আজি নিশা ৮ বজাত অনুষ্ঠিত হ’ব এই ভাৰত আৰু ইংলেণ্ডৰ মেচখন । ২০২২ চনৰ টি-২০ বিশ্বকাপৰ ছেমি ফাইনেলত ইংলেণ্ডৰ বিৰুদ্ধে পৰাস্ত হোৱাত টি-২০ বিশ্বকাপৰ আশা নিৰ্বাপিত হৈছিল ভাৰত।
উল্লেখ কৰা প্ৰয়োজন যে ২৭ জুনত গায়ানাত বৰষুণ-বজ্ৰপাতৰ পূৰ্বাভাস পোৱা গৈছে । ঘণ্টাত ১০ৰ পৰা ১৫ বেগত বতাহও বলিব পাৰে বুলিও আগলি বতৰা দিছে বতৰ বিজ্ঞান কেন্দ্ৰই। ছেমিফাইনেলত বৰষুণৰ সম্ভাৱনা ৭০ শতাংশ।
নলবাৰীত ১৪ সংখ্যক অসম কেবিনেট বৈঠকত অংশগ্ৰহণ কৰিব অসমৰ মুখ্যমন্ত্ৰী ড°হিমন্ত বিশ্ব শৰ্মাই
তাৰ পিচত মুখ্যমন্ত্ৰী গৰাকীয়ে ঐতিহ্যমণ্ডিত বৰপেটা সত্ৰ আৰু FAAMCH ৰ উন্নয়নৰ মূল্যায়নৰ বাবেও বৰপেটা ভ্ৰমণ কৰিব |
/C + V/O :– নিশা ৰাজপথত লেখাপানী আৰক্ষীৰ গুণ্ডাগিৰি। মদৰ ৰাগীত মাতাল হৈ বিনা কাৰণত প্ৰহাৰ কৰিলে এগৰাকী MBA ছাত্ৰ প্ৰদুম ছেত্ৰীক। যুৱক গৰাকীক প্ৰহাৰ কৰাৰ উপৰিও অশ্লীন গালি গালাজ আৰক্ষী বিষয়াৰ। আৰক্ষী বিষয়া গৰাকীৰ নাম প্ৰাঞ্জল ফুকন বুলি জানিব পৰা গৈছে।
প্ৰত্যক্ষদৰ্শীৰ ভাষ্য মতে লেখাপানী আৰক্ষী থানাৰ SI দায়িত্বত থকা প্ৰাঞ্জল ফুকনে নিশা সুৰামত্ত অৱস্থাত আৰক্ষী পোচাক পৰিধান নকৰাকৈ নিজৰ লগতে আৰু তিনি গৰাকী আৰক্ষী যোৱানক লগত লৈ ৰাজপথৰ কাষত ৰৈ থকা এখন FOURTUNER বাহনৰ পৰা যুৱক গৰাকীক বাহিৰলৈ উলিয়াই অশ্লীল শব্দ প্ৰয়োগৰে গালি পাৰি প্ৰহাৰ কৰে যাৰ ফলত গুৰুতৰ ভাবে আঘাত প্ৰাপ্ত হয় যুৱক গৰাকী।
ইতিমধ্যে যুৱক গৰাকীৰ পৰিয়ালৰ লোকে উচিত ন্যায় বিচাৰি আৰক্ষী বিষয়া গৰাকীৰ লগতে তেওঁৰ লগত যোৱা তিনি আৰক্ষী জোৱানৰ বিৰুদ্ধে লেখাপানী আৰক্ষী থানাত এজেহাৰ দাখিল কৰিছে।
বঙাইগাঁওঃ ২৬ জুনঃ বঙাইগাঁৱৰ নিউ বঙাইগাঁও ৰে’লৱে জংচনত নামনিমুৱা কাজিৰঙা এক্সপ্ৰেছত চৰকাৰী ৰে’লৱে আৰক্ষীয়ে অভিযান চলাই সোণৰ বিস্কুট আৰু বিদেশী মুদ্ৰাসহ তামিলনাডুৰ চাৰিজন ব্যক্তিক আটক কৰিবলৈ সক্ষম হৈছে ৷
