জাৰ্মানীৰ BMW প্লাণ্ট আৰু BMW ৱেল্ট পৰিদৰ্শন কংগ্ৰেছ নেতা ৰাহুল গান্ধীৰ
জাৰ্মানীৰ (Rahul Gandhi) বিএমডব্লিউ প্লাণ্ট আৰু বিএমডব্লিউ ৱেল্ট পৰিদৰ্শন ৰাহুল গান্ধীৰ। বাইকত উঠি বিশেষ প’জ দিয়াও দেখা গ’ল বিৰোধীৰ নেতাগৰাকীক।
জাৰ্মানীৰ বিএমডব্লিউ ৱৰ্ল্ড পৰিদৰ্শন কৰাৰ পিছত ৰাহুল গান্ধীয়ে কয় যে উৎপাদন শক্তি শক্তিশালী অৰ্থনীতিৰ মেৰুদণ্ড। ভাৰতত উৎপাদন “কমি অহা অৱস্থা”ত আছে। দেশখনত দ্ৰুত অৰ্থনৈতিক বিকাশৰ বাবে অধিক উৎপাদন, উন্নত উৎপাদন পৰিৱেশ তন্ত্ৰ, বৃহৎ পৰিসৰৰ, উচ্চমানৰ চাকৰিৰ প্ৰয়োজন।
কংগ্ৰেছ নেতা ৰাহুল গান্ধীয়ে জাৰ্মানীৰ মিউনিখত থকা BMW Welt আৰু BMW প্লাণ্ট পৰিদৰ্শন কৰে। নিজৰ অভিজ্ঞতা ব্যক্ত কৰি ৰাহুল গান্ধীয়ে কয় যে বিএমডব্লিউৰ উৎপাদন প্ৰক্ৰিয়া আৰু প্ৰযুক্তি বিশ্বমানৰ। তেওঁ লগতে কয় যে তেওঁৰ ভ্ৰমণৰ এটা উল্লেখযোগ্য অংশ আছিল বিএমডব্লিউৰ সৈতে অংশীদাৰিত্বৰে নিৰ্মাণ কৰা টিভিএছ ৪৫০চিচি মটৰ চাইকেলখন দেখা। তেওঁ ইয়াক ভাৰতীয় অভিযান্ত্ৰিকতাৰ বাবে এক “গৌৰৱৰ মুহূৰ্ত” বুলি অভিহিত কৰে।
জানিব পৰা মতে, ২০ ডিচেম্বৰৰ বিয়লি প্ৰায় ৩ বজাত প্ৰধানমন্ত্ৰী মোদী গুৱাহাটীত উপস্থিত হ’ব। এই সময়চোৱাত তেওঁ বৰঝাৰস্থিত লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমান বন্দৰত নতুনকৈ নিৰ্মাণ কৰা টাৰ্মিনেল মুকলি কৰিব। লগতে নতুন বিমান বন্দৰ চৌহদত অসমৰ মহান নেতা লোকপ্ৰিয় গোপীনাথ বৰদলৈৰ এটা প্ৰতিমূৰ্তি উন্মোচন কৰিব। ইয়াৰ পাছতে প্ৰায় ৭০ হাজাৰ লোকৰ উপস্থিতিত অনুষ্ঠিত এখন বৃহৎ জনসভাত প্ৰধানমন্ত্ৰীগৰাকীয়ে ভাষণ প্ৰদান কৰিব।
প্ৰধানমন্ত্ৰীৰ এই ভ্ৰমণক লৈ ইতিমধ্যে শাসকীয় দলৰ নেতা-মন্ত্ৰীসকল তৎপৰতাত নামি পৰিছে। এই সন্দৰ্ভত আজি দক্ষিণ কামৰূপ বিজেপিৰ কাৰ্যালয়ত উপস্থিত হয় অসম চৰকাৰৰ মন্ত্ৰী পীয়ুষ হাজৰিকা। মোদীৰ জনসভালৈ দক্ষিণ কামৰূপ জিলাৰ পৰা কিমান সংখ্যক ৰাইজক অনা সম্ভৱ হ’ব, সেই বিষয়ে দলীয় কৰ্মীৰ সৈতে বিস্তৃত মত-বিনিময় কৰে মন্ত্ৰীগৰাকীয়ে। সকলো ব্যৱস্থা সুশৃংখল আৰু সফলভাৱে সম্পন্ন কৰাৰ ওপৰত গুৰুত্ব আৰোপ কৰে তেওঁ।
ডিব্ৰুগড়ত প্ৰধানমন্ত্ৰীগৰাকীয়ে নামৰূপ সাৰ কাৰখানাৰ নতুন প্ৰকল্প উদ্বোধন কৰিব। প্ৰায় ১২ হাজাৰ কোটি টকা ব্যয়সাপেক্ষ এই প্ৰকল্পটোত বছৰি ১২ লাখ মেট্ৰিক টন উৎপাদন ক্ষমতাসম্পন্ন এমোনিয়া-ইউৰিয়া উৎপাদন কৰা হ’ব। ইয়াৰ লগতে নামৰূপত অনুষ্ঠিত এখন বৃহৎ জনসভাতো অংশগ্ৰহণ কৰিব প্ৰধানমন্ত্ৰী নৰেন্দ্ৰ মোদীয়ে।
প্ৰধানমন্ত্ৰীৰ এই ভ্ৰমণক নতুন বছৰৰ পূৰ্বে অসমৰ ৰাইজলৈ এক বিশেষ উপহাৰ হিচাপে গণ্য কৰা হৈছে।
