১৭ বছৰ নিৰ্বাসনৰ অন্তত বাংলাদেশত উপস্থিত তাৰিক ৰহমান
১৭ বছৰৰ মূৰত (Tariq Rahman) তাৰিক ৰহমানৰ ঐতিহাসিক প্ৰত্যাৱৰ্তন! বিমানত তেওঁ কি নথি পঢ়ি আছিল? প্ৰথম ফেচবুক পোষ্টত তেওঁৰ এক শব্দৰ পোষ্টে বাংলাদেশক জোকাৰি গ’ল। ১৭ বছৰীয়া নিৰ্বাসনৰ পাছত বাংলাদেশত উপস্থিত ডাৰ্ক প্ৰিন্স। বাংলাদেশৰ ৰাজনীতিত খালেদা জিয়াৰ পুত্ৰ তাৰিক ৰহমান।
১৭ বছৰ নিৰ্বাসনৰ অন্তত ২০২৫ চনৰ ২৫ ডিচেম্বৰত লণ্ডনৰ পৰা বাংলাদেশত উপস্থিত বাংলাদেশ নেচনেলিষ্ট পাৰ্টিৰ ভাৰপ্ৰাপ্ত অধ্যক্ষ তাৰিক ৰহমান। বিমান বাংলাদেশ এয়াৰলাইন্সৰ বিমানেৰে চিলেট আৰু তাৰ পিছত ঢাকাত উপস্থিত হয়। তেওঁৰ পত্নী জুবাইদা আৰু কন্যা জয়মাও তেওঁৰ লগত আছে। এটা ফেচবুক পোষ্ট আৰু বিমানখনৰ এখন ফটো ভাইৰেল হৈ পৰিছে।
১৭ বছৰীয়া নিৰ্বাসনৰ অন্তত ২০২৫ চনৰ ২৫ ডিচেম্বৰত বাংলাদেশ জাতীয়তাবাদী পাৰ্টিৰ ভাৰপ্ৰাপ্ত অধ্যক্ষ তাৰিক ৰহমানে লণ্ডনৰ পৰা বাংলাদেশলৈ উভতি অহাৰ পিছতে দেশজুৰি উদযাপনৰ সূচনা হৈছে। উভতি অহাৰ সময়ত টাৰিকৰ ফেচবুক পোষ্ট বহুতৰে বাবে সূৰ্য্যৰ উদয় দৰে। বিমানত এখন নথি পঢ়ি থকা ফটো শ্বেয়াৰ কৰাটোৱেও কৌতুহলৰ সৃষ্টি কৰিছিল।
অশান্ত পশ্চিম কাৰ্বি আংলং: ৰেপিড এক্সন ফ’ৰ্চ মোতায়েন, হোজাই–কাৰ্বি আংলং সীমান্তত ব্যাপক প্ৰতিবাদ
২৪ ডিচেম্বৰ, বুধবাৰে পশ্চিম কাৰ্বি আংলং জিলাৰ খেৰণি বজাৰ এলেকাত সংঘটিত হিংসাত্মক ঘটনাত এজন যুৱকক জীৱিত অৱস্থাত জ্বলাই দিয়াৰ পিছতে সমগ্ৰ অঞ্চলজুৰি তীব্ৰ উত্তেজনাময় পৰিস্থিতিৰ সৃষ্টি হয়। এই হৃদয়বিদাৰক ঘটনাৰ প্ৰতিক্ৰিয়াত হোজাই–কাৰ্বি আংলং সীমান্তত বিশেষকৈ অ-কাৰ্বি লোকসকলৰ মাজত ব্যাপক প্ৰতিবাদ আৰম্ভ হয়, যাৰ ফলত সীমান্তৱৰ্তী অঞ্চলসমূহত নিৰাপত্তাজনিত উদ্বেগ বৃদ্ধি পায়।
ভূমি সম্পৰ্কীয় প্ৰতিবাদক লৈ পশ্চিম কাৰ্বি আংলং জিলাৰ খেৰণি অঞ্চলত যোৱা দুদিন ধৰি অশান্তিপূৰ্ণ পৰিস্থিতি অব্যাহত থকাৰ পৰিপ্ৰেক্ষিতত পৰিস্থিতি নিয়ন্ত্ৰণৰ বাবে বিশেষ সংঘাত নিৰ্মূলকাৰী বাহিনী ৰেপিড একচন ফ’ৰ্চ (RAF) মোতায়েন কৰা হৈছে। বুধবাৰে বিয়লি আৰ এ এফৰ ডেপুটি কমাণ্ডেণ্ট টি এন সিঙে জনোৱা মতে, আইন-শৃংখলা বজাই ৰাখিবলৈ খেৰণি আৰু কাষৰীয়া অঞ্চলসমূহৰ কৌশলগত স্থানত ২০০ৰো অধিক আৰ এ এফ জোৱান নিয়োগ কৰা হৈছে। তেওঁ কয় যে বৰ্তমান পৰিস্থিতি নিয়ন্ত্ৰণত আছে যদিও যিকোনো অপ্ৰত্যাশিত ঘটনা ৰোধ কৰিবলৈ বাহিনী সষ্টম হৈ আছে।
পেছাদাৰী গ্ৰেজিং ৰিজাৰ্ভ আৰু ভিলেজ গ্ৰেজিং ৰিজাৰ্ভৰ মাটিৰ পৰা কথিত বেদখলকাৰীক উচ্ছেদ কৰাৰ দাবীত কাৰ্বি জনজাতীয় সংগঠনৰ একাংশই চলোৱা প্ৰতিবাদৰ মাজতেই এই হিংসাত্মক পৰিস্থিতিৰ সৃষ্টি হয় বুলি জানিব পৰা গৈছে। আন্দোলনৰ সময়ত খেৰণি আৰু কাষৰীয়া এলেকাত কেইবাখনো দোকান, বাসগৃহ আৰু অন্যান্য প্ৰতিষ্ঠানত অগ্নিসংযোগ কৰাৰ অভিযোগ উত্থাপন হৈছে। লগতে ডংকামোকামত কাৰ্বি আংলং স্বায়ত্তশাসিত পৰিষদৰ মুখ্য কাৰ্যবাহী সদস্য তুলিৰাম ৰংহাঙৰ পূৰ্বপুৰুষৰ বাসগৃহো লক্ষ্য কৰি লোৱা বুলি তথ্য পোৱা গৈছে।
পৰিস্থিতিৰ অৱনতি ঘটাত জিলা প্ৰশাসনে নিষেধাজ্ঞামূলক আদেশ জাৰি কৰাৰ লগতে সমগ্ৰ কাৰ্বি আংলং আৰু পশ্চিম কাৰ্বি আংলং জিলাত মোবাইল ইণ্টাৰনেট সেৱা সাময়িকভাৱে বন্ধ কৰি দিয়ে। স্বাভাৱিক অৱস্থা ঘূৰাই অনাৰ লক্ষ্যৰে আৰক্ষী আৰু কেন্দ্ৰীয় বাহিনীৰ অতিৰিক্ত দল ক্ষতিগ্ৰস্ত অঞ্চলসমূহলৈ প্ৰেৰণ কৰা হয়। চৰকাৰী সূত্ৰ অনুসৰি, বিগত দুদিন ধৰি সংঘটিত সংঘৰ্ষত কমেও দুজন লোক নিহত হোৱাৰ লগতে কেইবাজনো আহত হৈছে, যদিও বৰ্তমানলৈ নতুন কোনো হিংসাত্মক ঘটনাৰ খবৰ পোৱা নাই।