নিউ বঙাইগাঁও চৰকাৰী ৰে’লৱে আৰক্ষীয়ে জানিবলৈ দিয়া মতে মঙলবাৰে নিশা এক নিৰ্ভৰযোগ্য সূত্ৰৰ পৰা ১৩১৮২ নং নামনিমুৱা কাজিৰঙা এক্সপ্ৰেছৰ বি-২ ডবাযোগে নিউ বঙাইগাঁও ৰে’লৱে জংচনৰ পৰা চোৰাংভাৱে সোণৰ সৰবৰাহ কৰাৰ তথ্য লাভ কৰে ৷
এই তথ্য লাভ কৰাৰ পিছতে নিশা ৰে’লখনৰ উক্ত ডবাত অভিযান চলোৱাত চাৰিজন লোকক সন্দেহজনভাবে বহি থকা প্ৰত্যক্ষ কৰি সোধাপোছা কৰাৰ লগতে তালাচী চলোৱাত ১৮ খন সোণৰ বিস্কুট, মালৱেছিয়া আৰু আমেৰিকাৰ মুদ্ৰা আদি উদ্ধাৰ কৰি জব্দ কৰে আৰু ব্যক্তিকেইজনক আটক কৰে ৷ জব্দকৃত সোণৰ বিস্কুট কেইখনৰ ওজন ৩৬০ গ্ৰাম ৷ আটকাধীন ব্যক্তি কেইজন আব্দুল ৰহমান সালেক আহমেদ (৪৮) , মধু কুমাৰ (৪৬) ,ৰাজকুমাৰ কালিয়াপেৰুমল (৪৬) আৰু প্ৰগদীশ্বৰন পি ভি আৰ (১৯) ৷ আটাইকেইজনৰে ঘৰ তামিলনাডুত ৷ আটকাধীন ব্যক্তি এজনে সংবাদ মাধ্যমৰ আগত প্ৰকাশ কৰা মতে সোণখিনি তেওঁলোকৰ আৰু ভূটানৰ পৰা চেন্নাইলৈ লৈ গৈ আছিল ৷ ইপিনে চৰকাৰী ৰে’লৱে আৰক্ষীয়ে সমগ্ৰ বিষয়টো সন্দৰ্ভত তদন্ত অব্যাহত ৰাখিছে ৷
নদীয়ে আনৰ উপকাৰৰ বাবে নিৰৱিচ্ছিন্ন ভাৱে যিদৰে বৈ আছে। গৰুৱে যিদৰে আনৰ উপকাৰৰ বাবে গাখীৰ দিয়ে ঠিক তেনেদৰে বৃক্ষই আনৰ উপকাৰ বাবে ফল দি আছে। মানুহৰ উপকাৰ কৰি আছে। ঠিক সেইদৰে অশেষ পূণ্যৰ বলত মানৱ জীৱন লাভ কৰে। এই মানৱ জীৱন তেতিয়াহে পূৰ্ণতা লাভ কৰিব যেতিয়া মানুহে আনৰ উপকাৰ সাধন কৰিব।
শ্ৰী শ্ৰী আউনীআটী সত্ৰ উত্তৰ গুৱাহাটী শাখা সত্ৰৰ সন্মুখত মহাপুৰুষ শ্ৰীমন্ত শংকৰদেৱৰ অনুপম সৃষ্টি কীৰ্তন ঘোষাত লিপিবদ্ধ অসমৰ ৫০ বিধ আপুৰুগীয়া ফুলৰ সমাহাৰেৰে দিব্য উপৱন আৰ্হিত নিৰ্মাণ হ’বলগীয়া “দিব্য উপৱন” ৰ ফুলৰ পুলি ৰোপন কাৰ্য্যসূচীৰ শুভাৰম্ভ কৰি শ্ৰী শ্ৰী আউনীআটী সত্ৰৰ সত্ৰাধিকাৰ ড০পীতাম্বৰ দেৱ গোস্বামীয়ে এইদৰে কয়। তেওঁ সাৰমৰ্ম বাখ্যা সহকাৰে ভাষণ প্ৰসংগত উল্লেখ কৰে যে দিব্য উপবন হল প্ৰকৃতিৰ ৰূপ গুণৰ তত্ত্ব প্ৰকাশৰ এক প্ৰয়াস।
