AGP: মিত্ৰদল বিজেপিৰ অনুপস্থিতিত অগপই গঠন কৰিলে বঙাইগাঁও জিলা পৰিষদ
মিত্ৰদল বিজেপিৰ নিৰ্বাচিত (AGP) প্ৰতিনিধিসকলৰ অনুপস্থিতিৰেই মঙলবাৰে গঠন হ’ল বঙাইগাঁও জিলা পৰিষদ। ইয়াৰ বিপৰীতে উপস্থিত থাকিল কংগ্ৰেছ আৰু নিৰ্দলীয় প্ৰাৰ্থী ৷ সভাপতি নিৰ্বাচিত হ’ল অগপৰ মৃদুলা সিংহ ৷ প্ৰতিদ্বন্দ্বি নাছিল আন কোনো ৷ ফলত কংগ্ৰেছ আৰু নিৰ্দলীয় প্ৰাৰ্থীয়েও জনালে নৈতিক সমৰ্থন ৷ অগপৰ মতে বিনাপ্ৰতিদ্বন্দ্বিতাৰে নিৰ্বাচিত হৈছে দলৰ প্ৰাৰ্থী গৰাকী ৷ কাৰণ আন কোনেও কৰা নাছিল প্ৰতিদ্বন্দ্বিতা ৷ উপস্থিত সকলোৱে সেয়ে জনায় সমৰ্থন ৷ কিন্তু চাৰি গৰাকী সদস্য থকা অগপই বাৰ জনীয়া প্ৰতিনিধি থকা জিলা পৰিষদখন গঠন কৰিব পাৰে নে যদিহে কংগ্ৰেছৰ দুগৰাকী আৰু নিৰ্দলীয় এগৰাকী প্ৰতিনিধিয়ে সমৰ্থন আগনবঢ়ায় ? যি কি নহওক বিজেপিৰ অংক নিমিলাৰ সুযোগ গ্ৰহণ কৰি অগপই নিজৰ চাৰি গৰাকী সদস্য থকাৰ পিছতো গঠন কৰিলে জিলা পৰিষদখন ৷ কিন্তু লগে লগে প্ৰশ্নৰ উদ্ৰেগ ঘটিল বিজেপি – অগৰ মিত্ৰতাত ফাঁট মেলিল নেকি ? সেয়া স্পষ্ট হৈছেই ৷ চৰ্চা চলিছে বিজেপিয়ে বিচাৰিছিল সভাপতিৰ পদটো ৷ কিন্তু সম্ভৱ হৈ নুঠাত অনুপস্থিত থকাৰ সিদ্ধান্ত গ্ৰহণ কৰে ৷ সেইদৰে বিজেপিৰ নিৰ্বাচিত প্ৰতিনিধিৰ মাজতে আকৌ সভাপতি পদটোকলৈ টনা আজুৰা চলি আছিল ৷ এগৰাকী নৱনিৰ্বাচিত মহিলা প্ৰতিনিধিয়ে বিচাৰিছিল সভাপতি পদটো ৷ চেষ্টাও কৰিছিল ৷কিন্তু মহিলা প্ৰতিনিধি গৰাকীক সমৰ্থন নকৰে আকৌ কোনোবাই ৷ বৰং দাবীদাৰ আৰু আছে ৷ সেয়ে শেষত গৈ সকলো নিমিলা অংকত পৰিণত হ’ল ৷
অৱশ্যে বিজেপি দলৰ পৰা উপ সভাপতি হোৱাটে খাটাং ৷ কাৰণ অনুসূচিত জাতিৰ মহিলা প্ৰাৰ্থীৰ বাবে সংৰক্ষিত পদটো ৷ উল্লেখ্য যে মঙলবাৰে বঙাইগাঁও জিলা পৰিষদ গঠনৰ বাবে জিলা আয়ুক্তৰ তৰফৰ পৰা ধাৰ্য কৰি দিয়া হৈছিল দিন ৷ সেই অনুসৰি মঙলবাৰে জিলা পৰিষদৰ নৱনিৰ্বাচিত সদস্য – সদস্যাসকলৰ প্ৰথম বৈঠক আয়োজন কৰা হয় ৷ বৰপাৰাস্থিত বঙাইগাঁও জিলা পৰিষদ কাৰ্যালয়ৰ সভাকক্ষত আয়োজন কৰা বৈঠকলৈ অগপ দলৰ নিৰ্বাচিত চাৰি গৰাকী প্ৰতিনিধি, কংগ্ৰেছ দলৰ দুজন ( এজন নিৰ্দলীয় প্ৰাৰ্থী জয়ী হোৱাৰ পিছত কংগ্ৰেছত যোগ দিছে) প্ৰতিনিধি আৰু এগৰাকী নিৰ্দলীয় প্ৰাৰ্থী উপস্থিত হয় যদিও বিজেপি দলৰ চাৰি গৰাকী আৰু আন এগৰাকী নিৰ্দলীয় প্ৰতিনিধি উপস্থিত নহ’ল ৷ মিত্ৰদল অগপই বিজেপি দলৰ প্ৰতিনিধিসকল আহিব বুলি অপেক্ষা কৰি থাকে যদিও কাৰো সৈতে যোগাযোগ কৰিবলৈ সক্ষম নহ’ল ৷ দিনৰ বাৰ বজাৰ পৰা ১ বজালৈ ধাৰ্য কৰি দিয়া সময় উকলি যোৱাৰ পিছত বাকী পাঁচ গৰাকী প্ৰতিনিধি উপস্থিত নোহোৱাত উপস্থিত থকা সাত গৰাকী প্ৰতিনিধিৰেই আৰম্ভ হয় বৈঠকৰ কাৰ্যসূচী ৷ বঙাইগাঁও জিলাৰ উন্নয়ন আয়ুক্ত ধ্ৰুৱজ্যোতি দাসৰ সভাপতিত্বত অনুষ্ঠিত অনুষ্ঠানত অগপ দলৰ বঙাইগাঁও জিলা পৰিষদ সমষ্টিৰ নিৰ্বাচিত প্ৰতিনিধি শশীভূষণ মেধিয়ে অগপ দলৰ ঢালিগাঁও জিলা পৰিষদ সমষ্টিৰ পৰা নিৰ্বাচিত মৃদুলা সিংহৰ নামটো সভাপতি পদৰ বাবে প্ৰস্তাৱ আগবঢ়ায় আৰু দলটোৰ চক্ৰভৌম জিলা পৰিষদ সমষ্টিৰ প্ৰতিনিধি জানকী বালা ৰায়ে সমৰ্থন আগবঢায় ৷ এই প্ৰস্তাৱত কংগ্ৰেছ দলৰ আফশানা পাৰবিন আৰু শেহতীয়াকৈ কংগ্ৰেছ দলত যোগদান কৰা কেৰামত আলীৰ লগতে নিৰ্দলীয় ৰমেজ উদ্দিনেও নৈতিক সমৰ্থন আগবঢ়ায় ৷
ফলত অগপই গঠন কৰে জিলা পৰিষদখন ৷ ইপিনে উপ সভাপতিৰ পদটো অনুসূচিত জাতিৰ মহিলাৰ বাবে সংৰক্ষিত হোৱাত বাকীসকল উপস্থিত নথকাত গঠন কৰিব পৰা নগ’ল ৷ অনুষ্ঠানত বিধায়িকা দীপ্তিময়ী চৌধুৰী, জিলা পৰিষদৰ মুখ্য কাৰ্যবাহী বিষয়া অনুপম ডেকাৰ লগতে বিভাগীয় অন্যান্য বিষয়া, দলৰ কিছু সংখ্যক লোক উপস্থিত থাকে ৷ ইপিনে জিলা পৰিষদৰ সভাপতি নিৰ্বাচিত হোৱাৰ পিছত জিলা পৰিষদৰ মুখ্য কাৰ্যবাহী বিষয়া অনুপম ডেকাই সংবাদ মাধ্যমৰ আগত কয় যে পাঁচ আগষ্টত জিলা আয়ুক্তই নিৰ্দিষ্ট কৰি দিয়া অনুসৰি বঙাইগাঁও জিলা পৰিষদৰ নৱ নিৰ্বাচিত