১৫ আগষ্টত অযোধ্যাৰ ৰাম জন্মভূমিত পাকিস্তানৰ সন্ত্ৰাসবাদী আক্ৰমণ কৰাৰ পৰিকল্পনা

0 1,237

উত্তৰ প্ৰদেশৰ অযোধ্যাৰ ৰাম জন্মভূমিত অহা ১৫ আগষ্টত পাকিস্তানৰ গুপ্তচৰ সংস্থা আইএছআইয়ে সন্ত্ৰাসবাদী আক্ৰমণ কৰাৰ পৰিকল্পনা কৰিছে৷ চোৰাংচোৱা এজেন্সীৰ সূত্ৰত এই কথা প্ৰকাশ৷ চোৰাংচোৱা এজেন্সী ‘ৰ’ই প্ৰকাশ কৰা মতে আক্ৰমণৰ বাবে আইএছআইয়ে লস্কৰ আৰু জৈশ সন্ত্ৰাসবাদীক আফগানিস্থানত প্ৰশিক্ষণ দিছে৷ অযোধ্যাত আক্ৰমণৰ বাবে পাকিস্তানী এজেন্সীয়ে তিনিটাৰ পৰা পাঁচটা সন্ত্ৰাসবাদী গোট প্ৰেৰণ কৰিবললৈ পৰিকল্পনা কৰিছে৷ ভাৰতীয় চোৰাংচোৱাই প্ৰকাশ কৰে যে পাকিস্তানৰ সন্ত্ৰাসবাদী গোটে পৃথক আক্ৰমণ চলাবলৈ চাব আৰু এনেদৰে ভাৰতৰ অভ্যন্তৰীণ আক্ৰমণ কৰিব৷ এই সন্ত্ৰাসবাদীৰ বাবে ভিভিআইপি প্ৰধান লক্ষ্য৷ ইতিমধ্যে প্ৰতিৰক্ষামূলক ব্যৱস্থা কটকটীয়া কৰা হৈছে৷ দিল্লী, অযোধ্যা আৰু কাশ্মীৰত তালাচী চলোৱা হৈছে৷