অধ্যাপক প্ৰভাত শৰ্মাই আঁতধৰা অনুষ্ঠানত সত্ৰাধিকাৰ ড০ গোস্বামীয়ে সত্ৰৰ সন্মুখত থকা প্ৰায় ৮ বিঘা ভূমিত কোনো কংক্ৰীটৰ অট্টালিকা নিৰ্মাণ নকৰি মহাপুৰুষ শ্ৰীমন্ত শংকৰদেৱে সৃষ্টি কৰা এখন দিব্য উপৱন নিৰ্মাণৰ সপোণ বাস্তবায়িত কৰি আনন্দ প্ৰকাশ কৰে। সত্ৰাধিকাৰ গৰাকীয়ে লগতে কয় যে এই “দিব্য উপৱন ” ৰ সমান্তৰালভাৱে এখন নাৰ্চাৰী নিৰ্মাণ কৰা হ’ব। ইয়াৰ ফলত পৰিবেশন সুৰক্ষা দিয়া ,প্ৰাকৃতিক সৌন্দৰ্য্য বৃদ্ধি কৰাৰ সমান্তৰালভাৱে উৎপাদন বৃদ্ধি কৰি উপাৰ্জনৰ পথ মুকলি হ’ব ।
সত্ৰাধিকাৰ ড০পীতাম্বৰ দেৱ গোস্বামীয়ে পুনৰ কয় যে মহাপুৰুষ শ্ৰীমন্ত শংকৰদেৱৰ সৃষ্ট কীৰ্তন ঘোষাত সন্নিৱিষ্ট পঞ্চাছ বিধ ফুলৰ লগতে অসমৰ পৰা হেৰাই যোৱা দুষ্প্ৰাপ্য ঔষধি,বনস্পতি,লতা,বিৰুধ,ত্বকসাৰ, বৃক্ষৰ প্ৰাকৃতিক প্ৰজাতি আৰু অসমৰ পৰম্পৰাগত ফল-ফুল, ঋতু কালিন ফুল লগতে এখনি বাটিকা (Nursery) এই দিব্য উপৱনত থাকিব।
এই বাটিকাত উপলব্ধ হ’ব শিৰিষ,সেউতী,তমাল,মালতী,লৱঙ্গ,বাগী,গুলাল,কৰৱী,বক,কাঞ্চন,চম্পক,শেৱালি,নেৱালি,পলাশ,পাৰলি, পাৰিজাত,যুতি,জাই,বকুল,বন্দুলী,কনৌৰ,কনাৰী,কদম্ব,বাবৰী,নাগেশ্বৰ,সিংহচম্পা,অশোক,দেৱনা,মন্দাৰ,মনিৰাজ,ৰাজচম্পা,কোণ্ডা,কঙ্ক,কুৰুবক,কেতেকী,তগৰ,গুটিমালী,ভেণ্টি,ৰেৱতী,মৰুৱা,মধাই, ধুস্তুৰ,চন্দন,অগৰু,
দেৱদাৰু,পদ্মবচি,কমল, কল্পতৰু,ভেট,উতপল ।
ইতিমধ্যে ২৫ বিধ ফুলৰ অসমৰ বুকুৰ পৰা হেৰাই গৈছে যদিও তেওঁ যিকোনো ত্যাগৰ বিনিময়ত হেৰাই যোৱা ফুল সমূহ অসমৰ বাহিৰৰ ৰাজ্যৰ পৰা আনি হলেও এই দিব্য উপৱনত সংৰক্ষণ কৰাৰ সংকল্পৰ কথাও ৰাইজৰ মাজত ব্যক্ত কৰে। এই দিব্য উপৱনৰ যোগেদি মহাপুৰুষ শ্ৰীমন্ত শংকৰদেৱৰ মন মাধুৰ্য্যৰ উপবন খনিক বাস্তৱত ৰূপ দিয়াৰ প্ৰয়াস কৰা হৈছে বুলি উল্লেখ কৰি ইয়াৰ বাবে এই দিব্য উপৱন খনিৰ সৃষ্টিত সকলো ৰাইজৰ সহায়-সহযোগ কামনা কৰে।