সদস্য- সদস্যাসকলৰ প্ৰথমখন বৈঠক অনুষ্ঠিত হৈ যায় ৷ প্ৰথম বৈঠকত সভাপতিত্ব কৰে জিলা উন্নয়ন আয়ুক্ত ধ্ৰুৱজ্যোতি দাসে ৷ বৈঠকত জিলা পৰিষদৰ সভাপতি হিচাপে মৃদুলা সিংহ নিৰ্বাচিত হৈছে ৷ আনহাতে উপ সভাপতিৰ পদটো অনুসূচিত জাতিৰ মহিলাৰ বাবে সংৰক্ষিত আছিল আৰু বৈঠকত যিসকল নৱ নিৰ্বাচিত জিলা পৰিষদৰ সদস্য – সদস্যাসকল উপস্থিত আছিল তেওঁলোকৰ মাজত অনুসূচিত জাতিৰ কোনো মহিলাৰ সদস্য নাছিল ৷ সেইবাবে উপ সভাপতিৰ পদটোৰ বাবে কোনো প্ৰাৰ্থী নিৰ্বাচিত নহ’ল ৷ পিছত জিলা আয়ুক্তই নিৰ্ধাৰণ কৰি দিয়া দিনত নিৰ্বাচিত কৰা হ’ব ৷ তেওঁ কয় যে বঙাইগাঁও জিলা পৰিষদৰ নৱ নিৰ্বাচিত সদস্য – সদস্যাৰ মুঠ সংখ্যা ১২ গৰাকী ৷ কিন্তু বাৰ গৰাকীৰ ভিতৰত বৈঠকত সাত গৰাকী উপস্থিত আছিল ৷ যি গৰাকী সভাপতি নিৰ্বাচিত হৈছে তেওঁ বৈঠকত উপস্থিত থকা সকলোকেইগৰাকী সদস্য – সদস্যাৰ সন্মতিক্ৰমে নিৰ্বাচিত হৈছে ৷ বিজেপি দলৰ নিৰ্বাচিত সদস্যসকলৰ লগতে এগৰাকী নিৰ্দলীয় সদস্যাও উপস্থিত নাছিল ৷ আনহাতে বিধায়িকা দীপ্তিময়ী চৌধুৰীয়ে কয় যে ভাল লাগিছে, নিজকে আমি শক্তিশালী বুলি অনুভৱ কৰিছোঁ আজিৰ দিনত ৷ যিহেতু আমি অগপ দলে কাম কৰিব পাৰিছোঁ, তেনে সুবাদতে বাকী দলেও আমাক সমৰ্থন জনাইছে ৷ তেওঁলোকে নিশ্চয় ভাবিছে যে আমি কাম কৰিব পাৰিম ৷ বিজেপি দলক সোমবাৰে ফোন কৰা হৈছিল ৷ তেওঁলোকৰ কিবা অসুবিধা থাকিব পাৰে ৷ বিশেষ নাজানিলো ৷ কিয় উপস্থিত নাথাকিল ৷ কিন্তু যিহেতু যোগাযোগ নাই হোৱা, সেয়ে আমাৰ পৰাই জিলা পৰিষদ গঠন হৈ গ’ল ৷
এতিয়ালৈকে দুই দলৰ মাজত জিলা পৰ্যায়ত কোনো খিলিমেলি নাই হোৱা ৷ জিলা পৰিষদ গঠন হলহে আৰু পৰৱৰ্তী পৰ্যায়তো নিশ্চয় ভালে যাব ৷ প্ৰথমটো দিনত মিত্ৰদলৰ নিৰ্বাচিত সদস্যসকল উপস্থিত নথকাত অলপ বেয়া লগা বুলি কৈ থাকিলে ভাল লাগে বুলিও কয় ৷ আমি যিহেতু মিত্ৰ দল ,সেয়ে আমাৰ লগত থাকিলে নিশ্চয় ভাল লাগিলহেঁতেন ৷ কিন্তু হয়তো কিবা অসুবিধা থাকিব