প্ৰভাস, কৃতি ছাননৰ ‘আদিপুৰুষ’ৰ এডভান্স বুকিং আৰম্ভ, ১০,০০০ৰো অধিক টিকট বিক্ৰী
‘আদিপুৰুষ’ৰ হিন্দী সংস্কৰণৰ আগতীয়া বুকিং শনিবাৰৰ পৰা আৰম্ভ হৈছে আৰু খবৰ অনুসৰি প্ৰায় ১০ হাজাৰ হলৰ টিকট বিক্ৰী হৈছে, ইয়াৰে ৬০ শতাংশ বুকিং প্ৰথম দিনৰ বাবে। টি অ’ আইৰ প্ৰতিবেদনত উল্লেখ কৰা হৈছে যে বুকিং দুটা বৃহৎ ৰাষ্ট্ৰীয় চিনেমা শৃংখলৰ।
প্ৰভাস, কৃতি ছানন,চেইফ আলী খান আৰু ছানী সিঙৰ নামেৰে চৰ্চিত ‘আদিপুৰুষ’ হৈছে ‘ৰামায়ণ’ৰ বিগ বাজেটৰ ফিচাৰ অভিযোজন। বহুভাষাৰে বিভাজিত কাহিনীটোৱে ২০২৩ চনৰ ১৬ জুনত সমগ্ৰ বিশ্বতে থ্ৰীডিত পৰ্দাত মুক্তি পাব।
টি-ছিৰিজৰ বেনাৰত মুক্তি পাব লগীয়া আগন্তুক ছবিখনৰ নিজৰ অফিচিয়েল টুইটাৰ পেজত এডভান্স বুকিঙৰ সবিশেষ শ্বেয়াৰ কৰিছে।
“অৱশেষত অপেক্ষা শেষ! আন কোনোৰ দৰে চিনেমাৰ দুঃসাহসিক অভিযান অনুভৱ কৰিবলৈ সাজু হওক! এডভান্স বুকিং এতিয়াই মুকলি! আপোনাৰ টিকট বুকিং কৰক: https://bookmy.Show/Adipurush https://m.Paytm.Me/adipurush. ১৬ জুনত বিশ্বজুৰি চিনেমা হলত #আদিপুৰুষ।’- টুইটযোগে এইদৰে কয় প্ৰডাকচন হাউছে।
শেহতীয়াকৈ প্ৰখ্যাত তিৰুপতি মন্দিৰত নিৰ্মাতাসকলে আগন্তুক ছবিখনৰ ট্ৰেইলাৰ উন্মোচন কৰে। ২.২৪ মিনিটৰ এই ট্ৰেইলাৰটোৱে অনলাইনত শ্বেয়াৰ কৰাৰ কিছু মিনিটৰ ভিতৰতে হাজাৰ হাজাৰ ভিউ অতিক্ৰম কৰি দৰ্শকৰ পৰা তীব্ৰ সঁহাৰি লাভ কৰে। সীতা হৰণৰ পৰা আৰম্ভ কৰি ট্ৰেইলাৰত ‘ৰামায়ণ’ৰ কাহিনীভাগ প্ৰতিষ্ঠা কৰা হৈছে, য’ত কৃতিক জানকীৰ চৰিত্ৰত আৰু চেইফে লংকেশৰ চৰিত্ৰত অভিনয় কৰিছে। প্ৰভাছে যুদ্ধক্ষেত্ৰত ৰাঘৱ হিচাপে জিলিকি উঠে।
‘আদিপুৰুষ’ ভাৰতৰ হিন্দী, তেলেগু, তামিল, কানাড়া আৰু মালয়ালমকে ধৰি ৫টা ভিন্ন ভাষাত মুক্তি পাব। ১৩ জুনত নিউয়ৰ্কত অনুষ্ঠিত হ’বলগীয়া ট্ৰাইবেকা চলচ্চিত্ৰ মহোৎসৱৰ ২০২৩ সংস্কৰণতো ছবিখনৰ প্ৰিমিয়াৰ হ’ব। প্যান ইণ্ডিয়া মুক্তিৰ বাবে ৫০০ কোটি টকা বাজেট কৰা হৈছে যাৰ ফলত ই এতিয়ালৈকে নিৰ্মিত আটাইতকৈ দামী ভাৰতীয় ছবিসমূহৰ ভিতৰত অন্যতম।