মাৰ্টিয়ান মহানগৰ পুনর্নির্মাণত বিশ্বমানৰ স্থাপত্যবিদ নিয়োগ : ১০০ বছৰৰ ভিতৰত ৰঙা গ্ৰহত মহানগৰ স্থাপনৰ উচ্চাকাংক্ষী স্বপ্ন ইউএইৰ

অনলাইন বাৰ্তা : ২০১৭ চনত সংযুক্ত আৰৱ আমিৰশ্বাহিয়ে ঘোষণা কৰিছিল যে মঙল গ্ৰহত দেশখনে অহা ১০০ বছৰৰ ভিতৰত কলনি স্থাপন কৰিব আৰু তেলৰ চহকী গাল্ফ দেশখনে নিজৰ উচ্চাকাংক্ষী স্বপ্নটো বাস্তৱায়িত কৰিবৰ বাবে স্থাপত্যবিদ নিয়োগ কৰিছে ৷ ইউএইৰ ডুবাইৰ বাহিৰা মৰুভূমিত মাৰ্টিয়ান মহানগৰ পুনর্নির্মাণৰ বাবে কেতবোৰ বিশ্বমানৰ স্থাপত্যবিদ নিয়োগ কৰিছে ৷ ভৱিষ্যতে মঙল গ্ৰহত উপনিৱেশ স্থাপনত সহায় কৰিব পৰাকৈ এনে প্রযুক্তি বিকাশৰ বাবে ডুবাইৰ মহম্মদ বিন ৰছিদ স্পেচ চেণ্টাৰ (এমবিআৰএছচি) ক্ষেত্র হিচাপে মঙল গ্ৰহ বিজ্ঞান মহানগৰ তৈয়াৰ কৰা হৈছে ৷ ইয়াত ১,৭৬,০০০ বৰ্গ মিটাৰ সাঙোৰী লোৱাৰ বাবে নিৰ্দ্ধাৰণ কৰা হৈছিল আৰু প্ৰায় ১৩৫ মিলিয়ন ডলাৰ ব্যয় কৰা হৈছে ৷ ইউএই চৰকাৰে মঙল গ্ৰহত জীৱন যাপনৰ বাবে উপযুক্ত এখন মহানগৰৰ প্ৰোটোটাইপ ডিজাইন কৰিবৰ বাবে স্থাপত্যবিদ বাজাৰ্ক ইংগেলছ গ্ৰুপক নিয়োগ কৰিছিল আৰু তাৰ পাচত ডুবাইৰ প্ৰান্তত ব্যৱহাৰৰ বাবে নমুনাটো লৈছিল ৷ উল্লেখ্য যে মঙল গ্ৰহৰ বায়ুমণ্ডল পৃথিৱীৰ তুলনাত বহু পাতল আৰু ৰঙা গ্ৰহটোত বৈশ্বিক চৌম্বকীয় ক্ষেত্রও নাই ৷ মঙল আৰু পৃথিৱীৰ তাপমাত্রাৰ মাজত এটা উল্লেখযোগ্য পার্থক্য আৰু মার্টিয়ান মহানগৰৰ প্রোটোটাইপ ডিজাইনকাৰী স্থাপত্যবিদ এক-অফা ধৰণেৰে মডেলটো ডিজাইনৰ সময় এই সকলো বিষয় গুৰুত্ব দিয়া হ’ব ৷ বাজাৰ্ক ইংগেলছ গ্ৰুপৰ মতে মার্টিয়ান মহানগৰখনৰ চাপযুক্ত বায়োডোমবোৰলৈ গঠিত হ’ব আৰু প্ৰতিটো বায়োডোম স্বচ্ছ পলিথিন পাতল আবৰণ ব্যৱহাৰ কৰা হ’ব ৷ জানিব পৰা মতে প্ৰতিটো বায়োডোম ভূগর্ভস্থ বৰফত বিদ্যুৎ প্রয়োগ কৰি অক্সিজেনৰ দ্বাৰা পূর্ণ হ’ব৷ ৰঙা গ্ৰহটোত জনসংখ্যা বঢ়াৰ লগে লগে বায়োডোমবোৰ গাঁও গঠনত একত্ৰিত হ’ব আৰু এই গাঁওবোৰ শেষ পর্যন্ত ৰিং বা “টৰাছ” আকাৰত মহানগৰ গঠনৰ দিশত পৰিচালিত কৰিব ৷ মহানগৰত শক্তি আৰু তাপৰ বাবে সৌৰ শক্তি ব্যৱহাৰ কৰা হ’ব ৷ পাতল বায়ুমণ্ডল গম্বুজবোৰত তাৰ তাপমাত্রা ৰক্ষা কৰাত সহায় কৰিব ৷