সভাত বৃক্ষ বন্ধু লীলা হাজৰিকাই সত্ৰাধিকাৰ ড০পীতাম্বৰ দেৱ গোস্বামীৰ এই মহৎ প্ৰচেষ্টাৰ শলাগ লৈ গছ গছনি আমাক কিয় প্ৰয়োজন হয় এটি সুন্দৰ কবিতাৰে উপস্থিত ৰাইজক বুজাই দিয়ে। অনুষ্ঠানত অসম বাৰ্তাজীৱী সংঘৰ সভাপতি মধুসূদন মেধি, কামৰূপ জিলা সাংবাদিক সন্থাৰ সভাপতি প্ৰকাশ ডেকা, সমাজকৰ্মী দ্বয় গৌৰী কান্ত কাকতি আৰু ভূপেন সোণোৱালৰ লগতে কেইবাজনো বিশিষ্ট ব্যক্তিয়ে ভাষণ দি সত্ৰাধিকাৰ ড০পীতাম্বৰ দেৱ গোস্বামীৰ এই মহৎ প্ৰচেষ্টাৰ শলাগ লয়।
অনুষ্ঠানত সমাজকৰ্মী থানেশ্বৰ শৰ্মা, উৎপল বৰা ( নৰেন বৰা) পাৰ্থ প্ৰতীম বৰকাকতি, শম্ভুৰাম ঠাকুৰীয়া,উত্তৰ গুৱাহাটী সাংবাদিক সন্থাৰ সভাপতি দিগন্ত বৰদলৈ সহকাৰী সম্পাদক উৎপল তামুলী, সাংবাদিক জয়ন্ত ডেকা উত্তৰ গুৱাহাটী ভালেসংখ্যক লোক উপস্থিত থাকে। আজি দিব্য “উপৱন ” ৰ ফুলৰ পুলি ৰোপনৰ শুভাৰম্ভ কাৰ্য্যসূচীত সত্ৰাধিকাৰ ড০পীতাম্বৰ দেৱ গোস্বামীৰ লগতে বৃক্ষ বন্ধু লীলা হাজৰিকা, সেউজ বন্ধু দিপক বৰুৱা, অধ্যাপক প্ৰভাত শৰ্মা উপস্থিত সকলোৱে একুটিকৈ ফুলৰ পুলি ৰোপন কৰে। অনুষ্ঠানত বৃক্ষ বন্ধু লীলা হাজৰিকা, সেউজ বন্ধু দিপক বৰুৱা আৰু অধ্যাপক প্ৰভাত শৰ্মাক সত্ৰাধিকাৰ ড০পীতাম্বৰ দেৱ গোস্বামীয়ে বিশেষ ভাৱে সম্বৰ্ধনা জ্ঞাপন কৰে।
দৈনন্দিন বাৰ্তাৰ সেৱা,ডিব্ৰুগড়,২৬,জুন:২০২৪ চনৰ উচ্চতৰ মাধ্যমিক চূড়ান্ত পৰীক্ষাত ডিব্ৰুগড়ৰ চল্টব্ৰক একাডেমীৰ পৰা বিজ্ঞান শাখাৰ পৰা ৯৪.২% নম্বৰেৰে উত্তীৰ্ণ হোৱা ছাত্র ধৃতিষ্মান দত্তই পুনৰবাৰ শিক্ষানুষ্ঠানখনৰ লগতে সমগ্ৰ অসমবাসীলৈ গৌৰৱ কঢ়িয়াই আনিবলৈ সক্ষম হৈছে।
৯ জুনত অনুষ্ঠিত হোৱা সৰ্বভাৰতীয় IAT, ২০২৪ পৰীক্ষাত অৱতীৰ্ণ হৈ ধৃতিষ্মানে সমগ্ৰ দেশৰ ভিতৰতে চতুৰ্থ স্থান দখল কৰি বেংগালুৰুস্থ বিশ্ব প্ৰসিদ্ধ শিক্ষানুষ্ঠান Students Indian institute of science তথা IISC ত অধ্যয়নৰ সুযোগ লাভ কৰিছে। ইয়াৰ পূৰ্বেও ছাত্ৰ জনে এইবৰ্ষৰ JEE-Mains আৰু JEE-ADVANCED পৰীক্ষাটো উজনি অসমৰ ভিতৰত সৰ্বোচ্চ নম্বৰ পোৱাৰ উপৰিও NEET পৰীক্ষাটো সুখ্যাতিৰে উত্তীৰ্ণ হৈছে।
