কেন্দ্ৰীয় গৃহমন্ত্ৰী অমিত শ্বাহে বৃহস্পতিবাৰে বিহাৰত এক মেগা ৰেলীত প্ৰতিশ্ৰুতি দিয়ে যে বিজেপিয়ে সীতামাঢ়ীত দেৱী সীতাৰ মন্দিৰ নিৰ্মাণ কৰিব। শ্বাহে কয় ” প্ৰধানমন্ত্ৰী মোদীয়ে অযোধ্যাত ৰাম লাল্লাৰ মন্দিৰ নিৰ্মাণ কৰিছে৷ এতিয়া বাকী থকা কাম হৈছে মা সীতাৰ জন্মস্থানত এটা মন্দিৰ নিৰ্মাণ কৰা। যিসকলে নিজকে ৰাম মন্দিৰৰ পৰা আঁতৰাই ৰাখিছিল, তেওঁলোকে এনে কৰিব নোৱাৰে৷ যদি কোনোবাই মা সীতাৰ মন্দিৰ নিৰ্মাণ কৰিব পাৰে, তেন্তে সেয়া নৰেন্দ্ৰ মোদী, বিজেপি,”৷
বিহাৰৰ সীতামাঢ়ীত এক ৰেলীত ভাষণ দি গৃহমন্ত্ৰীগৰাকীয়ে এনেদৰে কয়। বিহাৰৰ ৪০ টা সংসদীয় সমষ্টিৰ ভিতৰত সীতামাঢ়ীত পঞ্চম পৰ্যায়ৰ নিৰ্বাচন হ‘ব। গৃহমন্ত্ৰী অমিত শ্বাহে কয় ” আজি ক্ষমতাৰ ৰাজনীতিৰ বাবে লালু যাদৱে তেওঁৰ পুত্ৰক মুখ্যমন্ত্ৰী কৰিবলৈ কংগ্ৰেছ দলৰ শৰণাপন্ন হৈছে শ্বাহে কয়- কংগ্ৰেছ, আৰজেডিয়ে কেতিয়াও বিহাৰৰ প্ৰাক্তন মুখ্যমন্ত্ৰী কাৰ্পূৰী ঠাকুৰক ভাৰত ৰত্ন প্ৰদান কৰাৰ কথা ভবা নাছিল, এয়া মোদী চৰকাৰে কৰিছে। ২০১৯ চনৰ লোকসভা নিৰ্বাচনত বিজেপি নেতৃত্বাধীন এনডিএয়ে বিহাৰৰ ৪০ খন আসনৰ ভিতৰত ৩৯ খন আসন লাভ কৰিছিল।
