পাকিস্তানৰ মন্ত্ৰী কাশ্মীৰৰ বিচ্ছিন্নতাবাদী নেতা ইয়াছিনৰ চিত্ৰশিল্পী পত্নী এখন চিত্ৰৰ বাবে সমালোচনাৰ সন্মুখীন…

পাকিস্তানৰ নতুন কেয়াৰটেকাৰ চৰকাৰী মন্ত্ৰী হৈছে জে কে এল এফৰ নেতা ইয়াচিন মালিকৰ পত্নী মুছাল হুছেইন মালিক। মুছালক অন্তৱৰ্তীকালীন প্ৰধানমন্ত্ৰী আনোৱাৰ-উল-হক-কাকাৰৰ নেতৃত্বত চৰকাৰৰ মানৱ অধিকাৰ পৰিক্ৰমা বিভাগৰ উপদেষ্টাৰ দায়িত্ব অৰ্পণ কৰা হৈছে। যিটো তত্বাৱধান চৰকাৰৰ মন্ত্ৰীৰ পদ।

মুছালৰ জন্ম হৈছিল পাকিস্তানৰ ৰাৱালপিণ্ডিত। তেওঁৰ মাতৃ ৰেহানা হুছেইন আছিল পাকিস্তান মুছলিম লীগ মহিলা সংগঠনৰ সদস্য। পিছলৈ তেওঁ মহিলা সংগঠনৰ মহাসচিব হয়।মুছালৰ পিতৃ এম এ হুছেইন অৰ্থনীতিৰ অধ্যাপক আছিল। নোবেল বঁটা জুৰি কমিটীৰ সদস্যও আছিল। নোবেল বঁটা জুৰী কমিটীৰ সদস্য হিচাপে তেওঁ প্ৰথম পাকিস্তানী আছিল। মুছালৰ দাদাই আমেৰিকাত পঢ়ুৱাইছিল।

বৰ্তমান মুছালে নিজকে চিত্ৰশিল্পী বুলি পৰিচয় দিছে। তেওঁৰ ছবিত মহিলা চৰিত্ৰই অধিক স্থান লাভ কৰিছিল। তেওঁৰ বিশেষত্ব হৈছে নাৰী শৰীৰৰ ছবি অংকন কৰা। মুছালে নিজৰ কেনভাছত বাৰে বাৰে কাশ্মীৰক স্থান দিছে।