বিশিষ্ট চিকিৎসক ডঃ ৰাজীৱ দত্ত আৰু লাহোৱাল পলিটেকনিকৰ অধ্যাপিকা ডঃ তুলিকা তামুলী দত্তৰ জ্যেষ্ঠ পুত্ৰ ধৃতিষ্মানৰ এই বিৰল কৃতিত্বত চল্টব্ৰক একাডেমীৰ সঞ্চালক অশ্বিনী দুৱৰা, অধক্ষ্য ৰঞ্জিত বৰুৱা আৰু সমূহ শিক্ষক- শিক্ষয়িত্ৰীবৃন্দ উৎফুল্লিত হোৱাৰ লগতে ছাত্রজনক অভিনন্দন আৰু শুভাষীস জ্ঞাপন কৰিছে।
মহানগীৰত স্কুল বাছ মাফিয়া দুদুল চৌধুৰীৰ পোহনীয়া হাতীৰ তাণ্ডৱ। দিছপুৰৰ জনতা ভৱনৰ সন্মুখত হাতীটোৱে ভাঙিলে কেবাখনো বাহন, উগ্ৰমূৰ্তি ধাৰণ কৰা হাতীটোৱে বহু পথচাৰীকো আক্ৰমণ কৰে । স্কুল বাছ মাফিয়া দুদুল চৌধুৰীৰ পোহনীয়া হাতীয়ে এইবাৰ তাণ্ডৱৰ সৃষ্টি কৰিলে মহানগৰীত। দিছপুৰৰ জনতা ভৱনৰ সন্মুখত হাতীটোৱে সৃষ্টি কৰে তাণ্ডৱৰ। ফলত হাহাকাৰ পৰিৱেশৰ সৃষ্টি হয় জনতা ভৱনৰ সন্মুখত। উগ্ৰমূৰ্তি ধাৰণ কৰা হাতীটোৱে এফালৰ পৰা ভাঙি গ’ল যান-বাহন। ফলত অভাৱনীয় পৰিৱেশৰ সৃষ্টি হয় জনতা ভৱনৰ সন্মুখত। জনতা ভৱনৰ সন্মুখৰ পাৰ্কিত প্ৰৱেশ কৰি হাতীটোৱে বিস্তৰ ক্ষতিসাধন কৰে।
হাতীটোৰ আক্ৰমণৰ খবৰ পাই ঘটনাস্থলীত আৰক্ষী উপস্থিত হয় যদিও আৰক্ষীয়েও হাতীটোক নিয়ন্ত্ৰণ কৰাত ব্যৰ্থ হয়। পিছত বন বিভাগৰ লোকক খবৰ দিয়া হয় আৰু বন বিভাগৰ লোকে আহি হাতীটোক ট্ৰেংকুলাইজ কৰি হাতীটোক বশ কৰিবলৈ সক্ষম হয়। এইগৰাকী বিতৰ্কিত দুদুল চৌধুৰীৰ পোহনীয়া হাতীয়ে এইবাৰ সন্ত্ৰাসৰ সৃষ্টি কৰে মহানগৰীত। উল্লেখ্য যে তেওঁৰ এই হাতীটোৱে ইয়াৰ পূৰ্বেও কাহিলিপাৰাত সন্ত্ৰাসৰ সৃষ্টি কৰিছিল। হাতীটোৰ আক্ৰমণত কাহিলিপাৰাত নিহিত হৈছিল এজন লোক।
