু বীৰেন্দ্ৰনাথ দত্তদেৱৰ গীত আৰু এই গীতসমূহৰ ওপৰত আধাৰিত সৃজনশীল নৃত্যৰ লগতে চিত্ৰ আৰু শিল্প কলাৰ প্ৰশিক্ষণ প্ৰদান কৰাৰ ব্যৱস্থা কৰা হয়৷ সংগীতৰ প্ৰশিক্ষণ আগবঢ়াই বিশিষ্ট সংগীত শিল্পী,সমাজ সেবি যুগব্ৰতা দত্ত, বিশিষ্ট সংগীত শিল্পী বিষ্ণু শৰ্মা আৰু অসীমজ্যোতি বৰুৱাই নৃত্যৰ প্ৰশিক্ষণ আগবঢ়াই জিমনী কছাৰী,গণেশ বৰুৱাই। চিত্ৰ আৰু শিল্পকলাৰ প্ৰশিক্ষণ আগবঢ়ায় জ্যোতিৰেখা কলিতা আৰু বুদ্ধগয়া দচিয়ে। ইং ১৩ জুলাইত আমবাৰীস্থিত ৰাজ্যিক পুথিভঁৰালত
কৰ্মশালাত অংশগ্ৰহণ কৰা প্ৰশিক্ষাৰ্থীসকলৰ লগতে “নিউজ”ৰ গুৰু- শিষ্য সকলৰ অনুষ্ঠান পৰিবেশনেৰে অনুষ্ঠিত কৰা হয় সাংস্কৃতিক অনুষ্ঠান “জাগ্ৰত ভগৱান “৷অনুষ্ঠানৰ আৰম্ভণিতে চিত্ৰ আৰু শিল্প কলাৰ প্ৰশিক্ষণত অংশগ্ৰহণ কৰা ছাত্ৰ-ছাত্ৰী সকলে অঁকা আৰু প্ৰস্তুত কৰা শিল্প কলাৰ সামগ্ৰীৰে আয়োজন কৰা প্ৰদৰ্শনীৰ দ্বাৰ মুকলি কৰে অম্বিকাগিৰী স্মাৰক ন্যাসৰ সভাপতি বিশ্ব দত্ত দেৱে৷ইয়াৰ পিছতে বন্তি প্ৰজ্বলনেৰে সাংস্কৃতিক অনুষ্ঠানৰ শুভাৰম্ভ আৰম্ভ কৰে যুগব্ৰতা দত্তই। ইয়াৰ পৰৱৰ্তীসময়ত “প্ৰজ্ঞাৰ পাখি মেলি”শীৰ্ষক সামাজিক সাংস্কৃতিক আৰু শৈক্ষিক অনুষ্ঠানৰ সমবেত সংগীতটি পৰিবেশন কৰে নীলাচল জাতীয় বিদ্যালয়ৰ শিক্ষক- শিক্ষয়িত্ৰী আৰু একাংশ প্ৰশিক্ষাৰ্থয়ে৷গীতটিৰ কথা ৰাজীৱ কলিতা সুৰ আৰু পৰিচালনা জ্যোতিকা কলিতাৰ। অনুষ্ঠানটিৰ আতধৰে গনেশ বৰুৱা আৰু মানসী দাসে। অনুষ্ঠানত অসমীয়া সাংস্কৃতিক জগতলৈ বিশেষভাৱে অৰিহনা যোগোৱা প্ৰবীন শিল্পী মনীষা হাজৰিকাক এখন সম্বৰ্ধনা পত্ৰ গামোচাৰে বিশেষভাৱে সম্বৰ্ধনা জনোৱা হয়।অসমৰ সংগীত জগতৰ বিশিষ্ট সংগীত শিল্পী মালৱিকা বৰাৰ লগতে গ্ৰীষ্মকালীন প্ৰশিক্ষণত প্ৰশিক্ষণ আগবঢ়োৱা সংগীত শিল্পী ক্ৰমে যুগব্ৰতা দত্ত,বিষ্ণু শৰ্মা,অসীমজ্যোতি বৰুৱ৷ আৰু নৃত্যৰ প্ৰশিক্ষণ আগবঢ়োৱা জিমণী কছাৰ আৰু গনেশ বৰুৱাইলৈ ধন্যবাদ স্বীকাৰ পত্ৰ আগবঢ়োৱা হয় ৷ অনুষ্ঠানত প্ৰশিক্ষাৰ্থীসকলে অম্বিকাগিৰি ৰায়চৌধুৰী আৰু বীৰেন্দ্ৰনাথ দত্তদেৱৰ গীত আৰু এই গীত সমূহৰ ওপৰত আধাৰিত সৃজনশীল নৃত্য পৰিৱেশন কৰে৷ উক্ত অনুষ্ঠানত অম্বিকাগিৰী ৰায়চৌধুৰী আৰু বীৰেন্দ্ৰনাথ দত্তদেৱৰ দ্বাৰা ৰচিত গীত “ধৰ ঝাৰু ধৰ ভাই” , “তোমাৰ পুলক পৰশ লাগি” “আকাশে বতাহে কিমান সুৰৰ গুনগুন ” “তোমাৰ কাৰনে যাও ফুল তুলিবলে” শীৰ্ষক গীত পৰিৱেশন কৰে ক্ৰমে শ্ৰুতি মাধুৰ্য, যতীন ৰজত, জ্যোতিকা কলিতা, হৃদয়াননদ নাথ, কৃত শৰণীয়া, ডৰিয়লি কাশ্যপ, হিমাঘনা বৈশ্যই।
অনুষ্ঠানত শ্ৰুতি মাধুৰ্যৰ কণ্ঠত বাণীবদ্ধন কৰা অম্বিকাগিৰী ৰায়চৌধুৰী দেৱৰ এটি “আজি শুনি কি ৰাগিণী” উন্মোচন কৰে অসমৰ বিশিষ্ট গায়িকা মালবিকা বৰা বাইদেউৱে৷ গীতটিৰ সুৰ আৰু সংগীত ব্যৱস্থাপনা বিষ্ণু শৰ্মাৰ৷
পৰবৰ্তী কাৰ্যসূচীত সদৌ অসম ভিত্তিত অনলাইন যোগে অনুষ্ঠিত অম্বিকাগিৰী ৰায়চৌধুৰী দেৱৰ গীতৰ প্ৰতিযোগিতাৰ পুৰস্কাৰ সমূহ প্ৰদান কৰা হয়৷পুৰস্কাৰ সমূহ প্ৰদান কৰে পুৰস্কাৰৰ দাঁতা বিশিষ্ট লেখিকা জানকী বৰ্মন বাইদেউৱে৷অংশগ্ৰহণকাৰী সকলৰ প্ৰমাণপত্ৰ সমূহ প্ৰদান কৰে ক্ৰমে সাংস্কৃতিক কৰ্মী গোপাল জালান,সংগীতৰ গুৰু আলেখ্য চক্ৰৱৰ্তী,বৰগীতৰ শিল্পী জোনালী ওজা বসুমতাৰীয়ে ৷ বিশিষ্ট ব্যক্তি হিচাপে উপস্থিত থকা নুমলীগড় ৰিফাইনেৰীৰ সাধাৰণ পৰিচালক সুমন গোস্বামী দেৱলৈ কৃতজ্ঞতা পত্ৰ আগবঢ়াই “নিউজ”ৰ সভাপতি ভূপেন্দ্ৰ কুমাৰ শৰ্মাই৷“নিউজ”ৰ সম্পাদক ৰাজীৱ কলিতাই উমেশ নাথৰ লগতে অনুষ্ঠানত বাদ্যযন্ত্ৰ সংগ্ৰত কৰা শিল্পী ক্ৰমি মৃণাল দাস,নৱ দাস আৰু সুকুমাৰ শৰ্মালৈ একোখন ফুলাম গামোচা আৰু ধন্যবাদ স্বীকাৰ পত্ৰ আগবঢ়াই৷
শেষত অসম সংগীত পৰিৱেশনেৰে অনুষ্ঠানৰ সামৰণি পৰে।
অসামৰিক সেৱাৰ বাবে ইচ্ছুক প্ৰাৰ্থীসকললৈ বাবে ৪ কোটি টকাৰ বৃত্তি ঘোষণা স্মাৰ্ট আই এ এছৰ…
অসামৰিক সেৱাৰ পৰীক্ষাত অৱতীৰ্ণ হ’বলৈ আগ্ৰহী প্ৰাৰ্থীসকলক শৈক্ষিক আৰু পেছাদাৰী লক্ষ্যত উপনীত হোৱাত সহায় কৰাৰ উদ্দেশ্যে ৪ কোটি টকাৰ বৃত্তি ঘোষণা কৰিছে গুৱাহাটীস্থিত অসামৰিক সেৱাৰ কোচিং প্ৰতিষ্ঠান স্মাৰ্ট আই এ এছে। উল্লেখ্য যে, অহা ২১ জুলাইত প্রতিষ্ঠানখনৰ গুৱাহাটী কেন্দ্রত অনলাইন আৰু অফলাইনযোগে অনুষ্ঠিত হ’ব এই বৃত্তি পৰীক্ষা৷ শৈক্ষিক প্ৰতিষ্ঠানখনে সদৰী কৰা মতে, পৰীক্ষাত অৱতীৰ্ণ হোৱা ছাত্ৰ-ছাত্ৰীসকলে মেধাৰ ভিত্তিত বৃত্তি লাভ কৰাৰ সুযোগ পাব।
