কৃষকক সকাহ দিয়াৰ উদ্দেশ্যে আজি বিটিচি প্ৰশাসনৰ কৃষি বিভাগে বাক্সা জিলাৰ মুছলপুৰত ৰাজ্যিক নিজস্ব অগ্ৰাধিকাৰ আঁচনিৰ অধীনত কৃষকৰ মাজত পাৱাৰ টিলাৰ বিতৰণ কৰা হয় ৷ এই উদ্দেশ্যে আজি জিলাখনৰ কৃষি বিভাগৰ কাৰ্যবাহী অভিযন্তাৰ কাৰ্যালয়ৰ সভাগৃহত আয়োজিত এক সভাত পাৱাৰ টিলাৰসমূহ বিতৰণ কৰে বিটিচিৰ কৃষি বিভাগৰ কাৰ্যবাহী সদস্য ঘনশ্যাম দাসে ৷ জিলা কৃষি বিভাগৰ কাৰ্যবাহী অভিযন্তা অমল দত্তই আঁত ধৰা সভাখনত অংশ লৈ কাৰ্যবাহী সদস্য ঘনশ্যাম দাসে কয় যে আগন্তুক সময়ত বিটিআৰ অঞ্চলৰ কৃষকসকলে যাতে বছৰত তিনিটা খেতি কৰিব স্বাৱলম্বী হ’ব পাৰে তাৰ বাবে কৃষক সকলক বিটিচি চৰকাৰে পাৰ্যমানে সহায়-সহযোগিতা আগবঢ়াবলৈ সদায় সাজু আছে ৷ ইয়াৰ অংশ হিচাপে আজি বাক্সা কৃষি সংমণ্ডলৰ অন্তৰ্গত বাক্সা আৰু ওডালগুৰি জিলাৰ কৃষক সকলৰ মাজত ৫২ খনকৈ পাৱাৰ টিলাৰ বিতৰণ কৰা হয় ৷ তেওঁ লগতে কয় যে বিটিআৰ অঞ্চলৰ কৃষক সকলে আজি মৰণা মৰা যন্ত্ৰ, ধান কঁটা যন্ত্ৰ আদিৰ অভাৱৰ বাবে কৃষকসকলে প্ৰয়োজনীয় ফচল উৎপাদনৰ পৰা বঞ্চিত হৈ আছে ৷ পূৰ্বৰ বিপিএফ চৰকাৰৰ শাসন কালত বিটিআৰ অঞ্চলৰ প্ৰকৃত কৃষক সকলে তেওঁলোকৰ প্ৰাপ্যৰ পৰা বঞ্চিত হৈ আছে ৷ কিন্তু প্ৰমোদ বড়োৰ নেতৃত্বাধীন বিটিচি চৰকাৰৰ দিনত এনেধৰণৰ দুৰ্নীতিক এতিয়া প্ৰশ্ৰয় দিয়া নহব ৷ এতিয়া সেই সকল কৃষকৰ বাবে বৰ্তমানৰ বিটিচি চৰকাৰে বিটিআৰ অঞ্চলত কৃষি খণ্ডত নতুনকৈ কৃষি বিপ্লৱৰ সূচনা কৰিবলৈ ওলাইছে ৷ কাৰ্যবাহী সদস্য গৰাকীয়ে লগতে এই বছৰৰ বাবে জিলাখনৰ কোকিলবাৰী কৃষি পামৰ কৃষিৰ উপযোগী ৩৬৩০ বিঘা মাটি লীজত দিয়া হৈছে বুলিও মন্তব্য কৰে ৷ আনহাতে জিলাখনত এক দুষ্ট চক্ৰই চৰকাৰী বিভিন্ন সা-সুবিধা লাভ কৰিব বুলি প্ৰলোভন দি ভুৱা কিষাণ কাৰ্ডৰ নামত কৃষকসকলৰ পৰা ধন সংগ্ৰহ কৰি থকা কাৰ্যক কঠোৰ সকীয়নি দি তেনে দুষ্ট চক্ৰৰ পৰা দূৰৈত