ৰাখী বন্ধনৰ দিনা বিহাৰৰ বিখ্যাত (Raksha Bandhan) প্ৰশিক্ষক শিক্ষক খান ছাৰ শিৰোনামত। সহস্ৰাধিক কন্যা ছাত্ৰীক হাতখন আগবঢ়াই দিলে তেওঁক ৰাখী বান্ধিবলৈ। খান ছাৰৰ হাতত বহুত ৰাখী দেখা গ’ল।ৰাখী বন্ধনৰ দিনা শিক্ষকজনৰক ১৫ হাজাৰ যুৱতীয়ে পিন্ধালে ৰাখী।
পাটনাৰ শ্ৰীকৃষ্ণ স্মাৰক প্ৰেক্ষাগৃহত তেওঁ এক অনুষ্ঠানৰ আয়োজন কৰিছিল। য’ত সহস্ৰাধিক কন্যা ছাত্ৰীয়ে অংশগ্ৰহণ কৰিছিল। খান ছাৰৰ হাতত এই ছোৱালী ছাত্ৰী সকলে ৰাখী বান্ধিছিল। বৰ্তমান সেই ভিডিঅ’ সামাজিক মাধ্যমত চৰ্চাত।
খান ছাৰে ভিডিঅ’টোত অতি আনন্দৰে কয় যে তেওঁ হাজাৰ হাজাৰ ভগ্নীৰ মৰম লাভ কৰিছে। তেওঁলোকৰ সংস্কৃতি ৰক্ষা কৰিবলৈ তেওঁ আহ্বান জনায়। আনকি খান ছাৰে ধেমালিতে ক’লে যে তেওঁৰ হাতত ইমান ৰাখী বান্ধি থোৱা হৈছে যে এতিয়া হাত তুলিবলৈ কাৰোবাৰ সহায় ল’ব লাগিব।
दुनियां में सबसे ज्यादा राखियां बंधवाने का रिकॉर्ड पक्का "खान सर" के नाम ही दर्ज होगा। pic.twitter.com/WjYU93cEY4
— Dr. Sheetal yadav (@Sheetal2242) August 9, 2025
সংবাদ মাধ্যমৰ সৈতে হোৱা বাৰ্তালাপত খান ছাৰে কয় যে ইমানবোৰ ৰাখী বান্ধি দিয়া হৈছে যে হাতৰ তেজৰ সঞ্চালন বিঘ্নিত হৈছে। খান ছাৰে কয় যে ৰাখী বন্ধন ভাৰতৰ গৌৰৱ। আমি সৌভাগ্যৱান যে আমি ইমানবোৰ ভগ্নীৰ মৰম পাইছো। তেওঁ কয় যে এই ছোৱালীবোৰে প্ৰতি বছৰে পূৰ্বৰ বছৰৰ অভিলেখ ভংগ কৰে। খান ছাৰে কয় যে আজি ভগ্নীহঁতৰ বাবে ১৫৬ বিধ ব্যঞ্জন পৰিবেশন কৰা হৈছে।