পাৰে, সেয়ে আহিব পৰা নাই ৷ আনহাতে বিজেপি দলে সভাপতিৰ পদ বিচাৰিছিল নেকি বুলি সোধাত বিধায়িকা গৰাকীয়ে কয় যে আমি শুনা নাই ৷ তেওঁলোকে যদি কৈছিলো মই কিন্তু গম পোৱা নাই ৷ সেইদৰে নৱ নিৰ্বাচিত জিলা পৰিষদৰ সভাপতি মৃদুলা সিংহই প্ৰথমতে অগপ দলৰ লগতে দলটোৰ সাংসদ ফণীভূষণ চৌধুৰী, বিধায়িকা দীপ্তিময়ী চৌধুৰী তথা দলৰ সকলোকে ধন্যবাদ জনায় ৷ লগতে তেওঁক সভাপতি নিৰ্বাচিত হোৱাত সহযোগ তথা সমৰ্থন আগবঢ়োৱা আন দলকো ধ্যবাদ জনায় ৷ মিত্ৰ দলৰ চাৰি গৰাকী নিৰ্বাচিত সদস্য -সদস্যা উপস্থিত নথকা সন্দৰ্ভত কয় যে হয়তো তেওঁলোকৰ কিবা অসুবিধা থাকিব পাৰে ৷ তেওঁ কোন কোন দলৰ পৰা সমৰ্থন লাভ কৰিছে বুলি সোধাত পোনচাতে কোনো দলৰ নাম নকৈ কয় যে সকলো দলৰ পৰাই সমৰ্থন পাইছোঁ ৷ তেওঁলোকৰ সমৰ্থনতে সভাপতি হ’বলৈ পাইছোঁ ৷ তেওঁলোকে হয়তো ভাবিছে যে এজন যিহেতু সভাপতিৰ আসনত বহিব লাগে, সেয়ে আনসকলে চিন্তা – চৰ্চা কৰিয়ে সমৰ্থন জনালে ৷ গতিকে বাকীসকলেও নিজা চিন্তা- চৰ্চাৰে সমৰ্থন কৰিলে ৷ আনহাতে অগপ দলৰ সাংসদ ফণীভূষণ চৌধুৰীয়ে বিজেপিৰ অনুপস্থিতিত অগপই জিলা পৰিষদ গঠন কৰা সন্দৰ্ভত সংবাদ মাধ্যমৰ আগত কয় যে এই প্ৰশ্নৰ উত্তৰটো মই দিব নোৱাৰিম ৷ কাৰণ আমি বিজেপিৰ লগত যোগাযোগ কৰিছিলোঁ ৷ এতিয়া বঙাইগাঁও জিলাত প্ৰাক্তন বিধায়ক ভূপেন ৰায় আমাৰ অগপ দলৰ সাধাৰণ সম্পাদক ৷ মই ভূপেন ৰায়ক বাৰম্বাৰ কৈছিলো আৰু মই কোৱাৰ পিছত বিজেপি দলৰ জিলা সভাপতিক কেইবাবাৰো ফোন কৰি সাক্ষাৎ কৰাৰ বাবে সময় লৈছিল যদিও তেওঁলোকৰ অসুবিধা বুলিয়ে ক’ব লাগিব লগ কৰিব নোৱাৰিলে ৷ আনকি ভূপেন ৰায়ে অভয়াপুৰীৰ আৱৰ্ত ভৱনত জিলা বিজেপিৰ সভাপতিৰ বাবে ৰুটি আদি অৰ্ডাৰ দি বহি আছিল ৷ তাৰ পিছত জিলা বিজেপিৰ সভাপতিলৈ ফোন কৰাত সভাপতি গৰাকীয়ে গুৱাহাটীলৈ যাব বুলি কৈ ঘুৰি আহি কথা পাতিব বুলি কয় ৷ কিন্তু গুৱাহাটীৰ পৰা আহিও কথা নাপাতিলে ৷ সোমবাৰেও ভূপেন ৰায়ে সন্ধিয়া জিলা বিজেপিৰ সভাপতি গৰাকীক দুবাৰ ফোন কৰিছিল ৷ কিন্তু তেওঁ ফোন নধৰিলে ৷ বিজেপিয়ে সভাপতি পদটো বিচাৰিছিল নেকি বুলি সাংসদ গৰাকীক সোধাত কয় যে আমি আলোচনা কৰিব বিচাৰিছিলো ৷ আমাৰ যিহেতু চাৰি গৰাকীকৈ সদস্য আছে, সেয়ে কি কৰা যায় ৷