থাকিবলৈ আহ্বান জনায় কাৰ্যবাহী সদস্য গৰাকীয়ে ৷ আজিৰ পাৱাৰ টিলাৰ বিতৰণী অনুষ্ঠানত জিলা কৃষি বিষয়া মৃগেন স্বৰ্গীয়াৰী, কৃষি মহকুমা বিষয়া দুলাল দাস, জ্যেষ্ঠ কৃষি বিষয়া মুনিন শৰ্মা, কনিষ্ঠ অভিযন্তা কৃষাণ পাটৰকে কেবাগৰাকী বিশিষ্ট ব্যক্তি উপস্থিত থাকে ৷
Breaking
- গুৱাহাটী স্মাৰ্ট চিটী প্ৰকল্প পৰ্যবসিত হৈছে খীৰতী গাইলৈ। ছ বছৰত ৩৬৪ কোটি ব্যয় কৰাৰ পিছতো প্ৰতিফলিত হোৱা নাই উন্নয়নৰ ছবি
- কৃতি চাননৰ ৩২ তম জন্মদিনত সুশান্তৰ সৈতে ৰোমান্টিক ফটো চাওক। আৱেগিক হৈ পৰিল কৃতি চানন
- চৰাইবাহী বৰভগীয়াত ড্ৰাগচ বিৰোধী অভিযানত মিকিৰভেটা আৰক্ষীৰ বৃহৎ সফলতা
- অত্যাৱশ্যকীয় সামগ্ৰীৰ মূল্য বৃদ্ধিৰ বিৰুদ্ধে গোলাঘাট মহকুমা ছাত্ৰ সন্থাৰ উত্তাল প্ৰতিবাদ
- এইবাৰ ভাৰতে টি-২০ বিশ্বকাপ ট্ৰফী লাভ কৰিব বুলি মই আশাবাদীঃ ৰিয়ান পৰাগ…
- MBBSৰ চূড়ান্ত পৰীক্ষাত অসমৰ ভিতৰত তৃতীয় স্থানেৰে টীয়কলৈ গৌৰৱ কঢ়িয়াই আনিছে মধুসূদন কলিতাই…
- নাৰায়ণপুৰ উচ্চতৰ মাধ্যমিক বিদ্যালয়ৰ ৰাষ্টীয় সেৱা আঁচনি গোটৰ সপ্তাহ জোৰা সমাজসেৱা কাৰ্যসূচীৰ সফল সামৰণি…
- ৮৯ সংখ্যক জন্মদিনত অৱসৰী অধ্যাপক, কথাশিল্পী তথা লেখক ঘন হাজৰিকাক সম্বৰ্দ্ধনা…
- কেতিয়া আৰু কিমান সময় ৰ’দত থাকিলে লাভ কৰিব ভিটামিন ডি…
- আমেথিৰ পৰা প্ৰতিদ্বন্দ্বিতা কৰাৰ সাহস নাই বাবেই ৰাহুলে বাছি লৈছে ৰায়বৰেলী সমষ্টি, মোদীৰ কটাক্ষ…
- সেই বাঁহীৰ সুৰ ক’তনো হেৰাই থাকিল…
- বয়সৰ পাৰ্থক্য ১৩ঃ টিভি উদ্যোগৰ জনপ্ৰিয় অভিনেতা কুশাল টণ্ডন আৰু অভিনেত্ৰী শিৱাংগী যোশীৰ এংগেজমেণ্টৰ প্ৰস্তুতি…
- ২০২৪ চনৰ এপ্ৰিলত ঐতিহাসিক হাৰত জিএছটি সংগ্ৰহঃ জিএছটি সংগ্ৰহত ৰাজ্য অনুসৰি বৃদ্ধি আছিল লক্ষ্যণীয়…
- ড° পূৰ্ণিমা দেৱী বৰ্মনলৈ আগবঢ়োৱা হুইটলে গ’ল্ড এৱাৰ্ডে আৰণ্যকৰ জৈৱ বৈচিত্ৰ্য সংৰক্ষণ যাত্ৰাক সমৃদ্ধ কৰিছে…