মৰিগাঁও, ১৪ অক্টোবৰ : দেশী বিদেশী পৰ্যটকৰ আকৰ্ষণস্থলী পবিতৰা অভয়াৰণ্য দৰ্শনৰ বাবে আনুষ্ঠানিক ভাবে মুকলি কৰা হ’ল পবিতৰা অভয়াৰণ্য । দিনৰ ১০.৩০ বজাত পবিতৰা বনাঞ্চলিক বিষয়াৰ কাৰ্যালয়ৰ সমীপতে ফিটা কাটি ২০২৪-২০২৫ পৰ্যটন বৰ্ষৰ বাবে অভয়াৰণ্যৰ দ্বাৰ আনুষ্ঠানিক ভাবে মুকলি কৰে অসম চৰকাৰৰ বন আৰু পৰ্যটন বিভাগৰ মন্ত্ৰী চন্দ্ৰমোহন পাটোৱাৰীয়ে। (Pobitora)
এই দ্বাৰ মুকলি অনুষ্ঠানত মন্ত্ৰী গৰাকীক সংগ দিয়ে মন্ত্ৰী পীযুষ হাজৰীকাই। এই অনুষ্ঠানত মায়ঙৰ পৰম্পৰাগত ৰজা তৰনিকান্ত সিংহ কোঁৱৰ, জাগীৰোড সম জিলাৰ আয়ুক্ত বিমান দাস, পবিতৰাৰ বনাঞ্চলিক বিষয়া নয়নজ্যোতি দাসৰ
লগতে বন বিভাগৰ বহুকেইজন উচ্চ পদস্থ বিষয়া আৰু বিশিষ্ট ব্যক্তি উপস্থিত থাকে। অভয়াৰণ্যখনত থকা বন বিভাগৰ ৯ টা হাতীৰ দ্বাৰা পৰ্যটকক কৰোৱা হাতী ছাফাৰী নবেম্বৰ মাহৰ পৰাহে আৰম্ভ কৰিব পবিতৰা কৰ্তৃপক্ষই। আনহাতে বন বিভাগৰ অধীনত পৰিচালিত ২০ খন জীপ গাড়ীৰ জীপ চাফাৰী থাকিব ।