কিন্তু তেওঁলোকে আমাৰ লগত আলোচনাত মিলিতই নহ’ল ৷ গতিকে সভাপতি বিচাৰিব আৰু বিচৰাতো স্বাভাৱিক কথা ৷ কিন্তু আলোচনাত মিলিতই নহ’ল ৷ ইপিনে মঙলবাৰে যিহেতু প্ৰথম বৈঠকৰ দিন ধাৰ্য কৰিছে, সেয়ে প্ৰথম সভাখনত আমাৰ অগপ দলৰ চাৰিজন গৈছে ৷ আৰু বাকী তিনিজন গৈছে ৷ বিজেপি দলৰ চাৰিজনেই অনুপস্থিত আছিল আৰু এগৰাকী নিৰ্দলীয় সদস্য বঙাইগাঁওলৈ আহিও পুনৰ উভতি গৈছে ৷ মিত্ৰ দলৰ মাজত কোনো খেলিমেলি নহয় ৷ মিত্ৰতা আমাৰ ৰাজ্যিক ভিত্তিত হৈছে বা কেন্দ্ৰ ভিত্তিত হৈছে ৷ এইটো এটা সৰু কথা ৷ জিলা পৰিষদৰ সভাপতিলৈহে ৷ তেওঁলোকে হয়তো বিচাৰিছিল বা আশা কৰিছিল, কিন্তু তেওঁলোকৰ ভুল হ’ল আমাৰ লগত আলোচনা কৰিব লাগিছিল ৷ নকৰিলে ৷ আমাৰ মনৰ কথাখিনি তেওঁলোকে নুশুনিলেই বা নাজানিলেই আমি কি ক’ব বিচাৰিছিলো, কি বিচাৰিছিলো ৷ সেইদৰে অগপই কংগ্ৰেছক সমালোচনা কৰে আৰু কংগ্ৰেছৰ সমৰ্থন লৈ জিলা পৰিষদ গঠন কৰা সন্দৰ্ভত কয় যে সভাপতি নিৰ্বাচনৰ বাবে কোনো ভোটেই হোৱা নাই ৷ ভোট হলে আমাৰ পৰা নিশ্চয় তেওঁলোকৰ সমৰ্থন বিচাৰিলেহেতেন ৷ ভোটেই হোৱা নাই ৷ তেওঁলোকে প্ৰাৰ্থী দিলে ভোট হ’লহেতেন ৷ আমি চাৰিজন আছো আৰু তেওঁলোক তিনিজন আছে ৷ তেওঁলোকে কেনেকৈ প্ৰাৰ্থী দিব ? কংগ্ৰেছে সমৰ্থন জনোৱাৰ কথাটো ইয়াত অহা নাই ৷ তেওঁ কয় যে অগপৰ চাৰিজন আছিল, দুগৰাকী নিৰ্দলীয় আৰু এজন কংগ্ৰেছৰ আছিল ৷
কংগ্ৰেছৰ দুজন নহয় এজনহে বুলিও কয় ৷ ইপিনে আবেলি বঙাইগাঁৱৰ অগপ কাৰ্যালয়ত বিজয় সভা অনুষ্ঠিত কৰি নৱনিৰ্বাচিত সভাপতি তথা দলৰ আন জিলা পৰিষদৰ সদস্যক সম্বৰ্ধনা জ্ঞাপন কৰে ৷ আনহাতে অগপ কাৰ্যালয়ত এখন সংবাদ মেলৰো আয়োজন কৰে দলৰ পৰা ৷ সংবাদ মেলত দলৰ সাধাৰণ সম্পাদক ভূপেন ৰায়, উপ সভাপতি অপূৰ্ব কুমাৰ ভট্টাচাৰ্যই বক্তব্য ৰাখে ৷ সংবাদ মেলত বিধায়িকা দীপ্তিময়ী চৌধুৰী, জিলাৰ নেতৃত্ব উপস্থিত থাকে ৷