এই সন্দৰ্ভত প্ৰতিক্ৰিয়া ব্যক্ত কৰি স্মাৰ্ট আই এ এছৰ সহ-প্ৰতিষ্ঠাপক অনিমেশ হাজৰিকাই কয়, ‘অসমৰ প্ৰাৰ্থীসকলৰ বাবে এক বৃহৎ বৃত্তিমূলক কাৰ্যসূচী ঘোষণা কৰি আমি অতিশয় আনন্দিত হৈছোঁ।
এই কাৰ্যসূচীৰ লক্ষ্য হৈছে এ পি এছ চি আৰু ইউ পি এছ চি পৰীক্ষাৰ বাবে প্ৰস্তুতি চলোৱা ছাত্ৰ-ছাত্ৰীসকলক সহায় আগবঢ়োৱা আৰু উৎসাহিত কৰা। স্মাৰ্ট-স্পাৰ্ক পদক্ষেপৰ লক্ষ্য হৈছে যোগ্য প্ৰাৰ্থীসকলক আৰ্থিক সাহায্য প্ৰদান কৰি শক্তিশালী কৰা আৰু ১০০% পৰ্যন্ত বৃত্তিৰ জৰিয়তে তেওঁলোকৰ শৈক্ষিক আৰু পেছাদাৰী লক্ষ্যত উপনীত হোৱাত সহায় কৰা।’’
কোচিং প্ৰতিষ্ঠানখনে প্ৰকাশ কৰা মতে, এই বৃত্তিৰ পঞ্জীয়নৰ বাবে নূন্যতম অৰ্হতা হৈছে স্নাতক উত্তীৰ্ণ বা স্নাতক অধ্যয়নৰত। বৃত্তিৰ বিৱৰণ তলত দিয়া ধৰণৰ: স্মাৰ্ট-২০ শিক্ষাৰ্থী: ১০০% বৃত্তি (শীৰ্ষ ২০ গৰাকী প্ৰাৰ্থীৰ বাবে), স্মাৰ্ট-৩০ শিক্ষাৰ্থী: ৫০% বৃত্তি (পৰৱৰ্তী ৩০ গৰাকী প্ৰাৰ্থীৰ বাবে), স্মাৰ্ট-৫০ শিক্ষাৰ্থী: ৩৫% বৃত্তি (পৰৱৰ্তী ৫০ গৰাকী প্ৰাৰ্থীৰ বাবে)।
উল্লেখ্য যে, এই বৃত্তিসমূহ কোনো চৰ্ত অবিহনে সমগ্ৰ পাঠ্যক্ৰমৰ বাবে প্ৰযোজ্য হ’ব। ইয়াৰ উপৰিও মহিলা পৰীক্ষাৰ্থীসকলৰ বাবেও এক বিশেষ সুযোগ প্ৰৱৰ্তন কৰা হৈছে, য’ত তেওঁলোকে কেৱল পৰীক্ষা দিয়াৰ বাবেই সমগ্ৰ পাঠ্যক্ৰমৰ মাচুলত সম্পূৰ্ণ ২৫% বৃত্তি লাভ কৰিব। ইচ্ছুক প্ৰাৰ্থীসকলে স্মাৰ্ট আই এ এছৰ ছ’চিয়েল মিডিয়া হেণ্ডেলত গৈ বায়’ত লিংক কৰা ফৰ্মখন পূৰণ কৰি বিনামূলীয়াকৈ পঞ্জীয়ন কৰিব পাৰিব। নতুবা ৭০০২০ ৭২৬৮৬ নম্বৰত ফোন কৰিও বৃত্তিৰ বাবে পঞ্জীয়ন কৰিব পাৰিব।
মালিগাঁৱত ৰেলৱেৰ এছ চি আৰু এছ টি এম্পলয়িজ এচোছিয়েশ্যনৰ মহিলা শাখাৰ শিক্ষামূলক গ্ৰীষ্মকালীন শিবিৰৰ সামৰণি…