উল্লেখ্য যে স্কুল বাছৰ নামত কণকণ ছাত্ৰ-ছাত্ৰীৰ বাবে মৰণ ফান্দ পাতিছিল এইগৰাকী দুদুল চৌধুৰীয়ে। নীতি-বহিৰ্ভূতভাৱে স্কুল বাছ চলাই প্ৰশাসনৰ ৰোষত পৰিছিল এইগৰাকী বিতৰ্কিত দুদুল চৌধুৰী। নীতি বহিৰ্ভূতভাৱে চলোৱা তেওঁৰ ১০ খনকৈ স্কুল বাছ প্ৰশাসনে জব্দ কৰিছিল।
স্কুল বাছ মাফিয়া দুদুল চৌধুৰী পুহিছে তিনিটাকৈ হাতী। তিনিটা হাতীৰ এটা হাতী আজি তেওঁৰ ঘৰৰ পৰা ওলাই আহি সৃষ্টি কৰে সন্ত্ৰাসৰ। ইয়াকে লৈ এতিয়া সৃষ্টি হৈছে তীব্ৰ প্ৰতিক্ৰিয়াৰ। মহানগৰীৰ মাজমজিয়াত যেনেদৰে হাতীকেইটাক পোহ মনাই ৰাখিব লাগিছিল বা হাতীকেইটাক নিয়ন্ত্ৰণ কৰি ৰাখিব লাগিছিল দুদুল চৌধুৰীয়ে তেনেদৰে ৰখাৰ চেষ্টা কৰা নাই বুলিও ৰাইজে অভিযোগ কৰিছে।
ধোদৰ আলি নিৰ্মাণকাৰী প্ৰতিষ্ঠানৰ বিৰুদ্ধে ব্যৱস্থা গ্ৰহণৰ দাবী, শিৱসাগৰৰ নামতিত ঐতিহাসিক ধোদৰ আলি মেৰামতিৰ দাবীত আজি সদৌ অসম ছাত্ৰ সন্থাৰ নামতি আঞ্চলিক সমিতিয়ে ধোদৰ আলি অৱৰোধ কৰি প্ৰতিবাদ সাব্যস্ত কৰে। ঐতিহাসিক ধোদৰ আলিৰ নামতি চাৰি আলিৰ পৰা চামগুৰি সংযোগী পথৰ জৰাজীৰ্ণ অৱস্থাৰ তাৎক্ষণিক ভাৱে মেৰামতি কৰাৰ দাবীত নামতিৰ ধোদৰ আলিত আছুৱে পথ অৱৰোধ কাৰ্যসূচী গ্ৰহণ কৰে। ধোদৰ আলি নিৰ্মাণকাৰী প্ৰতিষ্ঠান শিৱা হাৰলালকাৰ বিৰুদ্ধে সোচ্চাৰ হৈ উঠে সদৌ অসম ছাত্ৰ সন্থাৰ নামতি আঞ্চলিক সমিতি।
গড়কাপ্টানী বিভাগ লেই লেই চেই চেই, দুৰ্নীতিগ্ৰস্থ ঠিকাদাৰৰ ওপৰত উচিত ব্যৱস্থা গ্ৰহণ কৰক, দুৰ্নীতিগ্ৰস্থ ঠিকাদাৰৰ ওপৰত মিতিৰালি বন্ধ কৰক, অসম চৰকাৰ হায় হায় শ্ল’গানেৰে তীব্ৰ প্ৰতিবাদ সাব্যস্ত কৰে।উল্লেখ্য যে অসম মালা আচনিৰ অধীনত নিৰ্মাণ হৈ থকা ঐতিহাসিক ধোদৰ আলিৰ নিৰ্মাণ কাৰ্যত ঠিকাদাৰী প্ৰতিষ্ঠানে ব্যাপক হেমাহি কৰাৰ অভিযোগ আনে সদৌ অসম ছাত্ৰ সন্থাই। নামতি চাৰি আলিৰ পৰা চামগুৰি সংযোগী পথচোৱাত পুখুৰী সদৃশ দ দ গাঁত হৈ পৰাৰ ফলত বহু দুৰ্ঘটনা সংঘটিত হৈ আহিছে।পথটোৰ নিৰ্মাণৰ বাবে বিভিন্ন দল সংগঠনে প্ৰতিবাদী কাৰ্যসূচী ৰূপায়ণ কৰি আহিছে যদিও গা লৰাব পৰা নাই চৰকাৰৰ। অৱশেষত আজি নামতি আঞ্চলিক ছাত্ৰ সন্থাৰ উদ্যোগত স্থানীয় ৰাইজৰ সহযোগত প্ৰায় ডেৰ ঘণ্টা ধৰি ঐতিহাসিক ধোদৰ আলি অৱৰোধ কৰি পথৰ মেৰামতিৰ দাবীত তীব্ৰ প্ৰতিবাদ সাব্যস্ত কৰে।