বহু জল্পনা-কল্পনাৰ অন্তত গঠন হ'ল দৰং জিলা পৰিষদ । Darrang
Darrang । বহুদিনৰ অপেক্ষাৰ অন্তত মঙলবাৰে গঠন কৰা হ’ল দৰং জিলা পৰিষদ। জিলা খনৰ মুঠ ১২ খন আসনৰ ভিতৰত ৬ খন বিজেপি, ১ খন অগপ, ৪ খন কংগ্ৰেছ আৰু ১ খন ৰাইজৰ দলে লাভ কৰা পৰিপ্ৰেক্ষিতত এই জিলা পৰিষদ গঠন প্ৰক্ৰিয়া অনুষ্ঠিত হয়।
দুয়োখন শীৰ্ষ পদ — সভাপতি আৰু উপ-সভাপতি — এইবাৰ মহিলা সংৰক্ষিত আছিল। সভাপতি পদত হাউলি জিলা পৰিষদ সমষ্টিৰ বিজেপি সদস্য শেৱালী গোস্বামী কলিতা আৰু উপ-সভাপতি পদত কুৰুৱা-হাজৰিকাপাৰা সমষ্টিৰ বিজেপি সদস্য পৰিস্মিতা নাথ নিৰ্বাচিত হয়।
এদিন আনুষ্ঠানিক শপত গ্ৰহণ অনুষ্ঠানৰ পিছতে সভাপতি আৰু উপ-সভাপতি পদৰ বাবে গোপন ভোটগ্ৰহণ অনুষ্ঠিত হয়। কংগ্ৰেছ দলৰ তৰফৰ পৰা সভাপতি পদত মুক্তা দেৱী মণ্ডল আৰু উপ-সভাপতি পদত নিলোৱাৰা ইয়াচমিনৰ নাম প্ৰস্তাৱ কৰা হৈছিল। গোপন ভোটত বিজেপি প্ৰাৰ্থীসকলে ৭ টাকৈ ভোট লাভ কৰে, কংগ্ৰেছ প্ৰাৰ্থীসকলে ৪ টাকৈ ভোট আৰু ১ টা ভোট বাটিল হিচাপে গণ্য হয়। ফলস্বৰূপে শেৱালী গোস্বামী কলিতা সভাপতি আৰু পৰিস্মিতা নাথ উপ-সভাপতি ৰূপে নিৰ্বাচিত হন।
এই গঠনত উল্লেখযোগ্য যে, ২০২৩-২৪ বৰ্ষত অনুষ্ঠিত পঞ্চায়ত নিৰ্বাচনত দৰং জিলা পৰিষদত বিজেপিয়ে অভূতপূৰ্ব সাফল্য লাভ কৰিছিল। জিলা পৰিষদৰ বিভিন্ন আসনত জয়লাভ কৰা প্ৰাৰ্থীসকল হৈছে:
অন্য এটা গুৰুত্বপূৰ্ণ পৰিদৰ্শন আছিল সীমান্ত পথ সংস্থা (BRO)ৰ প্ৰজেক্ট হিমাংক। ইয়াত দলটোক বিশ্বৰ আটাইতকৈ উচ্চ আৰু প্ৰত্যাহ্বানমূলক অঞ্চলত নিৰ্মাণাধীন আন্তঃগাঁথনি প্ৰকল্পৰ বিষয়ে অৱগত কৰা হয়। এই প্ৰচেষ্টা ৰাষ্ট্ৰীয় নিৰাপত্তা আৰু আঞ্চলিক সংযোগৰ ক্ষেত্ৰত বিশেষ তাৎপৰ্যপূৰ্ণ বুলি বৰ্ণনা কৰা হয়।
