বেঙুনীয়া ফল-মূলৰ উপকাৰীতা বিষয়ে জানেনে? ব্যস্ত জীৱনশৈলী আৰু অস্বাস্থ্যকৰ খাদ্যাভ্যাসৰ বাবে আমি বহু ধৰণৰ সংক্ৰমণ আৰু ৰোগৰ বলি হৈ পৰিছো, এনে পৰিস্থিতিত আমাৰ বাবে সুস্থ হৈ থকাটো আৰু অধিক কঠিন হৈ পৰিছে। এনে পৰিস্থিতিত জীৱনশৈলী উন্নত কৰি স্বাস্থ্যসন্মত বস্তু দৈনন্দিন খাদ্য তালিকাত অন্তৰ্ভুক্ত কৰাটো অতি প্ৰয়োজনীয়। এজন বিখ্যাত ডায়েটিচিয়ানৰ মতে যদি আমি কিছুমান বেঙুনীয়া ৰঙৰ ফল-মূল আৰু শাক-পাচলি নিয়মীয়া খাদ্য হিচাপে খাওঁ, তেতিয়া বহুতো বেমাৰ আঁতৰি যায়।আজিকালি বেঙুনীয়া ৰঙৰ শাক-পাচলিৰ উন্মাদনা ই বহুত বাঢ়িছে কাৰণ এইবিলাক কেৱল সোৱাদযুক্তই নহয় স্বাস্থ্যৰ ক্ষেত্ৰতো ইয়াক অতি উপকাৰী বুলি গণ্য কৰা হয়। জানক এইসমূহৰ বিষয়ে-
আপুনি নিশ্চয় বহুবাৰ ৰঙা আৰু কমলা ৰঙৰ বিলাহী খাইছে, কিন্তু বেঙুনীয়া ৰঙৰ বিলাহী এবাৰ চেষ্টা কৰিব লাগে। এই বিলাহী খালে আপোনাৰ স্বাস্থ্য বহু পৰিমাণে উন্নত হ’ব। আপোনাৰ হজম শক্তি ভাল হ’ব আৰু পেটৰ সমস্যা কম হ’ব।বেঙুনীয়া ৰঙৰ কবিয়ে শৰীৰৰ প্ৰদাহ কমোৱাৰ লগতে কিছুমান বিশেষ প্ৰকাৰৰ কৰ্কট ৰোগৰ পৰা ৰক্ষা কৰে বুলি বিশ্বাস কৰা হয়। ইয়াৰ বাহিৰেও কেঁচা বা সিজাই খাব পৰা এক ভাল শাক।
বেলএনেকুৱা এটা ফল যাৰ কথা কমেইহে কোৱা হয়, ইয়াৰ বৈজ্ঞানিক নাম হৈছে পেচিফ্ল’ৰা এডুলিছ। ইয়াৰ ওপৰৰ অংশ বেঙুনীয়া আৰু ভিতৰৰ অংশ হালধীয়া। এইখিনি খালে আপোনাৰ ৰোগ প্ৰতিৰোধ ক্ষমতা বৃদ্ধি পায়, যাৰ বাবে আপুনি বহুতো সংক্ৰমণ আৰু ৰোগৰ পৰা ৰক্ষা পৰে।
স্বাস্থ্যসন্মত আহাৰত বীটৰ শিপা অন্তৰ্ভুক্ত। ভিটামিন, খনিজ পদাৰ্থ আৰু এন্টিঅক্সিডেন্ট ইয়াত প্ৰচুৰ পৰিমাণে পোৱা যায়। বহু স্বাস্থ্য বিশেষজ্ঞই ইয়াক ওজন কমাব পৰা খাদ্য হিচাপে খোৱাৰ পৰামৰ্শ দিয়ে। ই তেজত হিম’গ্লবিন বৃদ্ধি কৰে। বীটৰৰ ৰস খাব পাৰে বা চালাড হিচাপে খাব পাৰে।