উল্লেখ্য যেঅসম মালা আচনিৰ অধীনত নিৰ্মাণ হৈ থকা ঐতিহাসিক ধোদৰ আলিৰ দহ শতাংশ কামো সম্পাদন নকৰি শিৱা হাৰলালকা ঠিকাদাৰী প্ৰতিষ্ঠানে পলায়নৰ চেষ্টা কৰাৰ অভিযোগ উত্থাপিত হৈছে। ঠিকাদাৰী প্ৰতিষ্ঠানটোৱে নামতিৰ পৰা চামগুৰি পৰ্যন্ত পথটোৰ নিৰ্মাণৰ নামত ব্যাপক হেমাহি কৰি আহিছে। পথটোৰ নিৰ্মাণৰ নামত পুখুৰীসদৃশ দ গাঁতবোৰ মেৰামতি নকৰি যাতায়াত ব্যাহত কৰি তুলিছে।
শীঘ্ৰে পথটো মেৰামতি নকৰিলে অনাগত দিনত তীব্ৰ প্ৰতিবাদী কাৰ্যসূচী গ্ৰহণৰ হুংকাৰ দিছে।
পুনৰ দিল্লীৰ ৰাউচ এভিনিউ আদালতত ইডিয়ে কেজৰিৱালক হাজিৰ কৰাৰ পাছতে চিবিআইয়ে আদালতৰ অনুমতি সাপেক্ষে সুৰা নীতিৰ কেলেংকাৰীৰ অভিযোগত গ্ৰেপ্তাৰ কৰে অৰবিন্দ কেজৰিয়ালক । আনহাতে দিল্লী উচ্চ ন্যায়ালয়ৰ ৰায়ক প্ৰত্যাহ্বান জনাই উচ্চতম ন্যয়ালয়ত বিচাৰ আদালতৰ জামিন আদেশক কাৰ্যকৰী কৰণৰ বাবে যি আবেদন দাখিল কৰিছিল সেই আবেদনো দিল্লীৰ মুখ্যমন্ত্ৰীগৰাকীয়ে প্ৰত্যাহাৰ কৰিছে। ন্যায়াধীশ মনোজ মিশ্ৰ আৰু এছ ভি এন ভাট্টিৰ বিচাৰপীঠে তেওঁক এই আবেদন প্ৰত্যাহাৰৰ অনুমতি প্ৰদান কৰিছে । উল্লেখ্য যে আদালতত চি বি আইৰ ফালৰ পৰা কোৱা হৈছিল যে, সুৰা নীতি কেলেংকাৰীৰ সন্দৰ্ভত লোকসভা নিৰ্বাচনৰ পূৰ্বে কেজৰিৱালক তেওঁলোকে সোধপোছ কৰিব নোৱাৰিলে ।
ইয়াৰ পূৰ্বে কেন্দ্ৰীয় তদন্তকাৰী সংস্থাটোৱে মঙ্গলবাৰে চিবিআইয়ে তিহাৰ কাৰাগাৰতে কেজৰিৱালক পৰীক্ষা কৰি সুৰা নীতি কেলেংকাৰী সন্দৰ্ভত তেওঁৰ ভাষ্য লিপিবদ্ধ কৰিছিল। ইয়াৰ পিছতে আপ নেতাগৰাকীৰ জ্যেষ্ঠ অধিবক্তা অভিষেক সিংভিয়ে দিল্লী উচ্চ ন্যায়ালয়ে ২৫ জুনত এক বিতং নিৰ্দেশনা প্ৰদান