গ্ৰীষ্ম বন্ধৰ সময়চোৱাত শিশু ছাত্ৰ – ছাত্ৰী সকলৰ মাজত থকা সৃজনিমূলক প্ৰতিভা সমুহ বিকশিত কৰাৰ লক্ষ্যৰে নিখিল ভাৰত এছ চি আৰু এছ টি ৰেলৱে এচোছিয়েশ্যৰ এন এফ ৰেলৱে মণ্ডলৰ সভাপতি ৰিংকুমণি বৈশ্য আৰু সম্পাদক তাৰিণী চৰণ দাসৰ নেতৃত্বত, মহিলা শাখাৰ উদ্যোগত ৰেল নগৰী মালিগাঁৱৰ গোশালাস্থিত ৰেলৱে ছিনিয়ৰ ইনষ্টিটিউটত ১১ জুলাইৰ পৰা পৰা তিনিদিনীয়া কাৰ্যসূচীৰে অনুষ্ঠিত শিক্ষামূলক গ্ৰীষ্মকালীন শিবিৰৰ ১৩ জুলাইত সামৰণি পৰে। মূলত ৩ ৰ পৰা ১২ বছৰ বয়সৰ শিশু ছাত্ৰ – ছাত্ৰী সকলৰ মাজত থকা সুপ্ত প্ৰতিভা সমুহ বিকশিত কৰাৰ বাবে তিনিদিনীয়া শিবিৰত তিনিটা শাখাত চিত্ৰাংকণ প্ৰতিযোগিতাৰ উপৰিও বিহু কৰ্মশালা, ধ্যান , যোগ, সাতোৰ আদিৰ আয়োজন কৰা হৈছিল।
১১ জুলাইৰ দিনা পুৱা এগছি বন্তি প্ৰজ্বলনৰে শিবিৰ মুকলি কৰিছিল গুৱাহাটী পৌৰ নিগমৰ ৯ ৱাৰ্ডৰ পাৰিষদ অৰ্চনা দাসে। আনহাতে ১১ জুলাইত শিবিৰৰ প্ৰথম দিনটোত শিশু ছাত্ৰ – ছাত্ৰী সকলৰ মাজত তিনিটা শাখাত চিত্ৰাংকণ প্ৰতিযোগিতা অনুষ্ঠিত হয়। প্ৰতিযোগিতাত প্ৰায় ২০০ টা শিশুৱে ভাগ লয়।। প্ৰতিযোগিতা পৰিচালনা কৰিছিল মহিলা শাখাৰ উপ সভানেত্ৰী সীমা খান আৰু সম্পাদিকা নিৰ্মালি দাসে। ১৩ জুলাইৰ শিবিৰৰ সামৰণিৰ দিনা বিহু কৰ্মশালা অনুষ্ঠিত হয় । বিয়লি অনুষ্ঠিত সামৰণি অনুষ্ঠানত মূখ্য অতিথি হিচাপে উপস্থিত থাকে এন এফ ৰেলৱে মহিলা কল্যাণ সংস্থাৰ সভানেত্ৰী শালিনী শ্ৰীবাস্তৱ ।
অনুষ্ঠানত প্ৰতিযোগিতাৰ বিজয়ী সকলক মানপত্ৰ আৰু বঁটা সমুহ বিতৰণ কৰি গ্ৰীষ্ম বন্ধৰ লগত সংগতি ৰাখি শিশু ছাত্ৰ – ছাত্ৰী সকলৰ মাজত থকা সুপ্ত প্ৰতিভা সমুহ বিকশিত কৰাৰ লক্ষ্যৰে এনে ধৰণৰ কৰ্মশালা অনুষ্ঠিত কৰা বাবে মহিলা শাখাৰ শলাগ লয়। আনহাতে মহিলা শাখাৰ সম্পাদিকা নিৰ্মালি দাসে আঁত ধৰা অনুষ্ঠানত এছ চি, এছ টি এচোছিয়েশ্যনৰ সভাপতি ৰিংকুমণি বৈশ্য , সাধাৰণ সম্পাদক তাৰিণী চৰণ দাস , মহিলা শাখাৰ উপ সভানেত্ৰী সীমা খান, কৰ্মকৰ্তা ভাৰতী মাৰাক, কৰ্মশালাৰ প্ৰশিক্ষক বাবলী আচাৰ্য, ৰাজা মুখাৰ্জীকে ধৰি কেবাজনো বিশিষ্ট লোক উপস্থিত থাকে।