ডিফেন্স ইনষ্টিটিউট অৱ হাই এলটিটুড ৰিচাৰ্চ (DIHAR)ত অনুষ্ঠিত এক অধিবেশনত সাংবাদিকসকলে উচ্চ উচ্চতাৰ কৃষি, শীতল অঞ্চলত জীয়াই থকাৰ কৌশল, আৰু স্থানীয় কৃষক তথা সেনা বাহিনীক সহায় কৰা উদ্ভাৱনী গৱেষণা সম্পৰ্কে অৱগত হয়।
সাংবাদিকসকলে লাডাখৰ উদ্ভাৱনীমূলক আৱৰ্জনা ব্যৱস্থাপনা প্ৰচেষ্টা “প্ৰজেক্ট ছাংডাৰ” পৰিদৰ্শন কৰাৰ উপৰিও, পশমিনা উল আৰু এপ্ৰিকট উৎপাদনত নিযুক্ত স্থানীয় সমবায়সমূহৰ সৈতে মত বিনিময় কৰে। দলটোৱে অল চাংথাং পশমিনা খেতিয়ক সমবায় বিপণন সমিতিৰ সদস্যসকলৰ সৈতে আলোচনাত মিলিত হয়, যিয়ে স্থানীয় অঘৰী সম্প্ৰদায়ৰ জীৱিকাৰ উন্নয়ন আৰু পশমিনাৰ উন্নত বজাৰ প্ৰৱেশ নিশ্চিত কৰিবলৈ কাম কৰি আছে। পশমিনাৰ নিখুঁত সংগ্ৰহ প্ৰক্ৰিয়া আৰু কাপোৰ নিৰ্মাণ পৰ্যন্ত সাংবাদিকসকলে প্রত্যক্ষ কৰে।
এতেকে দলটোৱে জৈৱিক এপ্ৰিকট খেতিও পৰিদৰ্শন কৰে। এই খেতিত সাংবাদিকসকলে লাডাখৰ “সোণালী শস্য” বুলি খ্যাত এই ফলৰ খেতি, চপোৱা প্ৰক্ৰিয়া আৰু ইয়াৰ মূল্য সংযোজনৰ নানা দিশ জানিবলৈ সক্ষম হয়। এই খেতিয়েই মহিলাৰ অংশগ্ৰহণ, গ্ৰাম্য আয় আৰু GI টেগিংযোগে ৰপ্তানিৰ নতুন দিশ মুকলি কৰিছে।
লোকপ্ৰিয় গোপীনাথ বৰদলৈৰ ৭৫ সংখ্যক পুণ্যতিথি উপলক্ষে মঙলবাৰে গুৱাহাটীৰ শ্ৰীমন্ত শংকৰদেৱ কলাক্ষেত্ৰৰ আন্তৰ্জাতিক প্ৰেক্ষাগৃহত আয়োজিত হয় ‘লোক কল্যাণ দিৱস’। এই বিশেষ অনুষ্ঠানত ৰাজ্য চৰকাৰে জনসেৱাত বিশেষ ভূমিকা লৈ অহা বিষয়া-কর্মচাৰীসকলক ‘কৰ্মশ্ৰী বঁটা’ তথা বিভিন্ন লোকসেৱা পুৰস্কাৰেৰে সন্মানিত কৰে।
অনুষ্ঠানটোত মুখ্য অতিথি হিচাপে উপস্থিত আছিল সাধাৰণ প্ৰশাসন আদি বিভাগৰ মন্ত্ৰী ৰঞ্জিত কুমাৰ দাস। তেওঁ ১২ গৰাকী বিষয়া-কর্মচাৰীক দলীয় তথা এককভাৱে ‘কৰ্মশ্ৰী বঁটা’ প্ৰদান কৰে। লগতে ১০ গৰাকী অৰাজপত্ৰিত কৰ্মচাৰীক ‘ৰাজ্যিক পৰ্যায়ৰ লোক সেৱা পুৰস্কাৰ’ আৰু কামৰূপ মহানগৰ জিলাৰ ২ গৰাকী কৰ্মচাৰীক ‘জিলা পৰ্যায়ৰ উৎকৃষ্ট সেৱা সন্মান’ প্ৰদান কৰা হয়।