কৰিছে সেয়ে “ছাছটেনেবল আপীল” দাখিল কৰিব বুলি উল্লেখ কৰে । উল্লেখ্য যে, ২১ মাৰ্চৰ পৰাই অৰবিন্দ কেজৰিয়াল ইডিৰ জিম্মাত আছিল যদিও নিৰ্বাচনৰ প্ৰচাৰৰ বাবেহে উচ্চতম ন্যায়ালয়ে অন্তৱৰ্তীকালীন জামিন প্ৰদান কৰিছিল । ইফালে দিল্লী উচ্চ ন্যায়ালয়ৰ বিচাৰ আদালতে প্ৰদান কৰা কেজৰিৱালৰ জামিন আদেশ স্থগিত অনুসৰি বিচাৰ আদালতে অন্ততঃ মানি লণ্ডাৰিং প্ৰতিৰোধ আইনৰ ধাৰা ৪৫ ৰ দ্বৈত চৰ্তাৱলী পূৰণৰ সৈতে সন্তুষ্টি লিপিবদ্ধ কৰিব লাগিছিল ।
ইতিহাস ৰচনা কৰি ৰিয়ান পৰাগে ভাৰতীয় ক্রিকেট দলত স্থান লাভ কৰাৰ পিছতে অসমৰ প্রাক্তন ৰঞ্জী ক্রিকেটাৰ শুভদীপ ঘোষেও আনিছে অসমলৈ সু-খবৰ । উল্লেখ্য যে টীম ইণ্ডিয়াৰ জিম্বাব’ৱে ভ্রমণৰ বাবে ঘোষণা কৰা ভাৰতীয় দলটোত ৰিয়ান পৰাগে স্থান লাভ কৰাৰ লগতে শুভদীপ ঘোষক দলটোৰ ফিল্ডিং প্রশিক্ষক হিচাপে ভাৰতীয় ক্রিকেট নিয়ন্ত্রণ ব’র্ডে
নিযুক্তি দিছে । ইপিনে শুভমন গিল নেতৃত্বাধীন ভাৰতীয় দলটোৱে ৬ জুলাইৰ পৰা টীম ইণ্ডিয়াৰ জিম্বাব’ৱে ভ্রমণত ৫খন টি-২০ মেচত ভাগ ল’ব । ক্ৰীকেট অনুৰাগীসকলে ভাৰতীয় দলটোৰ ফিল্ডিং প্রশিক্ষক হিচাপেশুভদীপ ঘোষক নিযুক্তি প্রদান কৰাৰ পিছত আনন্দিত হৈ পৰা পৰিলক্ষিত হৈছে ।
এইখিনিতে উল্লেখ কৰা প্ৰয়োজন যে ২০১৪ চনত প্রথমবাৰৰ বাবে ভাৰতীয় ‘এ’ দলটোৰ ফিল্ডিং প্রশিক্ষক হিচাপে শুভদীপ ঘোষে নিযুক্তি লাভ কৰিছিল । তদুপৰি অসমৰ আৰু ৰে’লৱেৰ হৈ ১৭খন প্রথম শ্রেণীৰ মেচ আৰু ১৭খন লিষ্ট ‘এ’ৰ মেচত প্রতিনিধিত্ব কৰা শুভদীপ ঘোষে ভাৰতীয় ক্রিকেট নিয়ন্ত্রণ ব’ডৰ ঐশ্বর্যশালী টি–২০ ক্রিকেট প্রতিযোগিতা আইপিএলতো ফিল্ডিং প্রশিক্ষকৰ দায়িত্ব পালন কৰিছিল ৷ ২০২০ চনত অষ্ট্রেলিয়াত উপৰি ২০২১ চনত নিউজিলেণ্ড আৰু ২০২২ চনত দক্ষিণ আফ্রিকাত অনুষ্ঠিত মহিলা টি–২০ বিশ্বকাপতো ভাৰতীয় মহিলা দলটোৰ ফিল্ডিং প্রশিক্ষকৰ দায়িত্বত আছিল শুভদীপ ঘোষ ।