ইয়াৰোপৰি, ৰাজ্যৰ বিভিন্ন জিলাত উদযাপন হোৱা লোক কল্যাণ দিৱসৰ অনুষ্ঠানসমূহত জিলা পৰ্যায়ৰ ৫৯ গৰাকী কৰ্মচাৰীক লোকসেৱা সন্মান প্ৰদান কৰা হয়।
অনুষ্ঠানৰ আৰম্ভণিতে মন্ত্ৰী দাসে আৰু অন্যান্য বিশিষ্ট অতিথিসকলে গোপীনাথ বৰদলৈৰ প্ৰতিচ্ছৱিত মাল্যাৰ্পণ কৰি গভীৰ শ্রদ্ধা জ্ঞাপন কৰে। বক্তৃতাত মন্ত্ৰী দাসে লোকপ্ৰিয় গোপীনাথ বৰদলৈৰ নেতৃত্ব, অসমলৈ তেখেতে আগবঢ়োৱা অৱদান, তথা গুৱাহাটী বিশ্ববিদ্যালয় আদি শিক্ষানুষ্ঠান স্থাপন ক্ষেত্ৰত লোৱা প্ৰচেষ্টাৰ কথা উচ্চাৰণ কৰে। তেখেতে কয় যে, বৃটিছ কেবিনেট মিছনৰ গ্ৰুপিং প্ৰস্তাৱৰ বিৰুদ্ধে বৰদলৈয়ে যদি তীব্ৰ প্ৰতিবাদ নজনাইছিল, তেন্তে অসমৰ ভৱিষ্যৎ অন্ধকাৰ হ’ব পাৰিছিল।
মন্ত্ৰী গৰাকীয়ে উল্লেখ কৰে যে, ২০২২ চনৰ পৰা মুখ্যমন্ত্ৰী ড° হিমন্ত বিশ্ব শৰ্মাৰ নেতৃত্বত বৰদলৈ দেৱৰ মৃত্যুদিনটোত ‘লোক কল্যাণ দিৱস’ উদযাপন কৰাৰ লগতে জনসেৱাত উৎসৰ্গিত বিষয়া-কর্মচাৰীক সন্মানিত কৰাৰ এক ইতিবাচক পদক্ষেপ হাতত লোৱা হৈছে।
অনুষ্ঠানত জনস্বাস্থ্য আদি বিভাগৰ মন্ত্ৰী জয়ন্ত মল্ল বৰুৱা, শক্তি বিভাগৰ মন্ত্ৰী নন্দিতা গৰ্লোচা, লোকপ্ৰিয় গোপীনাথ বৰদলৈৰ পুত্ৰ বলীন বৰদলৈ, মুখ্য সচিব ড° ৰবি কোটা, আৰক্ষী সঞ্চালক প্ৰধান হৰমিত সিং, বিভাগীয় সচিব দিবাকৰ নাথ মিশ্ৰ, বৰ্ণালী ডেকা আদি বহু গণ্য-মান্য ব্যক্তি উপস্থিত থাকে।
মন্ত্ৰী দাসে বঁটা প্ৰাপ্তসকলক অভিনন্দন জনাই কয় যে, এই ধৰণৰ সন্মানে তেওঁলোকক অধিক উৎসাহিত কৰি আগলৈও জনসাধাৰণৰ বাবে সজাগ, দায়িত্বশীল আৰু জনমুখী সেৱা আগবঢ়াবলৈ প্ৰেৰণা যোগাব।
স্বাধীনতা দিৱসলৈ কেইটামান দিন বাকী থকা সময়তেই কানীয়া টকবি গাঁৱৰ ৰাইজে এটা মাৰাণাস্ত্ৰ পৰিত্যক্ত অৱস্থাত প্ৰত্যক্ষ কৰি আৰক্ষীক খবৰ দিয়াত ঘটনাস্থলীত পুৰণা লাহৰিজান আৰক্ষী উপস্থিত হৈ পৰিত্যক্ত অৱস্থাত এটা একে ৫৬, এটা মেগজিনসহ, ৬ জাই সজীৱ গুলী উদ্ধাৰ কৰিবলৈ সক্ষম হয়।
